Study with hatem

سيي اقرايها من عند مريم اي شارحتها وليكور الي مدارتهمش ديري كابتير للشيما وقولي للشات يشرحهملك

نعم يكفيك الوقت باذن الله عادي وخاصة انك افونسيتي شوي في اناطو ربي يفرج عليك ان شاء الله ويوفقك

ابداي روكوشي ليكور الي قريتهم باه تضمني فيهم باذن الله وكي تكملي روكوش احكمي ليكور الي مقريتهمش وابعثيهملdeepseek وقلو يدلك فيهم ملخصات وافهميهم بيا وشوفي كيسيام باه على الاقل تروحي مدية فكرة عليهم وان شاء الله تقدري تطلعيهم ربي يوفقكم ان شاء الله ❤✨

اهم حاجة لازم تنقص من التخمام في الفشل وابدا تقرا لانو هكا راح تفشل اكثر ومش راح تلقا منين تبدا سيي ابدا اقرا 6 ساعات في النهار مي اهم حاجة لازم تكون آجور هكا باه تاغونسي وركز على ليموديل الي معاملهم طالع باه تكلع المعدل ومتخافش فيها خير ان شاء الله باذن الله تطلع

https://t.me/studywithhatem/434?single هذو كيسيام تاع باتنة واذا بغيتو تتوسعو ابعثو لكور لجيميني وقلو يخدملك اسئلة على شكل كيسيام هايل يعطيك اسئلة بدرجة الصعوبة الي بغيتوها وتجاوبو فيه بعد كي شغل تخيرو برك ويشرحلك الصحيحة علاش صحيحة والغالطين علاش غالطين

انا نشوف بلي كان الوقت مبقاش بزاف فسيي انك تروكوشي ايمينو اذا مكش مروكشيتها افضل من انك تقراي جينيتيك وتنسايهم لزوج واذا كفاه الوقت هزي ليكور تاع جينيتيك وابعثيهم لديب سيك وقلو يخدملك ملخص مفصل وابعثيهم للشات يشرحهملك واذن الله فيها خير ربي يوفقك ان شاء الله

نظن انو يكفي من الاسئلة لليوم حاولت نجاوب عليكم كامل بعثت بزاف ميساجات اليوم 😂😂😂 الي طفاو الاشعارات راهم بزاف 😁 معليش نتمنى انو عجبتكم الفكرة وانكم تستفادو من الاسئلة تاع زملائكم ونتمنالكم التوفيق ان شاء الله ❤✨

الحمدلله هذا من فضل ربي نفرح كي نشوفكم فهمتو وجاتكم ساهلة ربي يوفقكم ❤✨

اهم نصيحة روكوشيو بزاف باه متنساوش وحلو ليكسيام وزيدو اسمعو ليفوكال الي بعثتهملكم راني حاكي فيهم بالتفصيل

الايمينو هي صعيبة شوي لانها فينا تفاصيل ياسر مش مش بذيك الصعوبة انا عام ليفات قريتها وفهمتها وعجبتني هي خاطر البروف الي منعرف كي داير خاصة كي متحضرولوش يمكر فيكم حنا العام ليفات كنا حالة خاصة ومصراتش من قبل لكن بما انو دارها معانا ممكن يعاودها معاكم لذلك كي تلحقو ليها اعرفو اسكو qcm ولا qcs قبل الوقت ويكفيوك هذو ثلاثة انك تعوضي وزيد مزال تيبي راه يعاونك

جينيتيك ديت 10 مقريتهاش لانو كانت اللخرة وانا كرهت صاي كنت مش متحمل نزيد نقرا حرف ايا قريت شويييية وحدي قيس منطلع برك والحمدلله

انا نعرف جماعة هكا ويكلعو نورمال هي راجعة لكل واحد وكفاه هي مسألة تنظيم وقت برك

علبالكم كاين بزاااااف ميساجات قالولي حابين نعرفوك شكون 😂😂😂 بالنسية للانستغرام علاش لا باذن الله نفتح صفحة ونديرلكم محتوى شباب يفيدكم

بالطبع كاين فروقات في ليسارفيس كاين اطباء لي يساعدوك ويشرحولك وكاين لي ميديهاش فيك مثلا انا في شيريجي مهزيتش بزاف مكانوش لاتيين بينا ثما مام المرضى مكانش بزاف انا كان انتارن ثما ربي يرزقو ان شاء الله ويوفقو وين يكون كان دايما يديني معاه نهدرو مع المرضى نقراو ليدوسي يشرحلي مي في بنومو سارفيس هايل هزيت منو صح المرضى ناس ملاح وليريزيدو يشرحولنا وليزانتارن كيف كيف الكبيبة لي حاكمتنا متهلية فينا كثر من ليزانتارن😂 تشرحلنا وتنعتلنا كلش فكل سارفين وكفاه حسب ليبارسونالي لي فيه

في كونكورات ليجينيراليست في السيفي يكون محطوط كورسيس هو الي يدخل مي تقييم يكون على عدة معايير ماشي غير المعدل

يكفيك انك تطلعي عادي مزال الحال انا كان عندي صاحبي طلع ديجيستيف وايرينار وجينيتيك ومدي تحت 13 وباقي كامل مطلعهمش مدي 7 و8 وطلع عامو عادي فمكان لاه الخوف التيبي راه يعاون وخليو ثقتكم بربي كبيرة

انا ني قلتلكم بلي هدفي انو نفيدكم ماشي دراهم برك واي واحد يسالني على المصادر منجبدش الدورة لاني منبغيش نحرج اي شخص بلاك مش حاب يسجل ولا حاب يقرا وحدو فلذلك نعطيه المصادر عادي جدا ربي يحفظك ان شتء الله ميساج تاعك جميل ومزال الحال باه تقراو ربي يوفثكم ان شاء الله ويسهللكم ونشوفكم مطلعين كامل

كيما قلت مزال الحال باه تحكمو انكم كفؤ لامتحان ريزيدانا ولا لا اخدمو على طريقة دراسة تاعكم ضرك باه مباعد متتعبوش ودروس السنة اولى وثانية يدخلو في ريزيدانا خاصة فيزيو في كوتي بيلوجيا بالنسبة للكورسيس وقت ياثر في حالة يكونو زوج نفس معدل فالي كيرسيس تاعو اكبر يكلاسي قبل

الحمدلله انها عجبتكم الفكرة لانو كاين ناس تحشم ومتحبش تسقسي لذلم هكا يكون ارتح ليها 😁

انا منقدرش نعطيك رأيي في حاجة انا درتها لكن وش نقدر نقلك انو كل درس شرحتو في الدورة شرحتو من قلبي وتعبت عليه وحاولت نقدم فيه واش عندي فانا نظن اني حاولت نبسطلكم ونوصل الفكرة قدر الامكان الي سجلو في الدورة يعطيونا رايهم هنا من فضلهم ☺️✨