Atlas Students

صباحكم جميل ✨️ #Cĥai_Maa

ماعندكش الزهر ❌ الجزائر vs الارجنتين ✅🗿

وأهم وأهم وأهم وأهم وأهم حاجة

النوم

الغلطة ذي اللي صح تعبك ترسلولك مع الريح اللي راجعتها، ولا فهمتها و، لا لخصتها، ولا كتبتها، ولا حتى حفظتها تروح في لحظة حتى لو تكون متعود ولا في ذي اللحظة تكون قادر وفاطن مخك راه تعبان وماهوش الجهد بيسترجع المعلومات ياربي يخليك واقف وحاكم الستيلو وتقرا الأسئلة وتتحسر

اخطييييييييكم من السهرة

#blue_berry

اي سؤال و لا استفسار كثر سقسوا عادي

الكوش الأولى:

هنا انا نجيب الكور نتاعنا و نحط معاه جينيني و كاش كتاب كنت اصلا مديسيديا نقرا بيه و سيرتو اناتومي لانني منبغيش نقرا بلا تصاور باينين و مسقمين. بعدما نضرب طلة الكور واش فيه و قادر نشوف فيديو عليه سيرتو فيزيو لانها بزاااااف مخلطة في الدوزيام نبدا نقرا و نفلي الكور صفحة بصفحة على آخره و نسقسي جيميني باه نقبض غاية و نخربش في الكور و نترجم و تصيبوني ملوناته مخربشة فيه بقلم رصاص... الوقت منقدرش نقوللكم على حساب الموديل و طول الكور كاين الي يدولي زوج سوايع و كاين ال يديلي نهار و في الغالب هاذي الطريقة تخدملي في ليموديل كيما اناتو ايسطو سيتو.... اما ليموديل نتاع الفهامة كيما فيزيو بيوشيمي بيوفيزيك فغالبا نقرا بالجزء نفهمه و غير بال Ai (تحيا جيميني btw) اعرفوا غير كيفاش تسقسوه، مهم بعدما نفهمه نكتبهم بشكل مخطط و لا كلمات مفتاحية مهم كيشغل نعاود نبسط الكور في وراقي هاذو مهمش ملخصات انما شرح للكور و هوما الي في الغالب نبارطاجيهم

الكوش الثانية:

هنا صايي نكون قريت الكور من قبل و فليته و خلاص يعني راه وقت الذاكرة هنا ترجع للبنادم واش من نوع ذاكرة عنده اذا صورية يرجع يقرا كوره و يركز على واش راه مخربش و واش راه ملون ممكن حتى يشوف في اليوتيوب. اذا كتابية كيفي انا يجيب و رقة بيضاء يقسمها بالعرض و يقرا الكور من جديد و اي معلومة و لا رسمة تساعده يعاود يكتبها و يرسمها نديروا vascularisation مثال تقدر ترسم الارتار كخيط فقط و تخرج les branches منه و تكتب قدامه كيسموه و واش يغذي و لا مثلا في الايسطو تكتب epth و تكتب نوعه و واش من خليه فيه و ترسمها باه تتفكر شكلها و تعرف نوع نواتها و لا واش تدير و تبقى هكذا تلقى روحك ملخص اما فيزيو و جماعته برسك نكون ملخصتهم من قبل فغالبا الكوش الزاوجة نشوف فيديوات و نعاود نقرا واش كتبت و نحل كوسيام باه نتفكر

الكوش الثالثة:

الي في غالب تكون في سيمانة الاكزامان و لا قبله بايام قلية نقرا الملخصات و نحفظ ب active recall و قليل وين نرجع للكور نحل كوسيام و الي جبتهم غالط نشوف علاه و كي نشك نبحث فيه و نخدم كوسيام نوت يعني اي كوسيام غريب تلقيت بيه و لا غلطت فيه نكتبه و هو الي نراجع بيه ليلة الاكزامان

ليلة الاكزامان:

صايي يكون عندي بقاج هنا غير نعاود نقرا ملخصاتي و نعاود نشوف كوسيام نوت و نرقد مليح برسك قريت قبل و عاودت و ميكونش بين وقت الامتحان و الكوسيام الي حليتهم وقت طويل سو مش راح ننساهم في الغالب حتى الكوش الثالثة و يكون عليه يومين و لا ثلاثة يعني مش راح نكون مخلطة و لا ناسية بزاف مهم ارقدوا مليح و كولوا اكل صحي ينفعكم و يغذيكم و متبقاوش غير تشكوا راه البروف يطول علينا رانا نقراو بزاف راهم يدولنا الوقت نظموا رواحكم برواحكم و اسعاود رانا كبار و منا تبدأ المسؤولية الحياة مهيش وردية و يديرولكم خاتم قد صبعك كيما الجامعة كيما الحياة العملية و غادي تتلقاو بصعوبات بزاف متسكتوش على حقكم كيما متبالغوش في طلباتكم مكاش الي راح يمظلكم قاع واش راكم باغيين و ربي يوفقكم و يسهللكم اموركم و يبارك لكم في وقتكم و مساعيكم و تبوأتم من الجنان مقاعد 🩵 #che_rry

اول نقطة: هي التوكل على الله 💚

كي نقوللكم التوكل متقولوليش رانا متوكلين و خلاص خصكم صح صح تستشعروا هذاك التوكل و بلي سعيكم مرهون بتوفيق الله سبحانه و تعالى و تكون قرايتكم و علمكم هذا بنية العبادة استشعروا الامر في صلاتكم و في دعائكم. و استغلوا مواطن الدعاء خاصة في الساعة الاخيرة من الجمعة و بعد الفجر و عند هطول الغيث و ادعوا بالبركة في الوقت و الجهد و السعي و اسألوا الله الصواب في الجواب و السهولة في الفهم و الحفظ . و اقراو القرآن خلال الدراسة لان فيه بركة عظيمة و الله تحسوا ربي زادلكم في وقتكم بزااااف

النقطة الثانية: الوقت المناسب للدراسة⌚

هنا لازم تتعلموا ان التسويف و التأخير مراح يوصلكم لحتى نقطة و ماشي غير في القراية انما في حياتكم اليومية كي تعرفوا حاجة تشدكم عن السعي في الارض و تضيعلكم الوقت بعدوا عليها بما فيها التلفون. و لازم تعرفوا وينهم الاوقات الي صح صح تقرا فيهم مليح ماشي برسك الناس تسهر انت ثاني تسهر و لا الناس تبكر انت ثاني تبكر خير وقت دماغك انت يساعده مثلا انا نركز مع الصباح و بعد العصر منيش مجبرة نبات نايضة و ماشي مجبرة نبكر على 3 و 4 غير بعد الفجر كافيتني وافيتني و نرقد مليح و جامي نقصت سوايع رقادي لان اذا نعست ماعندها حتى معنى راك تقرا في جملة و دماغك مهوش يستقبل فيها.

النقطة الثالثة: اسك نأسيستي و لا لا

انا شخصيا منبغيش نقبض بلاصة لوقت طويل الله غالب منطيقش نأسيستي كل يوم صباح و عشية سو نخير برك ليبروف الي يساعدوني نحضر عندهم و في الغالب نعتابر حضوري هذا كافتتاحية للكور بعدها نقدر نزدم عليهم ديراكت و اذا مأسيستيتش جامي نبدا الكور نيشان حتى نطل عليه و نعرف واش فيه و نتهئ نفسيا

النقطة الرابعة: التخطيط📃

اذا مكنتش شخص مخطط او تعتمد على المخططات غادي تيه بسيف عليك اذا ماشي دوكا مبعد، تعلموا قبل ما تبداو تعرفوا ليكور الي عندكم و وينتا تقراوهم و بواش تبداو و المصادر قاع تستفوهم و تخدموا جدول تعلقوه قدامكم تشوفوه كل يوم باه تعرفوا وين وصلتوا و واش مزاللكم حتى اذا متعرفوش جيبوهم واجدين مهم المسار يكون واضح قدامكم

النقطة الخامسة: افضل طرق الدراسة

بالنسبة لي كاين بزاف طرق تقدروا تسقسوا Ai و لا من اليوتيوب و تدوا واش يساعكم بصح انا نبغي البومودورو لانها تعاوني نعرف شحال قريت وقت و تربطني في بلاصتي حتى يكمل وقتي و كي نراجع نبغي نحفظ ب active recall بحيث نقرا الكور و نحطه بجيه و نعاود نستحضر و نشرحه لروحي في ورقة و لا طابلوا و ممكن حتى في فوكال و تقدر تعاود تسمعه وقت ما كنت مهوش طالعلك تقرا ودوك نحطلكم كيفاه تروكوشوا في المنشور الي بعده ✨ #che_rry

السلام عليكم 🍃 بما اني الحمد لله بلعت بروميار بمعدل يتعبر مليح مع ان الوقت كان قليل و مع لاغراف و الحمد لله نفس الشئ في الدوزيام في كل من الكارديو و الديجاستيف فقرت اني نعاونكم بالطرق الي نقرا بيه و كيفاش تستغلوا وقتكم احسن استغلال في السومان بلوكي 🍁 للتنويه برك انا منيش انسانة قراية بزاف و منظمنش طرق قرايتي انهم ينفعوا الجميع بصح نفضل اني نعاون اكبر عدد ممكن، مهم وفقكم الله وسدد خطاكم و جعلكم من الناجحين في الدارين 🩵

⛔️ salut les collègues Donc Cet homme 31* a été blessé dans un accident de voiture Le tuyay métallique lui a transpercé la poitrine,heureusement il n'a pas touché son cœur. Mais il a perdu Un de ses poumons حادت كان خطير لدرجة اطباء نجمو يشوفو داخل داك تويو #Cĥai_Maa

هدا لي قتلكم خدمو بيه لي كوسيام لبارح #Cĥai_Maa

صباح الخير اسعد الله صباحكم و سدد خطاكم و جعل الجنة مثوانا و مثواكم يارب العالمين 🍁💚 مهم باذن الله و توفيقه بلعت الديجاستيف و وقتي للاونيتي الجاية اطول شويا سو راح مبعد ان شاء الله للدوزيام نحطلكم المصادر الي راح تقراو بيهم و البروميار راح ان شاء الله نبدا معاكم بيوشيمي و التيديات شيمي مي وينتا و كيفاه مبعد نقوللكم (نحوس نرقد ذو يومين مليح 😂) دمتم في رعياة الله و حفظه 🤲🏻 #che_rry

مهم تصبحو بخير ولي باغي يزيد يرسل كش حاجة يرسل نتلاقو غدو ة ان شاءالله ونتفاهمو🤝🏻 #Cĥai_Maa

لي قاتلي chimie les liaisons ملقاتش des exercices شيمي عندك تفهمي كور تعك مليح مليح وتبازي كتر على فيش تيدي تعكم خاطر لي كوسيام غادي يكونو كيفاها ومبعد تحلي les emds توع لعوام لي فاتو تبغي تصنعي les qcm توعك كاين gizmo و كاين notebooklm مي اكتر شي لازم تحلي خاطر تطبيق #Cĥai_Maa

راني نقر فقع لي ميساج توعكم ومقترحاتكم وغادي نبدو نحطوللكم باذن الله #Cĥai_Maa

https://ngl.link/chai.maa صحا دروك قولولي شاكم باغين نوفرولكم فلاشان هاد فترة بروميار ولادوزيام علابالي جبدنا عليكم دلبريود بسبة القراية الله غالب اي حاجة مستحقينها بش نعرفو شانحطولكم #Cĥai_Maa

#افيشولنا_خلونا_نتعشو

صي مغديش تحكولي ليوم كملو قصص 😔🦦 #Cĥai_Maa