𝑺𝒊𝒍𝒆𝒏𝒕 𝑷𝒂𝒊𝒏.

محتاج حياتك نفسها تنتهي.

كل اللي عارفه إنك تعبت ومحتاج كل حاجة تنتهي.

مش عارف إيه اللي محتاجه بالضبط، ولا إيه اللي ممكن يخفف كل ده.

تحس إنك شايل حمل كبير، بس محدش شايفه.

تعبان من التفكير اللي مابيخلصش، ومن الكلام اللي بيتخزن جواه ومابيطلعش، ومن الأسئلة اللي كل يوم بتزيد من غير ما تلاقي إجابة.

فيه لحظة بيوصلها الإنسان، يبقى فيها تعبان من كل حاجة.

كل حاجة جوايا مكتومة، لا أنا قادر أقولها، ولا قادر أتخلّص منها.

تغمّض عينك وتحاول تنام يمكن النوم يسكّت الزعل دا، يمكن ياخد الأفكار معاه ولو لـسعات قليله. لكن لا النوم بيجي، ولا الزعل بيخف.

وكل يوم يعدّي تحس إنك أبعد عن نفسك القديمة، وأقرب لنسخة ساكتة زيادة عن اللزوم.

فتفضل واقف في نص كل حاجة، لا الحياة خدتك معاها، ولا أنت عرفت تخرج منها شوية وتستريح.

حتى الكلام يبقى ناقص، لا قادر تشرح اللي جواك، ولا قادر تسكته.

تحاول تاخد خطوة، ترجع تفكر، وترجع مكانك تاني كأنك مربوط بحاجة مش باينة.

الكل فاكر إنك بس هادي شوية، أو محتاج وقت، لكن محدش شايف قد إيه أنت تايه جوا نفس اللحظة.

إحساس غريب إنك تبقى موجود في وسط كل حاجه بس مش حاسس إنك فعلًا جزء من أي حاجة.

واقف في نص كل حاجة، لا أنا قادر أكمل ولا عارف أرجع.

ازاي وصلت لـكده؟

كأن في صوت جوايا رافض يسكت، رافض يسيبني أعيش.

دماغي شغّالة طول الوقت، حتى في الحاجات البسيطة، حتى في لحظات المفروض أهدى فيها.

تحاول تهرب من الإحساس وكالعاده بتفشل. فترجع لنفسك وانت مخنوق، مش لاقي مخرج.

الكلام يقف، والتفكير يزيد، وكل حاجة جواك تضغطك في نفس اللحظة.