Refaatix Academy

هنزلكم كل يوم باقي السلسله اللي كلفتني 30 بحث في نهايه السلسله هبعتلكم QR code تعملوا ليه scan علشان تادوا كل الأبحاث اللي استعنت بيها

احيانا بننسي المشكله والموقف اللي مش كويس اللي حصل معانا لكن الأثر اللي بيتركه فينا عمره ما بيتنسي، بس ده مش بس للآدميين دا حتي الـ microorganisms بتتبع نفس القاعدة.. 🦠🚫 ​هو ده بقي موضوع بوست النهارده.. كورونا اللي كانت من حوالي تلات اربع سنين وانقلبت الي جائحة عالمية أودت انو اغلب الناس علي مستوي العالم يقعدوا في منازلهم والشغل أتوقف والمصالح اتضربت يعني تقريبا العالم في الوقت ده أتوقف. 🛑🌍 ​طيب ايه هو بقي فيروس كورونا وطالما الجائحة انتهت وده طبقا لما أصدرته WHO في 2023 ومافيش عدد تسجيل حالات بيه اومال فين المشكله؟ 🧐⁉️ ​المشكله بقي انو اه الاصابه انتهت ولكن ما خلفته وراءها تسبب في Complications كبيره لمن حالفهم الحظ ونجو منه. يعني المرضي اللي اتصابوا بكورونا بعد شفاءهم بقوا بيعانوا من مضاعفات أثرت علي ADL بتاعتهم (أنشطة حياتهم اليومية). يعني لا قادر يروح شغله، ولو طالب مش عارف يذاكر، ولو ربة منزل مش قادرة تعمل شغل بيتها ذي الأول! 🏚️📉 ​طيب طالما الموضوع كبير كدا ايه بقي الـ complications دي؟ خلينا ناخدهم واحد واحد.. 👇

🏃‍♂️

اهم حاجه احفظ الشيت صم زي اسمك وهتلقي الموضوع سهل يعني كانوا شباب السكشن يختاروني اخد الشيت ونخلص بدري بدري ونروح نفطر بعدها😁

‏أكثر جملة مضللة هي جملة تخرج د. مجدي يعقوب بمقبول. أحد الأشخاص قال جملة في غاية الجمال هي إن صعوبة الطب تكمن في قرار بتأخده في الامتياز أو حتى بعده وهو هل أنت مستعد ترجع تذاكر تاني وتدور وتشوف وتعرف وتسهر وتروح وتيجي كل يوم ولا أنت عاوز تروح تمضي وتروح تنام وزي ما تيجي تيجي ورأيي الشخصي إن دي النقطة الفاصلة في المجال كله، القرار اللي هيأخده كل واحد مننا في الفترة دي. د. مجدي عنده 90 سنة فلو قلنا تخرج عند 24 فهو قضى 66 سنة من حياته بيحفر في الصخر وبيروح ويجي ويفكر ويسهر ويجرب ويسأل ويذاكر ويجيب كل حاجة من البداية ويطور لدرجة إنه في فترات ‏كبيرة من حياته بعيد كل البعد عن أسرته وبعيد عن الناس وأراء الناس وحكاوي الناس ومنفصل عن الدنيا والحياة وكل همه وتركيز تحقيق أهدافه بكل الطرق الممكنة كأنه سعي مطلق ومتبني نفسه في مجاله. ف الخلاصة أن أي حد مش محتاج جملة متخرج بمقبول لأن حتى ودكتور مجدي متخرج بمقبول كأن بذل مجهود يعني نقدر نقول أن أعظم العظماء في المجال مكنوش بيبذلوه بس هو بيفكر بعقلية مختلفة مجهوده في مجاله مش متوزع في كل حتة في حياته. ف السعي بغض النظر عن النتيجة عن الآراء عن متطلبات الحياة هو المطلوب وهو اللي بروف مجدي كان شغال عليه. كل واحد يتخيل 66 سنة من المعاناة والإرهاق لأجل أهدافه الخاصة اللي هي بالمناسبة مش لنفسه هي للمجتمع أو للبشر وبصورة أخص الأطفال، كام واحد مستعد يأخد القرار دا اللي هو الاستمرارية في نفس الدوامة في نفس العجلة. الفكرة عمرها ما كانت الإنسان متخرج بإيه بل هو عاوز أيه، وبالتوفيق.

ضحكنا وهزرنا وتفاؤل وبتاع يلا خد شويه حزن واكتئاب 🙂🙂🙆‍♂️

واهم حاجه من وجهه نظري انك لازم تراعي ربنا وتتقي الله ف شغلك ومع الحالة وبرضو بلاش موضوع الاختلاط والتجمات بين الولاد والبنات علشان الاختلاط حرام وباب من ابواب الشيطان وعدم التوفيق ونهايته مش كويسه انت ف فترة عايز كل تركيزك فيها ف متخليش حد يضحك عليك وياخد من وقتك وبذات لو بتضيع ف حاجه مش كويسة ✅️ف خلي بالك☝️

⚠️ في الامتياز هتقابل 3 أنواع: 1️⃣ عمال 2️⃣ تمريض 3️⃣ دكاترة 🔥 نصيحة ذهب: لو مش فاهم شغل اللي حواليك 👇 👉 هتتسوح 💡 مثال: لو مش فاهم التمريض بيعمل إيه ولا النظام ماشي إزاي 👉 محدش هيحترمك 🧠 ازاي تتعامل صح؟ ✔️ احترم الكل ✔️ خليك Professional ✔️ حط حدود ❌ متعملش كده: هزار زيادة صحوبية زيادة “هات سيجارة يا معلم” 👉 ده مش تواضع… ده بيضيع هيبتك ✔️ الصح: تعامل كويس بس في حدود خليك واضح وهادي 💪 أهم حاجة بقى كـ PT: 🔥 اشتغل على إيدك اسأل نفسك: بعرف أعمل Assessment صح؟ بعرف أحدد المشكلة ولا بعالج الألم بس؟ فاهم الفرق بين pain و dysfunction؟ بعرف أعمل exercise plan؟ لو الإجابة ❌ 👉 يبقى لسه قدامك شغل كتير 🧠 أهم مهارة: 👉 Clinical Reasoning مش تحفظ تمارين وخلاص ✔️ تفهم: الحالة دي ليه حصلت؟ إيه السبب الحقيقي؟ أعالج إزاي؟ 🔥 أهم نصيحة: محدش هيعلمك ✔️ اسأل ✔️ غلس ✔️ اشتغل بإيدك 👉 لو مستني حد يقولك “تعالى أعلّمك” يبقى هتفضل واقف مكانك 🧠 الزتونة بقى: لو تعبت دلوقتي 👇 👉 هترتاح طول عمرك لو كسلت 👇 👉 هتفضل طول عمرك تايه ❤️ في الآخر: خليك: ✔️ شاطر ✔️ فاهم ✔️ محترم مش مجرد واحد بيعمل Sessions وخلاص ✅️انتظروا البوست التاني واهم المصادر للمذاكرة♥️☝️

اول بوست من كلام اخواتنا الاكبر والخريجين احتفظ بالبوست ده واقراه على مهلك… ده مش كلام نظري… ده من أرض الواقع 👇 ولو عايز تبقى Physiotherapist شاطر بجد… ركز معايا 🔥 🔴 أول مبدأ لازم تعيش بيه: “كلية العلاج الطبيعي مجرد شهادة… بتأهلك تتعلم علاج طبيعي” يعني إيه؟ 👉 متتغرش بتقديرك 👉 ومتزعلش لو تقديرك مش أعلى حاجة 💡 لأن: الكلية حاجة والـ clinical حاجة تانية خالص 🧠 الحقيقة اللي محدش بيقولها: فيه ناس كانت: ❌ ضعيفة في الكلية لكن دلوقتي: ✔️ شغلهم تقيل جدًا ✔️ Hand skills عالية ✔️ فاهمين cases بجد وفيه ناس: ✔️ امتياز لكن: ❌ صفر في العملي 🔥 الخلاصة: 👉 تقديرك ≠ مستقبلك 👉 اللي هتعمله في الامتياز هو اللي يحددك 💣 أهم قرار في حياتك: ❌ انسى الفلوس دلوقتي لو داخل الامتياز تقول: “هشتغل برايفت وأكسب” 👉 يبقى بتضيع نفسك 💡 لأن: العلاج الطبيعي = Skill + Experience مش حفظ… مش كلام… 👉 “إيدك هي اللي بتتكلم” 🧠 أهم نقطة في الامتياز: 👉 افهم الجسم كوحدة واحدة مش: ركبة لوحدها ضهر لوحده كتف لوحده ❌ ده تفكير غلط ✔️ لازم تفهم: movement chain biomechanics cause مش symptom

خلص قنا ورجع كامبريدج تاني واستقر هناك وانت شغال تاكل ف نفسك وتفكيرك وتفكر ف ده و دي والولا كذا والبنت كذا ومستقبلك بيضيع قدام عينك ومش متحرك ف اهدي ع نفسك كده وظبط علاقتك مع ربنا وافتح صفحه جديده مع نفسك وحالك ومذاكرتك ودنيتك لسه بنبدا لسه الطريق طويل لسه صغيرين لسه بنتعلم لسه بنغلط لسه بدري بس المهم ابداااااااااااااااااا🏃‍♂️

يقول النبي ﷺ من لا يشكر الناس لا يشكر الله ده مسج من حد غالي عليا وبعتبره اخويا الكبير بالرغم مفيش اي صلة قرابة مابينا بس اتعرفت عليه وانا ف سنة اولي كنت لما بطلب منه حاجة عمره ما يتاخر ودايما بينصحني وفهمني حجات كتير وسهل عليا حجات كتير دايما كل فترة بدخل اشكره ع اللي عمله معايا وكده ف بقوله ان انا بقيت اساعد وسهل ع الناس زي ما كنت بتعمل معايا ومازلت يعني وبشكره وبدعيله من كل قلبي يعني ف رد عليا بالشكل كده ف كنت عايز اعرفك يعني ان اي حد بيساعد غيره وبيسهل عليه ربنا دايما بيكرمه وبيوقفله ولاد الحلال دايما وبيسترها معاه دايما ويعلم ربنا فعلا مواقف كتير الحمد لله ربنا يسترها ع الواحد ف ساعد غيرك وخلي كلامك حلو ونضيف بلاش تعقيد ع غيرك واوعي تيجي ع حد الدنيا مش مستاهله انك تخبي معلومة عن غيرك علشان نشره لوحده صدقة ل اللي عندك واللي عندنا ولاةشئ اصلا احنا لسه بنقول ي مسهل اه نسيت الشخص ده تقديره جيد مرتفع ومعيد نيورو ف جامعة كامبريدج ب بريطانيا ونازل قريب قنا علشان الامتياز بتاعه وهقابله وناخدوا منه كمية معلومات حلوة وانزلها ليكم🥰❤️❤️

حضرتك تطلب حاجه تاني مع الاوردر😂😂😂

✅️انا معرفش مين الشيخ حسين ده بس اشطا يعني شغال واتمني اكون شيخ والله ✅️بص ذاكر ف الاجازة من تكستات والدراسه من منهجك عادي بغرض تاخد درجه وكده

الطَّبيب إذا كان عارفًا بأمراض القلب والرُّوح وعلاجها كان هو الطَّبيب الكامل. والَّذي لا خبرة له بذلك، وإن كان حاذقًا في علاج الطَّبيعة وأحوال البدن، نصفُ طبيبٍ. وكلُّ طبيب لا يداوي العليل بتفقُّد قلبه وصلاحه وتقوية أرواحه وقواه بالصَّدقة وفعل الخير والإحسان والإقبال على الله والدَّار الآخرة، فليس بطبيبٍ، بل متطبِّبٌ قاصرٌ. ومن أعظم علاجات المرض : فعلُ الخير والإحسان والذِّكر والدُّعاء والتَّضرُّع والابتهال إلى اللَّه والتَّوبة. ولهذه الأمور تأثيرٌ في دفع العلل وحصول الشِّفاء أعظَمُ من الأدوية الطَّبيعيَّة، ولكن بحسب استعداد النَّفس وقبولها وعقيدتها في ذلك ونفعه. ابن القيم | زاد المعاد

✅️ممكن علشان انت باصص ع دراستك ك درجه وترتيب وخلاص مش ك علم ومعلومات اجمعها وارتبها وافهمها تفيديني فيما بعد ✅️بس اللي اقدر اقولهولك عن تجربه افهم محتواك مش تحفظه وبس وهتلقي نفسك جايب مجموع برضو ومحافظ ع ترتيبك عادي علشان الفهم يسهل عليك التذكر بعدين ف الاورثو مثلا ✅️والله اعلم برضو ولو حد عنده راي تاني يقول

هي العمرة قصرت ف حاجه 😂♥️

إيه فايدة إنك كطالب أو خريج تعمل “Personal Branding / دعاية لنفسك”؟ عن تجربة شخصية مني و ده مش غرور… ومش شو ده حرفيًا أداة شغل☝️ 💥 1️⃣ الناس مش بتشوفك… غير لما تظهر في سوق مليان دكاترة: ✔️ شاطرين ✔️ فاهمين ✔️ إيدهم حلوة بس محدش يعرفهم… اللي بيظهر = هو اللي بيتشاف = هو اللي بيجيله شغل 💰 2️⃣ بتزود فرص الشغل بشكل مباشر لما تعمل محتوى أو تبين شغلك: ✔️ مراكز تشوفك ✔️ دكاترة ترشحك ✔️ ناس تثق فيك يعني بدل ما تدور على شغل… الشغل هو اللي يدور عليك 🧠 3️⃣ بتثبت المعلومة عندك أنت لما: ✔️ تشرح ✔️ تنزل case ✔️ تعمل بوست دماغك بيشتغل بطريقة أعمق = بتفهم مش بس تحفظ 🤝 4️⃣ بتبني علاقات (Networking) من بوست واحد ممكن: ✔️ حد يكلمك ✔️ حد يساعدك ✔️ فرصة سفر تيجي لك العلاقات دي = كنز 📈 5️⃣ بتختصر سنين من التعب في ناس: ❌ تشتغل سنين ومحدش يعرفها وفي ناس: ✔️ بعد سنة واحدة بس من الظهور بقت معروفة ومطلوبة 🔥 6️⃣ بتخلي الناس تثق فيك قبل ما تجربك المريض لما يشوف: ✔️ كلامك ✔️ شرحك ✔️ طريقة تفكيرك بيجي لك وهو مقتنع بيك أصلاً 💡 بس خد بالك: الدعاية الصح = ✔️ علم حقيقي ✔️ احترام ✔️ value مش: ❌ استعراض ❌ هري ❌ معلومات غلط ✨ الخلاصة: لو أنت شاطر ومش ظاهر… أنت بتظلم نفسك ولو أنت متوسط وبتظهر صح… هتعدي ناس أشطر منك 💬 نصيحتي ليك: ابدأ بسيط: بوست في الأسبوع معلومة مفيدة Case صغيرة وهتتفاجئ بالفرق بعد فترة

✅️تشانل فيها كونتنت ل د.محمد سرحان اهي https://t.me/thera_Sarhan والمحتوي نازل بأذنه ومعرفته ل اللي يشك فينا😂😂♥️