NOM

နီပေါမှာ ဝန်ကြီးချုပ်သစ် တာဝန်ယူပြီး ၂၄ နာရီအတွင်းမှာပဲ ယခင်ဝန်ကြီးချုပ်ဟောင်းနဲ့ အဆင့်မြင့်အရာရှိတွေကို ဖမ်းဆီးမှုတွေ လုပ်ဆောင်ခဲ့ပါတယ်။ ဆန္ဒပြမှုအတွင်း လူသေဆုံးခဲ့မှုအတွက် အဓိကတာဝန်ရှိသူတွေလို့ သတ်မှတ်ထားသူတွေကို ဆက်တိုက်ဖမ်းဆီးနေတာလည်း ဖြစ်ပါတယ်။ ဝန်ကြီးချုပ်ဟောင်း Khadga Prasad Oli ကို ဒီနေ့အစောပိုင်းက သူ့နေအိမ်မှာ ဖမ်းဆီးခဲ့တာဖြစ်ပြီး ဆန္ဒပြသူတွေကို ပစ်ခတ်ဖို့ အာဏာပိုင်တွေကို အမိန့်ပေးခဲ့တယ်လို့ စွပ်စွဲခံထားရတဲ့ ပြည်ထဲရေးဝန်ကြီးဟောင်း Ramesh Lekhak လည်း ဖမ်းဆီးခံခဲ့ရတယ်လို့ သိရပါတယ်။ News Of Myanmar NOM

အမေရိကန်စတော့၂ ထရီလီယံဆုံးရှုံး အီရန်ကိုတိုက်ခိုက်နေသော စစ်ပွဲကြောင့် ယခုအပတ်အတွင်း အမေရိကန်စတော့ရှယ်ယာ ၂ ထရီလီယံဆုံးရှုံးသွားပြန်သည်။ NOM

အီရန်နှင့် ထိုင်း သဘောတူညီမှုရ ထိုင်းဝန်ကြီးချုပ် ချာန်ဝီရာကူးလ် က ထိုင်းရေနံတင်သင်္ဘောများ ဟော်မုဇ်ရေလက်ကြားကို ဘေးကင်းလုံခြုံစွာ ဖြတ်သန်းသွားလာနိုင်မည့် သဘောတူညီချက်တစ်ခုကို အီရန်နိုင်ငံနှင့်ရရှိခဲ့ပြီဖြစ်ကြောင်းပြောကြားခဲ့သည်။ NOM

မြောက်ကိုရီးယားအလည်အပတ် ခရီးစဉ်အတွင်း ဘယ်လာရုစ်သမ္မတ လူကာရှန်ကိုဟာ ကင်ဂျုံအန်အတွက် ရိုင်ဖက်တလက် လက်ဆောင်ပေးခဲ့ပါတယ်။ တိုက်ခိုက်ရေး ရိုင်ဖယ်တလက်ဖြစ်ပြီး သူတို့နှစ်ဦးဟာ သံတမန်ရေး၊ စိုက်ပျိုးရေး၊ ပညာရေးနဲ့ ပြည်သူ့ကျန်းမာရေးကိစ္စရပ်တွေအတွက် ပူးပေါင်းဆောင်ရွက်ရေး သဘောတူညီချက်တွေကို လက်မှတ်ရေးထိုးခဲ့တယ်လို့လည်း ဆိုပါတယ်။ ကင်ဂျုံအန်ကလည်း လူကာရှန်ကိုအတွက် လူကာရှန်ကိုရုပ်ပုံပါ ဓါးတချောင်းနဲ့ပန်းအိုးတလုံးကိုလက်ဆောင်ပေးခဲ့တယ်လို့ သိရပါတယ်။ News Of Myanmar NOM

အန်ဆာရူလာ (ANSARULLAH) (ဝါ) ဟူသီ လက်နက်ကိုင်အဖွဲ့ စစ်ပွဲအတွင်းဝင်ရောက်လာ အန်ဆာရူလာ (ANSARULLAH) အဖွဲ့ စစ်ပွဲအတွင်း ပါဝင်လာပြီဖြစ်ကာ ယီမင်နိုင်ငံမှ ပစ်လွှတ်လိုက်သော ဒုံးကျည်တစ်စင်းသည် အစ္စရေးတောင်ပိုင်းရှိ နီဂေ့ဗ် (NEGEV) ဒေသကို ပစ်မှတ်ထား တိုက်ခိုက်ခဲ့သည်။ ထာဝရတည်တံ့ခိုင်မြဲသော ယီမင်ပြည်သူများ အောင်မြင်ပါစေ!!! အန်ဆာရူလာ (Ansarullah) ဆိုတာ ဘာအဖွဲ့လဲ? Ansarullah (အန်ဆာရူလာ) ဆိုသည်မှာ ယီမင်နိုင်ငံ မြောက်ပိုင်းတွင် အခြေစိုက်သည့် ရှီယိုက် (Shia) အစ္စလာမ်ဘာသာဝင် စစ်ရေးနှင့် နိုင်ငံရေးအဖွဲ့အစည်းတစ်ခုဖြစ်ပြီး ကမ္ဘာက ၎င်းတို့ကို "ဟူသီ" (Houthi) အဖွဲ့အမည်ဖြင့် ပိုမိုသိရှိကြပါတယ်။ "Ansar Allah" ဆိုသည်မှာ အာရဗီဘာသာဖြင့် "ဘုရားသခင်၏ နောက်လိုက်များ" သို့မဟုတ် "ဘုရားသခင်၏ အကူအညီပေးသူများ" ဟု အဓိပ္ပာယ်ရပါသည်။ ၁၉၉၀ ပြည့်နှစ်များတွင် ယီမင်နိုင်ငံ မြောက်ပိုင်း၌ ဘာသာရေးနှင့် ယဉ်ကျေးမှုဆိုင်ရာ လှုပ်ရှားမှုတစ်ခုအဖြစ် စတင်ခဲ့ပြီး နောက်ပိုင်းတွင် လက်နက်ကိုင်တော်လှန်ရေးအဖွဲ့အဖြစ် ပြောင်းလဲလာခဲ့သည်။ လက်ရှိတွင် ယီမင်နိုင်ငံ၏ မြို့တော် စာနာ (Sanaa) အပါအဝင် နိုင်ငံ၏ အစိတ်အပိုင်း အတော်များများကို ထိန်းချုပ်ထားသည်။ ၎င်းတို့သည် အီရန်နိုင်ငံ၏ ကျောထောက်နောက်ခံပြုမှုကို ရရှိထားပြီး လက်ဘနွန်ရှိ ဟစ်ဇ်ဘိုလာ (Hezbollah) အဖွဲ့နှင့်လည်း နီးကပ်သော ဆက်ဆံရေးရှိသည်။ ၎င်းတို့သည် အစ္စရေးနှင့် အမေရိကန်တို့၏ ဒေသတွင်း သြဇာလွှမ်းမိုးမှုကို ဆန့်ကျင်သည့် "Resistance Axis" (ခုခံမှုဝင်ရိုးစွန်း) ၏ အစိတ်အပိုင်းတစ်ခု ဖြစ်သည်။ ဂါဇာစစ်ပွဲ စတင်ပြီးနောက်ပိုင်း အန်ဆာရူလာ (ဟူသီ) အဖွဲ့သည် ပါလက်စတိုင်းသားများကို ထောက်ခံသည့်အနေဖြင့် ပင်လယ်နီ (Red Sea) အတွင်းရှိ သင်္ဘောများကို တိုက်ခိုက်ခြင်းနှင့် အစ္စရေးနိုင်ငံအတွင်းသို့ ဒုံးကျည်များ၊ ဒရုန်းများဖြင့် ပစ်ခတ်တိုက်ခိုက်ခြင်းများကို လုပ်ဆောင်လာခဲ့ခြင်း ဖြစ်သည်။ NOM

ဇီယွန်ဝါဒီ (အစ္စရေး) ပါမောက္ခတစ်ဦးက အီရန်ကလေးငယ်များကို သတ်ဖြတ်ရန် တိုက်တွန်းနှိုးဆော် တက္ကသိုလ်ပါမောက္ခတစ်ဦးဖြစ်သူ ဇီယွန်ဝါဒီ (အစ္စရေး) အကဲဖြတ်ပညာရှင်တစ်ဦးသည် ၎င်း၏ X (ယခင် Twitter) အကောင့်တွင် အီရန်နိုင်ငံရှိ ကလေးငယ်များကို ပစ်မှတ်ထားကာ ပြင်းထန်သော နည်းလမ်းများသုံးစွဲရန် တိုက်တွန်းသည့် ပို့စ်တစ်ခုကို ရေးသားခဲ့ပြီးနောက် ပြန်ဖျက်သွားခဲ့သည်။ သတင်းရင်းမြစ်များ၏ အဆိုအရ အစ္စရေးသုတေသနပညာရှင် အိုရစ် ပါးလော့ဗ် Orit Perlov သည် အဆိုပါပို့စ်တွင် ဟီဘရူးဘာသာရေးကျမ်းစာများကို ကိုးကား၍ "နို့စို့ကလေးငယ်များကို သတ်ဖြတ်ခြင်း" အကြောင်းကို ရည်ညွှန်းပြောဆိုခဲ့ပြီး ထိုကဲ့သို့သော နည်းဗျူဟာများကို ဂါဇာကမ်းမြောင်ဒေသတွင်လည်း ယခင်က အသုံးပြုခဲ့ဖူးကြောင်း အခိုင်အမာ ပြောဆိုခဲ့သည်။ ဂါဇာတွင် ပြုလုပ်ခဲ့သော တိုက်ခိုက်မှုများအတွင်း ကလေးငယ် ၁၄,၀၀၀ ကျော် အသက်ဆုံးရှုံးခဲ့ရသည်ဟူသော ကုလသမဂ္ဂ၏ ကိန်းဂဏန်းအချက်အလက်များကိုလည်း ၎င်းက ထည့်သွင်းပြောကြားခဲ့သည်။ ထို့အပြင် ပါးလော့ဗ် Perlov က အဆိုပါပုံစံမျိုးကို အီရန်နှင့် လက်ဘနွန်တို့တွင်လည်း ထပ်မံလုပ်ဆောင်သင့်ကြောင်း ပြောဆိုခဲ့သည်။ လျှပ်စစ်ဓာတ်အားပေးစက်ရုံများကဲ့သို့သော အခြေခံအဆောက်အအုံများကို ပစ်မှတ်ထားမည့်အစား အီရန်အဆင့်မြင့်အရာရှိများကို ဖမ်းဆီး၍မရပါက ၎င်းတို့၏ ကလေးငယ်များကို သတ်ဖြတ်သင့်သည်ဟု ၎င်းက ဆိုသည်။ ဤထုတ်ဖော်ပြောဆိုချက်များသည် လူမှုကွန်ရက်စာမျက်နှာများပေါ်တွင် ကျယ်ကျယ်ပြန့်ပြန့် တုံ့ပြန်မှုများနှင့် ရင်ဆိုင်နေရပြီး ဇီယွန်ဝါဒီတို့၏ ရိုင်းစိုင်းကြမ်းကြုတ်မှု ကို ပြသသည့် နောက်ထပ်သာဓကတစ်ခုအဖြစ် ဝေဖန်ခံနေရသည်။ NOM

🚨 အီရန်လေကြောင်းရန်ကာကွယ်ရေးစနစ်​၏ ပစ်ခတ်မှုကြောင့် အမေရိကန် F-16 တိုက်လေယာဉ်တစ်စီးထိမှန်ခဲ့ အီရန်လေပိုင်နက်အတွင်း လေကြောင်းရန်ကာကွယ်ရေးစနစ်ဖြင့် ပစ်ခတ်ခံရပြီး ထိမှန်ခဲ့မှုကြောင့် အမေရိကန် F-16 တိုက်လေယာဉ်တစ်စီးသည် ဆော်ဒီအာရေးဗီးယားနိုင်ငံ အနောက်ပိုင်းသို့ အရေးပေါ် ဆင်းသက်ရန် ပြင်ဆင်နေသည်။ NOM

🚨 အီရန်​၏တိုက်ခိုက်မှုများကြောင့် အမေရိကန်ဆီဖြည့်လေယာဉ်အချို့ပျက်စီး ယနေ့တွင် အီရန်၏ ဒုံးကျည်နှင့် ဒရုန်းများဖြင့် တိုက်ခိုက်မှုကြောင့် ပရင့်စ် ဆူလ်တန် Prince Sultan လေတပ်စခန်းကို ထိမှန်ခဲ့ပြီး အမေရိကန် ဆီဖြည့်လေယာဉ်အချို့ ပျက်စီးသွားကြောင်း ဆော်ဒီနှင့် အမေရိကန် တာဝန်ရှိသူများက အတည်ပြုခဲ့ကြသည်။ NOM

🚨 ဆော်ဒီအာရေးဗီးယားနိုင်ငံရှိ အမေရိကန်စစ်အခြေစိုက်စခန်းကို ယနေ့ အီရန်က တိုက်ခိုက်ခဲ့ရာတွင် အမေရိကန်စစ်သားအချို့ ထိခိုက်ဒဏ်ရာရရှိခဲ့ကြောင်း ဝေါလ်စထရိ ဂျာနယ် Wall Street Journal က ဖော်ပြခဲ့သည်။ အမေရိကန်စစ်သား ၁၀ ဦး ဒဏ်ရာရရှိခဲ့ပြီး ၎င်းတို့အနက် ၂ ဦးမှာ စိုးရိမ်ရသည့် အခြေအနေတွင် ရှိနေသည်ဟု သိရသည်။ NOM

အမေရိကန် FBI ညွှန်ကြားရေးမှူး ကတ်ရှ် ပါတေးလ် Kash Patel ၏ ကိုယ်ရေးကိုယ်တာ Email ဖောက်ထွင်းခံရ အီရန်နှင့် ဆက်နွှယ်နေသော ဟန်ဒါလာ Handala ဟက်ကာအဖွဲ့သည် FBI ညွှန်ကြားရေးမှူး ကတ်ရှ် ပါတေးလ် ၏ ကိုယ်ရေးကိုယ်တာ အီးမေးလ် Email ကို ဖောက်ထွင်းဝင်ရောက်ခဲ့ပြီး ၎င်း၏ ကိုယ်ရေးကိုယ်တာ ဓာတ်ပုံများနှင့် စာရွက်စာတမ်းများကို အွန်လိုင်းပေါ်တွင် ပျံ့နှံ့အောင် ပြုလုပ်ခဲ့သည်။ အမေရိကန်တရားရေးဝန်ကြီးဌာန (DOJ) တာဝန်ရှိသူတစ်ဦးက ရိုက်တာစ် သတင်းဌာနသို့ အတည်ပြုပြောကြားရာတွင် ဤဖောက်ထွင်းမှုမှာ အမှန်တကယ်ဖြစ်ပွားခဲ့ခြင်းဖြစ်ပြီး ထွက်ပေါ်လာသော အချက်အလက်များသည်လည်း စစ်မှန်ပုံရကြောင်းဆိုသည်။ NOM

🚨"အီရန်အပေါ် ဆင်နွှဲနေတဲ့ စစ်ပွဲနဲ့ ပတ်သက်ပြီး နေတန်ယာဟုနဲ့ မော့ဆက် (Mossad) အကြီးအကဲကြား အငြင်းပွားမှု ပိုမိုပြင်းထန်လာခြင်း" Tasnim သတင်းဌာန (ဟီဘရူးဌာနခွဲ) ၏ ဖော်ပြချက်အရ - "အစည်းအဝေးများ မတက်ရောက်တော့ခြင်း" အစ္စရေး ထောက်လှမ်းရေးအဖွဲ့ (Mossad) ရဲ့ အကြီးအကဲ ဒေးဗစ် ဘားနီးယား (David Barnea) ဟာ အနည်းဆုံး တစ်ပတ်ခန့်ရှိပြီဖြစ်တဲ့ ဝန်ကြီးချုပ် ဘင်ဂျမင် နေတန်ယာဟု နဲ့ ပြုလုပ်တဲ့ ပူးတွဲအစည်းအဝေးတွေကို တက်ရောက်ခြင်း မရှိတော့ကြောင်း ဟီဘရူး သတင်းရင်းမြစ်အချို့က ဆိုပါတယ်။ "အပြန်အလှန် အပြစ်တင်မှုများ" နေတန်ယာဟုက မော့ဆက်အကြီးအကဲကို အီရန်ရဲ့ စစ်ရေးစွမ်းရည်၊ နိုင်ငံရေးနဲ့ လူမှုရေး အခြေအနေတွေနဲ့ ပတ်သက်ပြီး မှားယွင်းတဲ့ အချက်အလက်တွေပေးပြီး အစ္စရေးကို လမ်းမှားအောင် လုပ်ခဲ့တယ်လို့ စွပ်စွဲထားပါတယ်။ ဒီလို အချက်အလက်အမှားတွေကြောင့် ရလဒ် မသေချာတဲ့ စစ်ပွဲထဲကို အစ္စရေး ရောက်သွားရပြီး ဒီစစ်ပွဲမှာ ရှုံးနိမ့်ခဲ့ရင် အစ္စရေးနိုင်ငံ တည်ရှိမှုအပေါ် ပြင်းထန်တဲ့ ခြိမ်းခြောက်မှု ဖြစ်လာနိုင်တယ်လို့ နေတန်ယာဟုက ယူဆနေပါတယ်။ "မော့ဆက်၏ တုံ့ပြန်မှု" တစ်ဖက်မှာလည်း မော့ဆက်က သူတို့ပေးတဲ့ အချက်အလက်တွေဟာ တိကျမှန်ကန်တယ်လို့ ယုံကြည်နေပါတယ်။ နေတန်ယာဟုဟာ သူရဲ့ ကိုယ်ပိုင် စွန့်စားလိုတဲ့ စိတ်ဓာတ်ကြောင့်သာ ခန့်မှန်းလို့မရတဲ့ ဒီစစ်ပွဲကို စတင်ခဲ့တာဖြစ်ပြီး စစ်ပွဲမှာ ရှုံးနိမ့်မှုရှိခဲ့ရင် အဲ့ဒီတာဝန်ဟာ မော့ဆက်မှာ မရှိဘဲ ဝန်ကြီးချုပ်မှာသာ တိုက်ရိုက်ရှိတယ်လို့ ဆိုပါတယ်။ "သူလျှိုစွပ်စွဲချက်များ" အခြေအနေတွေဟာ ပိုမိုဆိုးရွားလာပြီး ဝန်ကြီးချုပ်ရုံးနဲ့ မော့ဆက်တို့ဟာ တစ်ဖက်နဲ့တစ်ဖက် "အီရန်သူလျှိုများ ရှိနေသည်" ဆိုပြီးတော့လည်းကောင်း၊ အစ္စရေးရဲ့ အရေးကြီး စစ်ရေးနဲ့ လုံခြုံရေး ဗဟိုဌာနတွေကနေ သတင်းအချက်အလက်တွေ ပေါက်ကြားနေတယ်လို့လည်းကောင်း အပြန်အလှန် စွပ်စွဲနေကြပါတယ်။ "ဒိုဟာ တိုက်ခိုက်မှု အတွေ့အကြုံ" ယခင်က ဒိုဟာ (Doha) ကို အစ္စရေးက တိုက်ခိုက်ဖို့ ကြိုးပမ်းစဉ်ကလည်း စစ်ဆင်ရေး မစတင်မီ မိနစ်ပိုင်းအလိုမှာပဲ သတင်းအချက်အလက်တွေ ပေါက်ကြားခဲ့တဲ့အတွက် စစ်ဆင်ရေး မအောင်မြင်ခဲ့တာနဲ့ ပတ်သက်ပြီး ဝန်ကြီးချုပ်ရုံးနဲ့ မော့ဆက်တို့ဟာ တစ်ဖက်နဲ့တစ်ဖက် အပြစ်တင်ခဲ့ကြဖူးပါတယ်။ "ထောက်လှမ်းရေး ကွန်ရက်များ အန္တရာယ်ရှိမှု" အီရန်နဲ့ စစ်ပွဲမစခင်မှာ မော့ဆက်အကြီးအကဲက ဝန်ကြီးချုပ်ကို သတိပေးခဲ့တာကတော့ - စစ်ပွဲသာဖြစ်ရင် ပါရှန်းပင်လယ်ကွေ့ တောင်ဘက်ပိုင်းမှာရှိတဲ့ မော့ဆက်ရဲ့ လျှို့ဝှက်ကွန်ရက်တွေဟာ အီရန်ရဲ့ တိုက်ခိုက်မှုကို ခံရနိုင်တယ်လို့ ဆိုပါတယ်။ ဒါကြောင့် အဲ့ဒီသူလျှိုတွေကို ဟိုတယ်တွေ ဒါမှမဟုတ် စစ်အခြေစိုက်စခန်းတွေဆီ ရွှေ့ပြောင်းဖို့ ကြိုးစားရင်လည်း သူတို့ရဲ့ တည်နေရာတွေ ပေါ်သွားပြီး အဲ့ဒီကွန်ရက်တွေ တစ်ခုလုံး ပျက်စီးသွားနိုင်တယ်လို့ မော့ဆက်ဘက်က စိုးရိမ်နေပါတယ်။ လက်ရှိ အစ္စရေး အစိုးရအတွင်းပိုင်းမှာ စစ်ရေးနဲ့ ထောက်လှမ်းရေး ကဏ္ဍတွေကြား ယုံကြည်မှု ပျက်ပြားနေတာကို ဒီသတင်းက မီးမောင်းထိုးပြနေတာ ဖြစ်ပါတယ်။ NOM

ဘယ်လာရုစ်ဟာ မြောက်ကိုရီးယားမှာ သံရုံးဖွင့်လှစ်ဖို့အတွက် စီစဉ်နေပြီလို့ သိရပါတယ်။ သမ္မတ လူကာရှန်ကိုက ညွှန်ကြားခဲ့တာဖြစ်တယ်လို့ နိုင်ငံခြားရေးဝန်ကြီးက အတည်ပြုပြောဆိုခဲ့တာလည်း စြဖ်ပါတယ်။ လူကာရှန်ကိုဟာ မကြာခင်ကမှ မြောက်ကိုရီးယားကို ပထမဆုံးအကြိမ် အလည်အပတ်ခရီးစဉ် သွားရောက်ခဲ့ပြီး ကင်ဂျုံအန်နဲပ တွေ့ဆုံခဲ့ပါတယ်။ ဒီနောက်မှာတော့ နှစ်နိုင်ငံကြား ဆက်ဆံရေးကို တိုးမြှင့်ဖို့အတွက် သဘောတူညီမှု ရရှိခဲ့ဖွယ် ရှိတယ်လို့ ယူဆရပါတယ်။ News Of Myanmar NOM

အီရန်က ထရမ့် နဲ့ နေတန်ယာဟု တို့ 'အနိုင်ရနေပုံ' ကို LEGO ဗီဒီယိုအသစ်ဖြင့် လှောင်ပြောင်သရော် အီရန်အစိုးရနဲ့ နီးစပ်တဲ့ Tasnim News Agency နဲ့ Revayat-e Fath Institute တို့က AI နည်းပညာသုံးပြီး ဖန်တီးထားတဲ့ LEGO ကာတွန်းဗီဒီယိုတွေကို ထုတ်လွှင့်ခဲ့ပါတယ်။ ဒီဗီဒီယိုတွေထဲမှာ အမေရိကန်သမ္မတ ဒေါ်နယ်ထရမ့် နဲ့ အစ္စရေးဝန်ကြီးချုပ် နေတန်ယာဟု တို့ကို LEGO အရုပ်လေးတွေအဖြစ် သရုပ်ဖော်ပြီး ၎င်းတို့ဟာ စစ်ပွဲကို "အနိုင်ရနေသူများ" အဖြစ် ဟန်ဆောင်နေကြပေမဲ့ တကယ်တမ်းမှာတော့ အရှုံးနဲ့ ရင်ဆိုင်နေရသလိုမျိုး လှောင်ပြောင်ထားတာ ဖြစ်ပါတယ်။ NOM

အနာဂတ် ထွက်ရှိလာမည့် အမေရိကန် ဒေါ်လာ ငွေစက္ကူများပေါ်တွင် သမ္မတ ထရမ့်၏ လက်မှတ် ပါရှိလာမည် အမေရိကန်ပြည်ထောင်စု တည်ထောင်ခြင်း (၂၅၀) ပြည့် အထိမ်းအမှတ်အဖြစ် အနာဂတ် ထွက်ရှိလာမည့် အမေရိကန် ဒေါ်လာ ငွေစက္ကူများပေါ်တွင် သမ္မတ ထရမ့်၏ လက်မှတ် ပါရှိလာမည် ဖြစ်ကြောင်းသိရသည်။ "လက်ရှိ တာဝန်ထမ်းဆောင်ဆဲ သမ္မတတစ်ဦးအတွက် သမိုင်းတစ်လျှောက် ပထမဆုံးအကြိမ် ဖြစ်ရပ်" ဖြစ်သည်။ ပုံမှန်အားဖြင့် ငွေစက္ကူများပေါ်တွင် ဘဏ္ဍာရေးဝန်ကြီး၏ လက်မှတ်သာ ပါရှိလေ့ရှိသော်လည်း ယခုအခါ သမ္မတတစ်ဦး၏ လက်မှတ်ကို သမိုင်းတွင် ပထမဆုံးအကြိမ်အဖြစ် မြင်တွေ့ရမည် ဖြစ်သည်။ NOM

အစ္စရေး-အီရန် စစ်ပွဲသည် အဆုံးသတ်မည့်အရိပ်အယောင် မရှိသေးသဖြင့် အီရန်နိုင်ငံအတွင်းရှိ သဘောထားတင်းမာသူများအကြား နျူကလီးယားလက်နက် ပိုင်ဆိုင်ရန်နှင့် နျူကလီးယားလက်နက် မပြန့်ပွားရေးစာချုပ် (NPT) မှ နှုတ်ထွက်ရန် တောင်းဆိုမှုများ ပိုမိုကျယ်လောင်လာနေသည်။ — ရိုက်တာသတင်းဌာန NOM

"အစ္စရေးစစ်တပ်သည် အတွင်းပိုင်းမှ ပြိုလဲလုနီးပါး အခြေအနေသို့ ရောက်ရှိနေ" အစ္စရေးစစ်ဦးစီးအရာရှိချုပ် က မနေ့ညက ကျင်းပခဲ့သော အစိုးရအဖွဲ့အစည်းအဝေးတွင် အောက်ပါအတိုင်း သတိပေးပြောကြားခဲ့သည်။ အစ္စရေးစစ်တပ်သည် အတွင်းပိုင်းမှ ပြိုလဲလုနီးပါး အခြေအနေသို့ ရောက်ရှိနေပြီဖြစ်ကြောင်းပြောကြားခဲ့သည်။ လက်ရှိတွင် စစ်တပ်အတွက် စစ်မှုထမ်းဥပဒေ၊ အရန်တပ်ဖွဲ့ဥပဒေ နှင့် တာဝန်ထမ်းဆောင်မှုသက်တမ်း တိုးမြှင့်ရေးဥပဒေ များ အရေးပေါ်လိုအပ်နေပြီ ဖြစ်သည်။ လက်ရှိအတိုင်း ဆက်သွားနေပါက အရန်တပ်ဖွဲ့ဝင်များသည် ဆက်လက်တောင့်ခံနိုင်တော့မည်မဟုတ်ကြောင်း ၎င်းက ဆိုသည်။ ဤသတိပေးချက်ကို ဝန်ကြီးချုပ်၊ လုံခြုံရေးဆိုင်ရာ အကြီးအကဲများနှင့် ဝန်ကြီးများ၏ ရှေ့မှောက်တွင် တရားဝင် ထုတ်ဖော်ပြောကြားခဲ့ခြင်း ဖြစ်သည်။ NOM

🇱🇧 💥 🇮🇱 "တစ်နေကုန် မရပ်မနား ဖြစ်နေတာပဲ။ ဟင်း... ငါတော့ လူကော စိတ်ကော ကုန်နေပြီ။ ကဲ... သုံး၊ လေး — ဝုန်း (BOOM)။" ဟစ်ဇ်ဘိုလာ (Hezbollah) လက်နက်ကိုင်အဖွဲ့​၏ ဒုံးကျည်များထိမှန်သည့် အခိုက်အတန့်ကို ကီယပ် ရှမိုနာ (Kiryat Shmona) မြို့ရှိ အခြေချနေထိုင်သူတစ်ဦးက မှတ်တမ်းတင်ထားခြင်းဖြစ်သည်။ အစ္စရေးတို့ သိမ်းပိုက်ထားသော ပါလက်စတိုင်း မြောက်ပိုင်းဒေသကို ဟစ်ဇ်ဘိုလာတို့​၏ ဗုံးကြဲတိုက်ခိုက်မှုများမှာ ဆက်လက်ဖြစ်ပွားနေဆဲဖြစ်သည်။ NOM

နီပေါဝန်ကြီးချုပ်အသစ်အဖြစ် အသက် ၃၅ နှစ်အရွယ် ရက်ပ်ပါဟောင်းတဦးဖြစ်တဲ့ Balendra Shah ဟာ ကျမ်းသစ္စာကျိန်ဆိုပြီး တိုင်းပြည်တာဝန်တွေကို လွှဲပြောင်းရယူခဲ့ပြီး ဒီနေ့မှာပဲ သူ့ရဲ့ ဝန်ကြီးချုပ်ရုံးခန်းဆီ ရောက်ရှိလာမယ်လို့ သိရပါတယ်။ News Of Myanmar NOM

လူသားချင်းစာနာထောက်ထားမှုဆိုင်ရာ အကူအညီတွေ တင်ဆောင်လာပြီး ကျူးဘားကို ဆိုက်ကပ်ရမယ့် သင်္ဘောနှစ်စင်းဟာ သတ်မှတ်ချိန်အတိုင်း ရောက်မလာဘဲ ပျောက်ဆုံးနေတယ်လို့ မက္ကဆီကိုရေတပ်က ပြောဆိုလိုက်ပါတယ်။ လက်ရှိမှာ ရှာဖွေကယ်ဆယ်ရေးလုပ်ငန်းတွေကို စတင်လုပ်ဆောင်နေပြီလို့လည်း ဆိုပါတယ်။ အဆိုပါသင်္ဘောနှစ်စင်းဟာ မက္ကဆီကိုပိုင် ကာရစ်ဘီယာဒေသအတွင်းက Quintanan Roo ကနေ ပြီးခဲ့တဲ့အပတ်က ထွက်ခွာသွားခဲ့ပြီး မတူညီတဲ့ နိုင်ငံသား သင်္ဘောသား ၉ ဦးပါဝင်ကာ ဟာဗားနားကို ဦးတည်ခဲ့ကြတယ်လို့လည်း ထုတ်ပြန်ချက်မှာ ပါရှိပါတယ်။ မတ်လ ၂၄ ရက် ဒါမှမဟုတ် ၂၅ ရက်နေ့တွေမှာ ရောက်ရှိဖို့ မျှော်လင့်ထားပေမယ့် ဆက်သွယ်မှုတစုံတရာမရခဲ့ဘဲ ရောက်ရှိကြောင်းအတည်ပြုချက်လည်း မရှိခဲ့ဘူးလို့ ဆိုပါတယ်။ အခုချိန်ထိ စုံစမ်းရှာဖွေနေရဆဲလည်း ဖြစ်ပါတယ်။ News Of Myanmar NOM

စီအင်န်ဂျီသုံး YBS ယာဉ်များ သတ်မှတ်ခရီးစဉ်လမ်းကြောင်းအတိုင်း ပြေးဆွဲခြင်းမရှိဘဲ ကြိုပို့ဆောင်ရွက်ပါက စီအင်န်ဂျီပိတ်သိမ်းအရေးယူသွားမည် NOM မတ် ၂၇၊ ၂၀၂၆ စီအင်န်ဂျီသုံး YBS ယာဉ်များသတ်မှတ် ခရီးစဉ်လမ်းကြောင်းအတိုင်း ပြေးဆွဲခြင်းမရှိဘဲ ကြိုပို့ဆောင်ရွက်ပါက စီအင်န်ဂျီပိတ်သိမ်းအရေးယူသွားမည်ဖြစ်ကြောင်း ယမန်နေ့ မွန်းလွဲပိုင်းက ရန်ကုန်မြို့ တာမွေမြို့နယ်ရှိ ရန်ကုန်တိုင်းဒေသကြီးပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC) ၌ပြုလုပ်သည့် မီဒီယာတွေ့ဆုံပွဲမှ သိရသည်။ "ရန်ကုန်တိုင်းဒေသကြီးဝန်ကြီးချုပ်ရဲ့ညွှန်ကြားချက်အရ YBS ယာဉ်ထွက်အင်အားတိုးတက်လာဖို့၊ ယာဉ်တွေများများပြေးဆွဲနိုင်ဖို့အတွက် စီအင်န်ဂျီသုံး YBS ယာဉ်တွေ သတ်မှတ်ခရီးစဉ်လမ်းကြောင်းအတိုင်းမပြေးဆွဲဘဲ ကြိုပို့ယာဉ်းအဖြစ်ဆောင်ရွက်တာတို့၊ တခြားနည်းအသုံးပြုတာတို့လုပ်ခဲ့ရင် စီအင်န်ဂျီပိတ်သိမ်းတဲ့အထိ အရေးယူသွားမှာဖြစ်ပါတယ်" ဟု YRTC တွဲဖက်အတွင်းရေးမှူး ဦးလျန်ကျင့်မန်က ပြောသည်။ ယခုနှစ် မတ်လဆန်းပိုင်းတွင် YBS ယာဉ်လိုင်း ၁၃၂ လိုင်း၊ ယာဉ်စီးရေ ၃၄ဝဝ ခန့် နေ့စဉ်ပြေးဆွဲပေးနေပြီး ခရီးသည် ၁ ဒသမ ၄၆ သန်းခန့်ရှိရာမှ စက်သုံးဆီကန့်သတ်ချက်ကြောင့် စုံ/မ စနစ်ကျင့်သုံးသည့်ကာလ လက်ရှိအချိန်တွင် ယာဉ်လိုင်းပေါင်း ၁၃၂ လိုင်း၊ ယာဉ်စီးရေ ၃၅ဝဝ ခန့် နေ့စဉ်ပြေးဆွဲပေးနေပြီး ခရီးသည် ၁ ဒသမ ၇ သန်းခန့်ထိရှိလာရာ ယခင်ထက် ခရီးသည်အရေအတွက်၂၅၀၀၀၀ ကျော် တိုးတက်စီးနင်းလာကြောင်း YRTCမှ သိရသည်။ ရန်ကုန်တိုင်းဒေသကြီးအစိုးရ အဖွဲ့၏ညွှန်ကြားချက်အရ ဒီဇယ်သုံး YBS ယာဉ်များအားနေ့စဉ် လီတာ ၄၀ ကို ညဉ့်အချိန်တွင်ဆီဖြည့်ပြီး ခေါက်ရေပြည့်မီအောင် ပြေးဆွဲနိုင်ရေး စီစဉ်ပေးခြင်းကြောင့် ခရီးသွားပြည်သူများအတွက်ယာဉ်ထွက်စီးရေတိုးတက်လာမည်ဖြစ်ကြောင်း၊ YRTC၏ ကြီးကြပ်မှုအောက်တွင် YBSယာဉ်လိုင်းကုမ္ပဏီ ၂၁ ခု၊ ယာဉ်လိုင်း ၁၄၅ လိုင်း၊ယာဉ်စီးရေ ၅၄၃၈ စီးရှိပြီး စီအင်န်ဂျီအသုံးပြုယာဉ်၅၀၁၃ စီး၊ ဒီဇယ်အသုံးပြုယာဉ် ၄၂၃ စီးရှိကြောင်းသိရသည်။ NOM