لـِ شيمـ𓂆ـٰاء

عارفين يوم عاشوراء اللي الناس بتتكلم عنه أنه يوم الخميس الجاي ١٠ من محرم اللي هوه بعد بكره دا ايوا ايه اللي حصل فيه؟ وليه بنصومه؟ دا اليوم اللي نجّي الله فيه سيدنا موسي عليه السلام وقومه من فرعون وجيشه اليوم دا بيعلمنا درس عظيم اسمه اليقين لما قوم سيدنا موسي شعروا بالخوف الشديد أن البحر أمامهم وجيش فرعون خلفهم فقالوا ( إِنَّا لَمُدركُونَ ) يعني خلاص هنهلك فرد عليهم سيدنا موسي بيقين ( كَلَّا إِنَّ مَعِيَ رَبِّي سَيَهْدِين) فأوحي الله ليه أن يشق البحر بعصاه فـ انشق البحر وسار موسي وقومه وهلك فرعون وبنصوم فيه لسببين مهمين: شكرًا لله واقتداءً بالنبي ﷺ، لأن النبي لما هاجر للمدينة وجد اليهود بيصوموا اليوم دا فرحةً بنجاة موسي فقال " أنا أحق بموسي منكم" وأمرنا بصيامه ودا على إننا أولى بكل الأنبياء وبمشاركتهم الفرحة بنصر الله. والثاني لما فيه من فرصة عظيمة للمغفرة من الله! قال النبي ﷺ: "صيام يوم عاشوراء، أحتسب علي الله أن يُكفر السنة التي قبله" يعني ربنا بيمسح بصيام يوم واحد ذنوب ٣٦٥يوم فاتوا متخيل؟ متغفلش عن اليوم دا وعن اجره