6e année médecine 2025/2026 ( promo CURE )

المدة تاع الوقفة مراحش تفوت 45 دقيقة .

اقصى واش قدرت ندير ، باه نبدلو اليامات مستحيل .

بالنسبة للمشكل تاع الامتحانات و التوقيت و الرومبلاصمون : تفاهمت مع السيد العميد و البروفيسور ايت يونس باه نجوزو كامل الامتحانات في مكان واحد يا لابيرين يا الزيانية و ميكونوش في نفس الوقت ،

نروحو ضرك لللعيباد لي راهم يضحكو على العيباد لي قالك نزيدو نصبرو الاربعاء : ارواحو كامل غدوة و ضحكو على بعضاكم معليش مهم ارواحو

تكلمت مع السيد العميد بخصوص منحة التربص : مراحش توصلنا غدا للاسف رسميا . بلغتو بلي راح نديرو وقفة احتجاجية غدا ان شالله و اذا موصلوناش قبل الامتحانات مراحش ندخلو نجوزو . قالي حقكم ،قالي مهمتنا خلاصت حنا الكلية درنا لي علينا بقات مع الجامعة ، قالي اتخذت كامل الاجراءات اللازمة باه نسرعو العملية و راه قالكم غدوة ان شاءالله تحبو نديرو لقاء داخل قاعة المحاضرات يفهمكم و تطرحو انشغالاتكم .

ليلة الشك تاع منحة التربص اليوم ان شاءالله متوصلناش ليوم في الليل غدوة عندنا وقفة احتجاجية على الساعة 11 و نصف .

Examen UMC LE 1/07/2026 à midi ( 12 صباحا) à Ziania

Urgent 🚨 Les etudiants li 3ndhoum dette gastro eb3touli

En tant que déléguée de la rotation B ( Chekirine Rania ), je tiens sincèrement à adresser mes remerciements à mon collègue Chibani Amine. Depuis le début de l’année, alors qu’il n’y avait pratiquement aucun volontaire prêt à assumer cette responsabilité, il a toujours été présent pour la promotion. Il a travaillé avec sérieux, engagement et constance, même lorsque la tâche n’était pas facile. Il a souvent été au front pour défendre les intérêts de notre promotion, parfois au prix de critiques ou d’incompréhensions. Malheureusement, les personnes ingrates existent partout, mais cela n’efface en rien les efforts fournis ni le dévouement dont il a fait preuve. De mon côté, je suis reconnaissante d’avoir eu l’occasion de collaborer avec lui. Ce fut une expérience enrichissante, et j’ai beaucoup apprécié son sens des responsabilités et son implication. Merci pour tout, et bon courage pour la suite.

ملاحظة ؛ هاذ العام 2026 مجوزتش حتى امتحان دخلت في كآبة من الحياة لي راني و راكم تعيشوها , فقدت الشغف حرفيا الامتحان الوحيد ليًجوزتو umc مع خاوتنا تاع c جوزتو زكارة في صحبي من الروطاسيون c لي منتحيهش من هاذ المنبر و ربحلي العيب كنوينا نبدلو تاريخ امتحان umc . نشكرك فقط على التحفيز.

حبيت نوضح نقطة لبعض الاخوة في الدفعة بعض طلبة ) rotation c ( : لازم تفهمو بلي راكم كبار اولا ، اطباء المستقبل ثانيا ، و مراكمش عايشين وحدكم في البرومو ثالثا . في بداية السنة درتو مشكل تاع umc في رمضان ، حبيتو بسيف متقراوهاش في رمضان على اساس باقي الدفعة راح يقراو تربية مدنية ، كوفت الحالة باه منتبهدلوش مع الادارة و قتلكم ديرو ديليغي برك قبل ما تطالبو باي حاجة ،الادارة رفضت الحلم تاعكم مور ما تواصلت معاها . موراها لحقنا امتحان umc p2 طاح مع ثلاثة امتحانات orl gériatrie epidimio , تواصلو معايا الطلبة لي عندهم remplacement باه نلقالهم حل يجوزو فيه كامل امتحاناتهم , الادارة و انا اتفقنا بلي لازم يتبدل تاريخ امتحان umc و مشي حتى يقدموه يعني باه تراجعو دروسكم مليح و تجوزو ، بعض خاوتنا تاع c سمعو قالك كيفاه تدير حاجة هكا بلا ما تشاورنا ، و لازم صونداج ،السبب ؟ رانا واجدين للامتحان و ميهمناش في الاخرين بدلولهم تاريخ امتحانهم ، يعني علاجال 500 طالب لازم 1000 يتبدل تاريخ امتحانهم باه هاذوك 500 بجوزو امتحانهم في الوقت و يدو ويكاند باه يريحو فيه ، تواصلت مع الادارة ضحكو عليا و عليكم و قالك مستحيل نبدلو ثلاثة امتحانات نبدلو تاريخ امتحان واحد فقط و هذا بعد تدخل البروفيسور ايت يونس ، قالك الديليغي دارها بلعاني باه يقدر يجوز remplacement umc و يجوز امتحانو عادي تاع gériatrie ، شغل علاجالو خسرنا الويكاند تاعنا ، و دار برنامج يساعدو علما انو في هذك الوقت كان كاين مجمل تاع 150 طالب عندو امتحان تعويضي في مختلف المقاييس ، انا واش درت ؟ مرحتش نجوز اصلا geriatrie بالخميس و طلعت نجوز umc بالاحد ، ضرك فهموني واش ربحت انا ؟ لوكان هدرتكم صاح علاه مرحتش نجوز gériatrie ? و حتى و نفترضو بلي صاح تآمرت عليكم و درتها بيكم ، افهمو بلي كاين حاجة يسموها المصلحة العامة و لازم كامل نضحو شوية باه يخلاص عامنا و كامل les rotations صرالهم نفس المشكل تاعكم ، كاين حتى لي قدمولهم الامتحان تاعهم و عادي فوتوها ، dermato p4 نشفى نهار تبدل الامتحان تاعهم من الخميس للاحد دارو الحفلة في الڤروب ، خلاصته : متعضوش اليد لي عاونتكم ! تاريخ الامتحانات راه لحد الان غير معروف بصح المؤكد انو مكنش امتحان مور الانتخابات ، وً هاذي مشي مؤكدة ثان يعني لانو كلش ممكن مع ادراتنا ، و نعاود نفكركم بلي كاين عيباد عندهم remplacement و لازم يكون البرنامج يساعدهم ، ولا تحبو غير رواحكم تجوزو تطلعو مليح خلاص ؟ المشكل انو هاذ الافكار راها تجي من عيباد حابين فلسطين تتحرر ، و من نخبة البرومو ، نصيحتي ليكم ؛ فلسطين متتحررش بالمظاهر و الشعارات ، فلسطين تتحرر بالافعال تاعكم . و اهم شي الفلسفة تاعكم في الحياة .

كاين شوية دراما اليوم ، انتظرونا بعد قليل

حسب رأيي : الرسالة وصلت للادارة (الله يحفظ الجاسوسات لي معانا ) ورقة الضغط مزالها بيدكم و لازم نستغلوها مليح ، متنساوش بلي مزال عندنا الحق في الاحتجاج هاذ السمانة و السمانة لي بعدها و حتى مقاطعة الامتحانات ، مراناش في موقف ضعف لحد الان ، بصح رأيكم يهمنا دائما .

راهو عيطلي السيد العميد : قالكم زيدو اصبرو نهار الثلاثاء ، اذا موصلتكمش هو يجي يوقف معاكم في الوقفة الاحتجاجية . قالي راني متاكد من هدرتي لانو راه مشرف شخصيا على مشكل منحة التربص و نهار الخميس كملو الخدمة .