MBset Algeria

📌 سلسلة قواعد لازم نطبقهم نهار الرزيدانا الجزء 1 — Nothing new on race day 🏁 في رياضات التحمل كاين قانون بسيط: «Nothing new on race day.» نهار السباق ما تجرب حتى حاجة جديدة. 👟 ما تبدلش حذاءك. 🥤 ما تجربش gel جديد. 🍝 ما تبدلش نظامك الغذائي. ⏱️ ما تجربش طريقة جديدة في تنظيم السرعة. علاش؟ لأن نهار السباق ماشي نهار التجارب. إذا جربت حاجة جديدة وصرالك مشكل، ما تقدرش تعرف واش السبب الحقيقي: الحاجة الجديدة؟ الضغط؟ التعب؟ ولا الظروف؟ Experiment in training, where failure is cheap. Execute on race day, where it isn't. ونفس المبدأ ينطبق 100% على نهار الرزيدانا 🩺📚 ❌ ما تبدلش توقيت القهوة اللي متعود عليه. ❌ ما تروحش للامتحان بأكل ما جربتوش من قبل. ❌ ما تجربش stratégie جديدة في الإجابة لأول مرة داخل الامتحان. بدل هذا، كل شيء لازم يكون مجرّب قبل: ✅ جرب طريقة تسيير الوقت في الـ simulations. ✅ جرب كيفاش تتصرف كي تلقى سؤال صعب. ✅ جرب متى تدير pause ومتى تكمل. ✅ جرب كمية القهوة والنوم والأكل اللي تناسبك. ✅ جرب كيفاش تراجع آخر 24 ساعة قبل الامتحان. مثال بسيط: إذا كنت في الـ simulations متعود: ⏱️ تقسم الوقت → تجاوب على السهل أولاً → تخلي الصعب وترجعله → ما تضيعش 5 دقائق على سؤال واحد نهار الرزيدانا، ما تبدلش الخطة. الخطة اللي اختبرتها في التدريب هي اللي تنفذها في يوم الامتحان. 🎯 الرزيدانا ماشي المكان اللي تثبت فيه أنك تعرف تجرب حاجات جديدة. هو المكان اللي تنفذ فيه الحاجة اللي حضرتلها. جرّب في التدريب. نفّذ في الامتحان.