𝗡𝗲𝘄𝗲𝗿𝘀

لو في تعديل أن شاء الله فنسبه الرسوب هتقل جداً و خصوصاً أن الترم الاول كان فيه رسوب كبير برده فكدا الموضوع هيخف انشاء الله الترم دا ، اللي عاوزك تستفيده أنك لازم تعرف أن درجتك مش هي مجهودك يمكن ناس كتير اتعرضت لدا كتير لكن الترم دا الموضوع ظهر و بقي واضح للكل فما تسمعشي لحد يقلل منك أو يحاول يفهمك و انت في قمه حزنك أن دا هو درجتك الحقيقية و الموضوع أوله لأخره حظ مش اكتر مش مع الكل لكن في المعظم

ألف مبروك للجميع و ماحدش يزعل من درجته و لا يتعب نفسه بسبب درجات لو عديت احمد ربنا لأن درجتك مش وحشه بالعكس و لما تتخرج أن شاء الله هتعرف انك كويس جداً و لو فيه ماده كدا او كدا عندك امتحان السمر أن شاء الله تعوض فيه مافيشاي مشكله عليك هتنجح في الغالب لو ذاكرت و سنه خامسه تعتبر سنه اضافيه لزياده ال GPA يعني من السهوله فهي سهله و من الراحه فالدكاتره كويسه جدا الحمد لله لحد كدا و نعتبر اتخرجنا و ماحدش يزعل نفسه خالص كل الناس مجامعها مش أوي و انشغل بنفسك عندك حجات كتير بعد التخرج تخليك فوق حتي و إن كنت متخرج ب gpa مش كويس و المجال محتاج اللي فاهم مش اللي معاه GPA عالي يمكن المجموع بنحتاجه للتعين السريع لكن أن شاء ما يأثرش و لا كأن في هحاجه طالما عملت اللي عليك و الحمد لله 🌷

الصراحه الحال في مصر بقي معقد جداً و الظروف مش هتبقي أحسن حاجه لكل الناس و خصوصاً شباب الجامعات اللي مش عارف حتي إزاي البيت بيتفتح و هو علي وش جواز ،و كل حاجه بتتباع و بتروح للمستثمرين و دا تحول إقتصادي خطير لأن دا معناه رأس ماليه بحته و اللي مش فاهم معني الرأس ماليه فدي بالضبط اللي مش هتشغل أي حد إلا لو كان فاهم كويس و خبير حرفياً في الشغل اللي بيقدم عليه و بالنسبه لطلاب القطاع الطبي اللي مفكرين أنهم بعاد عن الموضوع فالمستشفيات حالياً و مراكز الصحه بتتباع لمستثمرين خليج و خصوصاً الامارات العربيه فنصيحه ماحدش يبطل يتعلم و لازم تتعلم شغل مع شغلك الأساسي اللي انت دخلت بيه الكليه حتي و إن كانت كليه قمه لأن في أي لحظه ممكن تعمل كاريير شفت و دا لازم يكون في الحسبان ، و دخولك للكليه بعد ما خلصت الثانويه لازم يكون عن اقتناع و حب مش اي مجموع و خلاص يدخلك الكليه ، حكايه كليات القمه و كليات مش قمه دي ورقه محروقه من عشر سنين و فكره كليات القمه لازم تنتهي و تتشال من الدماغ خالص و تحط في دماغك إنك بتدخل كليه علشان تشتغل شغل كويس علشان تجيب فلوس كويسه علشان تصرف علي زوجتك و ولادك و نفسك، مش علشان مجموعك أو انك طالب متفوق بتحب الدراسه تقوم داخل الكليه و لا اي حاجه هتكون عائق في طريقك غير معروف نتيجتها ، و لازم تعرف و تبقي فاهم كويس أن النظام الرأسمالي زي ما بيخفي طبقات من المجتمع بيزود طبقات و بيغنيها و بالتالي لو أنت مفكر أن حد هيحس بيك فأنت غلطان لأنك في نظر المجتمع أو الدوله طبقه زائده عن حاجه المجتمع أو طبقه غير منتجه تمثل عبء علي المجتمع فالأولي لك أنك تبطل تضيع وقتك و تشوف مستقبلك و تبدأ حياتك من دلوقتي مش لما تتخرج و نصيحه أخيره ، لازم تقرب من ربنا لأن مافيش غيره و مش هتلاقي غيره يساعدك و يدبر لك أمورك ، لأن أنت داخل في طريق مش عارف فيه أنت عاوز ايه و لا طريقك ايه بالضبط .... كنت كاتب البوست دا بتاريخ 2023/8/24 عن الرأسمالية و طريقه التعامل مع الوضع الحالي :- " الكثير منا يشكوا من ما يجنيه من المال القليل بعد التخرج فما السبب:- نذكر سبب من الأسباب الكثيره وذلك بعد وضع استقرار الدوله سياسياً و إقتصادياً في الوضع الآمن فنقول إحدي الأسباب هو النظام الاقتصادي نفسه فعلي سبيل المثال الدوله المصريه قامت بتغير نظامها الاقتصادي من الاشتراكيه إلي الرأسمالية و هو السبب الذي يجعل الدوله إقتصادياً تلجيء الي إزاله الدعم بالتدريج علي فئه الشعب لأننا لو ضربنا مثال بسيط للشخص الرأسمالي فهو ببساطة مثل مكان أو لنقل متحف مليء بالقطع الأثريه المثيره يحرسه بالداخل عشره أشخاص و بالخارج عشره أشخاص فالشخص الرأسمالي يميل دائما إلي توفير الاموال و الحفاظ عليها فسيأتي الشخص الرأسمالي لـ إقالة سبعه أفراد من الداخل و سبعه من الخارج و يكتفي بالثلاثه بالداخل أو الثلاثة بالخارج و سيقوم بتركيب اجهزه حديثه للمراقبه، لذلك نجد أخبار كثيره بشأن نهايه بعض الوظائف في الأعوام القادمه و ستنشيء بعض الوظائف الأخري و ذلك لأن الغرب هم أساس هذا النظام و الذي تلجيء إليه آلان معظم دول العالم... فما الحل ؟! هو ببساطه تعلم النظام الاقتصادي الذي فُرض عليك، ليس اللجوء إلي الاستسلام... فمثلاً عليك دمج وظيفتك الحاليه بطرق مختلفه من التطور الحالي و استيعاب و فهم هذا التطور و التقدم في مختلف المجالات فمثلاً شخص طبيب يفضل أن يقوم بفتح موقع له علي محركات البحث و نشر عَمله و مشاركه إنجازاته و استخدام مواقع التواصل الاجتماعي في نشر العمل... و عليك أن تعلم دائماً أنك تقدم خدمه فعليك دائماً حسن استخدام و استغلال التقدم حولك علي قدر المستطاع.... لا يشترط فقط أن تكون الأذكي في مجالك و لكن الأهم أن تكون من الأوائل في أخذ الخطوه الي الأمام فهذا النظام الاقتصادي الذي بدي أنه أكثر انتشاراً و الاكثر تحولاً إليه من معظم دول العالم يهمه أكثر ما يهمه التميز فعليك أن تكون الأكثر تميزاً لا الأكثر استهلاكاً... "

من مصلحه الطالب أن الكليه تكون مش معتمده علي انها تكون معتمده بالمناسبه ، لأن دا هيخلي المجموع مش أفضل حاجه لان اعتمادها بيربطها بسوق العمل و بالتالي المجموع مش هيكون احسن حاجه مع وجود وسائل تانيه تساعد طلاب أقل منك علي العمل في سوق العمل...

معدتش في تكليف دفعتنا طبقوا علبها نظام حسب الاحتياج و دا بيكون ل عدد معين في الدفعه اعتقد اول ١٠٠ او ٥٠ مش متاكد بس مش دي المشكله المشكله ان بلدنا طبقوا قانون جديد و هو بيع اغلب المستشفيات و المؤسسات الحكوميه الطبيه للقطاع الخاص مع اعطائهم الحق عن الاستغناء عن ٧٥٪؜ من القوه العامله فيهم يعني ب اختصار الناس الي كانت شغال ي هتتسرح ي هوزعوهم في حتت تانيه سيناء بقى بحر احمر طب الي بعيد عنه الكلام دا هيقولو له خد اجازه لحد م يوصلوه انه يستقيل ف بالنسبه لدفعتنا فرصتهم تكاد تكون معدومه خلاص في حوار التكليف و بالنسبه لدفعه الامتياز ف ربنا يتولاهم و يتولانا ♥️

أكثروا من الدعاء في هذا اليوم الجميل المبارك 🌷

ادعوا لوالده زميلكم و إن لم يكن بالجهر فليكن بالسر و القلب ، شفي الله والدتكِ و عفاها و جميع مرضي المسلمين بإذنه و رحمته أن شاء الله

ممكن تدعوا لوالدتى ربنا يشفيها من الكانسر