Валерий Николаев, Глава Верхневилюйского района

Бүгүн Үөһээ Бүлүү улууһун тыа хаһаайыстыбатыгар үлэлии-хамсыы сылдьар тэриллиилээх хаһаайыстыбаларбытыгар Саха Өрөспүүбүлүкэтин "Кормозаготовка" бырагыраамматын чэрчитинэн ылыллыбыт 10 устуука МТЗ тыраахтардары үөрүүлээх быһыыга-майгыга туттардыбыт! Санатан этэр буоллахха, тыраахтардар Федотов Руслан Еремеевич маҕаһыыныттан Аллараа Бэстээххэ ыам ыйын 25 күнүгэр ылыллыбыттара. Онтон бу күннэргэ Үөһээ Бүлүүгэ айаннаан кэлэн фермердарбыт дойдуларыгар өссө төгүл өрөгөйдөөхтүк саҥа техникаларын туттулар. Быйылгы сылга 10 тэриллиилээх хаһаайыстыба конкурска хапсан ыллылар. Эһиилги сылга бу бырагырааммаҕа өссө төгүл кыттан, саҥа тыа хаһаайыстыбатын техникатын улууска элбэтээһиҥҥэ үлэлиэхпит. #ВручениеТракторов #Кормозаготовка #ҮөһээБүлүү T.me/ValeriNikolaev

Бүгүн, ыам ыйын 29 күнүгэр Үөһээ Бүлүү улууһун нэһилиэктэрин баһылыктарын кытта быйылгы ыһыахтарбытын тэрийиигэ сүбэ мунньахтаатыбыт. Нэһилиэктэр ыһыахтарыгар бэлэмнэниини саҕалаабыттарын биллэрдилэр. Быйыл 8 нэһилиэккэ үбүлүөйдээх ыһыахтар ыытыллаллар. Ол курдук, Өргүөт нэһилиэгэр - Өргүөт нэһилиэгэ төрүттэммитэ 385 сылыгар уонна "Өргүөт" совхоз тэриллибитэ 40 сылыгар анаммыт ыһыах ыытыллар. Өргүөт совхоз үбүлүөйүгэр анаммыт ыһыахтар Туобуйаҕа уонна Быракааҥҥа ыытыллаллар. Нам, Ороһу, Балаҕаннаах нэһилиэктэрин холбоһуктаах ыһыаҕа "Барахов" совхоз үбүлүөйүгэр ананан ыытыллар. Оҥхой нэһилиэгэр - РФ үтүөлээх артыыһа Симон Федотов 85 саастаах үбүлүөйүгэр анаммыт ыһыах тэриллэр. Уонна Кэнтик нэһилиэгэр - Кэнтик төрүттэммитэ 125 сылыгар аналлаах үбүлүөйдээх ыһыах ыытыллар. Бүгүҥҥү күнтэн ыһыах тэрээһиннэригэр күүстээх бэлэмнэниини ыытары нэһилиэк баһылыктарыгар, культура департаменыгар сорудахтаатым. Үөһээ Бүлүү улууһун ыһыаҕа бэс ыйын 24-25 күнүгэр ыытылларын бигэргэттибит. Ыһыахтар графиктара (Барыллааһын): 1. “Кэнтик нэһилиэгэ” муниципальнай тэриллии - Бэс ыйын 14-15 күннэрэ 2. “Быракаан нэһилиэгэ”  муниципальнай тэриллии - Бэс ыйын 15 күнэ 3. “Ороһу нэһилиэгэ”, “Нам нэһилиэгэ”, “Балаҕаннаах нэһилиэгэ” муниципальнай тэриллиилэр холбоһуктаах ыһыахтара - Бэс ыйын 14 күнэ 4. “Туобуйа нэһилиэгэ” муниципальнай тэриллии - Бэс ыйын 16 күнэ 5. “Дүллүкү нэһилиэгэ” муниципальнай тэриллии Бэс ыйын 16-17 күннэрэ 6. “Кырыкый нэһилиэгэ” муниципальнай тэриллии - Бэс ыйын 18 күнэ 7. “Маҥаас нэһилиэгэ” муниципальнай тэриллии - Бэс ыйын 18 күнэ 8. “Оҥхой нэһилиэгэ” муниципальнай тэриллии - Бэс ыйын 19 күнэ 9. “Далыр нэһилиэгэ” муниципальнай тэриллии - Бэс ыйын 21 күнэ 10. “Харбалаах нэһилиэгэ” муниципальнай тэриллии - Бэс ыйын 20 күнэ 11. “Боотулуу нэһилиэгэ” муниципальнай тэриллии - Бэс ыйын 21 күнэ 12. “Сургуулук нэһилиэгэ” муниципальнай тэриллии - Бэс ыйын 21 күнэ 13. “Үөдүгэй нэһилиэгэ” муниципальнай тэриллии - Бэс ыйын 21 күнэ 14. “Хоро нэһилиэгэ” муниципальнай тэриллии - Бэс ыйын 21 күнэ 15. “Үөһээ Бүлүү улууһа (оройуона)” муниципальнай оройуон - Бэс ыйын 24-25 күннэрэ 16. “Мэйик нэһилиэгэ” муниципальнай тэриллии - Бэс ыйын 28 күнэ 17. “Өргүөт нэһилиэгэ” муниципальнай тэриллии - Бэс ыйын 28-29 күннэрэ (барыллааһын быһыытынан) 18. “Тамалакаан нэһилиэгэ” муниципальнай тэриллии - биллэ илик 19. “Хомустаах нэһилиэгэ” муниципальнай тэриллии - Ыһыах буолбат #Ыһыах #ҮөһээБүлүү T.me/ValeriNikolaev

Бүгүн, ыам ыйын 27 күнүгэр Н.Г. Золотарев - Якутскай аатынан Харбалаах орто оскуолатын баазатыгар сылын ахсын тэриллэр биэс хонуктаах байыаннай үөрэх хомуурун арыллыытыгар кыттыыны ыллым. Быйыл байыаннай хомуурга Үөһээ Бүлүү улууһун 13 оскуолатыттан 10-с кылаас уолаттара уонна Үөһээ Бүлүүтээҕи техникум үөрэнээччилэрэ барыта 89 уол кыттар. Хомуур сүрүн салайааччыта Харбалаах орто оскуолатын физкультураҕа учуутала Арнольд Николаевич Брощев, хомуур штабын салайааччыта Кэнтик орто оскуолатын директоры иитэр үлэҕэ солбуйааччы Степан Анатольевич Родинов уонна эдэр байыастары бэлэмнээх буолууга иитэр Саха сирин быыһыыр сулууспатын Бүлүүтээҕи этэрээт көрдүүр уонна быыһыыр салаатын салайааччыта, анал байыаннай дьайыы кыттыылааҕа Михаил Васильевич Ан биэс хонук устата уолаттары военно-патриотическай иитиигэ дьарыктыахтара. Урукку кэмҥэ Үөһээ Бүлүүгэ байыаннай үөрэхтээһиҥҥэ «Чуураат» оҕо лааҕыра тэриллэрэ. Онтон билиҥҥи кэмҥэ олох араас түгэннэригэр бэлэм буолууга, дойдуну таптыырга, эрчиллиилээх буоларга сүрүн иитэр үлэни ыытар биэс хонуктаах хомуур үгэс быһыытынан тэриллэрэ олус хайҕабыллаах. Бүгүҥҥү күнтэн саҕалаан инники эрэллэрбит, Ийэ дойдуларын көмүскүүргэ бэлэмнээх буолууга тургутууну, бэлэмнэниини ааһыахтара. Эдэр байыастары, уһуйааччылары хомуур бастакы күнүнэн эҕэрдэлээтэ Үөһээ Бүлүү улууһун үөрэҕэриитин салайааччыта Юрий Васильевич Кынатов. Юрий Васильевиһы кытта Харбалаах орто оскуолатыгар сылдьан, хомуурга кэлбит уолаттар олорор сирдэрин усулуобуйаларын, аһыыр астарын, үөрэнэр, дьарыктанар сирдэрин көрдүбүт. Уолаттарбыт, ыччаттарбыт! Бу биэс хонук иһигэр элбэххэ үөрэнин, сайдын, бөҕө туруктанын, эр киһилии хорсун санаалаах буолун диэн баҕа санаабын тиэрдэбин. #ВоеннаяПодготовка #Верхневилюйск T.me/ValeriNikolaev

Убаастабыллаах Үөһээ Бүлүү улууһун урбаанньыттара! Эһигини идэлээх бырааһынньыккытынан - Урбаанньыт күнүнэн "Үөһээ Бүлүү улууһа (оройуона)" муниципальнай оройуон аатыттан уонна тус бэйэм итиитик-истиҥник эҕэрдэлиибин. Урбаанньыт үлэтэ олус сыралаах, элбэх кыһамньыны уонна эппиэтинэһи ирдиир. Урбаанньыт бэйэтин эрэ туһугар буолбакка нэһилиэнньэ наадыйыытын толорорго элбэх кылааты оҥорор. Урбаанньыттар баар буолаҥҥыт улууспут социальнай-экэнэмиичэскэй сайдыыта күүһүрэр, бөҕөргүүр, улуус олоҕун таһыма үрдүүр. Урбаанньыттар улууһу табаарынан уонна араас өҥөнөн хааччыйарга эрэ буолбакка, уопсастыбаннай уонна аһымал акцияларга көхтөөхтүк кытталлар, саҥа үлэ миэстэтин таһаараллар. Түгэни туһанан махтаныам этэ анал байаннай дьайыыга сылдьар уолаттарбытыгар, ону таһынан Нам улууһугар халаан уутугар эмсэҕэлээбиттэргэ суһал көмөнү хомуйарга көмөлөспүт, кылааттарын киллэрбит, ону таһынан улуустааҕы араас тэрээһиннэргэ, аһымал акцияларга кыттыыны ылар урбааньыттарга. Бүгүҥҥү бэлиэ күҥҥэ баҕарыам этэ эһиэхэ сайдыыны. Күн аайы дохуоттаах буоларгытыгар, саҥа саҕалааһыннаргыт барыстаах буолалларыгар баҕарабыт. Чэгиэн туругу, чөл доруобуйаны, үбү-харчыны, ситиһиилэри! Үөһээ Бүлүү улууһун баһылыга Валерий Николаев. #ДеньРоссийскогоПредпринимательства #Верхневилюйск T.me/ValeriNikolaev

Жители Верхневилюйска массово собрались отмечать День Осуохая. В этот летний вечер, гости в национальных костюмах собрались у дома Олонхо, а наши именитые запевалы повели их за собой в традиционный хороводный танец. Отрадно, что на Осуохай пришли и стар и млад.

Бүгүн Үөһээ Бүлүү улууһун бары оскуолаларыгар Түмүк чуораан чугдаарда. Быйыл улууспут үрдүнэн 179 выпускник 11-с кылааһы, 329 үөрэнээччи 9-с кылааһы бүтэрэллэр. 11-с кылааһы 14 выпускник кыһыл көмүс мэдээлинэн бүтэрээри бэлэмнэнэ сылдьаллар. Бүгүн Үөһээ Бүлүүтээҕи 4-с нүөмэрдээх оскуолаҕа үөрэх дьылын түмүктүүр үөрүүлээх линейкаҕа кыттыыны ыллым. 4-с оскуоланы быйыл 17 оҕо бүтэрдэ. Үөрүүлээх линейкаҕа араас сылларга оскуоланы салайбыт дириэктэрдэр Кынатов Ю.В., Гольдеров Ф.Ф., Александров А.М., Ан М.В. уонна билиҥҥи оскуола дириэктэрэ Кардашевский С.Н. выпускниктары эҕэрдэлээтилэр. Күндү Үөһээ Бүлүү улууһун выпускниктара! Эһиги 11 сыл устата ылбыт билиигитин туһанан, экзаменнаргытын ситиһиилээхтик туттаран, талбыт үөрэххитигэр киирэр кэмҥит кэллэ. Эһиги иннигитигэр студент олоҕо кэтэһэр. Үрдүк, орто үөрэх кыһатын бүтэрэн, үтүө үлэһит дьон буолаҥҥыт дойдугутугар эргиллэн, төрөөбүт улуускут туһугар үлэлиэххит-хамсыаххыт диэн бигэ эрэллэхпит. #ПоследнийЗвонок2024 #ҮөһээБүлүү T.me/ValeriNikolaev

Бүгүн, ыам ыйын 25 күнүгэр, Аллараа Бэстээххэ Руслан Еремеевич Федотов маҕаһыыныттан Үөһээ Бүлүү улууһун тэриллиилээх хаһаайыстыбалара "Кормозаготовка" бырагыраамматынан тыраахтырдары ыллылар. Ол курдук: 1.Кардашевский Петр Владимирович - Балаҕаннах. 2 ОСПК Кубалаах - Үөдүгэй 3 Васильев Василий Васильевич - Дүллүкү 4 Акимов Василий - Далыр 5 Тюляхов Айсен - Оросу 6 СХПК Быйаман - Нам 7 Санников Ариан - Мэйик 8 Степанов Николай - Боотулу 9 Васильев Никита - Кэнтик 10 Григорьев Никита - Хоро Саҥа тыраахтардары ылбыт тэриллиилээх хаһаайыстыбаларбытын, тыа хаһаайыстыбатын үлэһиттэрин эҕэрдэлиибит. Үлэҕит таһаарыылаах, быйаҥнаах буоллун. #ВручениеТракторов #Кормозаготовка #ҮөһээБүлүү T.me/ValeriNikolaev

Бүгүн, ыам ыйын 25 күнүгэр, Аллараа Бэстээххэ Руслан Еремеевич Федотов маҕаһыыныттан Үөһээ Бүлүү улууһун тэриллиилээх хаһаайыстыбалара "Кормозаготовка" бырагыраамматынан тыраахтырдары ыллылар. Ол курдук: 1.Кардашевский Петр Владимирович - Балаҕаннах. 2 ОСПК Кубалаах - Үөдүгэй 3 Васильев Василий Васильевич - Дүллүкү 4 Акимов Василий - Далыр 5 Тюляхов Айсен - Оросу 6 СХПК Быйаман - Нам 7 Санников Ариан - Мэйик 8 Степанов Николай - Боотулу 9 Васильев Никита - Кэнтик 10 Григорьев Никита - Хоро Саҥа тыраахтардары ылбыт тэриллиилээх хаһаайыстыбаларбытын, тыа хаһаайыстыбатын үлэһиттэрин эҕэрдэлиибит. Үлэҕит таһаарыылаах, быйаҥнаах буоллун. #ВручениеТракторов #Кормозаготовка #ҮөһээБүлүү T.me/ValeriNikolaev

Бүгүн Саха Өрөспүүбүлүкэтигэр аан маҥнайгытын оһуохай күнүн бэлиэтиибит. Оһуохай күнэ Саха Өрөспүүбүлүкэтин Ил Дархана Айсен Сергеевич Николаев 2023 сыл, балаҕан ыйын 7 күнүгэр илии баттаабыт Ыйааҕынан тэриллибитэ. Үөһээ Бүлүү улууһа Саха Сиригэр бастыҥ оһуохайдьыттарынан аатырар. Ол курдук, Ил Дархан Айсен Сергеевич эһээтэ Андрей Титович Титаров өрөспүүбүлүкэҕэ биллэр тойуксут, норуот ырыаһыта уонна бастыҥ оһуохайдьыт. Кини аатынан өрөспүүбүлүкэтээҕи оһуохай күрэҕэ Үөһээ Бүлүүгэ номнуо 20-чэ сыл ыытыллар. Саха Сирин Аан Дархан этээччилэрин аатын араас сылларга сүкпүттэрэ Үөһээ Бүлүүттэн Вадим Константинов, Валентина Семенова уонна Айталина Мойтохонова. Айталина Михайловна Мойтохонова хас да көлүөнэ Саха Сирин үтүөлээх оһуохайдьыттарын иитэн таһаарбыт оһуохайга бастыҥ уһуйааччы буолар. Үөһээ Бүлүүгэ оһуохай киэҥник сайдарыгар сүҥкэн кылааты уурбут киһибит - Үөһээ Бүлүүтээҕи Оһуохай түмсүү салайааччыта Дмитрий Яковлевич Федотов буолар. Кини көҕүлээһининэн Үөһээ Бүлүү оһуохайа киэҥник тарҕаммыта, аатырбыта, сайдыбыта. Онон Саха Сиригэр Оһуохай сайдыытыгар Үөһээ Бүлүүлэр кылааппыт улахан. Бары оһуохайы таптааччылары, сэҥээрээччилэри, оһуохайдьыттары, кынаттары, уһуйааччылары, үөрэнээччилэри Саха Сиригэр оһуохай күнүнэн эҕэрдэлиибин. Үөһээ Бүлүү оһуохайа дорҕоонноохтук дуорайа турдун! #ОһуохайКүнэ #ҮөһээБүлүү T.me/ValeriNikolaev