Baku Estate

📌Azərbaycanda mənzil satışı ilə bağlı yeniliklər olacaq – Layihə hazırlanır 🔶Mənzillərin etibarlı satışının təşkili və mənzil əldə etmiş şəxslərin hüquqlarının qorunması məqsədilə Mənzil Məcəlləsində dəyişiklik edilməsi barədə qanun layihəsinin hazırlanaraq aidiyyəti üzrə təqdim edilməsi 1 iyul 2024-cü il tarixinə nəzərdə tutulub. 🔷Qanun layihəsi ilə bağlı icraçı qurumlar İqtisadiyyat Nazirliyi yanında Əmlak Məsələləri Dövlət Xidməti və Ədliyyə Nazirliyidir.

📌Çin ölkənin ən böyük daşınmaz əmlak şirkətini ləğv edir 🔶Honkonq məhkəməsi nəhəng “China Evergrande Group” şirkətinin ləğvi barədə qərar qəbul edib.Dünyanın ən böyük daşınmaz əmlak şirkətlərindən birini ləğv etmək qərarı onun müflis olması ilə bağlıdır. Hakim Linda Çen qeyd edib ki, “Evergrande” rəhbərliyi borcunu restrukturizasiya etmək üçün konkret plan hazırlaya bilməyib. 🔷“Evergrande” işi Çin iqtisadiyyatına zərbə vurub və ölkənin daşınmaz əmlak bazarına inamı sarsıdıb. Ölkədə mənzil qiymətləri ucuzlaşmaqda davam edir. “Evergrande Group” – Çinin ən böyük daşınmaz əmlak şirkətidir. Şirkət 1996-cı ildə yaradılıb və layihələri üçün borc götürüb.

📌 Tarixi binalarının fasadlarında aparılan təmir işlərinin araşdırılması məqsədilə xüsusi Komissiya yaradılır 🔶 Bakı Şəhər İcra Hakimiyyətində (BŞİH) paytaxtın təsərrüfat xidmətləri rəhbərlərinin iştirakı ilə növbəti müşavirə keçirilib. Bu barədə Bakı Şəhər İcra Hakimiyyətinin Mətbuat Xidmətindən məlumat verilib. 🔷  Qeyd olunub ki, paytaxt ərazisində təmizlik məsələlərinin daha da yaxşılaşdırılması məqsədi ilə Bakı Şəhər Mənzil Kommunal-Təsərrüfatı Departamentinin rəhbərliyinə tövsiyə edilib ki, rayon MKTB-nin rəhbərləri ilə birgə bu məsələlər müzakirə edilsin, aşkar edilən nöqsanların qısa müddətdə aradan qaldırılması üçün tədbirlər görülsün.

Bakıda “28 May” ərazisi belə olacaq Bakıda aparılan genişmiqyaslı abadlıq quruculuq işləri çərçivəsində metronun “28 May” stansiyasının və Dəmir yol vağzalının qarşısındakı meydanda əsaslı təmir-yenidənqurma işlərinə başlanılıb.  Bu barədə Bakı Şəhər İcra Hakimiyyətindən bildirilib. 

📌Bakıda memarlıq abidələrində aparılan təmir işləri ilə bağlı işçi qrup yaradılıb 🔸Son günlər Bakı şəhərində yerləşən bir sıra memarlıq abidələri olan binalarda aparılan təmir-bərpa və abadlıq işləri ictimaiyyət arasında müzakirələrə yol açıb. Bu narahatlıq bəzi tarixi bina fasadlarının, o cümlədən daşla üzlənmiş binaların rənglənməsi işlərinə başlanılmasıdır. 🔹Mədəniyyət Nazirliyinin məlumatında qeyd edilib ki, aparılan abadlıq işlərin səbəbi - BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) ərəfəsində paytaxt ərazisində bir sıra binalarda, o cümlədən memarlıq abidələrində təmir-bərpa işlərinin həyata keçirilməsidir.

🔹Azərbaycanda dövlət xətti ilə kirayə müqaviləsinin rəsmiləşdirilməsi müddəti azaldılıb 🔹Fərmana əsasən, bundan sonra Fond razılıq barədə qərarını elektron sistemdə yerləşdirdiyi gündən 7 iş günü müddətində müraciət edən şəxs yaşayış sahəsini seçəcək və yaşayış sahəsi onun tərəfindən seçildiyi gündən 7 iş günü müddətində kirayə müqaviləsinin rəsmiləşdirilməsi həyata keçiriləcək. 🔶İndiyə qədər, bu müddət 10 gün idi.

“Bayıl Bay” ən yaxşı daşınmaz əmlak layihəsi kimi “Beynəlxalq Əmlak Mükafatı”na namizəd göstərilib. Bu nailiyyət daha əvvəl “Bina Memarlığı üzrə Beynəlxalq Əmlak Mükafatı”-nı qazanan “Bayıl Bay” layihəsinin sayca ikinci mükafatıdır. “Bayıl Bay” Bakıda yüksək keyfiyyətli yaşayış və kommersiya obyektlərinin tikintisi üzrə ixtisaslaşmış aparıcı şirkət olan “Baku City Residences” brendinin qabaqcıl layihələrindən biridir.

🏡 Kartla daşınmaz əmlak alanlara 8 milyon manatdan çox ƏDV geri qaytarılıb

📌Bakıda çoxmərtəbəli binaların zəlzələyə davamlılığı müntəzəm monitorinq ediləcək 🔸Bakıda yüksək mərtəbəli binaların zəlzələyə davamlığının müntəzəm monitorinqi ilə bağlı layihə hazırlanıb. 🔸Sığorta şirkətləri həmin binalardakı mənzilləri sığorta edərkən monitorinqin nəticələrini nəzərə alacaqlar.

📌Bakının bu ünvanında binalar sökülür 🔹Sakinlərə yeni mənzillər, aylıq 700 AZN kirayə pulu verilir. 🔹Bakının Yasamal rayonu ərazisindəki daha bir ünvanda beşmərtəbəli binaların söküntüsü planlaşdırılır. 🔹Belə ki, Zahid Xəlilov və Əbdürrəhim bəy Haqverdiyev küçələri ərazisində yerləşən binalardan bəzilərinin söküntüsü həyata keçiriləcək. 🔹Sakinlərə söküləcək evləri müqabilində kompensasiyalar təklif olunur. Evlərini tərk edən sakinlərə pilot layihə olaraq yeni binalardan 20 kvadrat metr əlavə sahəsi olan mənzillər təklif olunur. 🔹Yeni binaların tikiləcəyi müddət ərzində isə vətəndaşlara 700 manat kirayə pulu verilir. Yeni binalarda mənzil almaq istəməyən vətəndaşlara isə kvadrat metri 1700 AZN-dən pul təklif olnunur.