រដ្ឋបាលខេត្តកំពង់ចាម

លោកស្រី បាន សារ៉ា ប្រជាពលរដ្ឋរស់នៅ​ឃុំ​កោះសូទិន ស្រុកកោះសូទិន បានបង្ហាញទឹក​ចិត្ត ចូលរួមសកម្មភាព ធ្វើត្រី​ឆ្អើរ ដើម្បី​ជូនវីរៈ​កងទ័ព​ជួរមុខ!

អភិបាលខេត្តកំពង់ចាម ផ្តួចផ្តើមឲ្យអ្នកស្រុកកោះសូទិន ធ្វេីត្រីឆ្អើរចំនួន ៣ពាន់ចង្កាក់​ ដើម្បីផ្គត់ផ្គង់ដល់កងទ័ពជួរមុខ

អភិបាលខេត្តកំពង់ចាម ផ្តួចផ្តើមឲ្យអ្នកស្រុកកោះសូទិន ធ្វេីត្រីឆ្អើរចំនួន ៣ពាន់ចង្កាក់​ ដើម្បីផ្គត់ផ្គង់ដល់កងទ័ពជួរមុខ ក្នុងស្មារតីខ្មែរជួយខ្មែរ​ ដើម្បីជាតិខ្មែរ! សមរភូមិក្រោយជួយសមរភូមិមុខ! ខ្ខ្មែរមានសាមគ្គីភាព ខ្មែរខ្លាំង!!! ខណៈ​រដូវនេះជារដូវរំហេីយ​ រដូវត្រីចុះ ដែលបងប្អូនប្រជានេសាទមមាញឹកខ្លាំងក្នុងការប្រមូលផលត្រី ទន្ទឹមនឹងផលត្រីឆ្នាំនេះមានការកើនឡើងគួរឲ្យកត់សម្គាល់ និងស្របពេលរដូវប្រមូលផលត្រីបានចូលមកដល់, ឯកឧត្ដម​ អ៊ុន​ ចាន់ដា​ អភិបាលនៃគណៈខេត្តកំពង់ចាម​ លោកបានផ្តួចផ្តើមគំនិតដល់អ្នកភូមិកោះថ្មី​ ឃុំកោះសូទិន​ ស្រុកកោះសូទិន​ ឲ្យបង្កេីត​សហគមន៍​ធ្វេីត្រីឆ្អេីរ សម្រាប់ផ្គត់ផ្គង់គ្រួសារ ក្នុងសហគមន៍ និងឆ្អេីរ​៣.០០០ចង្កាក់ រួមនឹងដាំបន្លែបង្ការផ្សេងៗ​ ដើម្បីត្រៀមជូនដល់វីរកងទ័ពជួរមុខ ដោយឯកឧត្តមអភិបាលខេត្ត ជាអ្នកឧបត្ថម្ភថវិកា។ ក្នុងដំណើរអញ្ជើញចុះពិនិត្យ​ និងសំណេះសំណាលជាមួយបងប្អូនប្រជាពលរដ្ឋនៅភូមិកោះថ្មី​ ឃុំកោះសូទិន​ ស្រុកកោះសូទិន​ នាថ្ងៃនេះដែរ​ ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម​ បានចងក្រងឲ្យភូមិនៅតំបន់នេះបង្កេីតជាសហគមន៍ត្រីឆ្អេីរ​ ដោយបានដាក់ឈ្មោះថា​ "សហគមន៍​ត្រីឆ្អេីរកោះថ្មី​" ព្រោះតែដោយឃេីញពីសក្តានុពលនៅតំបន់នេះជាប់ដងទន្លេមេគង្គ​សំបូរត្រី​ និងអ្នកភូមិ​មានសាមគ្គី​ភាព​គ្នាល្អ ប្រកបដោយសុភមង្គល។ បងប្អូនសហគមន៍អ្នកភូមិកោះថ្មី ស្រុកកោះសូទិន បានបង្ហាញអារម្មណ៍សប្បាយរីករាយក្រៃលែង ចំពោះគំនិតផ្ដួចផ្ដើមដ៏ថ្លៃថ្លារបស់ឯកឧត្តម អ៊ុន ចាន់ដា អភិបាលខេត្ត ដើម្បីរួមចំណែកជាមួយរាជរដ្ឋាភិបាល ក្រោមការដឹកនាំដ៏ឈ្លាសវៃ ប៉ិនប្រសប់ ប្រកបដោយគតិបណ្ឌិតរបស់សម្តេច តេជោ-ធិបតី ក្នុងបុព្វហេតុជាតិ មាតុភូមិ និងប្រជាជន ក៏ដូចជាបងៗវីរកងទ័ពដ៏អង់អាចក្លាហាន៕

សេចក្តីជូនដំណឹង ស្តីពី ការផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទជាបណ្តោះអាសន្ន លើកំណាត់ផ្លូវជាតិលេខ៧ ចាប់ពីគ.ម៤៣+៣០០ ដល់គ.ម៤៥+៥០០ (ចាប់ពីរង្វង់មូលសេះ ដល់រង្វង់មូលស្ពានគីហ្សូណា) ស្ថិតក្នុងក្រុងកំពង់ចាម ខេត្តកំពង់ចាម ចាប់ពីថ្ងៃទី១៣ ខែមករា ឆ្នាំ២០២៦ រហូតដល់ថ្ងៃទី១០ ខែមេសា ឆ្នាំ២០២៦ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

ឯកឧត្តម អ៊ុន ចាន់ដា សមាជិកគណៈអចិន្ត្រៃយ៍ សហភាពសហព័ន្ធយុវជនកម្ពុជា ថ្នាក់កណ្ដាល នារសៀលថ្ងៃទី១០ ខែមករា ឆ្នាំ២០២៦ បានអញ្ជើញចូលរួមកិច្ចប្រជុំគណៈអចិន្ត្រៃយ៍ គណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) ក្រោមអធិបតីភាពឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅមជ្ឈមណ្ឌលម៉ានី អគារ The Kampus រាជធានីភ្នំពេញ។ កិច្ចប្រជុំបានពិនិត្យ ពិភាក្សា និងអនុម័តលើរបៀបវារៈសំខាន់ៗចំនួន២ និងទទួលបានការចូលរួមបញ្ចេញមតិយោបល់យ៉ាងផុសផុល លើឯកសារផែនទីបង្ហាញផ្លូវ ស.ស.យ.ក. ២.០(UYFC 2.0) ឆ្ពោះទៅឆ្នាំ២០២៨ និងការពង្រឹងរចនាសម្ព័ន្ធស.ស.យ.ក. ឃុំ/សង្កាត់ផងដែរ។ គួរបញ្ជាក់ផងដែរថា គណៈអចិន្រ្តៃយ៍គណៈកម្មាធិការកណ្តាល ស.ស.យ.ក. តែងតែធ្វើការប្រជុំជាទៀងទាត់ ដើម្បីពិនិត្យ និងពិភាក្សាលើរបៀបវារៈ សំខាន់ៗ ជាពិសេសលើការតាមដាន និងអនុវត្តផែនការយុទ្ធសាស្រ្ត «យុវជនក្នុងបុព្វហេតុជាតិមាតុភូមិ ២០២៣-២០២៨»។

ឯកឧត្តម អ៊ុន ចាន់ដា អញ្ជើញដឹកនាំកិច្ចប្រជុំ​បូកសរុប​ និងវាយតម្លៃលទ្ធផលការងារប្រចាំឆ្នាំ២០២៥​ និងលេីកទិសដៅអនុវត្តបន្ត​ ឆ្នាំ២០២៦​ របស់គណកម្មាធិការគណបក្សប្រជាជនកម្ពុជាខេត្តកំពង់ចាម ​ នៅព្រឹកថ្ងៃទី១០ ខែមករា ឆ្នាំ២០២៦ នេះ ឯកឧត្តម អ៊ុន ចាន់ដា សមាជិកគណៈកម្មាធិការកណ្ដាលគណបក្សប្រជាជនកម្ពុជា, ប្រធានគណៈកម្មាធិការគណបក្សខេត្តកំពង់ចាម បានអញ្ជើញដឹកនាំកិច្ចប្រជុំ​បូកសរុប​ និងវាយតម្លៃលទ្ធផលការងារប្រចាំឆ្នាំ២០២៥​ និងលេីកទិសដៅអនុវត្តបន្ត​ ឆ្នាំ២០២៦​ របស់គណកម្មាធិការគណបក្សប្រជាជនកម្ពុជាខេត្តកំពង់ចាម ស្ថិតនៅទីស្នាក់ការគណបក្សខេត្ត។ នាឱកាសនោះ ឯកឧត្តម អ៊ុន ចាន់ដា ប្រធានគណបក្សខេត្ត បានថ្លែងការការកោតសរសើរចំពោះគណៈអចិន្ត្រៃយ៍គណបក្សខេត្ត និងក្រុមការងារគណបក្សទាំងអស់ ដែលបានលះបង់លះបង់យ៉ាងធំធេងចំពោះគណបក្ស និងប្រជាជន រហូតទទួលបានជោគជ័យយ៉ាងត្រចះត្រចង់មកដល់សព្វថ្ងៃនេះ។ ទន្ទឹមនឹងការកោតសរសើរ ឯកឧត្តម អ៊ុន ចាន់ដា បានជំរុញដល់ក្រុមការងារគណបក្ស និងមន្ត្រីពាក់ព័ន្ធ បន្តពង្រឹងការបម្រើសេវាសាធារណៈឲ្យបានល្អប្រសើរ ដើម្បីទទួលបានទំនុកចិត្តបន្ថែមពីប្រជាពលរដ្ឋ សំដៅធ្វើយ៉ាងណា រក្សាបាននូវសុខសន្តិភាព និងការអភិវឌ្ឍ ក្រោមមាគាដឹកនាំដ៏ភ្លឺស្វាងរបស់គណបក្សប្រជាជនកម្ពុជា។ ឯកឧត្តមប្រធានគណបក្សខេត្ត ក៏បានក្រើនរំលឹកដល់ថ្នាក់ដឹកនាំគណបក្សចំណុះ គណៈកម្មាធិការបក្សខេត្តទាំងអស់ សូមបន្តផ្សព្វផ្សាយដល់ថ្នាក់ដឹកនាំគណបក្សនៅតាមមូលដ្ឋាន សូមបន្តអនុវត្ត និងកសាងខ្លួន បន្តធ្វើនូវអំពើល្អ ដោយប្រកាន់ខ្ជាប់នូវអត្តចរឹត និងសីលធម៌ ល្អប្រពៃ ដើម្បីឲ្យសក្ដិសមជាមន្ត្រីគណក្ស ដែលមានតួនាទីបំរើនូវសេវាផ្សេងៗ តាមអង្គភាពរដ្ឋ ជូនប្រជាពលរដ្ឋឲ្យបានល្អប្រសើរ និងដើម្បីជាការឆ្លើយតបទៅនឹងទិសដៅរបស់គណបក្ស និងរាជរដ្ឋាភិបាល ក្រោមការដឹកនាំដ៏ឈ្លាសវៃ បុិនប្រសព្វ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជា៕

គណៈប្រតិភូព្រឹទ្ធសភាភូមិភាគ២នាំយកអំណោយសម្តេចតេជោផ្តល់ជូនពលរដ្ឋនិងសិស្សភៀសសឹកនៅស្រុកស្រីសន្ធរ

ឯកឧត្តម អ៊ុច បូររិទ្ធ អនុប្រធានទី១ នៃព្រឹទ្ធសភា អញ្ជើញសួរសុខទុក្ខ និងនាំយកអំណោយ ផ្តល់ជូនប្រជាពលរដ្ឋភៀសសឹក ក្នុងស្រុកស្រីសន្ធរ ខេត្តកំពង់ចាម

អភិបាលខេត្តកំពង់ចាម អញ្ជើញគោរពវិញ្ញាណក្ខន ឧបាសិកា ធិន ធឹង ត្រូវជាម្តាយបង្កើត ឯកឧត្តម ឡោ ចាន់លី (កំពង់ចាម): នាព្រឹកថ្ងៃទី៩ ខែមករា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការបក្សប្រជាជនកម្ពុជាខេត្តកំពង់ចាម និងសហការី បានអញ្ជើញចូលរួមរំលែកមរណទុក្ខ និងគោរពវិញ្ញាណក្ខន្ធ ឧបាសិកា ធិន ធឹង ត្រូវជាម្តាយបង្កើត ឯកឧត្តម ឡោ ចាន់លី អភិបាលរងខេត្តកំពង់ចាម និងជាសមាជិកគណៈអចិន្ត្រៃយ៍បក្សខេត្ត ដែលម្តាយរបស់ ឯកឧត្តមបានទទួលមរណភាពកាលពីថ្ងៃពុធ ៤រោច ខែបុស្ស ឆ្នាំម្សាញ់សប្តស័កពុទ្ធសករាជ២០៦៩ ត្រូវនឹងថ្ងៃទី៧ ខែកមរា ឆ្នាំ២០២៦ ក្នុងជន្មាយុ៧៦ ឆ្នាំ ដោយរោគាពាធ ស្ថិតនៅគេហដ្ឋានភូមិតាំងក្រាំង ឃុំជាលា ស្រុកបាធាយ ខេត្តកំពង់ចាម។  ក្នុងសមានទុក្ខដ៏សែនសោកសៅ នេះ ឯកឧត្តម អ៊ុន ចាន់ដា សូមចូលរួមរំលែកមរណទុក្ខដ៏ក្រៀមក្រំ ជាមួយឯកឧត្តម ឡោ ចាន់លី និងក្រុមគ្រួសារ និងបានប្រគល់សារលិខិតរំលែកទុក្ខរបស់រដ្ឋបាលខេត្ត និងបច្ច័យមួយចំនួន ជូនគ្រួសារសពផងដែរ។ ឯកឧត្តម អ៊ុន ចាន់ដា សូមឧទ្ទិសកុសលផលបុណ្យជូនដួងវិញ្ញាណក្ខន្ធ ឧបាសិកា ធិន ធឹង បានបដិសន្ធិក្នុងសុគតិភពកុំបីឃ្លៀងឃ្លាតឡើយ៕🙏🙏🙏

សូមគោរពលោកជំទាវ អោយប្អូនសុំសាំង១បុងមកទៅមើលម៉ែក្មេកនៅកាលម៉ែត្រ ដោយក្តីគោរព

អភិបាលខេត្តកំពង់ចាម ចូលរួមអមដំណើរ ឯកឧត្តម អ៊ុច បូររិទ្ធ អនុប្រធានទី១ នៃព្រឹទ្ធសភា អញ្ជើញសួរសុខទុក្ខ និងនាំយកអំណោយដ៏ ថ្លៃថ្លារបស់សម្តេចតេជោ ហ៊ុន សែន ផ្តល់ជូនប្រជាពលរដ្ឋភៀសសឹក ក្នុងស្រុកស្រីសន្ធរ (កំពង់ចាម): នាព្រឹកថ្ងៃទី០៩ ខែមករា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំក្រុមការងារខេត្ត ចូលរួមអមដំណើរ ឯកឧត្តម អ៊ុច បូររិទ្ធ អនុប្រធានទី១ នៃព្រឹទ្ធសភា ដឹកនាំគណប្រតិភូព្រឹទ្ធសភាភូមិភាគ២ អញ្ជើញសួរសុខទុក្ខ និងនាំយកអំណោយរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ផ្តល់ជូនប្រជាពលរដ្ឋភៀសសឹក ចំនួន ៣៥៣គ្រួសារ ស្រ្តី មានផ្ទៃពោះ ចំនួន ៤នាក់ និងសិស្សនុសិស្សភៀសសឹក ចំនួន ២.៩៤នាក់ ក្នុងស្រុកស្រីសន្ធរ។ ពិធីនេះក៏មានការអញ្ជើញចូលរួមពី លោកជំទាវបណ្ឌិត អ៊ុក ម៉ាលី សមាជិកា គណៈកម្មការទី២ ព្រឹទ្ធសភា, ឯកឧត្តម លូ គឹមឈន់ ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រីសន្ធរ ព្រមទាំង លោក លោកស្រី ប្រតិភូអមអំណើរជាច្រើនរូបទៀតផងដែរ។ នាឱកាសនោះ ឯកឧត្តម អនុប្រធានទី១ព្រឹទ្ធសភា បានពាំនាំនូវការផ្ដាំផ្ញើការសាកសួរសុខទុក្ខពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ជូនដល់បងប្អូន អ៊ំ ពូ មីង ក្មួយៗ និងចៅៗជាជនភៀសសឹកទាំងអស់ ដែលកំពុងស្នាក់អាស្រ័យនៅក្នុងស្រុកស្រីសន្ធរ ខេត្តកំពង់ចាម។ ជាមួយគ្នានោះ ឯកឧត្តម អ៊ុច បូររិទ្ធ ក៏បានអំពាវនាវឱ្យបងប្អូនប្រជាពលរដ្ឋទាំងអស់ សូមមានជំនឿជឿជាក់មកលើការដឹកនាំប្រកបដោយគិតិបណ្ឌិត និងវៃឆ្លាតរបស់សម្តេចតេជោ ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ក្នុងការចាត់វិធានការនានាដើម្បីការពារបូរណភាពដែនដី និងដោះស្រាយវិវាទព្រំប្រទល់ជាមួយប្រទេសថៃដោយសន្តិវិធី និងផ្អែកលើច្បាប់អន្តរជាតិ ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន សំដៅធានាបាននូវសន្តិភាព និងការអភិវឌ្ឍប្រកបដោយចីរភាពជូនជាតិមាតុភូមិ៕

ប្រជាកសិករដាំល្ពៅក្នុងឃុំពាមជីកង រីករាយក្នុងការប្រមូលផល ខណៈឆ្នាំនេះលើទីផ្សារមានតម្លៃខ្ពស់