•ادعوا لأموات المسلمين •

بعد انقضاء أول أيام العيد؛ لحظة إدراك أن فى الجنة ستكون كل أيامنا عيد، رؤية الله وأُنسٌ بالأحبة ووجوه ناضرة مُبتسمة وملابس من سندس وإستبرق وما يخطر بِبالك ستراه أمامك في نفس اللحظة! لا مهام تُقضى ولا عيون تبكي ولا فراق ولا انتظار فيها. لبيك إن العيش عيش الآخرة 🤍

بكره الإثنين .. هنصوم؟ لا ، لأن غدا أول يوم من أيام التشريق ويَحرُم صيام أيام التشريق قال صلى الله عليه وسلم " أيام التشريق أيام أكل وشرب وذكر لله "

بنات غـ.ـرْه من صلاه العيد ♥️

أكتر حاجة كنت بستغربها في مسألة المسيخ الدجال دي، هو ازاااي هيجي المسيخ الدجال يقول لمسلم انا ربنا وهيصدقه ؟! ازاي هيبقى معاه جنة وهيبقى معاه نار ؟! ازاي طيب هيحيي الميت ؟! لحد ما شفت إعلان بيبسي بتاع محمد صلاح مع لوڤرين صديقه وزميله السابق في ليڤربول !! وساعتها الموضوع اتضح ليا تمامًا ! للوهلة الأولى بعد ما شفت ظهور محمد صلاح وهو بيكلم لوڤرين حسيت بحاجة غلط !! حاسس ان صلاح فيه حاجة غريبة، حسيت بجمود في وشّـه وطريقته في الكلام وكإنه روبوت، رغم ان هو شكل صلاح مليون في المية! فضلت أدور ورا الموضوع، لحد ما اكتشفت ان فعلا اللي عمل الاعلان مش محمد صلاااااح ! ايوووون، زي ما بقولك كدا يا صديقي، مش محمد صلاح اللي عمل الاعلان. دا دوبلير ( شبيه ) محمد صلاح، وتم استخدام وجه محمد صلاح على الدوبلير دا بالذكاء الاصطناعي علشان تطلع النتيجة زي ما شفتوا كدا بالظبط واللي محدش شك فيها غير اللي دقق اوي . وفي الصورة تحت هتشوفوا صورة لشبيه محمد صلاح مع لوڤرين! هتقولي ايه المشكلة ؟! وايه دخل دا بالمسيخ الدجال ؟! هقولك اللي حصل فـ الاعلان دا عادي علشان حصل مع محمد صلاح، شخص عااايش! السؤال هنا بقى لو دا حصل مع شخص ميت ؟! هل دا يعتبر إحياء للموتى ؟! لما الميت يظهر قدامك من تاني بصورة حيّـة تمامًا، مش هو دا اللي المسيخ الدجال هيعمله بالظبط ؟! مش هي دي فتنة المسيخ الدجال؟! انه يحيي الميت ؟! طب هل دا ممكن يحصل قدام ؟! أحب أقولك يا حبيب أخوك انه حصل بالفعل ! ايييييييييه ؟! حصل ؟! ايوووواااااااا، حصل ! ارجع معايا كدا بالزمن لسنة ٢٠١٣ في اعلان رمضان بتاع بيبسي! كلنا اتفاجئنا بفؤاد المهندس طالع علينا ف الاعلان وكإنه هو بالظبط! هو اللي حصل في الاعلان دا يعتبر إحياء ميت ؟! عمليًا طبعا لأ، لكن علميًا أيوا، انا جبتلك نفس الشخص تاني وحركته قدامه تاني بعد الموت ! طب دا حصل تاني؟! هقولك طبعا حصل، وبصورة واقعية اكتر !! فين دا بقى ؟! هقولك لما اتوفى الممثل الجميل بوول ووكر أثناء تمثيل فيلم ( Fast & Furious ) المخرج استعان بأخو الممثل بوول ووكر لان مشاهد بوول مكنتش لسه خلصت ، وركب وشه على وش أخوه بالذكاء الاصطناعي، وكانت النتيجة ان محدش فينا شك ثانية ان دا مش بوول ووكر، ومحدش عرف ان دا حصل فعلا الا لما المخرج وطقم العمل، صرّحوا بكدا ، وكنا مفكرين انه خلَّص مشاهد الفيلم قبل الوفاة !! هل دا ميعتبرش إحياء للموتى ؟! اقتنعت طيب ؟! هتقولي لا طبعا مقتنعتش، دا بيحصل في التلفزيون بمونتاچ وإخراج وكدا، لكن دا هيحصل قدامي ازاي ؟! هقولك طيب تمام، انت بقى اللي طلبت اني اثبتلك، يبقى تستحمل كرسيك وفنجان قهوتك وتعالى معااايا علشان هبهرك! سنة ٢٠٠٨ مجموعة من علماء اليابان استنسخوا فار ! هتقولي يا سلاااام ؟! وايه الجديد؟! طب ما العلماء استنسخوا قبل كدا معزة ( دولي ) واستنسخوا كلب ! فين الجديد ؟! هقولك ان المعزة والكلب استنسخوهم من حيوانات عايشة، اخدوا الحمض النووي بتاعهم واستنسخوا بيه حيوانات تشبههم ١٠٠ ٪، لكن الجديد هنا ان الفار اللي تم استنساخه دا كان فااار ميت ؟!!! ايوااااااا، زي ما بقولك كدا، أخدوا الحمض النووي من فار ميت واستنسخوه !! طبعًا انتوا عارفين ان الحمض النووي او ال DNA دا بيكون فيه جميع صفاتك الشكلية والطباعية، شكلك، لونك ، طولك ، وزنك ، طباعك، عصبي ولا هادي، طيب ولا صعب، كل حاجة حرفيًا، فكدا تم استنساخ فار كان مات خلااص، في فار جديد ! طيب هل دا إحياء للموتى ؟! هتقولي بس في النهاية دا فااار ؟! مجرد فاااار! هقولك بس كدا ؟! طيب يا سيدي تعالى معايا تاني ! سنة ٢٠١٥ في شاب اسمه رومان مات في حادثـ.ـة عربية، رومان كان ليه صداقات كتيرة جدا وكان ليه زوجة اسمها يوچينيا، واللي كانت بتحبه جدًا، فعملت برنامجين برنامج اسمه رومان، وبرنامج اسمه ريبليكا ( Replika ) ، البرنامجين دول يوچينيا حطت فيهم كل الرسايل اللي كان بيبعتهالها رومان، وكل صوره وكل حاجة خاصة برومان و guess what يا صديقي ؟! البرنامجين اتفاعلوا مع كمية الداتا دي وبقوا نسخة طبق الاصل من رومان، نفس ردوده ونفس طريقته في الرد على الرسايل ونفس كل حاجة كان بيقولها بالظبط. وع فكرة انت نفسك ممكن تنزل ابلكيشن ( Replika ) وتديله بياناتك ومعلوماتك وهتلاقي نسخة اليكترونية طبق الأصل منك !! هتقولي بس بردو دي مجرد نسخة اليكترونية من الشخص اللي مات مش إحياء موتى بالمعنى الحرفي يعني ؟! هقولك يا صديقي، انت لو حد جابلك حاجة بتتكلم بنفس طريقة والدك ولا والدتك، الحنين هيخليك متفكرش ف اي حاجة ! لكن بردو خليني معاك للآخر ! احنل لو مشينا بنفس طريقة استنساخ الفار ، هنقدر نعمل اللي انت عاوزه دا، هنعيد إحياء الميت بالفعل، مش بالمعنى الحرفي لإحياء الميت، لكن هنقدر نستنسخ الميت ؟! ازاااي ؟!

هنجيب الحمض النووي من الشخص اللي مات دا وهنحطه في خلايا جذعية، وهنخلي الخلايا دي تنقسم، لحد ما تكوِّن خلايا عليها كل الحمض النووي للشخص الميت دا، وساعتها هنحط الخلايا الجذعية دي في رحم أي امرأة، وساعتها هيتم ولادة شخص فيه ١٠٠٪ من صفات الشخص المتوفي دا، شكله، طوله، تصرفاته ، صوته ، طريقة كلامه، كل حاجة فيه حرفيًا، وبكدا تبقى رجعتّه تاني من الموت ؟! ها ؟! اقتنعت ؟! هنقتنع اكتر لو تخلّيت عن فكرة ان المسيخ الدجال هيجيلك في صورة راجل اعور لابس جلابية مقطعة وشعره منكوش. هتقتنع اكتر لو فكرت ان المسيخ الدجال ممكن يجيلك في هيئة راجل لابس بدلة غالية جدا وأنيق وبيصحيلك اللي ماتوا ليك وكلامه مقنع جدا بالنسبالك، ولبِق وهيقدملك الحجة والدليل اللي عقلك محتاجه علشان يصدق ! وانت ساعتها هتصدق، لاننا واحدة واحدة بننسلخ عن الدين، الحاجة اللي من ١٠ سنين كانت جريـ.ـمة، بقت دلوقتي عااادي جدا، زمان لو بنت واحدة من بنات التيك توك عملت فيديو زي اللي بيتعمل دلوقتي دا كانت ممكن تتقـ ـتل من اهلها، أما دلوقتي بقى الموضوع عاااادي جدًا ! بصوا على أعداد الملحدين وصلت قد إيه وانتوا هتفهموا ان الموضوع بقى سهل جدًا على الدجال، كل اللي عليه هيقدملك شوية أجوبة من اللي كان عقلك دايمًا بيفكر فيها ومش لاقيلها إجابة، مش مشكلة الاجوبة دي صح او غلط، المهم طريقته اللي هيوصلك بيها الإجابة !! كلنا عارفين ان لماىىىـونية وصل تقدمها لأقصى حد، وانها هي اصلا اللي عملت كل الأبحاث اللي فاتت دي ؟! فهل تعتقد إن الأمر دا صعب على كبير الماىىىـونيين وقائدهم " المسيخ الدجال " ؟! الرسول عليه الصلاة والسلام لما قالنا على فتنة الدجال، مقالش على الكيفية اللي هيحيي بيها الموتى، بس كلنا جه في بالنا الطريقة التقليدية، اللي هو يقول للميت قوم فيقوم، لكن ليه مجاش في بالنا ان مع تقدمنا التكنولوجي، ومرور الزمن، يكون الكلام دا بطريقة علمية أكتر !! هتقولي طيب والدجال هيجيب الأحماض النووية بتاعتنا منين علشان يستنسخها بالخلايا الجذعية ؟! هقولك في منظمة تم تأسيسها سنة 2003 اسمها ( terasem movement foundation ) المنظمة دي بتهدف حتى الان لجمع جميع المعلومات الجينية والاحماض النووية لجميع البشر ! الموضوع مش عبثي ولا غوغائي، الحكاية كلها عاوزة تحكيم عقل وبس !!

‏ليس فى ديننا علاقة بين الرجل والمرأة إلا الزواج وماعدا ذلك فهو باطل جُملةً وتفصيلاً " علاقات حب ، صداقة إلكترونية ، صداقة عمل ، صداقة محترمة ، صداقة نِقاش وو.. إلخ " وكل هذه المُسميات ما هى إلا تمرير للمنكر لا أكثر ومحاولة تحسين صورته حتى يصبح الأمر عادى ولا يستنكرونه صديق المرأة هو زوجها أو أبوها أو أخوها أو ابنها فقط. وصديقة الرجل زوجته أو أمه أو أخته أو ابنته ، لا غير!

╭ ❌ تقبّل اللّٰه مِنّا ومِنكُم صالح الأعمال ✅ تقبّل اللّٰه مِنّا ومِنكُم «أنت اضمن الأول أنه عمل صالح عاد تدعو الله أن يتقبله!! ما ورد هذا، إنما الذي ورد عن الصحابة أنهم إذا لَقُوا بعضهم في عيد أو غيره قالوا "تقبَّل اللّٰه مِنّا ومِنكم"...» ○ الشيخ عبد الله القصيّر -رحمة الله-

‏"الرزق أنواع ، أعظمها شريكاً حنوناً طيباً ، إذا مالت الدُنيا لا يميل ♥️."

لا تنسونا من الدعاء بأن يصلح حالنا ويغفر لنا ولا تنسوا اخوانكم المستضعفين في كل بقاع الارض

« يَا صَاحِب البيْتِ.. يَا صَاحِب الدَّار أَنعَم عليْنَا واكْتبْنَا مِن الزُّوَّار.» 💙 فاللهم يا رب