Shaimaa Shebl ❤️

https://www.facebook.com/share/p/14Zs1JoYyuD/ شاركوني رأيكم 🤍✨️

مبسوطة أوي إني عملت السيشن دي ✨️ كانت تجربة جميلة جدًا، وتفاعل الشباب وكلامهم بعد السيشن فرّق معايا بجد، وخلاني حاسة إني بعمل حاجة ليها معنى! ⟵ اتكلمنا عن إزاي تبني ثقة حقيقية مش وهمية ⟵ فهمنا أسباب ضعف الثقة وبتبدأ منين ⟵ واشتغلنا على خطوات عملية تفرق فعلًا في حياتك لينك المحاضرة على جوجل درايف واي حد يحضرها هنتظر منه الفيدباك https://drive.google.com/file/d/1ht4RTBrIsxbTR2KwnGNebxroXZ2VE26n/view?usp=drivesdk لينك الجميعة اللي عملت معاهم السيشن وبيقدموا دايمًا محاضرات مفيدة https://chat.whatsapp.com/J1VjuamlDeGKu8nD1RVcnZ?mode=gi_t

فى محاولات كتير إني أرجّع نفسي وقلبي لربنا… وأفهم ليه العبادات بقت تقيلة عليا كده اكتشفت إن استهلاكي للمباحات كتير لدرجة إن مفيش مكان فى قلبي للعبادة!! يعني طول اليوم من منصة للتانية وفيديوهات وريلزات وبوستات، *ده حتى لو مكنش فيها أغاني أو حاجة ممكن تُحسب علينا وده قليل يعني* فهي بتعمل زي راكم على القلب كده، وأنت لما تيجي تعبد ربنا محتاج تشيل الراكم ده فاللي بيحصل إنك تتألم عشان تشيل الراكم ده واللي بيكون على هيئة تشتت وفتور.. زي واحد متعود على صوت عالي طول الوقت أول ما يقعد في هدوء… بيتعب القلب بيتعوّد على السرعة والمتعة السهلة فلما تيجي للعبادة (اللي محتاجة سكون وتركيز وصبر)… تحس إنها تقيلة فمحتاجين نستبدل جزء من الاستهلاك بحاجة أهدى زي قرآن بصوت هادي أو درس ديني بشكل يومي وأهم حاجة إننا منستناش “الإحساس” عشان نعبد اعمل العبادة وهي تقيلة لحد ما قلبك يرجع يلين تاني 🤍 شيماء شبل

لو هقولك على مهارة واحدة بس (بحاول كتير اتعلمها) تخلي حياتك زي الفل بجد فهي هتكون المُرونة 🤏 مهما كنت شطور وبتخطط ومرتب ومنظم حياتك إلا إن الحياة دايمآ بتفاجئك بخطط أجمل وبتنفذها غصب عنك 😅 فلو أنت شخص بتعرف ترجع لروتينك وتتكيف مع أي ظروف جديدة بسرعة فدي نعمة بجد متقولش لحد عليها.. لكن لو زيي أي وضع جديد بيلغبط روتينك ومش بتعرف تعيد ترتيب نفسك بسرعة، فمتزعلش وارجع بهدوء وبخطوات صغيرة وكل حاجة هترجع عادي.. و متزعلش على الوقت اللي ييروح فى انك ترتب نفسك من تاني الحياة مش ثابتة ولازم تتحرك معاها:) شيماء شبل

وأنا بحضر محاضرة للمهندس أيمن قال: مفيش حد سوي نفسيًا لأنك أنت بشر.. وكل شخص عنده قدر من الخلل النفسي.. وإن عند علماء النفس حالة السواء النفسي دي حالة متعذرة! وإن لو الشخص يعني ممتاز ممكن نقول عليه قريب من السواء النفسي أو بعيد عن الحالات المرضية النفسية. فأنا وقفت عند الكلام ده شوية لأنه حقيقة مؤلمة شوية اكتشفتها مؤخرًا والحقيقة دي خلتني أغير نظرتي لنفسي ولـ أشخاص كتير حواليا، أنت ممكن تكون بتعاني من عُقدة نفسية معينة وبتعاني من وجودها وبتلوم نفسك فالبوست ده مجرد تذكير بسيط إنك تشتغل على نفسك وتصحيحها بدون ما تجلد ذاتك وتحاول تفهم: افهم ليه بتخاف ليه بتزعل ليه بتتصرف بطريقة معينة وحاول كمان تبص للي حواليك بنفس الرحمة كل واحد عنده معركته اللي محدش شايفها وفي الآخر… إحنا مش مطلوب مننا نكون كاملين مطلوب بس نكون أحسن شوية كل يوم 🤍 شيماء شبل

الدكتور عماد بيقول بعض الأفكار لو فضلت جواك هتسممك! بيشبه للنفس بالجسم، لو جسمك مقدرش يعمل عملية إخراج بشكل مستمر فهيحصلك تسمم!! لفتتني أوي الجملة دي، لأن على قد ما هي تبان بسيطة لكنها من أوجع الحقائق.. دايمًا المثالية والناس الواو تبينلك إن الشطارة لو عرفت تكتفي بنفسك وتونس نفسك وتحب نفسك والبعض بيفهم معنى الكلام ده إن خلاص احنا عايشين فى العالم لوحدنا ومحدش لازم يعرف وجعنا ولا آلمنا أنا كمان كنت فاكرة كده لحد ما اكتشفت إن للأسف ده عيب كبير مأثر على نفسيتي وصحتي الجسدية كمان، إني بسكت: بزعل وبسكت مش بواجه ومش بشتكي ولا حتى بفضفض بعمل نفسي مفيش أي حاجة ويلا نشتغل عادي ويلا نخرج عادي، بس فهمت إن ده مش حل، ده مسكن ومشاعر الزعل دي كلها بترجع مع اول موقف جديد كأنها لسه حاصلة.. ده غير إن كتمان أفكارك ومشاعرك وعدم التعبير عنها بيأثر بطرق مباشرة وغير مباشرة على صحتك يعني انا درست فى النفسية إن الألم النفسي قادر جدًا يتحول للأم جسدي لو النفس مقدرتش تعالجه! بيقولوا إن الزعل اللي معرفتش تعيط وتعبر عنه، بيخلي أعضائك تعيط وتعبر هي عنه. متسيبش أفكارك جواك، اكتب وشارك واتكلم ودور على حد يسمعك حتى لو معالج نفسي.

الإستعداد لشهر رمضان كما يجب، شوفوا المخطط بالتفصيل من هنا https://www.facebook.com/share/p/1NEize4f23/

لما عملت كورس التغيير الواعي كنت متخوفة من النتيجة ورد فعل المشتركين.. لان مهما كان الكونتنت منظم ومفيد وفعلا يساعدك ولكن بردو دي بداية. البداية دايمًا بتكون مخيفة لعقلك، حاجة جديدة عليه، هو مش عارف هي آمان ولا لا، ده حتى يمكن تكون خطر!!! فعلشان كده بيكون فيه دايمًا مقاومة من نفسك لما تحاول تتغير أو تدخل أي عادة جديدة فى حياتك! وانا كمان نفسي قاومتني كتير عشان معملش الكورس ده ولا أعلن عنه، بس لاني اشتغلت بالتكنيك اللي دماغك بتحبه هو إنك تبذل مجهود بسيط فى الحاجة الجديدة اللي ناوي تعملها، لحد ما تثبت لعقلك إننا فى آمان. 🤍 وردود فعل الناس ابهرتني و بصراحة حبيت الكورس أكتر لأنه قدم منفعة حقيقة للمشتركين. وعشان دي سنة جديدة بتبدأ ومتتكررش فيها نفس الأخطاء وعشان لازم تفهم نفسك وعقليتك قبل ما تقرر تحط خطط عظيمة. دلوقتي فيه خصم 45% على الكورس. وكمان فيه حد هياخده مجاني هختاره من الكومنتات، بس الشرط تسيب كومنت بتقول فيه محتاج كورس التغيير ليه؟ 🎯 https://www.facebook.com/share/p/17yxqvHqfC/

الحمد لله بفضل الله، الدفعة الاولي من كورس رحلة التغيير الواعى تم على خير ♥️ https://www.facebook.com/share/p/1QVH6U1gtd/ وفيه خصم كويس جدًا للدفعة الجديدة بمناسبة السنة الجديدة. 🔥

فكرة فيها ريسك شوية أو شويتين! 🫢 بس نو ريسك نو فان!! لمدة أقل من خمس ساعات تقدر تاخد كورس رحلة التغيير الواعي بأخر تلات أرقام من رقم تليفونك! 💗🔥 هتلاقوا تفاصيل أكتر عن العرض هنا Start Camp سيب آخر تلات أرقام عندك فى الكومنتات وربنا يستر 🫠

مرة سألت نفسي هو أنا ليه عارفة الصح واللي مفروض يغيرني ومش بعمله؟ ليه بنصحى كل يوم ونقول من بكرة هتغير و هغير حياتي وهبقى شخص تاني وهكذا لحد وقت لا يعلمه إلا الله. لحد ما اكتشفت إن الموضوع مش كسل مننا ولا إننا اقل من غيرنا ومش مجتهدين!! الحقيقه اللي محدش قالهالك إن دماغك أصلاً مش معمول عشان يتغير هو معمول عشان يحافظ عليك!! على اللي متعود عليه حتى لو اللي متعود عليه ده مخلى حياتك نيلة:) عشان كده أول ما تفكر تبدأ تسمع صوت جواك يقول مش وقته، ابدأ بكرة إنت جربت قبل كده وفشلت!! ده مش صوتك ده نظام دفاع شغّال تلقائي المشكلة بقى إن أغلبنا بيفهم الصوت دة على إنه أنا مش قد كده أنا دايمًا بفشل أنا مش هكمل وبكده مش بس بنوقف ومنتغريش ده إحنا بنبرمج دماغنا يكمل توقيفنا! 🫠 التغيير الحقيقي مش بيبدأ بحماس ولا بقرارات كبيرة ولا بجملة “المرة دي غير” بيبدأ لما تفهم إنت بتقف فين وليه وتبدأ بخطوة صغيرة أصغر مما عقلك يخاف منها مش كل اللى اتغيروا كانوا أذكى منك ولا ظروفهم أحسن بس فرق واحد إنهم فهموا عوائقهم و مش بيجلدو نفسهم كل يوم بلا هدف!! لو حاسس إنك بتبدأ كتير ومش بتكمل وإنك واقف مكانك رغم إنك واعي وفاهم فيمكن المشكلة مش فيك يمكن المشكلة إن محدش علّمك تفهم نفسك الأول قبل ما تحاول تغيرها!! حاولت فى محاضرة أكتر من ساعة بتكلم فيها عن عوائق التغيير اللى بتقاومنا كل يوم وبتمنعنا من التغيير الحقيقي. أي تفاصيل عن الكورس وعن محتواه من Start Camp وهتلاقى خصم محترم للطلبة ♥️ شيماء شبل

مؤخرًا بقيت بشارك معاكم الحياة بواقعية شوية و بنقلكم تجربتي، بعيدًا شوية عن المثالية الكاملة اللي كنت ممكن اصدرهالكم فى الاول! فانا جايه اقولكم المرادي: لما أطلقت كورس رحلة التغيير الواعي وقررت يكون سعره متواضع عشان الطلبة بالذات. بس بعدها لاقيت المقابل المادي مش موازي الجهد المبذول فى الكورس! وإن عادي كنت بعمل المبلغ ده من شغل تاني أقل جهدًا من شغل الكورس والمتابعة والتقييم واللي بيكون على مدار شهر كامل.. ووسط الحر.ب الداخلية دي وانا كده مش مستفيدة:) ربنا الهمني بحاجة ان الحياة مش لازم هتديك قد اللي هتديهولها ولا بالطريقة اللي مستنياها منها. والوقت ده وقت مناسب تأثري في حياة الناس وتكسبي أثر طيب، ومش ضروري يكون مكسب مادي حاليآ. وإن يا شيماء لو شخص واحد خرج من الكورس ده وهو أحسن فاهم نفسه أكتر منضبط أكتر أوعى شوية أقوى شوية فأنتي ساهمتي فى حياة إنسان انه يتحسن وحتى لو بأثر بسيط 🤍 وساعات الأثر البسيط ده بيكمل مع الشخص سنين! ومن وقتها وأنا بقدم الكورس بكل حب فى الدنيا وبحاول مع المتدربين بأقصى جهدى. فده مجرد تذكير لأي حد حاسس إنه بيعمل أكتر ما بياخد وبيقدّم أكتر ما بيتردله.. إن مش كل المكاسب بتتحسب فلوس في مكاسب بتبان أثر وفي مكاسب ربنا بس اللي بيشوفها. ولو ربنا اختارك تكون سبب حتى في تغيير بسيط في حياة حد فده لوحده نعمة كبيرة قوي. 💗 شيماء شبل

أنت عمرك ما هتحس إنك جاهز، لأن الجاهزية مش مشاعر بتتحس.. إنك تكون جاهز ده قرار ممكن تاخده فى أي وقت!

https://www.facebook.com/share/p/1XGxPdri3E/ ياريت تشاركوني فرحتي ♥️

لو فيه حاجة واحدة بتخليني أعرف أكمل فى الحياة واتعامل مع أضرارها فهي هتكون إني مش المسؤولة عن سبب الضرر أنا مسؤولة عن الحل. مش بجلد ذاتي مش بفكر في اللي حصل مش بلوم حد ولا بحاسب حد كل يوم حرفيا بتعامل عن إزاي نحل ياشيماء؟ إزاي نتقبل؟ إزاي نتعامل؟ إزاي اقدر اتعايش ونعدي الايام؟ بدور على حد يساعدني أو على طريقة أو على كتاب أو روتين أو أداة أو علاج أو نظام. أنتوا مش مذنبين يا جماعة أنتوا مش مسؤولين عن أي صدمة أو عقبة جات فى طريقكم وبتنغص عليكم حياتكم. أي حد زرع حاجة فيك سيئة، متخلهاش إجابة، خليها سؤال ودور عل الحل. مسؤوليتكم إنكم تحاولو تتعافوا 🤍 شيماء شبل

مكنتش بحب السهر أيام الكلية، سهر الإمتحانات والكويزات والتسليمات اللي مش بتخلص أو البريزنتيشن اللي بفضل أحفظ فيه طول الليل والتعب والارهاق والصداع تاني يوم اللى بسببه مش بكون شايفه قدامي طول اليوم! كنت مفكرة إن خلاص من إنتهاء الكلية، الوضع ده هينتهي، ومش هذاكر كده تاني ولا هضغط نفسي كده تاني. أصل المرحلة الجاية هبذل مجهود فى حاجات بحبها أكتر ♥️ بس اكتشفت إن كنت غلطانة، تعب السعى فى أي مكان طلع نفس التعب! حتى لو كنت بتسعي فى مجال بتحبه وشغفك فيه، هتسهر، مش هتنام ساعتين على بعض، هتضغط، هتوقف حاجات فى حياتك! فالخلاصة، متستعجلش مرور أي مرحلة فى حياتك، عيش أيامك، اعمل ذكريات، متفضلش بتذاكر أو بتشتغل وأنت مش طايق نفسك:) كده كده هتعمل الفعل، ف اعمله وأنت رايق من غير تستهلك نفسيتك فى التوتر وجلد الذات. الحياة مفيهاش سعي مريح، السعي كله متعب بس الفكرة إنك تستمتع بسعيك 🥰 شيماء شبل

مديري من فترة قالّي: إنتِ شاطرة جدًا، بس عندِك عيب معطّلك.. "إنتِ عاملة زي اللي واقفة طول اليوم في المطبخ، بتطبخ وبتتعب وبتبدع... بس مش راضية تطلع الأكل لحد يدوقه." ودي صفة اكتشفتها فيا وانا بحاول أدور على نفسي. لأن فعلاً، ساعات بنكون بنشتغل على نفسنا، بنقرأ، بنتطور، بنحلم... بس لما ييجي وقت التنفيذ أو نشارك اللي عملناه، بنقف! مش كسل، بس خوف. خايفين نغلط، خايفين نترفض، خايفين نطلع مش كفاية. بس الحقيقة إن طول ما الطبخة جوا المطبخ، عمرنا ما هنعرف طعمها عامل إزاي، ولا هنتعلم نطبخ أحسن. وعشان كده، قررت أطلع اللي جوا المطبخ. قررت أشارك الرحلة دي بكل تفاصيلها... الرحلة اللي اشتغلت عليها شهور، وبذلت فيها مجهود كبير جدًا، علشان تطلع في شكل كورس اسمه رحلة التغيير الواعي. ✨️ مش مجرد كورس... دي تجربة حقيقية فيها كل اللي اتعلمته عن التغيير، والوعي، والجرأة إنك تطلع بره منطقة راحتك ومنطقة الأمان بتاعتك. وتشوف أسباب مقاومتك للتغيير وليه مش قادر تطلع للنور وتعيش الحياة اللي بتحلم بيها. حاجات كتير هتكتشفها لأول مرة وهتكون خلال شهر واحد شخص واعي لنفسك ولوقتك ولافكارك وأهدافك. لو حابب تكون معانا من هنا