الباشمؤرخ(روايات)

⭐مدينة هرقليون الغارقة 🏛️ لو حد شاف الصور دي اكيد حيقول انها صور من فيلم اجنبي وانها مالهاش وجود علي ارض الواقع طبعا لكن لو قولتلك ان الصور دي حقيقية .. حتصدق 🤔 اه يا باشا صدق لان الصور دي حقيقية و موجودة فعلا و في #مصر كمان 🙄 دي يا سيدي مدينة #هرقليون الغارقة و موجودة تحديدا تحت مية البحر المتوسط علي بعد ٢.٥ كيلو من مدينة #ابو_قير في #الاسكندرية 🌊 المدينة دي موجودة تحت البحر علي بعد ١٠ امتار ، حاجة كده فوق الخيال بحبتين ، مدينة كاملة اكتشفوها من حوالي ٢٠ سنة محتفظة بكامل جمالها و سحرها 👌 طيب ايه حكاية المدينة دي 🤔 المدينة دي عمرها الاف السنين و كانت مركز تجاري و بحري علي البحر مباشرة وغرقت بالشكل اللي شايفينه ده و محدش عارف سبب غرقها لحد دلوقتي ايه ، هل كان السبب زلزال ولا فيضان محدش عارف 🤷 لكن واضح من اطلال المدينة و شكل العمارة و شكل وجمال التماثيل انها وصلت لعلم و رقي وازدهار كبير اوي و انها بتحتفظ لسه بأسرار كتير جدا لدرجة انهم بيسموها ( اطلانتس المصرية ) نسبة الي #قارة_اطلانتس المفقودة و من جمالها بقت مكان بيستقطب هواة الغطس من جميع انحاء العالم و اعتقد ان فيه جزء كبير منها تم انتشاله و تم عرضه في متاحف اسكندرية اللي لازم ادور علي القطع دي اتعرضت فين واروح اصورها مصر دي بلد عظيمة فعلا و مليانة كنوز ، و كنوزها مش بس في البر لا ده في البحر كمان🤗❤️

⚜️درع الأسد الملكي - Royal Lion Armour ⚔️ غير قابل للإختراق.. ولكن لكل بدايـة نهايـة ⛏ 🌙🐱خلال القرون الوسطى أمر هنري الثاني ملك فرنسا أتباعه بإبتكار درع معدني يكون هو الأقوى على مر العصور وبمواصفات تجعله غير قابل للإختراق أبدًا؛ واستند الملك هنري على أمهر وأحرف العاملين بروما لتنفيذ طلبه. وبالفعل عام 1550 تم إنشاء الدرع وأُطلق عليه درع الأسد الملكي [ Royal Lion Armour ] وكانت لكل قطعة فيه خلفها قطعة تقوية وبطانة جلدية للحماية والعزل، وكان الدرع منقوشًا يدويًا ومُغلق تمامًا ليجعل صاحبه غير قابل للإختراق أبدًا. وفي عام 1559 أثناء الإحتفال بصلح "كاتو كامبريسيس" عقدت مبارزة ودية، وأثناء هذه المبارزة يُصاب الملك هنري بشظية خشبية تخترق خوذته المغلقة والتي لا يظهر منها الّا فتحة صغيرة يرى منها، لتُصيب هذه الشظية عيناه مباشرةً وتؤدي إلى تلوث الدم وعدم قدرة الأطباء على معالجته حتى توفى بسبب تعفن الدم. وهي قصة واقعية نستخلص منها أمراً واحداً وهو أن مهما بلغت سلطتك ومهما ظننت أنك الأقوى بين البشر، فلن يمنع ذلك من وصول ملك الموت إليك. { أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ }

🔥⏳قصه من الجزائر صاحبتها بتقول من 3 وهيا نعست بس قررت قبل ما تدخل في السرير أنها تاخد دش عشان تنام مستريحه اكتر عادي يعني معظمنا بيعمل كدا ومفيش حاجه غريبه، الحمام بتاعهم في اخر البيت بعيد عن اوض النوم تحسه معزول كدا في نهايه طرقه طويله وفعلا خدت هدومها وراحت الحمام، دخلت الحمام وعلقت الهدوم وفتحت المايه الدافيه في البانيو والجو كان جميل مع دفا المايه واستمتاعها بيها بدأت تغني وتخلص اغنيه تدخل في غيرها وصوتها يعلي ومندمجه جدا في الغنا، بتقول معرفش الوقت جري ازاي بس حست انها قعدت وقت طويل جوا وعاوزه تخرج بس في حاجه جواها بتمنعها زي مايكون حد بيقنعها تفضل دا الجو جميل والمايه دافيه تخرجي ليه من المود دلوقتي، وهيا مندمجه في وسط الغنا وفجاه بدون اي سابق إنذار ستاره البانيو اتشدت كلها بعنف واتقفلت ونور الحمام قفل في نفس اللحظه !! 👁 طبعا الموقف يخض حتي لو ممكن نحسبها أن دي صدف بس الموقف يخض وقعدت تنادي علي امها او اي حد من برا لكن محدش سمعها وبدأت تحس ان المايه الي كانت سخنه من شويه بقت تلج حرفيا وجسمها برد ومبقتش عارفه تتصرف وخوفها مكتفها، قعدت تعيط وقامت تحسس في الضلمه علي اوكره الباب تفتحها تنده علي حد بس المفاجاه أن الباب مبيفتحش !! 😈 باب الحمام ملوش مفتاح حد يقفله من برا والترابيس جوا الحمام قعدت ترزع علي الباب وتشده وهيا بتصوت قالت هوا كان بيفتح فتحه بسيطه بس زي ما يكون حد بيشده من برا عشان ميفتحش حسيت ان في حد عاوز يحبسني في الحمام، وهيا بتصرخ وبتضرب الباب حست أن في زي ريشه بتمشي علي رجلها🪶 الاتنين مره واحده عارف شعور أن حد يمشي حاجه ناعمه علي جسمك ؟ هوا دا الشعور بظبط والي زاد عليه أنها حست أن في حد واقف وراها💀 وكل الخوف دا اتجمع علي هياه صويت وعياط وخبط علي الباب، فين وفييين لما الباب فتح لواحده لبست هدومها بسرعه في الحمام وخرجت وهيا بتخرج اقسمت أن في حد زقها من جوا الحمام والباب اترزع وراها !! 👹 طلعت تجري علي الصاله بتعيط ولما أهلها شافوها اتخضو من منظرها وايه الي حصل وكأنهم كانو في عالم تاني ما حتي لو الحمام بعيد ازاي مسمعوش كل الخبط والصويت دا كله ؟ الي حصلها كان في حد مش عاوز يخرجها من جوا ولما قرر يخرجها بمزاجه وخرجها والباب فتح، طبعا محدش كان مصدق كلامها اوي لحد ما اتشاف خرابيش علي رجلها في نفس المكان الي كانت بتقول في زي ريشه او حد بيمشي حاجه عليه خرابيش مش عميقه بس تظل خرابيش طب جت منين ؟؟ ومن ساعتها ياعزيزي. القارئ لا بقت تستحمي بليل ولا تغني في الحمام👁 والموقف متكررش🩸 معاها خالص بس لحد ما تحصل مواقف تاني واجي احكيهالك اتمنالك ديما ديما احلام سعيده 🖤🖤🖤 #الباشمؤرخ_روايات

في عصر الجاهلية بمكّة قبل ظهور الإسلام كان فيه حوالي 360 صنم متوزّعين ومرصوصين حوالين الكعبة، ولكل قبيلة أو عشيرة عربيّة صنم خاص بيها، وكانت أشهر الأصنام المُميّزه عندهم، وبيحلفوا بيها كنوع من أنواع الصدق في الحلفان هما (اللات والعزة ومناة)، والـ3 أصنام دول كان العرب بيعتبروهم بنات الله .. لكن ما بين الأصنام كُلّها كان فيه صَنمين مشهورين ومعروفين باسم (إِساف ونائلة)، ودول ليهم أسطورة رواها الإخباريّون العرب، وهي إن فيه امرأة اسمها نائلة جاية تحج هي وجوزها اللي اسمه إِساف من اليمن لمكة علشان ياخدوا بركه إلهيّة في الإنجاب .. فطافوا شوية حوالين الأصنام المرصوصة قُدّام الكعبة، وبعدين دخلوا في جوف الكعبة وسط غفلة الحجاج، ومارسوا الجِـماع مع بعض، فبقُدرة قادر اتمسخوا واتحوّلوا لحجرين (صنمين) .. فالناس قالت احنا ناخد الحجرين دول نحطّهم قدام الكعبة علشان الناس تتّعظ بيهم ويحترموا قدسية الكعبة والحج بعد كده. ولكن لما طال وجود الصنمين قدام الكعبة، واتغيّرت الأجيال، ومرّت السنين، واتحرفت القصص، الناس افتكروا ان دول أصنام للعبادة زي باقي الأصنام، فدخلوا وسط الليلة الإلهيّة دي والناس عبدوهم برضو عن جهل. - وكان فيه أصنام برضو ذكرها القرآن، كانت ليهم مكانة خاصّة وكبيرة عند العرب، وهما (ود، وسواع، ويغوث، ويعوق، ونسر)، الـ5 أصنام دول امتدت عبادتهم من عهد قوم النبي نوح لحد العرب في الجاهلية قبل الإسلام. ودول حسب ما قال الإخباريّون العرب إن هُمّا كانوا 5 رجال صالحين دعوا لعبادة التوحيد، ولمّا ماتوا الناس زعلوا عليهم جداً، فإبليس وسوس ليهم بنحت تماثيل يخلّدوا بيها ذكراهم، ومع مرور السنين بقى الناس بيتبرَّكوا بيهم لو نفسهم في حاجة معينة تتحقق، زي المقامات دلوقتي .. لازم تعرف برضو إن الألوهية العُليا عند العرب في الجاهلية قبل الإسلام كانت منوطة بالله وحده، وكانوا مؤمنين جداً بيه، وكانوا بيبجّلوه كقوة مسيطرة نافذة، ولكن حسب اعتقادهم، انه كان بيستعين بشركاء له في تنفيذ مهماته وأوامره المُقدَّسة، والشركاء دول كانوا عند العرب بمثابة الأصنام اللي بيتبركوا بيها ويقدموا لها قرابين، ويحلفوا بيها، وطبعاً لا حول ولا قوة الا بالله. ▪️بالصورة رسم خيالي لشخصية صنم اللاتِ. #الباشمؤرخ_(روايات)

🌟🐫طول عمرنا بنسمع عن لعنة الفراعنة🌟 ، بس اي اللي يخلي ملك مات واتدفن من 3000 سنة يقدر يسبب ضرر للي يحاول يفتح مقبرته لحد النهارده ؟؟ أهلاً بيكوا في حكاية جديد ه🖤 في سنة 1922 قدر العالم هاورد كارتر يكتشف مقبرة توت عنخ أمون في وادي الملوك وده بعد سبع سنين من البحث المضني !! هاورد كارتر بعت للورد كارنرفون وقاله انه اكتشف المقبرة وقاله انه مفتحش الأبواب غير لما اللورد يجي ويشوف العظمة دي بنفسه وفعلاً اللورد جه الأقصر يوم 23 فبراير وبدأوا يشيلوا الأختام واحد ورا التاني وبدأت اللعنه مع عصفور كناري دهبي كارتر كان جايبه معاه ولما أكتشفوا المقبرة سموها مقبرة العصفور الدهبي و ذُكر في كتاب " سرقة الملك " للكاتب محسن محمد انه لما سافر هاورد للقاهرة علشان يقابل اللورد المساعد بتاع هاورد حط العصفور ده في الشباك ويوم افتتاح المقبرة سمع المساعد صوت العصفور وراح يشوفه لقى أفعى كوبرى لافة عليه !!! التعبان قتل العصفور وطبعاً كلنا عارفين ان الكوبرى مشهوره جداً عند الفراعنة ، كمان يوم افتتاح المقبره قامت عاصفة رملية وشافوا صقر كبير بيطير فوق المقبره !!! لما دخلوا المقبره لقوا منقوش على جدرانها " سيضرب الموت بجناحيه على كل من يعكر صفو الملك " الغريب ان في عمال كتير ماتوا اثناء الحفر !! بعدها في باحثين كتير من اللي شاركوا في الإكتشاف ماتوا في ظروف غامضة والناس قالت ان ده بسبب ڤيروسات في المقبره ، بس الغريب ان الورد كارنرفون اللي مول رحلة البحث مات بعدها بإلتهاب رئوي وكارتر ذات نفسه كان بيحلق دقنه بعدها واتعور وهو بيحلق دقنه وجت بعوضة قرصته في الجرح والجرح اتلوث ومات بسببه واللي يفاجئك ان توت عنخ آمون مات بسبب جرح في صدغه اليمين بردوا !!! 🙂 كان في بنت اسمها جوديث بيكيل كانت رايحة تزور المقبره بعد إفتتاحها علطول لما دخلت المقبره حست ان في قوة غريبه مخلياها مش عاوزة تمشي وحست ان في حاجة غريبة في المقبرة وبعدها بقى حياتها اتقلبت ، لانها بعد ما رجعت بلدها بإسبوع والدها مرض واتوفي وولدتها ماتت بعده علطول وبعدين الكلب بتاعها مات والسيارة بتاعتها إتسرقت وفي حرامي دخل سرق مجوهراتها ، الست يا عيني مكانتش لاحقة 😂 بعدها افتكرت اللي حصل للسكرتير السابق لهاورد كارتر بعد ما رجع لبلده ومعاه قطع اثرية من المقبر لانه بعدها مات بطريقة غريبة وكمان والده انتحر بعدها فقالت ان ممكن يكون ده بسبب القطع الأثرية اللي أخدتها من المقبرة ، جوديث أخدت كل القطع الأثرية اللي عندها ورمتها في النهر وبعدها عاشت حياة هادية بس مش لفترة طويلة لان بعدها بخمس سنين عملت حادثة ولما روحت لقت البيت كله ولع ماعدا صورة كبيرة لتوت عنخ آمون !!! ولقت مجلة كان فيها صورة ليه بردوا وأول ما شافت الصورة حست بوجع غريب في جسمها ، وبعدها مات اتنين قريبين منها وخسرت خسارة مالية كبيرة في عملها !! عزيزي القارئ ، الفراعنة كانوا واصلين في السحر لدرجة انهم يسخروا الجن انه يحرس المقبرة هو وسلالته يعني يتولوا الحراسة للمقبرة زي الميراث كدا لحد ما يجي حد يفك الحراسة دي وساعات بيطلبوا دم يعني ممكن الحراس من الجن يطلبوا ان طفل يتدبح على باب المقبرة علشان يقدروا يسيبوها وبيطلبوا أعضاء زي الحنجرة وصوابع الإيد !!! وفي قضايا كتير في الصعيد عن قتل أطفال للممارسات دي !!

⭐🔹مـسـلسل يـوسـف الـصديـق | يــوســف پــيــامــبــر أكبر كارثـة ثقافية حـصـلت في تاريخ مـصر 🇪🇬 المسلسل إخراج : فرج الله سلحشور البلد المنتج : الجمهورية الإسلامية الإيرانية ⁦🇮🇷 الـمسلسل ده كان سبب إن فيه ناس كتير تقتنع إن أمنحتب الرابع ( إخناتون )، هو ده الملك اللي عاصر سيدنا يوسف !! لدرجة أن بقى فيه ناس لما يتقال أي كلام عن إخناتون، تلاقيها متعصبة جداً، وتقول ازاي، دة الملك اللي كان مع سيدنا يوسف !! وكل ده غلط طبعا .. اولًا : مفيش أي ذكر لوزير في عصر إخناتون يُدعى يوزرسيف أو يوسف أو أي وزير من اصل كنعاني. ثانيًا : إخناتون معناها مش عبدالله زي ما لاقيت ناس بتقولي كده .. بجد لاقيت ناس بتقولي معنى كلمة إخناتون بالعربي يعني عبدالله، وطبعا ده غلط، إخناتون معناها المُخلص أو المُفيد لـ أتون ( اخ أن اتن ). ثالثًا : أحداث المسلسل كانت بتحصل في مدينة طـيبة ( الأقـصر حاليًا )، بس لما كان بيوضح البر الغربي، كان بيجيب الأهرامات و أبو الهول !! .. طب ايه اللي جاب الأهرامات وأبو الهول من الجيزة لـ الأقصر ؟! رابعًا : الأسماء المستخدمة زي "بوتـيفـار و زلـيـخة" دي أسماء مش مصرية ولا ليها أي ذكـر في التاريخ المصري القديم. باخــتـصــار : المسلسلات مش مصـدر تاريـخي، المسلسلات دي من خيال المؤلـف والـمخرج؛ وبخصوص الأنبياء، لا يوجد اي ذكر ليهم في الحضارة المصرية، ودليل وجودهم، في الكتب السماوية فقط .. ودي كـفـايـة؛ وفي النهاية تجسيد الأنبياء حرام شرعًا بـ إتفاق جميع العلماء والمشايخ. #الباشمؤرخ_رويات

⭐⚡▪️رأيتُ عنده فارساً يُهدّدني بالزبانية وخِفتُ أن يأكُلني ! في أحد الأيام أراد الرسول ﷺ السجود عند الكعـبة، فـرفض أبو جـهل ونهى الرسول عن ذلك، وقال: "لئن رأيت محمداً يصلي في هذا المكان لأطأن على عنقه". فلم يُطعه رسول الله وذهب للسجود عند الكعبة، فقال أبو جـهل: ألم أنهك عن هذا يا محمد !!، فلم يستمع الرسول إلى أبو جهل وسجد. فقرر أبو جهل الإقتراب من الرسول وهو يقول سأدعوا قومي حتى يمنعوك وإني أكثر الناس ناديه.. ثم وقف مرة واحدة صامتا ساكنا لا يتحرك وبدأ بالرجوع. وعندما عاد إلى قومه قالوا له: هل خشيت محمداً ؟! .. قال: لا ولكن رأيتُ عنده فارساً يُهدّدني بالزبانية وخِفتُ أن يأكُلني !! وقيل أن هذا الفارس كان سيدنا جبريـل -عليه السلام-. قال الرسول ﷺ : « والذي نفسي بيده لو فعل لأخذته الملائكة عيانا».. وقال ابن عباس: «والله لو دعا ناديه لأخذته زبانية العذاب من ساعته». قيل في الأخبار أن الزبانية هم أشد ملائـكة العذاب، لا يعصون الله ما أمرهم، رؤوسهم في السماء وأرجلهم في الأرض، وهم من يدفعون الكفار في جهنم، وإنهم أعظم الملائـكة خُلقاً، وأشدهم بَطشاً.

تخيل معايا سفينة كبيرة تتحول لمكان مليء بأشباح الضحايا اللي لقوا حتفهم فيها على مدار أكتر من 80 سنة !! أهلاً بيكوا في حكاية جديدة من حكايات العنكبوت سفينة الملكة ماري : كابوس المحيط الهادي السفينة دي كبيرة جدا أطول من برج إيفل وفيها مطاعم وحمامات سباحة ومجهزة بكل وسائل الرفاهية ، لدرجة انها تفوقت على سفينة تايتنك في الحجم والفخامة والسرعة !! سفينة الملكة ماري اتبنت في 1936 وبعد إندلاع الحرب العالمية التانية تم إستخدامها لنقل الجنود بسبب ضخامة حجمها وسنة 1966 تم إرجاعها لموطنها في بريطانيا وبعدين اتباعت لميناء في كاليفورنيا ولحد النهاردة اي حد يدخلها بيطلع مرعوب من اللي شافه وحس بيه جواها وتعالى احكيلك حكايات بعض ضحاياها البوابة رقم 13 في غرفة المحركات نظام البوابات في السفينة اتوماتيك بيتقفل بزرار وفي مرة أثناء عمل تدريب على الإخلاء كان في شاب عنده 17 سنة إسمه ( چون ) من الطاقم قال لزمايله انه هيقدر يخرج من البوابة رقم 13 قبل ما تقفل ساعة الإنذار ، الإنذار اشتغل وچون جري علشان يخرج واول ما راح يعدي البوابة قفلت عليه بسرعة وقسمته لنصفين .. أصدقائه قعدوا يصرخوا ودمه سال وملى المكان .. شبح چون اتشهر جداً واللي زاد شهرته ان في بنت كانت بتستهزء بيه وقالت انها مش مصدقة وراهنت اصحابها انها تعدي من البوابة رقم 13 من غير ما حاجة تحصل ، وساعة ما راحت هناك بتقول ان حاجة شدتها من شعرها وفي حديدة وقعت على رجلها وقطت جزء منها ، البنت بتقول انها هتفضل طول عمرها ندمانة على دخولها للسفينة وقالت انها فضلت فترة كبيرة تحلم بكوابيس شبح چون تاني شبح هو شبح الطفلة چاكي ، الطفلة چاكي غرقت في حمام السباحة ولما خرجوا جثتها لقو تعابير وشها بتقول انها ماتت من الرعب بسبب انها شافت حاجة.. وشبحها بيطوف جنب حمام السباحة ، مبيأذيش حد بس بيسمعوا صوت وبيشوفوا حركة وتم تصويره كذا مرة على هيئة جسم معتم صغير وفي شبح لسيدة تانية غرقت بردوا في حمام السباحة ويُقال انه بيظهر وكأن سيدة لابسة هدوم طراز قديم وبتتحرك حركة سريعة في المكان .. كل ده بقى حاجة والطابق B حاجة تانية طابق ملعون وكل اللي سكنوه ماتوا او قتلوا نفسهم بعدها علطول والحكاية بدأت لما رجل ثري أستأجر الطابق هو وأسرته وأثناء الرحلة خنق زوجته وابنه وضرب بنته بالنار وانتحر وقبلها كان بيقول انه بيسمع صوت بيقوله يقتل أسرته بعدها الطابق B إتشهر إنه ملعون بسببهم وكل اللي سكنوه بعدهم ماتوا او قتلوا نفسهم أخطر مكان في السفينة كلها هو الغرفة B340 الغرفة دي كانو بيسمعوا فيها علطول صوت خناقات الأثاث بيتحرك وده بسبب انه تم قتل أحد الموظفين فيها بوحشية وآخر لما زهقوا فرغوا الغرفة وقفلوها نهائياً ويقال إن آخر مرة تم تنظيف الغرفة فيها كان من 25 سنة !! وكمان مطبخ السفينة مفلتش من الرعب في الحرب العالمية التانية قامت مشاجرة بين الجنود وطباخ وانتهت بانهم قطعوا الطباخ بالسكاكين وطبعاً مش محتاج اقولك ان شبحه سكن المطبخ في يوتيوبر مشهور اسمه ( شاين داوسون ) قرر انه يتحدى الناس واخد اصدقائه وقالهم انه هيفضل في غرفة لواحده وحط كاميرا ، لما قفل الباب بدأ يسمع صوت سحب حاجات وصوت خربشات على الجدار فكر إن أصدقائه بيهزروا معاه علشان يخوفوه لكن لما خرج لقى صحابه بعيد خالص عنه الحكاية مخلصتش عند كدا لما رجع البيت وفتح الكاميرا لاحظ صوت عالي ومزعج كان موجود في الغرفة والغريب انه مسمعهوش الا في الڤيديو لما رجع البيت !! شبح الرجل المبتسم دا بقى بيظهر في الممرات لابس لبس أبيض من تلاتينات القرن الماضي بيظهر يبتسم للزوار ويختفي تاني دي مش كل قصص أشباح السفينة أنا أكتفيت بجزء منهم لانهم كتير والحكايات عنها أكتر السفينة ليها تاريخ دموي زي انها في الحرب العالمية التانية اصطدمت بقارب وقسمته نصفين وكل اللي فيه ماتوا وفيه منهم اللي دخل في المراوح بتاعتها واتقطع تاريخ مأسوي من القتل والدم اللي خلاها واحدة من أكتر الأماكن المرعبة في العالم السفينة إتحولت لمتحف وفندق في كاليفورنيا ولسه موجودة لحد النهارده.

⭐👍نحن اليوم مع صحابي نال شرفًا لم يأخذه غيره من الصحابة. بعد هجرة النبي ﷺ وأصحابه من مكة إلى المدينة، لم يتبقى في مكة إلا عدد قليل من المسلمين لم يهاجروا لمرضهم وكبر سنهم. وكان من بين هؤلاء الصحابة الذين حبسهم المرض وكِبر السن، الصحابي الجليل "ضمـرة بـن جنـدب" والذي لم يستطع أن يتحمل مشقّة السفر وحرارة الصحراء، فظلّ في مكة مرغمًا. ولكنه رضي الله عنه لم يتحمل البقاء وسط المشركين، فقرّر أن يتحامل على نفسه ويتجاهل مرضه وسِنّه وأن يخرج للذهاب إلى رسول الله ﷺ. وبالفعل خرج ضمرة بن جندب، وتوجه إلى المدينة، وأثناء سيره في الطريق اشتد عليه المرض وأدرك أنّه الموت وأنّه لن يستطيع الوصول. فوقف رضي الله عنه حزين وضرب كفًّا على كفٍّ، وقال وهو يضرب الكف الأول : اللهم هذه بيعتي لك .. ثم قال وهو يضرب الثاني : وهذه بيعتي لنبيك .. ثم سقط ميتًا 💔 فنزل جـبريل -عليه السلام- على النبي محمد ﷺ يخبره بما حدث لضمرة، ثم نزل قول اللّٰه تعالى : ﴿ وَمَن یُهَاجِرۡ فِی سَبِیلِ ٱللَّهِ یَجِدۡ فِی ٱلۡأَرۡضِ مُرَ ٰ⁠غَمࣰا كَثِیرࣰا وَسَعَةࣰۚ وَمَن یَخۡرُجۡ مِنۢ بَیۡتِهِۦ مُهَاجِرًا إِلَى ٱللَّهِ وَرَسُولِهِۦ ثُمَّ یُدۡرِكۡهُ ٱلۡمَوۡتُ فَقَدۡ وَقَعَ أَجۡرُهُۥ عَلَى ٱللَّهِۗ وَكَانَ ٱللَّهُ غَفُورࣰا رَّحِیمࣰا ﴾. فجمع النبي ﷺ أصحابه وأخبرهم بشأن ضمرة وقال حديثه الشهير، الذي هو الحديث الأول في صحيح البخاري والأربعين النووية : { إِنَّمَا الأَعْمَالُ بِالنِّيَّاتِ… }. وحاز ضمرة رضي الله عنه شرفًا لم يحزه غيره بأن نزل فيه قُـرآن وسُنّـة، رغم كونه لم يصل إلى المدينة 💛 ▪️الطريق إلى الله طويل، والعمل معه عز وجل لا يشترط فيه أن تصل إلى الهدف، ولكن يكفيك أن تموت وأنت تعمل وتسير في الطريق إليه، وذلك مادامت نيتك لله؛ حافظوا على مسيرتكم إلى الله، فالقلوب ضعيفة والفتن خطافة. #الباشمؤرخ

⭐👍نحن اليوم مع صحابي نال شرفًا لم يأخذه غيره من الصحابة. بعد هجرة النبي ﷺ وأصحابه من مكة إلى المدينة، لم يتبقى في مكة إلا عدد قليل من المسلمين لم يهاجروا لمرضهم وكبر سنهم. وكان من بين هؤلاء الصحابة الذين حبسهم المرض وكِبر السن، الصحابي الجليل "ضمـرة بـن جنـدب" والذي لم يستطع أن يتحمل مشقّة السفر وحرارة الصحراء، فظلّ في مكة مرغمًا. ولكنه رضي الله عنه لم يتحمل البقاء وسط المشركين، فقرّر أن يتحامل على نفسه ويتجاهل مرضه وسِنّه وأن يخرج للذهاب إلى رسول الله ﷺ. وبالفعل خرج ضمرة بن جندب، وتوجه إلى المدينة، وأثناء سيره في الطريق اشتد عليه المرض وأدرك أنّه الموت وأنّه لن يستطيع الوصول. فوقف رضي الله عنه حزين وضرب كفًّا على كفٍّ، وقال وهو يضرب الكف الأول : اللهم هذه بيعتي لك .. ثم قال وهو يضرب الثاني : وهذه بيعتي لنبيك .. ثم سقط ميتًا 💔 فنزل جـبريل -عليه السلام- على النبي محمد ﷺ يخبره بما حدث لضمرة، ثم نزل قول اللّٰه تعالى : ﴿ وَمَن یُهَاجِرۡ فِی سَبِیلِ ٱللَّهِ یَجِدۡ فِی ٱلۡأَرۡضِ مُرَ ٰ⁠غَمࣰا كَثِیرࣰا وَسَعَةࣰۚ وَمَن یَخۡرُجۡ مِنۢ بَیۡتِهِۦ مُهَاجِرًا إِلَى ٱللَّهِ وَرَسُولِهِۦ ثُمَّ یُدۡرِكۡهُ ٱلۡمَوۡتُ فَقَدۡ وَقَعَ أَجۡرُهُۥ عَلَى ٱللَّهِۗ وَكَانَ ٱللَّهُ غَفُورࣰا رَّحِیمࣰا ﴾. فجمع النبي ﷺ أصحابه وأخبرهم بشأن ضمرة وقال حديثه الشهير، الذي هو الحديث الأول في صحيح البخاري والأربعين النووية : { إِنَّمَا الأَعْمَالُ بِالنِّيَّاتِ… }. وحاز ضمرة رضي الله عنه شرفًا لم يحزه غيره بأن نزل فيه قُـرآن وسُنّـة، رغم كونه لم يصل إلى المدينة 💛 ▪️الطريق إلى الله طويل، والعمل معه عز وجل لا يشترط فيه أن تصل إلى الهدف، ولكن يكفيك أن تموت وأنت تعمل وتسير في الطريق إليه، وذلك مادامت نيتك لله؛ حافظوا على مسيرتكم إلى الله، فالقلوب ضعيفة والفتن خطافة.