ريزيدانا العاصمة 16 💦

معلومة جد مهمة🧠 وحد الوقت كنت دايرة فس بالي Escarre= ulceration = perte cutane. لكن كاين مرحلة تسبق هاذي !!!! الا وهي l'eytheme⚠️⚠️⚠️ مثلا عندك عمك صراتلوا fracture du col وقعد مكسل لمدة ١٠ ايام سقساك وليدوا قالك شوف راني صورتلك خرجلوا واحد les taches حمورة في ظهروا !!! هنا تقولوا لازم تقلبوه و تشرولوا matlas anti_escarre . و اذا يقدر يقعد تقعدوه عادي . ⚠️⚠️الخلاصة لازم تنتبهوا جيدا لهذي المرحلة لي تسبق lescarre ⚠️⚠️ Cest l'erytheme ⚠️ 🩸🩸🩸🩸🩸🩸🩸🩸🩸🩸🩸🩸🩸🩸🩸🩸 نشفى مرة جات وحد لعجوزة كيف كيف عندها رجلها مكسر جابوها ولادها لانو خرجلها erytheme في ظهرها و بالضبط dans le sacrum لانو الواحد كي يتكسل بزاف رايح يكون ضغط كبير على الجلد . بما انها كانت مكسرة فكانت دير حفاظات متقدىش تنوض ، الاسبوع الاول ماجابوهاش لانهم علابالهم حساسية من الخفاظات . و كيما علابالكم الدزيرين كامل اطباء😂 بدلولعا نوع الحفاظات لكن قعد نفس الشيء باش جابوها😂 مزية جابوها . Cardio logie

من فضلكم ممنوع طلب avis على الفايسبوك حتى و تكون شاف سارفيس مارانيش رايحة نجاوبك لانو هذا ممنوع . و النهار كامل و انا راسي مكسر فالسبيطار منقدرش ندخل الفايسبوك نكسر راسي . لي راه مقلق على صحتو او صحة اقاربه يرافقهم للطبيب و يستفسر منو . هذه صفحة تعليمية فقط Soyez objectif ! Cardio logie

قال الله تعالى"حرمت عليكم الميتة و الدم و لحم الخنزير " الدم🩸🩸 كامل تعرفوه ! لكن هل تعرف ان الدم كان يعتبر شرابا يشربه الناس في الجاهلية ؟ وما حرمه الله الا لفائدة للانسان ❤ Le sang riche en hemoglobine et en fer . اذا شربتوه باستمرار فهذت سيؤدي الى ارتفاع نسبة الحديد فالدم الي بدوره سيترسب في القلب و في الكبد و يعطي مايسمى بالhemochromatose و يمكن تموتوا بفشل فالقلب او الكبد كذلك شرب الدم يؤدي الى ظهور رائحة نتنة من الفم و يردي الى قسوة القلب و قلة الرحمة . Cardio logie

#medicaments السلام عليكم🌹 اليوم رايحين نشوفوا دواء لي تقدروا تتلاقاو بيه بزاف ☺ خاصة اذا كان المريض عمره اكبر من 50 سنة ! دواء tamsulosine 😍 اسموا جاك صعيب ؟! قسموا الى قسمين : Tamsu= thomson=🍊=نوع من البرتقال Losine= l'usine= مصنع يعني = مصنع البرتقال =tamsulosine🍊🏗 🩸🩸🩸🩸🩸🩸🩸🩸🩸🩸🩸🩸🩸🩸🩸🩸 دواعي الاستعمال: زوج فقط ١_تضخم فالبروستات ٢_حجر فالمسالك البولية . علاش ؟! كيما علابالكم البول يصنع فالكلية و ينزل الى المثانة عن طريق انبوبين نسميوهم les ureteres . و من المثانة الى الوسط الخارجي عن طريق انبوب نسميوه uretre . هذه الانابيب مغطاة بعضلة 💪 هذي العضلة كي تتقلص رايحة تغلق الانبوب و كي تترخى رايحة تفتح الانبوب . هذه العضلة تنتفتح و تنغلق ماشي وحدها ولكن كاين مستقبلات هرمونية (يعني هرمونات تلسق فوق مستقبلات) هي لي تقول للعضلة افتحي يا وردة او اغلقي يا وردة😅 المهم كاين مستقبلات alpha . هاذو كي يتحفزوا يروحوا لعضلة الانبوب و يقولولها "اغلقي يا وردة" و بالتالي الانبوب ينغلق و البول يقلى صعوبة باش يحبط لانه الانبوب مغلق . دواء🍊🏗 يروح يثبط مستقبلات alpha و بالتالي يقول للانبوب "افتحي يا وردة" و بالتالي العضلة ترتخي و البول يجوز بسهولة . 🩸الان علاش نمدوا 🍊🏗 في خالة تضخم البروستات ؟! كيما علابالكم uretre يجوز تحت البروستات ، اذا كان تضخم فالبروستات فرايح يضغط على uretre و البول يلقى صعوبة باش يخرج و بالتالي المريض يحس روحوا دايما حاب يروح للtoillete بسبب هذا الضغط تاع بروستات . حنا واش نديروا نروحوا نفتحوا عضلة uretre و بالتالي نسهلوا البول باش يجوز و منه نستنج ان دواء 🍊🏗 ليس لعلاج التضخم❌ بل لعلاج اعراض التضخم المزعجة 🥴 🩸نفس المبدا علاش نمدوه كي تكون كاين حجرة فالمسالك البولية ؟! باش نزيدوا عرض الانبوب و بالتالي هذيك الحجرة تحبط بسهولة و ماتبقاش حاصلة . 🩸🩸🩸🩸🩸🩸🩸🩸🩸🩸🩸🩸🩸🩸🩸🩸 كي تمدوا هذا الدواء لاول مرة : 💪💪لازم تنبهوا لمريض من خطر حدوث انخفاض في ضغط الدم hypotensioj orthostatique! تقولوا كي تكون مكسل و تنوض ماتنوضش بسرعة نوض بلعقل . 💪💪💪تقولولوا اذا تنفخ وجهك او فمك تروح للاستعجالات مرفقا بالدواء علاش ؟ Le risque doedme de quink⬆️⬆️⬆️ 💪💪💪💪 ماتمدوش الدواء اذا واحد عندوا فشل فالكبد )تقدروا تمكوه لي عندهم فشل فالكلية( 🩸🩸🩸🩸🩸🩸🩸🩸🩸🩸🩸🩸🩸🩸🩸🩸 واش هي الادوية لي لازم تأخذوا حذركم كي تمدوها مع🍊🏗 كاين الادوية ضد الفطريات هاذوك لازم تنقصوا من جرعات الدواء باش مايصراش هبوط حاد فالضغط . وهذا مكان🥰 كي تشوفوا🏗🍊 راكم وليتوا تعرفوه💪 Cardio logie

يكثر خير كل شخص تبرع مهما كان المبلغ بشراء الدواء للاطفال لي عندهم فشل فالقلب 😍 ماتتصوروش فرحة الام و الاب و براءة الاطفال شريتهم حاليا دواء يكفي لثلاث اشهر 🫠. وفي حديث أبي هريرة: مَن نفَّس عن مؤمنٍ كربةً من كرب الدنيا نفَّس الله عنه كربةً من كرب يوم القيامة، ومَن يسَّر على مُعسرٍ يسَّر الله عليه في الدنيا والآخرة، ومَن ستر مسلمًا ستره الله في الدنيا والآخرة، والله في عون العبد ما كان العبدُ في عون أخيه ♥️ Cardio logie

شفتوا باش ماتقولوش dr cardiologie غير تخرط😂 لي يزير روحوا يقراها ف3 ايام من الصفر😘 النتيجة تتحدث🤑 Cardio logie

راكم وحدكم و منطقة معزولة و جاكم طفل صغير في عمروا 10اشهر جابوا باباه لانوا وليدهم رجع pale (مذبال🥀) واش هي الخطوات لي نتبعها ؟! رضيع = nourrisson= ١٠ اشهر = يعاني من paleur اول حاجة نخمم فيها هي anemie و في هذا لعمر يبانوا les anemies congenitale ! نسقسيوا الاب هل هذا الطفل ناتج عن زواج الاقارب ؟! الاجابة نعم 🐱 هذا الشيء راهو رايح يزيد يخليكم تمشيو في فرضية anemie ! واش نديروا ؟! ايا طبيبة مديلوا fns و هنينا😂 لالا ! لازم نفخص هذا الطفل و نشوف درجة anemie هل راهي : Bien toleree ou non !!! قادر تلقاو واحد عندوا anemie 05 و حامل و ساطت كايت لي تلقاه 7 ماشي حاملها !!!! و باش نفرق ؟! عن طريق الفحص !!! واحد بالاك يحتاج نزيديولوا ام بصفة مستعجلة و اخر لا ! باش ماشي لي يجي تروح تجري تحوسلوا على الدم😅(تحافظ على صحتك بذكاء🤭) المهم تروحوا تشوفوا عينيه تتاكدوا من paleur او اصفرار ictere تروحوا تشوفوا البول تاع الطفل تحوسوا اذا كاين hemolyse aigue . تروحوا تشوفوا la rate /foie تحوسوا على splenomegalie On premier on elimine les signes d'hemoluse aigue = ictere, spm , urine rouge. لقيتوا البول نورمال ، لكن لقيتوا الطحال و الكبد منتفخين ! هذا الشيء يقولكم انكم راكم فالanemie congenitale ! لانوا نخاع العظم حدث فيه خلل و اصبح عاجز عن انتاج الكريات الحمراء ، تعاونوا الكبد و الطحال و يتحولوا هما ثاني لمصانع ! و بالتالي حجمهم يزيد . يعني حتى لهنا راكم شاكين فالanemie congenital اكيد تروحوا تقيسوا الحمى و ثاني تشوفوا هل كاين purpura ..... تشوفوا la saturation en oxygene و كذلك auscultation cardiaque/pulmonaire . بعدها واش نطلبوا نطلبوا fns ! كانت النتيجة متوقعة anemie a 4 !!!من المفروض تكون 12 ! كيفاش عرفتي طبيبة بليك لازم تكون 12 !!!! بسيطة🥰 كمية الهيموغلوبين تختلف على حسب العمر Age : <48h= 16 48h _ 01 semaine= 14 1 semaine _ 03 mois = 10 >03 mois = 12 يعني كخلاصة الاطفال اكثر من 3 اشهر الهيموغولبيت يكون اكثر من 12 ! هذا لازم نزيدولوا الكريات الحمراء ! لازم نديرولوا groupage ..... و نمدلوا كمية معينة من الدم الدم كاين بصح شحال نمدلوا ؟!🤕 نسيت الكور لي قريتيوا و تبداو تقولوا هذا مالقى وقتاش يجي يجيني على 12 تاع ليل ماكاش حتى شكون نسقسي😅 ساهلة تروحوا تدخلوا غوغل يعيطكم وحد القاعدة يقولك عمك غوغل راني هنا في كتافك ماتسقسي حتى واحد😂 و فكل وقت تلقاني متحشمش مني 😘 يقولك شوف هو الطفل هذا anemie 4 , و نورمالمون تكون 12 . يقولك طبق هذي القاعدة و ماتخافش😇 كمية الدم المراد نقلها =( 12_4 ) × في وزن الطفل × 3 Quantite= 8× 3× poids(7 kg) = 168 cc . يعني خصك 168 cc من الدم ! و هذي هي 🥰 Cardio logie