𝗟𝗼𝘀𝘁

أنا كويس يا شباب متقلقوش شوية تعب و هيروحوا بإذن الله و شكراً لكل حد سأل عليا والله

متطلعوش بس و إفتكروني بالخير و إدعولي بإن أبقي أحسن من الأول و أنا علي قد ما أقدر هكون أحسن و هرجعلكم تاني في أقرب وقت

شباب أنا هقفل فترة و خليت واحد صاحبي يمسك القناة لحد ما المشاكل اللي عندي تتحل و أرجع أحسن من الأول و هو يعني هيخلي باله منكم متقلقوش و بإذن الله خير و الحمدلله علي كل حاجة

خلينا متفقين إن في النهاية بتبقي أنت اللي وحش مهما عملت .

كل مجهود هتعمله و بتعمله أكتر من اللي المفروض تعمله مش هيتقدر زي ما أنت قدرته و كل حب أزيد من اللزوم هتبقي طاقة مهدورة و كل دور تطوعت إنك تعمله بيتحول من جدعنة لإيه يعني لما عملت كده و فيها إيه ، التضحية في غير محلها خيبة كبيرة جداً و المشاعر الحلوة كترها مؤذية لصاحبها .

يارب اللي يتمنالي حاجة ياخد منها و زيادة .

شخصية جديدة بقت بتسعي لرضي ربنا في كل حاجة و أخر همها الدنيا .

هكون شاكر جداً لأي حد يفتكرني في دعواته و يدعيلي بصلاح الحال و راحة البال .

‏مش عايز أكتر من إني أعيش خفيف علي أهلي و صحابي و الناس اللي بحبهم و أموت و ربنا راضي عني و وجودي يبقي هادي علي قلوب كل الناس اللي بحبها و أمشي في هدوء .

‏فجأة تحس إنك مش فاهم حاجة في حياتك ولا عايز منها حاجة ولا عارف تتصرف كأنك دخلت حياة شخص تاني و مطلوب منك تكمل .

ربنا يعين كل واحد علي اللي جواه و يعوضه عن الصعب اللي محدش يعرف عنه حاجة غيره .

محدش عارف نصيبه فين بس ربنا يجعل نصيبنا في كل حاجة عايزينها و يجعل فيها الخير .

مفيش مبرر في الدنيا يخليك متتمناش الخير لغيرك غير إنك إنسان مريض .

والله الواحد بحاجة لمن يشعر به .

كنت عايز أقول كلام كتير بس مفيش كلام يتقال .

حاجات كتير مستعدين نعملها و بنعملها من غير مقابل بس صعب نفضل نعملها من غير تقدير .

‏أكتر حاجة بتزعلني من الناس اللي بحبها إني ببقي مستنيهم يتصرفوا زي ما أنا كنت هتصرف معاهم لو كنت مكانهم بس ده دايماً مبيحصلش .

عارف شعور لما شخص يجي في بالك مرة واحدة فتلاقي نفسك مبتسم غصب عنك و تقول بينك و بين نفسك يارب يكون بخير و تحزن شوية كده .

متستبعدش حاجة عن حد و خليك دايماً فاكر و فاهم و عارف إن الضربة بتيجي من أقرب ما ليك و من اللي أنت كنت بتقول عليهم مستحيل يحصل منهم كده .