The Maverick

Mulan Turkiylarga qarshi urushganmi ? Mulan multfilmini barchamiz koʻrgan boʻlsa kerak.Unda dushman qiyofasida keltirilgan Shangyuy aslida Metexon(mil. avv 240-210) boʻlib qadimgi Turk xoqonlaridan hisoblanadi. Metexon Hunlar xoqonligi hukmdori boʻlgan. Metexon turli manbalarda turli xil nomlar bilan keltirilgan Tumanxoqon, Tangri Qut. Xitoy manbalarida esa Shangyuy yoki Shanyuy. Xitoy shu darajada Turkiyardan qoʻrqganki hattoki uni multfilmlarda badbashara, bahaybat va yomon obrazgacha olib kelgan. ❗️Tarix bizga nega kerak deydiganlar uchun maxsus... ❤The Maverick

@inkuzart 🔥

Ha aytgancha yuqoridagi rasmlarni sunʼiy Intellekt yasab beryapti 🤖

Derbi Bu so‘z musobaqa, do‘nonlar (3–4 yoshli otlar poygasi), bir hudud yoki shahardagi jamoalar o‘rtasidagi bahs kabi ma’nolarni anglatadi. So‘zning kelib chiqishi haqida turli talqinlar bor. Ot poygasi bilan bog‘liq holatda uni lord Edvard Smit-Stenli Derbi (1752–1834) nomi bilan bog‘lashadi. U Derbi graflar oilasining 12-grafi bo‘lgan. Lordlar palatasi a’zosi, kansler lavozimlarida ishlagan Derbi 1780-yili otlar poygasi tashkil qiladi va keyinchalik bunday musobaqalar uning nomi bilan atalishni boshlaydi. Bir shahar futbol jamoalari o‘rtasidagi kurashni derbi deb atash ham ana shu poygalarga qiyosan urfga kirgan. ❤The Maverick

Vokzal Yo‘lovchilarga xizmat ko‘rsatiladigan bino va binolar yig‘indisi. U inglizcha Vauxhall – Voks koshonasi, Voks zali so‘zidan olingan. O‘zbekchaga rus tili orqali kirgan. London atrofida Vauxhall nomli shaharcha va shu nomdagi ommaviy bog‘ bo‘lgan. XVII asr o‘rtalaridan bu so‘z turdosh otga aylanib, omma uchun mo‘ljallangan bog‘ va sayilgohlarni ifodalashni boshlagan. Inglizcha toponim tarixi uzoq XIII asrga borib taqaladi. Ingliz qiroliga xizmat qiluvchi normand qo‘mondoni Folk de Breat boy bir ayolga uylanadi. Unga katta yerlar meros qolgandi. Bu joydagi mulklar Faukes hale deb atala boshlanadi. Keyinchalik ushbu hududda paydo bo‘lgan qishloq ham shu nomni oladi. XVII asrda bu yerlarga Jeyn Voks ismli ayol egalik qiladi. Natijada nom ham biroz o‘zgarishga uchraydi: Vokshol. Vokzal so‘zining temiryo‘l stansiyadagi bino ma’nosi 1838-yili qurilgan Pavlov vokzali bilan bog‘liq. Unga “Voksal” deb nom berishadi. Vaqt o‘tib bu so‘z har qanday transport stansiyasi binosiga nisbatan ishlatila boshlaydi. Rus tilida dastlab foksal shaklida qo‘llangan bu so‘z keyinchalik vokzalga aylanadi. Mutaxassislar fikricha, bunday o‘zgarish zal so‘zi ta’sirida yuz bergan. ❤The Maverick

Vatman Yuqori sifatli oq qog‘oz. Dastlab 1750-yillar o‘rtalarida Angliyada tadbirkor Jeyms Uatmanga qarashli qog‘oz fabrikasida ishlab chiqarilgan. U yangicha uslubni qo‘llaydi va qog‘oz varaqlaridan to‘r izlari yo‘qoladi. Uatman o‘z qog‘ozini wove paper – mato qog‘oz deb ataydi. Rus tilida bu qog‘ozni uning ixtirochisi bilan atash urf bo‘ladi. Ruslar ko‘proq A1 va ba’zan A2 formatdagi qog‘ozni vatman deb ataydilar. Bu so‘z o‘zbek tiliga rus tili orqali kirib kelgan. ❤The Maverick

Xuligan O‘zbekchada bezori degani. Bu so‘zning kelib chiqishi haqida turli qarashlar bor. Shulardan biriga ko‘ra, bu so‘z XIX asrda Londonda yashagan asli irlandiyalik Patrik Hulihan (Patrick Houlihan) ismidan kelib chiqqan. U ko‘chabezorilik, o‘g‘rilik va kissavurlik bilan shug‘ullangan. Muxtasar Oksford lug‘atiga ko‘ra, xuligan 1890-yillarda mashhur bo‘lgan bir qo‘shiqdagi to‘polonchi irland oilasi nomiga borib taqaladi.Ushbu so‘z ilk bor 1894-yili London politsiyasi hisobotlarida paydo bo‘lgan. Londonning Lambet tumanida bezorilik qiladigan bolalar to‘dasi the Hooligan Boys (Huligan bolalari), keyinroq esa O’Hooligan Boys (O’Huligan bolalari) deya atalgan. Keyinchalik bu so‘z turli to‘dalarga qo‘shilib, bezorilik qiladigan, lekin o‘g‘irlik qilmaydigan yigitlarga nisbatan qo‘llangan. XX asrda xuligan juda ko‘p tillarga ko‘chib o‘tib, baynalmilal so‘zga aylandi. ❤The Maverick

Boykot Alohida shaxs, tashkilot yoki davlatni nazar-e’tibordan chetda qoldirish, yakkalab qo‘yish maqsadida u bilan munosabatlarni to‘liq yoki qisman to‘xtatishdan iborat siyosiy va iqtisodiy kurashni anglatadi. Bu so‘z o‘zbek tiliga rus tili orqali kirgan. Ruschaga nemis tili vositasida o‘tgan. Asli – inglizcha. 1880-yili Irlandiyada yerlarni ijaraga berishda adolat o‘rnatish, yerni erkin oldi-sotdi qilish uchun kurash boshlanadi. Irlandiya milliy yer kengashi hukumatga ta’sir ko‘rsatish uchun mahalliy ishchilarni chaqirib oladi. Hosil yig‘ish to‘xtatiladi. Britaniyalik yer agenti Charlz Kanningem Boykt (Charles Cunningham Boycott) bu ish tashlash jarayoniga faol qarshilik qiladi. Kengash Boykotni yakkalashni boshlaydi. Qo‘shnilar u bilan muomala qilishni, do‘konlar esa amaldorga narsa sotishni to‘xtatadi. Odamlar Boykot bilan ko‘rishmaslikka va jamoat joylarida unga yaqin o‘tirmaslikka harakat qila boshlaydi. Boykotga qarshi bu kampaniya Britaniya matbuotida katta shov-shuv ko‘taradi, gazetalar G‘arbiy Irlandiyaga muxbirlarini jo‘natadi. Hukumat hosil yig‘ishga muntazam armiya va politsiyani jalb qiladi. Hisob-kitoblarga ko‘ra, 500 funt-sterling turadigan hosilni yig‘ish kamida 10 000 funt-sterlingga tushadi. Boykot esa Irlandiyani shu yili tark etadi.Shunday qilib, boykot qilish siyosiy norozilik va tinch qarshilikning standart uslubiga aylanadi. ❤The Maverick

Blyutus Shaxsiy simsiz tarmoq turini anglatadi. U inglizcha blue – ko‘k va tooth – tish so‘zlaridan. U aslida dan tilidagi Blåtand – ko‘k tishli so‘zining tarjimasi. Hozirgi Daniya va Norvegiya hududlarida X asrda hukmronlik qilgan Harald I ni shunday atashgan. U tarqoq qabilalarini bir qirollikka birlashtirgan. Blyutus ham shu shaklda ishlaydi: u bir necha qurilmalarni bitta tarmoqqa jamlaydi. Ma’lumotlarga ko‘ra, blå so‘zi qadimda qora degan ma’noni bergan. Qirol Harald birinchining old tishi qora rangda bo‘lgani uchun unga shunday nom berganlar. Blyutusning logotipi skandinav yozuvlaridan olingan, u Harald I Ko‘ktishli ismining bosh harflarini anglatadi. Keyingi qarashga kelsak, Harald I doim nos chekkanligi sababli uning tishining rangi oʻzgarib, koʻk boʻlib qolgan.Buning natijasida u koʻk tish degan laqab olgan. ❤The Maverick

📚Zero to One © Peter Thiel Nihoyat shu kitobni ham topdim