📌📌📌 ESSE
So'nggi 20 yil ichida dunyo miqyosida katta tezlik bilan modernizatsiyalashuv jarayonining yuz berishi dunyo mamlakatlarining siyosiy, ijtimoiy hayotiga o'z ta'sirini ko'rsatayotgani hech kimga sir emas, albatta. Bu jarayon ta'lim, tijorat singari bir qator sohalarni tubdan o'zgartirib yubordi. Ayniqsa, ta'lim tizimi so'nggi o'n, o'n besh yil ichida butunlay yangilandi. Yangi terminlar, yangi texnikalar, yangi fanlar paydo bo'ldi. Onlayn va oflayn singari tushunchalar ham shular jumlasidan. Masofaviy ta'lim tizimi yo'lga qo'yilganiga ko'p bo'lmagan bo'lsa-da, undan foydalanuvchilar talaygina. Bu turdagi insonlar mazkur ta'lim turini yoqlasalar, aksariyat insonlar an'anaviy ta'limni afzal ko'radilar. Xo'sh, aslida qaysi ta'lim turi samaraliroq va foydaliroq?
Paydo bo'lganiga ko'p bo'lmagan lekin ko'plab foydalanuvchilarga ega bo'lgan onlayn ta'lim haqida so'z olib borar ekanmiz, uning afzalliklari talaygina. Xususan, bu ta'lim turi hech qanday ovoragarchiliklarga ega emas. Masalan, agar siz biror bir sohani o'rganishga kirishgan bo'lsangiz, siz hech qayerga borishingiz shart emas. Ya'ni siz uyda o'tirgan holda bu sohani o'rganishingiz va yo'l uchun sarflaydigan vaqtingiz va mablag'ingizni tejab qolishingiz yoki dars jadvalini o'zingizga qulay bo'lgan holda tuzishingiz mumkin. Tanganing ikkinchi tomoni bo'lganodek, masofaviy o'qishning ba'zi kamchiliklari ham bor. Masalan, internet sifati tufayli bir nechta noqulayliklarga duch kelishingiz yoki uydagi ba'zi yumushlarga chalg'ib darsga butun e'tiboringizni qarata olmasligingiz mumkin.
An'anaviy ta'limning ham yuqorida ta'kidlaganimdek, o'z foyda va ziyonlari bor. Misol uchun, o'z-o'zini boshqara olmaydigan o'quvchilar uchun yoki tushunish darajasi pastroq bo'lgan insonlar uchun bu ta'lim turi juda mos va siz doimo o'qituvchi nazorati ostida bo'lasiz. Bu yaxshi, albatta. Lekin bu tizim sizning vaqtingiz va mablag'ingizni o'g'irlaydi, ya'ni siz bilim olish uchun kamida o'n besh, yigirma daqida yo'l bosishingiz, arzimagan bo'lsa-da, ma'lum bir miqdorda mablag' sarflashingiz lozim.
Umuman olganda, men uchun oflayn ta'lim turi yaxshiroq. Chunki, o'qitivchi nazorati ostida bo'lish men uchun ta'limdagi eng muhim jihatlardan biri. Bunga sabab, talabchanlik bor joyda o'sish bo'ladi.
Xulosa o'rnida shuni aytish mumkinki, har kim o'z holatidan, o'z tabiatidan va o'z xohishidan kelib chiqqan holda o'zi istagan ta'lim turini tanlashi lozim. Zero, qanday bo'lmasin, onlayn yoki oflayn maqsad sifatli ta'lim olish.
Esse muallifi: Lutfullaxo'jayeva Vaziraxon
⚡️O'quvchilarimizdan☺️☺️☺️
@Xurshida_Xushboqova
@Nafisa_Uralovna
http://t.me/milliycefr