Oliy ta’lim, fan va innovatsiyalar vazirligi Andijon viloyati boshqarmasi

Касб-ҳунар мактабида битирув оқшоми бўлиб ўтди ••••••••••••••• 2019 йилда ташкил  қилинган Андижон шаҳридаги 4-сон касб-ҳунар мактабини ҳозиргача мингдан ортиқ ёшлар тамомлаган. Мактабда 6 хил йўналиш бўйича ёшларга касб-ҳунар ўргатилади. Ўқувчиларга 70 нафар ўқитувчи ва ишлаб чиқариш таълим йўналиши усталари сабоқ берадилар. Бу йил мазкур касб-ҳунар мактабини 432 нафар талаба тамомлади. Улардан 12 нафари олий таълимга муддатидан олдин қабул қилинди. 10 нафари хорижнинг нуфузли олийгоҳларига ўқишга киришга эришди. 26 нафар талаба эса чет тиллари бўйича миллий ва халқаро сертификатларга эга бўлди. Ушбу мактаб битирувчилари учун “Янги Ўзбекистон ёшлари – порлоқ  келажак  асосчилари”  шиори  остидаги битирув оқшоми ташкил этилиб, ёшлар катта ҳаётнинг янги манзиллари томон кўтаринкилик ила кузатиб қўйилди. Саҳифа: @andpress

Andijon viloyati Oliy ta’lim, fan va innovatsiyalar boshqarmasi boshqarmasi boshlig‘i Muzaffarbek Madazimovning viloyat professional ta’lim muassasalari bitiruvchilariga tabrigi   Yurtimiz taraqqiyoti, farovonligi va tinchligi yo‘lida Vatanga  beminnat xizmat qilishga shaylangan, ushbu yo‘lda o‘zlari tanlagan kasblar bo‘yicha ustozlardan ta’lim va tarbiya olib, bugungi kunda mustaqil hayotga qadam qo‘yishga shay aziz bitiruvchilarni shaxsan o`zim, hamda barcha ustozlar nomidan chin dildan tabriklayman!        Ushbu yilda viloyatimizda 66 ta professional ta’lim muassasalarini 16 770 nafar o‘quvchilar yuzdan ortiq mutaxassisliklar bo‘yicha bitirmoqdalar. Tabrikni batafsil o'qish uchun 👈 Sahifa: @otfivandijonuz

Assalomu alaykum! Hurmatli matbuot va ommaviy axborot vositalari xodimlari! Barchangizni bugungi kasb bayramingiz bilan Oliy ta’lim, fan va innovatsiyalar vazirligi Andijon viloyati hududiy boshqarmasi jamoasi hamda o‘zimning nomimdan chin dildan muborakbod etaman. Bugungi yuqori tezlikda rivojlanib borayotgan zamonni matbuot va OAV xodimlari ishtirokisiz tasavvur qilish mushkul albatta. Mamlakatimizda ro‘y berayotgan hodisalarni tezkor va sifatli yoritishda sizning xizmatingiz juda ham katta. Shu fursatdan foydalanib, kasbiy bayramingiz bilan chin yurakdan samimiy tabriklayman. Kelgusi ishlaringizda muvaffaqiyat va ulkan zafarlar tilab qolaman. Hurmat bilan, Oliy ta’lim, fan va innovatsiyalar vazirligi Andijon viloyati hududiy boshqarmasi boshlig‘i Muzaffarbek Madazimov. Sahifa: @otfivandijonuz

24–25-iyun kunlari Rossiya Federatsiyasining Vladivostok shahrida “Kelajak ta’lim makoni: yangi kompetensiyalar, innovatsiyalar, texnologiyalar” mavzusida Rossiya-O‘zbekiston to‘rtinchi ta’lim forumi bo‘lib o‘tmoqda. Forumda O‘zbekiston Respublikasi va Rossiya Federatsiyasi Prezidentlari Administratsiyalari, ta’lim vazirliklari, oliy va professional ta’lim muassasalari, IT, madaniyat va madaniy meros, yoshlar tashkilotlaridan jami 150 nafarga yaqin ishtirokchi qatnashmoqda. Dasturga muvofiq dastlab forum yalpi majlisi bo‘lib o‘tdi. Unda O‘zbekiston Respublikasi Prezidenti Administratsiyasi Ijtimoiy rivojlanish departamenti rahbari Odil Abdurahmonov, Oliy ta’lim, fan va innovatsiyalar vazirining birinchi o‘rinbosari Shohrux Daliyev, Rossiya Federatsiyasi Prezidentining Xorijiy mamlakatlar bilan hududlararo va madaniy aloqalar bo‘yicha boshqarmasi boshlig‘i Igor Maslov, Rossiya ilm-fan va oliy ta’lim vaziri o‘rinbosari Konstantin Mogilyovskiy so‘zga chiqib, ikki tomonlama ta’lim, fan va innovatsiyalar sohasini rivojlantirish borasida olib borilayotgan ishlar ahamiyati, ularning natijasi hamda istiqbolli rejalar haqida nutq so‘zladilar. Forum davomida Oliy ta’lim, fan va innovatsiyalar vazirligi Andijon viloyati boshqarmasiga qarashli Asaka agrotexnologiyalar texnikumi rahbari N.N.Sobirova ham 4-Rossiya O‘zbekiston ta’lim forumida o‘zining ma’ruzasi bilan ishtirok etdi. Keyingi yillarda O‘zbekistonda 10 ta Rossiya universitetlari filiallari tashkil etilib, ularning soni 14 taga yetkazildi va ikki davlat oliygohlari o‘rtasidagi o‘zaro aloqalar jadal rivojlanib bormoqda. Sahifa: @otfivandijonuz

Viloyatimizdagi barcha kasb-hunar maktablarida bitiruvchi yoshlar uchun davlat imtihonlari bo‘lib o‘tmoqda. Jumladan, Paxtaobod tuman 2-son kasb-hunar maktabining 2-bosqich bitiruvchilariga ijtimoiy-gumanitar fanlar bo‘yicha davlat imtihonlari bo‘lib o‘tdi. Sahifa: @otfivandijonuz

Buloqboshi pedagogika kollejida 26-iyun ’’Xalqaro giyohvandlikka qarshi kurash kuni’’ munosabati bilan ’’Biz giyohvandlikka qarshimiz’’ shiori ostida o‘quvchilarga videolavhalar hamda ’’So‘nggi bekat’’ filmi namoyish etildi. So‘ng kollej hamshirasi giyohvandlikning salbiy oqibatlari haqida o‘quvchilarga tushunchalar berib o‘tdi. Sahifa: @otfivandijonuz

Andijon viloyati Oliy ta’lim, fan va innovatsiyalar boshqarmasi Paxtaobod qishloq xo‘jaligi texnikumida Avtomobillarga texnik xizmat ko‘rsatish va ta’mirlash yo‘nalishi bo‘yicha, Kasbiy Amaliyot bo‘yicha bitiruvchi yoshlar bilan amaliy imtihon bo‘lib o‘tdi. Sahifa: @otfivandijonuz

Галаконцерт якунида мушакбозлик ташкил этилиб, йиғилган ёшлар ва қатнашчилар кайфияти максимал темпга кўчди. Саҳифа: @andpress