الهدى 🤍🤲

˚˚ ‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ‏- سُبحان الله . ‏- الحَمد لله . ‏- لا إله إلا الله . ‏- الله أكبر . ‏- لا حَول و لا قوة إلا بالله . ‏- سُبحان الله و بِحمده . ‏- سُبحان الله العَظيم . ‏- أستغفِرُ الله الْعَلِيُّ الْعَظِيم وَأَتُوبُ إِلَيْهِ. -لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ. -اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ. -يا مقلِّبَ القلوبِ ثَبِّتْ قلبِي على دينِك .

أنا كنت من المستمعين للشقيري زمان لكن دلوقتي ولأني بفضل الله مش باتعلق بالشخصيات العامة بل بالله فقط .. دلوقتي من بعد كتابه (أربعون) بقيت أعاديه في الله وباكرهه لله في الله اللي هايقرأ كتاب أربعون للشقيري (اللي أصبح صنم ملائكي مقدس في عقول ملايين الشباب ومرفوع فوق منزلة النقد لأنه بيقول كلام منمق وعنده غمازات) .. اللي هايقرأ كتابه ده هايطلع بكمية مصائب عقائدية لو ابويا نفسه قالها أنا هاتبرأ منه واحذر الناس منه زي ما سيدنا عبد الله ابن عبد الله ابن أُبَي ابن سلول تبرأ من أبوه ومنعه يدخل المدينة إلا لما يعتذر للنبي ﷺ .. بس طبعاً شباب الزمن ده (اللي بتفتنهم الكلمات الشياكة اللي بتداعب العواطف ومقدمات البرامج اللي بصوت ماهر زين الجميل) مفيش عندهم فلتر اسمه ((فلتر العقيدة)) اللي كان عند الصحابة .. وده الفلتر اللي المفروض يبقى في قلب كل مسلم يفلتر عليه أي كلام لأي حد حتى لو كان كلام ابوه وامه .. { وإن جاهَداكَ على أن تُشرِكَ بي ما لَيسَ لَكَ به عِلمٌ فلا تُطِعهُما .... } .. لأن كل الناس يؤخذ منهم ويُرَد عليهم إلا النبي ﷺ المهم .. اللي هايقرأ كتاب أربعون للشقيري هايطلع بالمصايب الآتية اللي ممكن تخليه يخرج من الملة حرفياً : رقم 1: الشقيري اعتزل الحياة في جزيرة لمدة 40 يوم متقشف وكدة علشان يهذب روحه .. شيء جميل .. بس اللي مش جميل إنه بيذكر في سياق حديثه عن رحلته دي إن بوذا كان حكيم متأمل هو كمان .. وده بدون مدح أو ذم للبوذية .. وإن كان التحدث عن بوذا أو البوذية جاء في سياق مدح أكثر منه ذم ! .. وهاتعرفوا في النقطة رقم (6) ليه الشقيري تعمد يسيب الموضوع عايم ومايع كدة ؟؟ رقم 2: مينفعش نكفَّر حد علشان محدش يقدر يحدد مين كافر ومين مش كافر لأن اللي انت شايفه كافر ده ممكن يكون إنسانياً أفضل منك فليه تكفره ؟!! خد منه الحلو وسيبه في حاله وخلاص ! ...... ودي طبعاً دعوة صريحة لدين الإنسانية الجديد والدين الإبراهيمي الجديد اللي بيمزج بين الإسلام والمسيحية واليهودية !! .. ده على أساس يا شقيري إن مفيش سورة في القرآن اسمها الكافرون ؟؟ .. وعلى أساس إن ربنا والنبي ﷺ موضحوش لينا صفات الكفار والمنافقين إيه ؟؟ .. وموضحوش لينا إيه الأفعال والأقوال اللي بتخرج من الملة ؟؟ .. وعلى أساس إن ربنا مقالش : { لقد كَفَرَ الذين قالوا إنَّ اللهَ هو المسيحُ ابن مريم } ؟؟ .. ولا قال : { ومَن لَم يحكُم بما أنزَلَ الله فأولئكَ هم الكافِرون } ؟؟ .. ولا قال : { وما يَجحَد بآياتنا إلا الكافِرون } ؟؟ .. ولا قال : { هوَ الذي خَلقَكُم فَمِنكُم كافِرٌ ومِنكم مُؤمن } ؟؟ .. ولا قال : { فريقٌ في الجنة وفريقٌ في السعير } ؟؟ رقم 3: الصلاة في المسجد الحرام بتعادل 100 ألف صلاة بسبب تراكم الطاقات الروحانية لملايين الأشخاص اللي بيزوروا مكة !!!! ...... وده فِكر بوذي صريح وإشارة إلى أن الشقيري متأثر بحركة العصر الجديد ومتأثر بمجال العلاج بالطاقة عن بعد واللي كله دجل وشعوذة ! رقم 4: النبي ﷺ كان بيحارب الكفار مش علشان هما كفار .. ولكن علشان هما كانوا بيعتدوا على المسلمين بس !!! ...... يعني مش علشان بيرفضوا دفع الجزية أو الدخول في الإسلام ؟؟ طؤ طؤ .. علشان كانوا وحشين وبيعتدوا على المسلمين بس !! .. وده هو الفِكر الإسلامي الكيوتي الجديد اللي بدأ ينتشر واللي بيحاول أتباعه تبرير الغزوات والفتوحات الإسلامية وكأنها كانت جرائم !! .. وده ناتج عن ضعف شخصيتهم اللي بتخجل من الافتخار بشرائع الإسلام في زمن المياعة ده رقم 5: كل البشر اللي بيؤمنوا بوجود الله خالق الكون ((أياً كان مسمى أو صفة الله عندهم)) هايدخلوا الجنة في النهاية !! .. وهنا لا تعليق الصراحة !!! رقم 6: الحروب والصراعات لا فائدة منها .. لأن اللي انا شايفه على باطل ده ممكن يكون على حق وانا اللي على باطل ! .. فالأحسن نعيش كلنا في سلام ! ....... طبعاً ده برضو دعوة لدين الإنسانية القذر .. الكلام في ظاهره يبدو جميل .. لكنه في باطنه خبيث ومخالف تماماً لصريح القرآن والسنة .. ده ربنا بيقول للنبي ﷺ : { يا أيها النبي جاهِدِ الكفار والمنافقين واغلُظ عليهم } .. واخدين بالكم من اغلظ عليهم دي ؟ .. وبيقول : { إنما جَزاءُ الذينَ يُحارِبون اللهَ ورَسولَهُ ويَسعَونَ في الأرضِ فَساداً أن يُقَتَّلوا أو يُصَلَّبوا أو تُقَطَّع أيدِيهِم وأرجُلهُم مِن خِلافٍ أو يُنفَوا مِن الأرضِ } .. وبيقول : { وقاتِلوا المُشرِكينَ كافةً كما يُقاتِلونَكم كافة } .. وبيقول : { وقاتِلوا في سبيل اللهِ الذينَ يُقاتِلونَكُم } .. وبيقول : { وأعِدُّوا لهم ما استطعتم مِن قوةِ ومِن رِباطِ الخَيلِ تُرهِبونَ بهِ عَدوَ اللهِ وعَدوكُم } وبيقول : { بل نقذفُ بالحق على الباطِلِ فيدمغهُ فإذا هو زاهِق }

فجيبت منين يا شقيري إن محدش يعرف مين على حق ومين على باطل ؟؟ .. وجيبت منين إن الكل يعيش في حاله وإن هو ده السلام ؟؟ .. فين دورك كمسلم في دعوة شعوب الأرض للدين الحق ؟؟ .. دي مشكلتك انت في فهم الدين والحياة .. متحاولش تفسر الدين بمشاكلك النفسية .. عرفتوا ليه في أول الكتاب اتكلم عن البوذية في سياق الاحترام والتعظيم ؟ .. لأنه فعلا بيحترم الأديان الأخرى حتى وإن كان فيها انتقاص من قدر الله سبحانه وتعالى ! رقم 7: كل واحد يقدر يفسر آيات القرآن وأحاديث النبي بنفسه .. فطول ما عقلك شغال وحلو تقدر تفسر نصوص الدين بعقلك لو حسيت إن تفسير العلماء مش مقنع ! ...... بالنسبة للشقيري مينفعش تخترع في الطب والهندسة ولازم تحترم أهل التخصص .. لكن في الدين اخترع براحتك ومتحترمش ناس سهرت عقود من عمرها تدرس لغة وفقه وحديث وتفسير وسيرة . . عرفتوا ليه بقى نيتفلكس نزلت بوست تفتخر بالشقيري وتقول عليه شخص متميز وأسلوبه جذاب و و و ؟؟؟ وتطلع ناس تقولي حرام عليك متتكلمش عنه كدة على الملأ ! .. ده على أساس إنه بيرتكب ذنوب في السر وانا بقى اللي بافضحه مثلاً ؟؟!! وناس تانية تقولي يمكن نيتفلكس كتبت عنه علشان تشوه صورته ! هههههه شيخ الإسلام ابن تيمية بيقول : (( إذا أظهَرَ الرجلُ المُنكرات وجبَ الإنكار علَيهِ علانيةً ، ولم يَبقَ له غيبَة ، ووجَبَ أن يُعاقَب علانية بما يَردعهُ عَن ذَلك ، مِن هَجرٍ وغيرِه ؛ فلا يُسَلَّمُ علَيهِ ، ولا يُرَد عَلَيهِ السَّلَام ؛ إذا كانَ الفاعِلُ لِذلكَ مُتَمَكنًا مِن ذلك ، مِن غَيرِ مَفسَدَةٍ راجحة .. وينبغي لِأهلِ الخَيرِ والدينِ أن يَهجُروهُ مَيِّتًا [أي : بترك تشييع جنازته] ، كما هَجَروهُ حَيًّا ، إذَا كانَ فِي ذلكَ كَفٌّ لِأَمثالِهِ مِن المُجرِمين ))

الحسنة فى عشر ذي الحجة بـ سبعمائة ضعف يعنى صفحة القران بـ ٧٠٠ صفحة يعنى التسبيحة الواحدة بـ ٧٠٠ تسبيحة. اللهم اني اسالك يا أحد يا صمد أن تغفر لي ذنوبي كلها انك انت الغفور الرحيم.

قال رسول الله ﷺ:"ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ العشرِ . قالوا : يا رسولَ اللهِ ولا الجهادُ في سبيلِ اللهِ ؟ فقال رسولُ اللهِ صلَّى اللهُ عليه وسلَّم : ولا الجهادُ في سبيلِ اللهِ إلَّا رجل خرج بنفسِه ومالِه فلم يرجِعْ من ذلك بشيءٍ"