Red Dragon Column - နဂါးနီစစ်ကြောင်း

အတုံးအရုန်း😁😁😁

"တိုက်ပွဲသတင်း ထုတ်ပြန်ချက်" (၂၇.၁၁.၂၀၂၃)ရက်နေ့ မွန်ပြည်နယ်၊ ကျိုက်မရောမြို့နယ်၊ တောင်ကလေးကျေးရွာရှိ တောင်ကလေးစခန်းမှ ချောင်းနှစ်ခွသို့ တပ်ကူလာသော အကြမ်းဖက်စစ်ကောင်စီ၏ တပ်မ(၂၂)၊ တပ်မ(၄၄)၊ အမှတ်(၄) တန်းမြှင့်လေ့ကျင့်ရေးသင်တန်းသားထုတ်နှုတ်များ၊ နယ််််််််ခြားစောင့်တပ်ဖွဲ့(BGF) ပူးပေါင်းစစ်ကြောင်း အား မိမိတို့နဂါးနီစစ်ကြောင်း၊ Federal Wings တပ်ဖွဲ့ နှင့် KNLAတပ်ရင်း(၁၆) တို့မှ ပူးပေါင်းတိုက်ခိုက်ခဲ့ပါသည်။ နေ့လည်(၁၂)နာရီထိုးတွင် တိုက်ပွဲစတင်ဖြစ်ပွားခဲ့ပြီး ရန်သူအကျအဆုံးများသဖြင့် ညနေ ၄ နာရီခွဲတွင် ရန်သူပြန်လည်ဆုတ်ခွာသွားခဲ့ပါသည်။ တိုက်ပွဲဖြစ်ချိန်အတွင်း ရန်သူ့ဘက်မှ စစ်ကောင်စီတပ်သား(၄) ဦး လက်နက်ချ၍ မိမိတို့ထံ အလင်းဝင်ရောက်လာပြီး လုပ်ထုံးလုပ်နည်းများနှင့်အညီ ကောင်းမွန်စွာပြုစုစောင့်ရှောက်ထားပါသည်။ တိုက်ပွဲအပြီးတွင် ရန်သူ့ဘက်မှ ဗိုလ်ကြီး(၁)ဦး နှင့် နယ်ခြားစောင့်တပ်၊တပ်နယ်(၄)၏ စစ်ကြောင်းမှူး ဗိုလ်မှူးနော်တယာ အပါအဝင် (၁၁)ဦး thayဆုံးပြီး လက်နက်ငယ်မျိုးစုံ (၁၅)လက်သိမ်းဆည်းရမိကာ မိမိတို့ တော်လှန်ရေးအင်အားစုများဘက်မှ ရဲဘော်တစ်ဦး တိုင်းပြည် နှင့် လူမျိုးအတွက် အသက်ပေးလှူသွားခဲ့ပါသည်။ #စကစBGFပူးပေါင်းစစ်ကြောင်း #နဂါးနီ #ဗိုလ်မှူးနော်တရာBGFကျဆုံး

တိုက်ပွဲသတင်းထုတ်ပြန်ချက် (၁၂.၁၁.၂၀၂၃)ရက်နေ့ မွန်ပြည်နယ်၊ ကျိုက်မရောမြို့နယ်၊ ချောင်းနှစ်ခွကျေးရွာရှိ ချောင်းနှစ်ခွရဲစခန်းသို့ စစ်ကြောင်းထိုးလာသော အကြမ်းဖက်စစ်ကောင်စီ တပ်မ(၂၂)လက်အောက်ခံ ခလရ(၈၁)စစ်ကြောင်းအား မိမိတို့ နဂါးနီစစ်ကြောင်း၊ အထူးစစ်ဆင်ရေးတပ်ဖွဲ့(SOF) နှင့် KNLAတပ်ဖွဲ့များမှ မယ်တရိုရွာအနီး ဝိုင်းဝန်းပိတ်ဆို့တိုက်ခိုက်ခဲ့ပါသည်။ နံနက် ၉နာရီ၁၀မိနစ်မှ စ၍တိုက်ပွဲစတင်ဖြစ်ပွားခဲ့ပြီး ရန်သူ့စစ်ကြောင်းအား မိမိတို့တော်လှန်ရေးအင်အားစုများမှ ပတ်လည်ဝိုင်း၍ တိုက်ခိုက်ခဲ့ရာ ရန်သူ့စစ်ကြောင်းမှာ ထွက်လမ်းမရှိတော့ဘဲ အထိအခိုက်အကျအဆုံးများဖြင့် ပြန်လည်ခုခံတိုက်ခိုက်ခဲ့ပါသည်။ မော်လမြိုင် အရှေ့တောင်တိုင်းစစ်ဌာနချုပ်မှ Mi 35တိုက်ခိုက်ရေး ရဟတ်ယာဉ်ဖြင့် ၃ ကြိမ် တိုင်တိုင် လာရောက်ပစ်ကူပေးခဲ့ပြီး တောင်ကလေးစခန်းမှ ၁၂၀မမဖြင့် အဆက်မပြတ်ပစ်ကူပေးတိုက်ခိုက်ခဲ့ပါသည်။ ရက်နေ့ တစ်ညလုံး ညတိုက်ပွဲဖြစ်ပွားခဲ့ပြီး (၁၃.၁၁.၂၀၂၃)ရက်နေ့အထိ တိုက်ပွဲဆက်လက်ဖြစ်ပွားခဲ့ပြီး နေ့လည် ၁ နာရီ ၃၀မိနစ်တွင် ရန်သူ့ ခလရ(၈၁)စစ်ကြောင်းသည် မိမိတို့တော်လှန်ရေးအင်အားစုများထံ လက်နက်ချအညံ့ခံခဲ့ပါသည်။ ၁၃ရက်နေ့တွင်လည်း Mi 35 ဖြင့် ၅ကြိမ်လာ​ရောက်ပစ်ခတ်ခဲ့ပြီး Jet Fighter ၁ စီးဖြင့်လည်း ပစ်ခတ်တိုက်ခိုက်ခဲ့ပါသည်။ ခလရ(၈၁)စစ်ကြောင်းမှ (၂၃)ဦး လက်နက်ချအညံ့ခံ၍ အရှင်ဖမ်းဆီးရမိခဲ့ပြီး ယာယီဒုရင်းမှူး ဗိုလ်မှူးတစ်ဦး၊ ဗိုလ်ကြီးတစ်ဦး၊ ဗိုလ်တစ်ဦး အပါအဝင် ၁၄ ဦး သေဆုံးပြီး စစ်ကြောင်းတစ်ကြောင်းလုံး ဖွဲ့စည်းပုံလုံးဝ ပျက်သွားခဲ့ပါသည်။ ရန်သူ့စစ်ကြောင်းထံမှ လက်နက်မျိုးစုံံ (၅၀) လက် နှင့် ခဲယမ်းအများအပြားသိမ်းဆည်းရရှိခဲ့ပြီး မိမိတို့ဘက်မှ (၄)ဦး ဒဏ်ရာရ(မစိုးရိမ်ရ) ရရှိခဲ့ပါသည်။ အကြမ်းဖက် ဖက်စစ်စစ်တပ်သည် မကြာမီ ပြိုလဲတော့မည် ဖြစ်ပါ၍ ပြည်သူလူထုအနေဖြင့် အားလုံးပူးပေါင်းပါဝင်ပေးကြပါရန် နှိုးဆော်အပ်ပါသည်။

ချောင်းနှစ်ခွ လာတဲ့ တပ်မ ၂၂ စစ်ကြောင်းအခြေအနေလေး အကြိုအနေနဲ့ တင်ပေးထားတယ်နော်💪💪💪😅😅😅😅

တိုက်ပွဲသတင်းထုတ်ပြန်ချက် (၁၄.၉.၂၀၂၃)ရက်နေ့ ကြာအင်းဆိပ်ကြီးမြို့နယ် ခလယ်ကျေးရွာသို့ စစ်ကြောင်းထိုးချီတက်လာသော စစ်ကောင်စီလက်အောက်ခံ တပ်မ၄၄၊ တပ်မ၂၂ နှင့်အတူ ကရင်နယ်ခြားစောင့်တပ်(BGF) အပါ အင်အား ၇၀ ဝန်းကျင်ခန့် အား မိမိတို့ နဂါးနီစစ်ကြောင်း နှင့် KNLAတပ်ရင်း(၁၆)တို့မှ ပိတ်ဆို့တိုက်ခိုက်ခဲ့ပါသည်။ မနက် ၇နာရီ ၁၅မိနစ်တွင် တိုက်ပွဲစတင်ဖြစ်ပွားခဲ့ပြီး မနက် ၁၀နာရီခွဲဝန်းကျင်တွင် တိုက်ပွဲပြီးဆုံးခဲ့ကာ ရန်သူတပ်များ လွန်စွာအထိနာ၍ ပြန်လည်ဆုတ်ခွာသွားခဲ့ပါသည်။ တိုက်ပွဲအတွင်း Mi 35 ရဟတ်ယာဉ်ဖြင့် ၂၅မိနစ်ခန့် လာရောက်ပစ်ခတ်သည့်အပြင် အဘစ်ရွာ အမြောက်တပ်မှ ၁၂၂မမ ဟောင်ဝစ်ဇာဖြင့် လက်နက်ကြီး ၅ လုံး ပစ်ခတ်ခဲ့ပါသည်။ တိုက်ပွဲတွင် ရန်သူ့ဘက်မှ ဒုတိယဗိုလ်မှူးကြီး(တပ်ရင်းမှူး)တစ်ဦး မိမိတို့ ဘက်မှ ပစ်ခတ်သော sniperသမားကြောင့် ဘဝကူးပြောင်းသွားပြီး BGFတပ်ခွဲမှူးအပါ အားလုံးပေါင်း ၁၀ဦးထက်မနဲ သေဆုံးပြီး ၇ ဦး ဒဏ်ရာရကြောင်းသိရှိရပါသည်။ မိမိတို့ နဂါးနီစစ်ကြောင်းမှ ရဲဘော်တစ်ဦး တိုက်ပွဲအတွင်း မြင့်မြတ်စွာ အသက်ပေးလှူသွားခဲ့ပါသည်။ #နဂါးနီစစ်ကြောင်း #ခလယ်တံခွန်တိုင် #BGF #ကျဆုံး

စကစအလောင်းများ

"တိုက်ပွဲသတင်းထုတ်ပြန်ချက်" ကြာအင်းဆိပ်ကြီးမြို့နယ်၊ တောင်ကလေးကျေးရွာအုပ်စု၊ ကွီလုံးတိုင်ရွာသစ်အနီး တွင် စစ်ကြောင်းထိုးလာသော အကြမ်းဖက်စစ်ကောင်စီ၏ စကခ(၁၃)လက်အောက်ခံ ခမရ ၅၆၁ နှင့် ခမရ ၄၃၂ အင်အား ၈၀ ခန့် အား မိမိတို့ နဂါးနီစစ်ကြောင်း၊ SOF ၊ KNLAပူးပေါင်းတပ်ဖွဲ့များမှ လိုက်လံ ပိတ်ဆို့ တိုက်ခိုက်ခဲ့ရာ(၁၆.၃.၂၀၂၃)ရက်နေ့ နေ့လည် ၁ နာရီ အချိန်မှ စ၍ တိုက်ပွဲဖြစ်ပွားခဲ့ပြီး တိုက်ပွဲကြာချိန် ၂ နာရီခန့် ကြာမြှင့်ခဲ့ပါသည်။ ရန်သူ့ဘက်မှ ၆ ဦး ကျဆုံး၍ ၉ ဦး ဒဏ်ရာရရှိပြီး မိမိတို့ဘက်မှ ၄ ဦး ဒဏ်ရာရရှိ(မစိုးရိမ်ရ) ကြောင်းစစ်မြေပြင်သတင်းအတည်ပြုချက်အရ သိရှိရပါသည်။ အဆိုပါ စကစ စစ်ကြောင်းသည် (၁၉.၃.၂၀၂၃)ရက်နေ့ တွင် ကွီလုံးတိုင်ကျေးရွာအတွင်း ဝင်ရောက်၍ နေအိမ် ၂ လုံးအား မီးရှို့ဖျက်ဆီးခဲ့ပြီး ဆန်(၂၀)အိတ်အား အတင်းအဓမ္မယူဆောင်သွားခဲ့ပါသည်။ ထို့အပြင် ထီးသဘျူဖိုးခီးကျေးရွာတွင် ရှိသော ဈေးဆိုင်(၃)ဆိုင်မှ ပစ္စည်းများအား မွှေနှောက်၍ ယူဆောင်သွားခဲ့ပြီး မြန်မာငွေ သိန်း ၃၀ ခန့် ဆုံးရှုံးသွားကြောင်း သိရှိရပါသည်။ (၂၁.၃.၂၀၂၃)ရက်နေ့တွင် အဆိုပါ ခမရ ၅၆၁၊ ခမရ ၄၃၂ အင်အား ၈၀ စစ်ကြောင်းအား မိမိတို့ နဂါးနီစစ်ကြောင်း၊ SOF ၊ KNLAပူးပေါင်းတပ်ဖွဲ့များမှ တောင်ကလေးကျေးရွာအနီးတွင် မနက်(၅)နာရီ မှ စ၍ ဝိုင်းဝန်းပိတ်ဆို တိုက်ခိုက်ခဲ့ရာ တိုက်ပွဲပြင်းထန်ခဲ့ပြီး စစ်ကောင်စီလေတပ်မှ jet fighterဖြင့် ၂ကြိမ်၊ Mi 35 ဖြင့် ၃ကြိမ်တိုင်တိုင် လေကြောင်းပစ်ကူပေးခဲ့ပါသည်။ လေကြောင်းပစ်ကူများကြောင့် ဘာသာရေးအဆောက်အဦးအချို့ ပျက်ဆီးခဲ့ပြီး မနက်၅နာရီ မှ ညနေ ၆ နာရီ အထိ တစ်နေ့လုံးနီးပါး တိုက်ပွဲကြာမြှင့်ခဲ့ပါသည်။ ရန်သူ့ဆီမှ MA 1 တလက်၊ MA 2(စက်ကလေး)တလက် သိမ်းဆည်းရမိခဲ့ပြီး စစ်ကောင်စီတပ်သားများ၏ အလောင်းများ လမ်းပေါ်တွင် ပျံ့ကြဲနေကြောင်း သိရပါသည်။ ရန်သူ့ဘက်မှ ၄ ဦး ကျဆုံး၍ ၁၀ဦး ဒဏ်ရာရရှိပြီး မိမိဘက်မှ ၇ ဦး ဒဏ်ရာရ(မစိုးရိမ်ရ) ကြောင်း စစ်မြေပြင်သတင်းအတည်ပြုချက်အရ သိရှိရပါသည်။ တိုက်ပွဲအချုပ်ဆိုလျှင် ရန်သူ ၁၀ ဦး ကျဆုံး၍ ၁၉ဦး ဒဏ်ရာရရှိကာ မိမိတို့ဘက်မှ ၁၁ ဦး ဒဏ်ရာရ(မစိုးရိမ်ရ)ကြောင်း သတင်းထုတ်ပြန်အပ်ပါသည်။

"တိုက်ပွဲ သတင်းထုတ်ပြန်ချက်" ဘုရားသုံးဆူမြို့ ရှိ နယ်မြေခံရဲစခန်းအား မိမိတို့ နဂါးနီစစ်ကြောင်းပူးပေါင်းတပ်ဖွဲ့မှ (၂၅.၂.၂၀၂၃)ရက်နေ့ နံနက် ၆ နာရီခန့်အချိန်တွင် စတင်တိုက်ခိုက်ခဲ့ပါသည်။ တိုက်ပွဲစတင်ဖြစ်ပွာပြီး မကြာမီတွင် ဘုရားသုံးမြို့အတွင်းမှ အကြမ်းဖက်စစ်ကောင်စီ၏ ခလရ (၂၈၄)၊ ခလရ (၉၇) တပ်များမှ ထုတ်နှုတ်အင်အား(၃၀)ခန့်သည် မိမိတို့ တိုက်ပွဲဖြစ်ပွားရာနေရာသို့ စစ်ကူအနေဖြင့် ဝင်ရောက်လာခဲ့ရာ မိမိတို့ တပ်များနှင့် ပြန်ဆုတ်ခွာချိန် နံနက် (၇) နာရီ ဝန်းကျင် အချိန်တွင် ထိတွေ့တိုက်ပွဲ ထပ်မံဖြစ်ပွားခဲ့ပါသည်။ နံနက် (၈) နာရီခန့်တွင် မိမိတို့တပ်များ ပြန်လည်ဆုတ်ခွာနိုင်ခဲ့ပြီး စုစုပေါင်းတိုက်ပွဲကြာချိန် (၂)နာရီခန့် ကြာမြင့်ခဲ့ပါသည်။ တိုက်ပွဲအတွင်း ရဲစခန်း နှင့် စစ်ကောင်စီတပ်များဘက်မှ ရန်သူ့အင်အား (၁၁)ဦး ကျဆုံးကြောင်းသိရှိရပြီး မိမိတို့ဘက်မှ ရဲဘော်တစ်ဦး နိုင်ငံ့အတွက် အသက်ပေးလှူသွားခဲ့ကြောင်း စစ်မြေပြင်သတင်းအတည်ပြုချက်အရ သိရှိရပါသည်။