يُدَبِّرُ الْأَمْرَ 𓂆"⊁💕

هل تعلم لماذا يصوم المسلمين التسع الاوائل من ذي الحجه ؟؟!! لأن كل يوم من هذه الأيام فيه حدث مهم 👇 👈أول يوم هو اليوم الذي غفر فيه الله لسيدنا آدم ، الذنب عندما أكل من الشجرة المحرمة ... 👈اليوم الثاني هو اليوم الذى استجاب الله فيه لدعاء سيدنا يونس عليه السلام وهو فى بطن الحوت .. 👈اليوم الثالث هو اليوم الذى استجاب الله فيه لدعاء سيدنا زكريا ورزقه بالابن الذي كان يتمناه... وهذا يعني أن اول ثلاث ايام للدعاء ، فادع وركز بالدعاء ادع من قلبك وبعقلك ولسانك وانت صائم ... ونستطيع القول ايام المغفرة والرحمة ... 👈اليوم الرابع هو اليوم الذي ولد فيه سيدنا عيسى عليه السلام ... 👈اليوم الخامس هو اليوم الذي ولد فيه سيدنا موسى عليه السلام .. 👈اليوم السادس هو اليوم الذي فتح الله فيه لنبيه كل أبواب الخير. ان هذه☝الأيام الثلاث أيام الرزق وأيام الفرحة والمغفرة ... 👈اليوم السابع هو اليوم الذي تغلق فيه ابواب جهنم فلا تفتح حتى تنتهي العشر .. 👈اليوم الثامن هو يوم التروية .. 👈اليوم التاسع وهو يوم عرفة فمن صام ذلك اليوم كان كفارة للسنة الماضية والسنة القادمة بإذن الله ، وهو اليوم الذي أنزل فيه الله تعالى ( اليوم أكملت لكم دينكم) صدق الله العظيم... 👈اليوم العاشر وهو يوم العيد ويوم التضحية ، ويوم الجائزة ، ومن قرب فيه قرباناً كان كفارة لكل ذنوبه وسيكون يوم بدايتك بعون الله بعد انتهاء العشر ايام بإذن الله ... وصلوا على حبيبنا النبي اللى هيشفعلنا يوم القيامة

إنت عندك رصيد من المشاعر إنك تخاف، تحب، تعيط، تفرح.. الأغاني بتستنزف دا عندك.. يعني أنا فاكر ان أنا لو الاغنيه اشتغلت أنا بسوق اسرع، ليه لان الاغنيه سخنتني وفي اغنيه بتخليني اعيط، وفي واحد بيحب فا بيشغل فا بيفتكر ويتأثر الاغاني عملت ايه بقي في القلب خرجت المشاعر وانت هديت علشان كدا بعدها بحس الصلاة تقليه، مفيش مشاعر هتطلع في الصلاة ،القران انا مش قادر عليه، العباده تقيله، التعامل مع الذنوب بتبقي مش حاسس بالغلط ومش خايف من ربنا لان أنت أستنزفت القلب تماما فا لا الحال مع ربنا بقي ينفع ولا العلاقه مع العباده بقت تنفع، التعامل مع الذنوب بقي غلط، القلب بقي مصدي عارف ليه لان انت الاغاني بتستخدمها بدل القران بدل الحال مع ربنا، علشان كدا ابطل اغاني ازاي مش هينفع تبطل اغاني غير لما تروح للقرآن -م/ أحمد عامر | بودكاست وعي

مِن خصائِـص هـٰذا الدّيـن أنَّ الحب فيه يُنجِي "يُحشَـر المرءُ مَع مَن أَحَب" فنحن نُحِب الصَّـالِحِيـن وَنتَقرب إلیٰ اللَّـه بحبهم حتىٰ وَلو لم نجتهِد مِثلهم » - م | أيمـن عبدالرحيـم

إن شاء الله من بكرا بعد المغرب هتبدأ أول ليلة من ليالي العشرة ال هنصومهم .. ، جهز مصحفك إنوي الختمة حدد عدد اذكار كل يوم متنساش تصلي كل يوم على النبي الصلاة الابراهيميه ، متنساش تصلي كل فروضك والنوافل وتهتم بالصلاة جدًا احفظ لسانك من اي قول سيء ، وغض بصرك ، وصن قلبك . „ ال يقرأ البوست يصلي على النبي الصلاة الابراهيمية بنية تحقيق دعوة🌱.

قيام الليل يا صُحبة ❤️✨

«إنك تكون بتعمل اللي عليك، أو علي الأقل بتحاوِل تعملُه..وبتتحسن فيه كل يوم أو حتى كلّ شهر ..دا أكتر شئ يهوِّن أيَّامَك و مُرضي للنفس، ونعمَة ورزق يستحقّ الحمد.» ♡゙

هو يعني أي العشر الـ بتتكلموا عنهم دول؟ أي هما يعني؟؟ وأي فضلهم ونعمل أي فيهم ؟ - العشر دول ببساطة أفضل أيام الدنيا والمقصود بيهم أول عشر أيام في شهر ذي الحجة اللي هم فلكيًا السنة دي هيبقى أول يوم فيهم الخميس الجاي إن شاء الله - وهما دول الأيام اللي ربنا أقسم بيهم في أول سورة الفجر -: ((وَلَيَالٍ عَشْرٍ)) وده دليل على أهمية الأيام دي - وهما دول الأيام اللي النبيﷺ قال عنهم ((ما من أيَّامٍ أعظمُ عندَ اللهِ ولا أحبُّ إليهِ العملُ فيهنَّ من هذِه الأيَّامِ العشرِ فأكثروا فيهنَّ منَ التَّهليلِ والتَّحميدِ والتسبيح والتَّكبيرِ)) طيب مطلوب مننا أي فـ الأيام دي ؟ مطلوووب نزود الأعمال الصالحة فيهم ، وكذلك تمتنع عن المعاصي والمحرمات هديلك أمثلة: • صلاة الفرض تحافظ عليها في أول وقتها وتصلي السنن كمان • تصوم الـ ٩ أيام لحد يوم عرفة • تحافظ على أذكارك وكمان تحافظ على تكبيرات العيد ((الله أكبر الله أكبر الله اكبر لا إله الا الله الله أكبر الله أكبر ولله الحمد )) تقولها في كل وقت الذكر أهم حاجة في الأيام دي فلسانك مايوقفش ذكر • عندك بقى صدقات وضحى وقيام ليل وقراءة قرآن شوف اعتبر نفسك في رمضان العشر فرصة تانية جايه لك بعد رمضان أوعي تفوت فرصه زي دي🎀.

واحدة كانت منزلة بوست في جروب بتقول أنا عايزة أصوم التسع أيام بس مستتقلاهم لأن اليوم طويل والمغرب بيأذن متأخر.. لفت نظري رد حلو أوي عليها.. واحدة قالتلها: تخيلي إن صيام اليوم منهم يبعدك يوم القيامه عن النار ٧٠ خريفًا، وصيام اليوم منهم بيعادل صيام سنة! وإن فيه باب في الجنة اسمه باب الريان هيدخل منه الصائمون بس يوم القيامة! ولما تيجي القنطرة يوم القيامة اللي بتخلص فيها حقوق العباد أي حد اغتبته أو اتكلمت عليه أو غلطت فيه هياخد من حسناتك وأعمالك إلا الصيام محدش يقدر ياخده منك! وإن ربنا عز وجل قال "كل عمل ابن آدم له إلا الصيام؛ فإنه لي وأنا أجزي به".. لأن الصيام هي العبادة الوحيدة التي عُبِدَ الله بها وحده، وغير باقي العبادات يعني متقدرش تتخيل عظمة ثوابه لأن ربنا سبحانه وتعالى يعلم وحده مقدار ثوابه وتضعيف حسناته ♥️ - رحمة رشاد

لماذا داوود عليه السلام؟! ليه ربنا أعطاه القوة والمُلك والنبوة.. وجعل الطيور والجبال تُسَبِّح معاه.. والحديد الصلب بقى لين بين إيديه؟! لأنه كان إمام في ذكر اللَّه.. فذكر اللَّه سبب للقوة والنجاح والتفوق وتحقيق المعجزات في الحياة. #معجزات_الذكر #القوة_بين_ايديك #داود_أعبد_البشر

١٠ نصايح لـ عشر ذي الحجة ♥️ ١- مش تقيله خالص إنك تصوم ٩ ايام ، الشيطـ.ـان بس هيحسسك إنها صعبه بس انتَ كنت بطل وصومت رمضان كامل اللي هو ٣ أضعاف ذو الحجه ، فـ متستتقلش للموضوع دي حسنات مضاعفة خسارة تضيعها ٢- القيام : حاول متسيبش القيام خالص، حتي لو هتصلي ركعتين بعد العشا وتوتِر بركعه برده هتاخد الثواب، ولو مش قادر النبي ﷺ قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة. ٣- قراءة القران : عندك وقت؟ تقدر تختم القرآن في ١٠ ايام كل يوم ٣ أجزاء ، بتشتغل أو بتدرس "حط نيه لله عشان تاخد أجر" ، وحاول تقرأ ماتيسر من القران ، المهم المصحف يتفتح كل يوم ، وافتكر إن الاجر مضاعف اوعى تضيع الفرصه دي. ٤- الصدقة : لو عرفت تطلع كل يوم صدقه يبقي يابختك ، ولو معرفتش؟ طلع ياسيدي ولو مره في الأيام الجميله دي ، وياسلام بقي لو شاركت في إطعام. ٥- متبطلش تدعي : اوعى تيأس ، ادعي بكل حاجه بتتمناها مفيش حاجه مستحيله على ربنا ، متدعيش بالقليل كرم ربنا مالوش حدود ، ادعي بكل يقين ومتنساش حبايبك وأموات المُسلمين واعمل قائمة بالدعوات من النهارده بإذن الله. ٧- اذكر ربنا وخلي سبحتك في إيدك طول الوقت : بتغسلي مواعين ، بتطبخي ، بتروقي الشقه ، في المواصلات، ماشي في الطريق خلي الذكر دايمًا علي لسانك ونوّع مابين الاستغفار والتكبير والحمد والتسبيح. ٩- بقدر المستطاع استفيد بكل السُنن : - إشرب وانتَ قاعد وعلى ٣ مرات. - أذكار الصباح والمساء - السحور. - النوم على وضوء وأذكار النوم. - قراءة سورة المُلك قبل النوم. - ١٢ سُنه "ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشا. - لو بتحب حد قوله إنك بتحبه في الله. - عجل بالفطار وأخر في السحور. - الدعاء بظهر الغيب لغيرك. - كظم الغيظ. - التبسُم. - الكلمة الطيبة شوفوا حاجات بسيطه إزاي لكِن سُنه وعليها ثواب ومُضاعف بإذن الله في الأيام الجميلة دي ♥️ ١٠- مش هيبقي نفاق منك أبدًا إنك تصلح نفسك الفتره دي تحديدًا ، ملكش دعوه بكلام الناس وحاول بكل ما أوتيت من جُهد. تقبّل الله منّا ومنكم صالح الأعمال. -منقول #وَذَكِّرْ 🕊️♥️