Усё пра ўсё

Зборы «Галаваломкі 2» перавысілі $1 млрд за 19 дзён пракату — гэта абсалютны рэкорд сярод усіх мультфільмаў. Акрамя таго, навінка ад Pixar стала першым рэлізам 2024, які зарабіў столькі грошай. Мульт абышоў нават «Дзюну 2», якая сабрала ў пракаце $993 млн. Дарэчы, ужо глядзелі? Як вам?

Дальнабойшчыкаў у Японіі хочуць замяніць 500-кіламетровай канвеернай стужкай паміж Токіа ды Асакай. Штодня яна зможа дастаўляць столькі ж грузаў, колькі 25 000 кіроўцаў, а за ўзор возьмуць канвееры, якія выкарыстоўваецца ў горназдабыўной галіне. Кошт праекта ацэньваецца ў $25 млрд, а будаўніцтва зойме 10 гадоў.

Samsung паказала самую разумную пралку ў свеце: праз яе можна патэлефанаваць, а ўбудаваны ШІ сам выстаўляе праграмы, разумеючы ступень забруджвання рэчаў. За раз у ёй можна мыць да 25 кг адзежы, а яшчэ ёсць функцыя сушкі і аўтарэгуляванне колькасці пены. Пакуль мадэль будзе толькі для Паўднёвай Карэі, але і тамака цана такая, што лепш спачатку прысесці: $2700.

Samsung паказала самую разумную пралку ў свеце: праз яе можна патэлефанаваць, а ўбудаваны ШІ сам выстаўляе праграмы, разумеючы ступень забруджвання рэчаў. За раз у ёй можна мыць да 25 кг адзежы, а яшчэ ёсць функцыя сушкі ды аўтарэгулявання колькасці пены. Пакуль мадэль будзе толькі для Паўднёвай Карэі, але і тамака цана такая, што лепш спачатку прысесці: $2700.

Сямігадовая дзяўчынка з Кітая знайшла баг у Tesla, які замінае ёй маляваць, і папрасіла Ілона Маска яго выправіць. Бізнэсмэн заўважыў мілы ролік і асабіста паабяцаў, што праблему вырашаць. Немудрагелістая памылка апынулася ў фірмовым дадатку для малявання Sketchpad: часам сістэма пачынае «забываць» дзеянні, замяняючы самыя першыя рыскі новымі.

Навукоўцы з Японіі ўсталявалі новы рэкорд перадачы дадзеных па оптавалкне – 402 Тбіт/с (402000000 Мбіт/с)! Калі вельмі спрошчана, хлапцы пракачалі стандартны оптавалакновы кабель новымі тыпамі ўзмацняльнікаў, якія дазволілі значна павялічыць прапускную здольнасць і пазбегнуць страт. Пакуль усё гэта толькі ў лабараторных умовах, але ў недалёкай будучыні, магчыма, хаця б палова ад гэтай хуткасці сеткі стане рэальнасцю.

Красоўкі «бабуліна канапа»: навінка ад Nike — кветкавыя LeBron 21 Grandma's Couch. Ёсць мужчынская і жаночая мадэлі. Прадаваць пачнуць восенню, кошт — $200. Прышпільны дызайн?

Што тычыцца равароў — усім, хто штодзённа імі карыстаецца раім купіць (або зрабіць самому 🤔) лігерад, альбо інакш кажучы лежыпед. Зразумела, што седзячы на крэсле нашмат зручней, чым на сядушцы.

Нямецкая Convercycle прадае равары-трансформеры, якія ў пару рухаў ператвараюцца ў грузавыя. Адкідваецё задняе кола і атрымліваеце багажнік на 80 кг — улезуць дзве скрыні піва, некалькі пакетаў з прадуктамі або адзін вясёлы сябар. Стандартная мадэль каштуе €2899, а версію з маторам прадаюць за €4299.

'Шчэ адна цікавая навіна з Паднябеснай: на поўдні Кітая дабудавалі найбуйнейшую ў свеце марскую магістраль, якая злучае гарады Шэньчжэнь і Чжуншань. Гэта цэлы транспартны комплекс працягласцю 24 км, у які ўваходзяць самы вялікі ў свеце падвесны марскі мост з каробчатых бэлек, дзве штучныя выспы і самы шырокі 8-палосны падводны тунэль. Таксама па ўсёй магістралі ловіць 5G-сетка. На рэалізацыю праекта спатрэбілася сем гадоў і $1.5 млрд, а час у дарозе паміж гарадамі зараз скароціцца з дзвюх гадзін да паўгадзіны.