We Love U Khin Yi(Our Leader)

ပြည်သူ့လွှတ်တော်ဥက္ကဋ္ဌ ဦးခင်ရီ ရာမညနိကာယကျောင်းတိုက်ဆရာတော်အား ဖူးမြော်တွေ့ဆုံ နေပြည်တော်၊ ဇွန် ၁၈ ပြည်သူ့လွှတ်တော်ဥက္ကဋ္ဌ ဦးခင်ရီသည် တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး (နဝမနေ့) ကို လာရောက်လေ့လာသည့် မွန်ပြည်နယ် ရေးမြို့နယ်ရှိ ရာမညနိကာယကျောင်းတိုက်ဆရာတော် ဘဒ္ဒန္တဉာဏပါလ ဦးဆောင်သော (၈) ဦးပါအဖွဲ့အား ဇွန် ၁၇ ရက် နံနက်ပိုင်းက ပြည်သူ့လွှတ်တော်ဆောင်ဧည့်ခန်းမ၌ ဖူးမြော်တွေ့ဆုံခဲ့သည်။ တွေ့ဆုံစဉ် ဦးခင်ရီက လွှတ်တော်၏ ဥပဒေပြုရေးတာဝန်များ၊ ပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးနှင့် တောင်သူလယ်သမားများ၏ အကျိုးစီးပွားမြှင့်တင်ရေးအတွက် ဆောင်ရွက်နေမှုများကို ရှင်းလင်းပြောကြားခဲ့သည်။ တွေ့ဆုံပွဲသို့ ပြည်သူ့လွှတ်တော်ဒုတိယဥက္ကဋ္ဌ ဦးမောင်မောင်အုန်းနှင့် မွန်ပြည်နယ် ရေးမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်မိမြင့်သန်းတို့ တက်ရောက်ခဲ့ကြောင်း သိရသည်။ #SN