..

فيديوهات المسلمين الجدد في غاية الجمال، أكثرهم لما بيتعلموا العربية بيلاقوا صعوبة مقيتة وبعضهم يبكي لأنه مش عارف ينطق النطق الصحيح. لكن محاولتهم الدؤوبة وتعلمهم المستمر تخليك تبص لنفسك وتسأل سؤال؟! كيف حالك أنت مع قرآن ربك وأنت تتحدث العربية لغتك الأم بطلاقة! طيب تسأل سؤال ثاني، هل إنت كده بتستبدل تدريجيا بغيرك اللي ربنا يهديهم سواء الصراط؟ انتبه لشيء تاني.. الفتن قتالات، وتأخذ بتلابيب الأنفس وتجر أصحابها جرا نحو الهلاك. إنت في نعمة عظيمة موجودة مسبقا معاك ومش عارف أهميتها. تدبر قرآنك وافتحه كل يوم، الحق بركب الصالحين، تب وخليك إنسان نضيف والق ربك بقلب سليم. تأخرت وتكاسلت، هتستبدل بغيرك اللي ربنا هداه ويأخذ كل سبيل مطروح أمامه ليستدرك ما فاته.

في أشدِّ الحاجَة لـ رمضان.. لياليه وتلاواته وصُحبته وقيامِه ونسَمَاتِه! عسى الله أن يبلِّغنا إياه مقبولًا منَّا في عفوٍ وعافية.♥

إحنا غرقانين في نعم ربنا… بس قليل اللي بياخد باله. بنعيش ونِتنفّس ونِتحرّك، وكأنها حاجات عادية، مع إنها منّة من الله عز وجل قال الله تعالى: "وأسبغ عليكم نعمه ظاهرة وباطنة" إنت غرقان في نعم ربنا… بعضها شايفه وبعضها باطن ما تشوفوش. ربنا أعطاك النعم الباطنة أضعاف الظاهرة. كل جزء في جسمك مليان نعم وإنت مش مدركها. حتى لما كنت طفل، قبل ما تبدأ تصلي أو تصوم، ربنا أنعم عليك. لو فكرت في نعم ربنا في حياتك… هتصاب بالذهول. اوعى تسيئ الظن بالله لو كنت في ابتلاء… ربنا يبتليك علشان تحمده على كل النعم اللي في حياتك

مسكين فلان. نَسي أنه خُلق للعبادة ونَسي النار ويوم الحساب أنا وأنتَ فلان هذا.

- *ﻻ تَمَل مِن التوبة حَتى وَ إنْ تَكرر الذَنبْ! *أليسَ كلمَا اتسَخَ ثَوبكَ غَسلتهُ، *كذلِكَ كلمَا أذنبت استغفر.

عارف مشكلتك إيه؟ مشكلتك إنك بقيت خايف أكتر مما كنت، خايف تاخد خطوات يمكن تنجحك أو خايف تخرج من حالة التيه اللي إنت فيها. تحت الضغط وصعوبة العيش؛ بيزيد خوفك إنك تاخد خطوة برة الصندوق علشان ممكن تكون خاسرة وإنت مش ناقص خسران! خايف تقدم لانترفيو جديد علشان مش متحمل معنى الرفض. قافل على نفسك وشايف إن ده خلاص بقى عالمك اللي تكيفت عليه! خايف تحاول علشان طاقتك اللي جواك يا دوب على قد مشاوير اليوم والشغل وغيره. بتقول إنك مش قادر ولازم تعيش أحسن من كده، بس في الأساس إنت خايف من أي مبادرة لده. وأنا عاذرك بطريقة ما؛ الدنيا سريعة جدا وثقيلة جدا ومش مخلية حد ياخد نفسه بشكل مريح. طيب ما تحسبها كده! تتوكل على الله وافرد جناحك، ولو وقعت ضمد جرحك وقم من تاني. ما أنت كده كده على الأرض، خسران إيه أكتر من كده! إنت في نعمة والحمد لله، وأحسن من غيرك؛ نعم مقولناش حاجة. لكن فيك عقل والمؤمن بيتجنب مسارات الفتنة ويغوص في مسارات الحكمة. والحكمة تقتضي إنك تجرب وتخوض التجربة وتسعى. فاسعَ كده وربك كريم.

لا يوجد نداء لصَلاة قيام الليل، ولكن هناك ربٌ ينادي في ثُلث الليل الأخير : هل من مُستغفر فأغفر له؟ هل من داع فأستجيب له؟ هل من تائب فأتُوب عليه؟ فكم ليلة يُنادي هل من سائل هل من تائب وأنت غائب؟!

- قيام الليل 🤍.

ــــــــــــــــ🍃🌸🍃 ــــــــــــــــ

- تذكر أن الله معك في كل وقت، وهو الذي يسمع أنين قلبك ويعلم حالك، فتوكل عليه وادعُه..

مش هتعيش سعيد طول الوقت، في أيام هتبقى سعيد وأيام تانية هتبقى حزين، أيام بالك هيبقى رايق وأيام مشغول، أيام هتنام بسهولة وأيام من كُتر التفكير عينك مش هتشوف النوم .. دوام الحال من المُحال. عشان كدا قول اللهم يا مُغيّر الأحوال غيّر حالنا إلى أحسن حال، و سخر لنا من حظوظ الدنيا كُل خير وإصرف عنا كل شر .. إنك على كُل شيءٍ قدير.

اللى بيحلف بالله وهو متأكد إنه بيكذب دا اسمه يمين غموس وهو من أكبر الكبائر ومالوش كفارة وهذا مذهب الجمهور وعقوبته أن يغمس صاحبه في نار جهنم لأنه يستهين بالحلف بالله

السلام عليكم ورحمة الله وبركاته الحجاب، الخمار، النقاب: للستر مش للتصوير، مش لازم السوشيال ميديا كُلها تشوف عفة حضرتك

اللهم اغفر لي، ولأهلي، وللمؤمنين والمؤمنات، والمسلمين والمسلمات، الأحياء منهم والأموات.🤍🕊️

الفشل هو أن تفتحَ عينيك فتجد نفسك في حُفرةٍ من حُفرِ النارِ، ما دون ذلك فهو إخفاقٌ يمكننا القيام بعده".. ((كل خسارة دون الجنة، فهي دون)) د. عبد الرحمن ذاكر الهاشمي

- أحدثكم عن الله ؟. يراك وانت تطرق الابواب باباً تلو باب.. تفشل هنا وتحبط هنا وتحزن هناك، هذا يعاتبك... وهذا يزعجك... وهذا يدبر لك، ينتظر اقبالك... وانت تتعثر وتقوم وتقع وتبكي وتنهض وتتعب، ثم لا تجد مفراً من أن تأتي مكسوراً الى بابه... باكياً خجلاً... نادماً!... فيقبلك وكأنه يقول لك: ان جافوك فانا حبيبك، وان آلموك فأنا طبيبك عد الي تجدني، مرحباً بك آيباً تائباً، مرحباً بك عبداً محباً، مرحباً بك مقبلاً لاجئاً، خلقتك لتعبدني وتلجأ لي.. وتسألني! فلم تشكو لغيري ما لا يكشفه عنك الا انا؟؟ ان ذكرتني ذكرتك وان سألتني وهبتك وان ناديتني اجبتك.️ والنعم بالله

عارف إيه اللي هيبقى معاك يوم ما تنزل قبرك؟ مش فلوسك، ولا شهرتك، ولا الناس اللي كانت حواليك. اللي هيبقى معاك هو عملك! هو اللي هيقف جنبك وقت ما الكل يسيبك، هو اللي هيشفع لك أو يشهد عليك! سيبك من مظاهر الدنيا، وخليك في اللي ينفعك قدام ربنا. أصل الدنيا كده كده هييجي اليوم وتخلص، إنما عملك الصالح هو اللي هيفضل معاك.

"الصَّالِح يؤتمَن حتَّىٰ في عَداوتهِ". اختَاروا الصَديق الصَّالِح، حتىٰ وإن تخَاصَمتُم يومًا ما، لا تجِدَهُ يأكُل لحمَك نيَّـًا، أو يَهتِك عِرضَك، أو يَفضَح سِرَّك فهِذِه عَلامَات المُنافِقين" وإذَا خاصَمَ فَجَرَ"، كمَا قالَ عنهُ مَولانا وحَبيبنا ﷺ. لا تُصَاحِب مُنافِقًا وإن بِت عُمرَك كُلُّه بِلا أصدِقَاء..!

كام مرة واحد جالك يعتذرلك بعد موقف حصل بينكم، وعاتبته بشدة وقلتله الموقف ده مش هايعدي بالساهل! كام مرة واحد جالك يجبر بخاطرك رغم إنك كنت الغلطان، ورديت عليه بعنف! إوعى تكون فاكر إن اللين ده ضعف! وإن الناس هتحترمك أكتر كل ما كنت شديد! بالعكس.. اللين في موضعه = قوة.. وإنك تضع الأشياء في موضعها = توازن وحكمة.. يعني تكون ليّن فيما يستدعي اللين، وتكون شديد فيما يستدعي الشدة. تكون ليّن من غير ضعف، وتكون شديد من غير غلظة. قال رسول الله ﷺ: "حُرِّمَ عَلَى النَّارِ كُلُّ هَيِّنٍ لَيِّنٍ سَهْلٍ قَرِيبٍ مِنَ النَّاسِ".. الموضوع محتاج تدريب ومجاهدة؛ علشان تغيّر طبع فيك، ولكن إنت تقدر بالله. فاستعن بالله ولا تعجز!

السلام عليكم ورحمة الله وبركاته صباح الخير يا شباب رمضان قرب! فنضف قلبك، واستعد واحدة واحدة لاستقبال شهر الرحمات. ابدأ صوم نوافل، قلل سوشيال ميديا، قلل تجمعات وخروجات، راقب لسانك، قلل من الوقت الضايع، قلل شوية كمية أكلك ونومك.. زوّد قرآن، طوّل في الصلاة شوية، كتّر في الذكر، كتّر في الدعاء، اهتم زيادة بوالديك وشوف احتياجاتهم، ارجع تصدق تاني ولو بشيء بسيط.. ابدأ من دلوقتي؛ عشان تلاقي قلبك خلال الشهر، وميضعش عليك فضله.