Sobiq deputat

Собиқ МХХ биносидаги дарахтлар ноқонуний кўчирилгани аниқланди Ижтимоий тармоқларда 2024 йилнинг 16-22 май кунлари Тошкент шаҳрида Юнусобод тумани Сайилгоҳ кўчаси 1-уй манзилидаги собиқ МХХ биноси ҳудудида кўп йиллик дарахтлар кўчирилаётгани ҳақида хабарлар тарқалганди. Аниқланишича, мазкур ҳудудда олиб борилаётган қурилиш лойиҳаси доирасида «Мuna Mag» МЧЖ томонидан жами 53 туп қимматбаҳо навли (эман, қарағай, айлантус ва бошқалар) қонунга зид равишда кўчириб кетилган. Ҳолат юзасидан дарахтларни ноқонуний кўчирган хўжалик юритувчи субъект масъул ва мансабдорларига нисбатан жиноят иши қўзғатилган. Очиқ маълумотларга кўра, «Мuna Mag» МЧЖ саноат объектлари ва биноларни тозалаш фаолияти билан шуғулланади. 👉 @r_kusherbayev

❗️Ва ниҳоят таниш-билишчилик қилиб, давлат маблағларини ўзлаштиришдаги яна бир лазейка ёпилмоқда. Яъниким, Президент Фармонига асосан, 2025 йил 1 январдан бошлаб: ➖ белгиланган тартибда тасдиқланган лойиҳа ҳужжатлари (ишчи лойиҳа, иш ҳужжатлари, лойиҳа-смета ҳужжатлари) мавжуд бўлмаганда ёки лойиҳа ҳужжатларини тайёрлаш қурилиш-монтаж ишлари билан параллел равишда олиб борилганда, консолидациялашган бюджет маблағлари ва бошқа марказлашган манбалар, шунингдек, давлат банклари ва давлат иштирокидаги корхоналар ҳисобидан харажатларни амалга ошириш ва ишларни бажариш тақиқланади. ☝️Соғлом ақлга таяниб, очиқ бозор қоидаларига мос қадамлар ташланаётгани сўниб бўлган умидларни қайта уйғота бошлади. Ишқилиб шу қатъиятда барқарор турилса бўлди. 👉 @r_kusherbayev

Ўзбекистоннинг ЖСТга аъзо бўлишга интилиши маҳаллий тадбиркорларда хавотирлар уйғотмоқда. Тадбиркор Анвар Абдуқаюм жаҳон бозорида рақобатлаша олиши учун маҳаллий тадбиркорларни қўллаб-қувватлаш, саноатни кўтаришга кам фоизли кредитлар йўқлигини айтмоқда. 👉 @r_kusherbayev

❗️ Ниҳоят эксклюзив ҳуқуқларни чеклаш бошланди Президент Шавкат Мирзиёев Жаҳон савдо ташкилотига аъзолик йўлида муҳим фармонни имзолади. Унга кўра, қонунчилик билан тақдим этилган қуйидаги махсус (эксклюзив) ҳуқуқлар бекор қилинди: а) 2025 йил 1 январдан бошлаб: ➖ “Ўзметкомбинат” АЖнинг республика ҳудудида қора металл ломи ва чиқиндиларини тайёрлаш (харид қилиш) ҳуқуқи; ➖ “Ўзиккиламчиранглиметалл” АЖнинг республика ҳудудида рангли металл ломи ва чиқиндиларини тайёрлаш ва экспорт қилиш ҳуқуқи; ➖ “Ўзтрейд” АЖнинг консигнация шартларида озиқ-овқат уни ва буғдойни, шунингдек, кичик бизнес ва хусусий тадбиркорлик субъектлари, деҳқон ва фермер хўжаликлари маҳсулотларини банк кафолатлари ёки сиёсий ва тижорат хавфларидан экспорт шартномаларини суғурталаш полисларини тақдим этмасдан экспорт қилинадиган маҳсулотларни савдо уйлари манзилларига тушириш ҳуқуқи; ➖ “Ўзкимёимпекс” МЧЖнинг “Ўзкимёсаноат” АЖ ташкилотлари кимёвий маҳсулотлари экспорти ҳамда уларнинг ишлаб чиқариш эҳтиёжлари учун ускуналар, эҳтиёт қисмлар, бутловчи буюмлар, хомашё ва материаллар импортини амалга оширишдаги ягона агент ҳуқуқи; б) 2026 йил 1 июлдан бошлаб: ➖ “UzGasTrade” АЖнинг табиий газни ягона экспорт қилувчи ва импорт орқали ташқи манбалардан марказлашган тартибда харид қилиш бўйича ягона оператор сифатидаги ҳуқуқи; ➖ “Ўзэнергосотиш” АЖнинг электр энергиясининг экспорти ва импортини марказлашган тартибда амалга ошириш ҳуқуқи. 👉 @r_kusherbayev

❗️Фатво маркази криптовалюталар ножоизлиги ҳақидаги баёнотига раддия берди Ўзбекистон мусулмонлари идораси Фатво марказининг маълум қилишича, марказнинг криптовалюталар шаръан жоиз эмаслиги ҳақидаги хабари техник сабаблар билан эҳтиётсизлик оқибатида эълон қилинган. Марказ бунинг учун узр сўраган ҳолда, бу борадаги илмий тадқиқотлар ҳали якунига етмагани, ўрганиш ишлари давом этаётганини маълум қилган. 👉 @r_kusherbayev

Тарихий шахсларнинг ҳаёти ва фаолиятига оид кинолар ўзимизда суратга олинаётганини кўриб, беихтиёр хурсанд бўласан. "Баҳодир Ялангтўш" каби тарихимизни гавдалантирадиган фильмларни кўришимиз шарт. 6 июнь кунидан бошлаб, мамлакатимиз кинотеатрларида (улар анча кўпайиб қолганини алоҳида таъкидлаш керак) "Баҳодир Ялангтўш"нинг премьераси бошланади. Ҳар кандай кинони кинотеатрда кўриш бошқача завқ беради. Бундай катта масштабли тарихий фильмлар эса икки баравар завқ бағишлайди. Демак, 6 июндан ўтказиб юбормаслигингиз шарт бўлган воқеа бу уйингизга энг яқин кинотеатрга бориш ва ўзимизникилар ишлаган тарихий-бадиий фильмни кўриш бўлади.

«Биткоин, ноткоин ва криптовалюталар билан савдо шаръан жоиз эмас!» Мусулмонлар идораси Фатво маркази Ислом динида биткоин, ноткоин ва бошқа криптовалюталарда савдо-сотиқ қилиш шаръан жоиз эмаслигини маълум қилди. Қайд этилишича, ушбу криптовалюталарда шариат томонидан пулга қўйилган талаблар йўқ. Криптовалюта — транзакцияларни ҳимоя қилиш ва янги бирликларни яратишни назорат қилиш учун криптографиядан фойдаланадиган рақамли ёки виртуал валюта. Уларни бирор давлат ишлаб чиқармагани ёки расман тан олмагани, нархининг кескин ўзгарувчанлиги ҳамда унда қимор аломатлари борлиги у билан муомала қилиш ҳаром эканига асос бўлади, дейилади хабарда. Марказ ҳозирда фақат электрон кўринишда мавжуд бўлган «рақамли пул»лар вақт ўтиши билан шариатга мувофиқ товар ва пулга қўйилган шартларга тўлиқ жавоб бера олсагина улардан фойдаланишнинг ҳукми ҳам ўзгариши мумкинлигини билдирган. 👉 @r_kusherbayev

Аслида барчамиз бир юрт фуқароларимиз, ЎЗБЕКИСТОНЛИКМИЗ! 👉 @r_kusherbayev

❗️"Уйни тортиб олиш операцияси' давом этмоқда ёҳуд кўл бўйидаги келишувнинг давоми Яқинда Жиззахда бир гуруҳ амалдорлар “Қишлоқ қурилиш инвест” томонидан давлат дастури доирасида қурилиб, фуқаро Н. Раджабов томонидан сотиб олинган уйни тортиб олишмоқчи бўлаётгани ҳақида ёзгандик. Бу ишларда асосий ижрочи вилоят прокуратураси бўлмоқда. Яъни прокуратура “J-Quruvchi” МЧЖга мулк ҳуқуқи берилган Жиззах шаҳар ҳокимининг 2020 йил 19 август кунги 843-сонли қарорини бекор қилиш орқали бу уйни сотиб олган Н.Раджабовни мулкидан маҳрум қилмоқчи бўлиб, судга ариза киритган. Биринчи инстанция суди фуқаро уйни қонуний сотиб олган, инсофли эгалловчи сифатида эътироф этиб, бу уй-жой курилишида давлатга зарар етказилмаганини тан олиб, прокуратуранинг аризасини рад қилади. Бироқ прокуратура ортга қайтмай, иш Жиззах вилояти маъмурий судига оширилади. Судга бўлган босим ва прокуратура билан судъялар ўртасидаги дўстона алоқалар сабабли, иш холис кўрилиши учун Самарқанд вилоят маъмурий судига ўтказилади. Буёғи ғаройиб кетмоқда. Прокурор протестида низоли уйнинг қурилишига ҳуқуқий ҳужжат мавжуд эмас деб кўрсатилган. Бироқ судда прокуратура вакили сифатида иштирок этган прокурор ёрдамчиси С.Сайдаҳмедов бу низоли уйни муқаддам Олий суд ҳузуридаги департамент, ФИБ Жиззах вилоят суди раиси А.Шукуровга хизмат уйи сифатида сотиб олмоқчи бўлиб, "Қишлоқ қўрилиш инвест" билан 2018 йил 24 августда шартнома тузганлигини важ қилган. Қизиғи, низоли бу уйнинг қурилиши бўйича бирон-бир ҳуқуқий ҳужжати мавжуд бўлмаган бўлса, унда қандай қилиб шартнома тузилган. Прокуратура бу шартномани нима учун биринчи инстанция судига тақдим этмаган? Хойна ҳой прокуратурага бу шартномани Олий суд ҳузуридаги департаментнинг Жиззах бўлими ёки Жиззах вилоят судларининг ўзи берган бўлса ажабмас. Чунки улар уйни олишни қаттиқ исташаяпти. Демак, прокурор протестида ўзбошимча қурилган, деб фараз қилинаётган уй прокуратура вакилининг судда тақдим этган ҳужжатларига кўра ҳуқуқий ҳужжати мавжуд бўлиб чиқмоқда. Бундан чиқди: бу уйнинг қонуний қурилгани ва уни сотиб олган фуқарода ҳеч қандай айб йўқлиги, у инсофли эгалловчи эканини исботлашга яна қандай далил керак? Бировнинг уйини тортиб олишга уриниш шунча бўлар. Яхшиси шу уй керак бўлаётган ўша "катта амалдор"нинг қизига хашар қилиб бошқа уй қуриб бера қолармиз... 👉 @r_kusherbayev

❗️Президент Фармонида бекор қилиш кўрсатилган антиконституцион қонун ҳамон кучда Президентнинг 2023 йил 8 майдаги ПФ-67-сон Фармонида янги таҳрирдаги Конституциянинг 32-моддасида белгиланган мамлакат бўйлаб эркин ҳаракатланиш, турар ва яшаш жойини танлаш ҳуқуқи тўлиқ рўёбга чиқарилишини таъминлаш мақсадида: ➖ Вазирлар Маҳкамаси (А. Арипов) икки ой муддатда “Тошкент шаҳри ва Тошкент вилоятида доимий яшаш жойи бўйича рўйхатга олиниши лозим бўлган шахслар – Ўзбекистон Республикаси фуқаролари тоифаларининг рўйхати тўғрисида”ги Ўзбекистон Республикаси Қонунини ўз кучини йўқотган деб топиш бўйича қонун лойиҳасини Олий Мажлис Қонунчилик палатасига киритиш юклатилган. Бироқ фуқароларни дискриминация қилиб, айрим шахсларни Тошкентдан вилоятликларни чиқариб юборишга тарғиб қилаётган ушбу қонун ҳамон кучда. Ҳукумат Президент Фармони талабларини ҳамон бажармаган. Бунга ҳукумат ҳам парламент ҳам изоҳ бермаган. 👉 @r_kusherbayev