Yaldır

✍ «بوغولان دنیز!» بیر منم، بیر سن‌سن، بیرده آیریلیق بو گئجه یوخوما، اؤلوم یاغاجاق! بیر دنیز، مین دالغا،بیر یالقیز گمی بو گئجه دنیزی، قهر بوغاجاق! آغزیمدا سؤزجوکلر، دولاشیق دوشور تومجه‌لر گیجه‌لیر، یئره تؤکولور! بیلمیرم هاردایام، بورا هارادیر! بوردا آنلاملارین، بئلی بوکولور! بوردا قار قیش دوغور، شاختا داغیندا بوردا یول وئرمه‌ییر، یئله کولک‌لر بوردا بوز باغلاییب، دویغو دیلک‌لر بوردا شیطان اولوب، بوتون ملک‌لر! بوردا اوغول دوغور، هر دار آغاجی! بوردا آنالارا، بیر دونیا آجی بوردا آتالارا، بیر ایکی‌قات بئل! بوردا قارداشلارا، وار یازیق باجی! یارالار یئر سالیر، یانیق اورکده اولدوزلار گؤیلرده، دیدرگین قالیب بولودلار سورونور، اویان بویانا اومسوقلوق هامینی، آیاقدان سالیب! بیر سحر، بیر اذان، بیر توتقون تانری! سارماشیر بوغازا، بیر یاغلی کندیر! جان‌قوشو اوچماغی، اؤزلرکن اوچور یاشام‌می؟ اؤلوم‌مو؟، ندیر بو؟ ندیر؟!... #میرحسین_دلداربناب ۱۴۰۲/۱۱/۰۶ @eldilimiz

✍ «هر زاد یولوندادیر!» هر زاد یولوندادیر، هر زاد یاخشی‌دیر! کؤتولوک هاردایدی، بیزیم دونیادا؟! هامی ساپ ساغلام‌دیر، کئف‌سیز تاپیلمیر انسانلار یاشاییر، سانکی رویادا گئجه‌لر ایشیق‌دیر، قارانلیق یوخدور! اولدوزلار ال اله، یاللی گئدیرلر آی ایله‌شیب تختده، گؤستریش وئریر گؤیده اولان قوللار، قوللوق ائدیرلر نه قیشدان خبر وار، نه قار بوراندان فصیل‌لر یئرینی وئریب باهارا یام یاشیل جننت‌دیر، داغلار دره‌لر پنجره‌لر باخیر، آخار باخارا نه آغلایان واردیر، نه حسرت یئین! باریشیق ایچینده، ایتیب ساواشلار دومان قوجاقلاییر داغی دره‌نی داغدا قوناقلاییر بیر بیرین داشلار قوردلارلا قویونلار، یولداش اولوبلار! ایت‌لر پیشیک‌لره، اگری باخماییر! حیوانلار دوست اولوب نوح چاغی کیمی تولکولر تویوغا، چانقیل آتماییر! هر کیم هر نه دیلده، سئویر دانیشیر! دوشونجه یاساقی، یوخدور هئچ یئرده هامی شن یاشاییر، داماق‌سیز یوخدور تانیش دئییل جانلار، کدره درده نه کندیر وار نه دار، نه سورگونلوک وار! دورنالاردا داها، وطن‌سیز دئییل قارانقوشلار، سئرچه‌، لاچین، گؤیرچین قیش دا اولسا بئله، هئچ دن‌سیز دئییل! اؤزوندن کئچمه‌یه، یاریشما واردیر! هامی الدن توتور، ییخیلان یوخدور رؤیالار اؤلکه‌سی اولوب اؤلکه‌لر اورک یاراسی ایله یاخیلان یوخدور دم دمی گتیریر، شنلیک شنلیگی اوره‌یی یارالی، یورغون آرغین یوخ سؤزلردن بال سوزور، دوداقلاردان گول بیغینی گمیرن، دلی دارغین یوخ! سؤزو اوزاتماییم، دونیا جننت‌دیر! یالنیز یوخو عالمینده، خیال ایچینده! آغی‌نی یئدیردیر، یارانمیشلارا آلدادا آلدادا، او بال ایچینده... #میرحسین_دلداربناب ۱۴۰۳/۰۴/۰۸ @eldilimiz

کیتاب یوردو کولتور اوجاغی نین ایکینجی ادبی یاریشماسی ( شعرایله داستان بؤلوملرینده) اطرافلی بیلگیلر سونراکی پست لاریمیزدا ياييملاناجاق لوطفن یازیچی و شاعر دوستلارینیزلا پایلاشین. ایلیشگی یوللار @Kitabyurduu @anadilimaz_admin Instagram & telegram @ana_dilim_az

ادبیاتیمیزین یئنی یاییلان کیتابلاری: 1⃣ هومای (حیکایه توپلوسو) ◀️ حکیمه باباکیشی‌زاده (نغمه) 2⃣ دورنالارین قاییدیشی (حیکایه توپلوسو) ◀️ کیتاب یوردو فرهنگی گروهونون بیرینجی ادبی یاریشماسی‌نین سئچیلمیش اون اثری _ حاضیرلایان: سیامک خانی @turkcehikaye

📚 قیسا حیکایه: خججه عابدواله 🖌 یازار: مهدیه پایه‌دار 🎙️ سس: مینا پورحیدر 📖 حیاتدان پارچالار کیتابیندان بیر حیکایه 📕 ناشر: نظامی 🕰 زامان: 00:23:09 💾 اؤلچو: 22MB #مهدیه_پایدار #حیاتدان_پارچالار #نظامی #مینا_پورحیدر #قیسا_حیکایه @dinlemeniii @turkcehikaye

✍️در باب ترجمه چرا ترجمه می کنیم؟ شاید مردمان قرنهای آینده از خودشان بپرسند چرا در زمانه ی ما این همه ترجمه وجود داشته؛ ترجمه هایی که به سبب آنها هیچ زبانی - حتی زبانهایی که افراد کم شماری به آنها حرف می زده اند - کاملاً از بقیه ی زبانها جدا نبوده است. آیندگان ما احتمالاً فقط دوسه - یا شاید حتی فقط یک - کلان زبان خواهند داشت و همین فقر زبانی آنها باعث میشود که روزگار ما را زمانه‌ی غوطه‌ی بی‌پایان در نوعی ملغمه‌ی زبانی بدانند؛ ملغمه ای از بی شمار زبان و صدها هزار ترجمه ای که همه ی این زبانها از پر استفاده‌ترین تا منزوی‌ترین‌شان را به هم وصل میکنند و خودشان هم خیلی وقتها محصول ترجمه هایی دیگرند. مردمان آینده حیرت می‌کنند که ما این قدر درگیر دگردیسی متن، بازآفرینی فکری و اهمیت هم خوانی متن و ترجمه اش بوده ایم. حتی شایدگمان کنند ترجمه از زبانی به زبان دیگر دغدغه‌ی دائمی و مهمترین سرگرمی مان بوده است. وقتی فقط دو سه زبان در کل دنیا وجود داشته باشد لابد خیلی ها به شک می افتند و می پرسند آیا واقعاً زمانی صدها هزار زبان -با پیوندها و روابطی پیچیده - و صدها هزار لهجه ی مشتق از آنها وجود داشته اند؛ زبانهایی چنان ناهمسان و متفاوت که ارتباط مناطق و شهرهای همسایه را دشوار میکرده اند. احتمالاً آنها از خود می پرسند زیستن در چنین جهانی، جابه جایی در چنین جهانی و عاشق شدن در چنین جهانی چگونه ممکن بوده و وقتی بفهمند جهان واقعاً زمانی چنین بوده نتیجه میگیرند که کنار آمدن با این تنوع زباني هولناک قاعدتاً وجود بی شمار مترجم را می طلبیده و لابد همه ی اجزای زندگی روزمره ی ما درگیر وجوه مختلف ترجمه بوده اند. وقتی هم که تاریخ نگاران با اسناد و مدارک تاریخی ثابت کنند اصلاً این طور نبوده و فقط کسر بسیار کوچکی از جمعیت با مسائل مربوط به ترجمه سرو کار داشته اند، مردمان آینده لابد سری تکان میدهند و خدا را شکر میکنند که در زمانه ای بسیار دور از زمانه ی ما به دنیا آمده اند. #دئنمه #چئویری #فابیو_مورابیتو @rivayet_merend

✍ «من بیر غریب قوشام» بیر قوش بیر بوداغا، سیغیندیغیندا بوداغی کسمزلر، قوشو قوومازلار بیر اوزاق اؤلکه‌دن، گلن قوناغی ایستی قارشیلارلار، باشدان سوومازلار من بیر غریب قوناق، بیر غریب قوشام بوداغیمی کسیب، باشدان سوودولار دوغولدوغوم گوندن، کیمه سیغیندیم اؤگئی اوشاق کیمی، ووروب قوودولار! کیمه اورک وئردیم، سیندیریب وئردی! سینیق اوره‌ییم اوف، سینیق اوره‌ییم! اوشاقلیغیم ایتدی، اوغرو شهرده یانیق اوره‌ییم اوف، یانیق اوره‌ییم! یئنه دومان آلدی، کؤنول داغینی دومانین باغریندا، اؤلمک ایستیرم سن منی سئومه‌دین، من سنی سئودیم ندن بؤیله اولدو، بیلمک ایستیرم! هر زادی یئل آپاردی، کولک آپاردی! بیر داریخما قالدی، بیرده یالقیزلیق! ایستیرم اؤزومو، اکم توپراغا اوخشاما گؤیرسین، بیر دیل آغیزلیق! #میرحسین_دلداربناب ۱۴۰۳/۰۴/۱۷ @eldilimiz

اَشرقت مِن فَلَکِ الْبَهجة شَمسٌ و بِها مَلأ العلالَمُ نوراً وَ سُروراً وَ بَها چېخدې بیر گۆن کی ضیاسېندا تمامی رسل اوْلدو محو اۆیله کی خورشید شعاسېندا سها اولدو بازار جهان رونقی بیر در یتیم کی دئییل ایکی جهان حاصیلی اوْل دره بها رتبه ی حکمت معراج کمالېنا گؤره حکما فرقه سی دون، فلسفه جمعی سفها منهی معرفتی حال دیلیله دائم قېلېر اهل حقه اسرار حقیقت اِنها نئجه تقدیر ائده ییم وصفینی بیر شاهېن کیم؟ آنا وصاف اوْلا یاسین و  معرف طاها ای فضولی ره شرعینی توت اوْل راهبرین بو طریق ایله ظلالتدن اؤزۆن ائیله رها ✔️بو غزل حضرت پیغمبرین مدحینده دئییلیب. 🔵اَشرقت مِن فَلَکِ الْبَهجة شَمسٌ و بِها مَلأ العلالَمُ نوراً وَ سُروراً وَ بَها اشرقت: دوغماق، ظهور ائتمک، طلوع ائیلمک من:از فلک: گؤی بهجت: شادلیق و سرور شمس: گون بِها: اونون واسیطه‌سی ایله ملاء: دولدو عالم: دونیا نورا: ایشیقدان سرورا: شادلیقدان بها: بیر معناسی دیر و ارزش دیر و آیری معناسی ایشیقلیقدیر. بوردا هر ایکی معنا ایشلنه بیلر. بیتین آنلامی: شادلیق و نشاط گؤیوندن بیر گونش چیخدی کی اونون واسیطه‌سی ایله، دونیا اوزو شادلیق، نور و ایشیق(یا دیر)ایله دولدو. 🔵چېخدې بیر گۆن کی ضیاسېندا تمامی رسل اوْلدو محو اۆیله کی خورشید شعاسېندا سها ضیا: ایشیق رسل: جمع رسول، پیام گتیرنلر، انبیا محو اولماق: ایتمک شعاع: ایشیق سها: دب اکبرده بیر ستاره آدیدیر کی ایشیقی آزدیر و گؤز ایله چتین گؤرونر. مجازا حقیرلیک آنلامیندا ایشلنر. شهریار تورکجه‌نین دورومونون نئجه اولدوغو شعرده بو کلمه‌نی بئله ایشلدیبدیر: بیر ایشیلتیدی سها اولدوزو تک گؤرسنمز گؤز یاشیملا من اونو عقد ثریا ائله‌دیم. بیتین آنلامی: بیر گون(حضرت محمد«ص») چیخدی کی اونون ایشیغیندا بوتون پیغمبرلر گؤزدن ایتیب و حقیر و دیرسیز قالدیلار. نئجه کی گونون ایشیغی قارشیسیندا سها اولدوزو دیرسیز قالیب و گورونمز. 🔵اولدو بازار جهان رونقی بیر در یتیم کی دئییل ایکی جهان حاصیلی اوْل دره بها رونق:چیچکلنمک، بزک در:اینجی یتیم: ۱)آتا آناسیز کیمسه۲)تایسیز و دیرلی هر نمنه. بو بیتده ایکی آنلامدا  نظرده توتولوب. کلاسیک شعرلریمیزده چوخ یئرده حضرت پیغمبر در یتیم صفتی ایله آدلانیب . مثلا نظامی دئییر: یتیمان را نوازش در نسیمش از آنجا نام شد در یتیمش ایکی جهان حاصیلی: بوتون وار یوخ بها:ارزش و دیر بیتین آنلامی: او در یتیم (او تایسیز اینجی/منظور حضرت محمد)  دونیاین بازارینین بزه‌یی و اونون چیچکلنمه‌سینین ندنی اولدو بیر حالدا کی ایکی دونیا حاصیلی ده، او اینجی‌نین دیرین اؤده‌یه بیلمز. ( او مرواریدین دیری ایکی دونیا ماحصلیندن افضلدیر.) 🔵رتبه ی حکمت معراج کمالېنا گؤره حکما فرقه سی دون، فلسفه جمعی سفها رتبه: مقام و منزلت حکمت: بیلیم کمال: کامل اولماق، اوجالیق حکما: حکیملر، بیلیم آداملاری فرقه: گروه و دسته دون: آلچاق فلسفه جمعی: فیلسوفلار سفها: سفیهلر، بیلمه‌ینلر بیتین آنلامی: پیغمبرین معراجینین بؤیوکلویونون  حکمتین بیلمه‌یه، حکیملرین بیلگیسی یئترسیزدیر و فلسفه اهلی بو قونودا سفیه سایلیرلار. یعنی پیامبرین معراجینین درکی حکیملردن و فلسفه‌چیلردن اوزاقدیر. 🔵منهی معرفتی حال دیلیله دائم قېلېر اهل حقه اسرار حقیقت اِنها منهی: خبر وئرن، اگاه ائلیین کیمسه حال دیلی: زبان حال انهاء: اگاه ائیلمک، بیلدیرمک بیتین آنلامی: اونون معرفتی دائم حال دل ایله اهل حق ایچین حقیقت سرلرینی آشکار ائیله‌ییب و حق اهلینه بیلدیریر. بوردا معرفت بیر آگاه ائیله‌ین بیر شخص کیمی نظرده توتولوب. 🔵نئجه تقدیر ائده ییم وصفینی بیر شاهېن کیم؟ آنا وصاف اوْلا یاسین و  معرف طاها تقدیر: قیمت وئریب آلقیشلاماق وصاف: تانیتدیران یاسین و طه: قران دا ایکی سوره کی اونلاردا حضرت محمد وصف اولونوب . گئچمیش غزللرده بو موردده دانیشمیشدیق. سندن بولوبدور احمد مرسل مقام قرب تحسین یا و سین ایله تشریف طا و ها بیتین آنلامی: من او شاهین وصفینده نئجه دانیشا بیلرم کی طه و یاسین سوره لری اونون وصفینده گلیب. بو بیت استفهام انکاریدیر یعنی اونون وصفینده من دانیشا بیلمرم. 🔵ای فضولی ره شرعینی توت اوْل راهبرین بو طریق ایله ظلالتدن اؤزۆن ائیله رها ره شرع: سنت یولو. پیامبرین یولو طریق: یول ظلالت: آزقین دوشمک، یولو ایتیرمک بیتین آنلامی: ای فضولی اگر گمراهلیق و ظلالتدن قورتولماق ایسته‌ییرسن‌سه حضرت پیغمبرین شرع یولونو توت و او یولدا یئری. #علی_موسی‌زاده https://t.me/hekim_fuzuli