QASHQADARYO.UZ | RASMIY

QASHQADARYODA BADIIY GIMNASTIKA BO'YICHA O'ZBEKISTON CHEMPIONATI O‘TKAZILMOQDA Joriy yilning 14-18-may kunlari viloyat gimnastika sport turlariga ixtisoslashtirilgan sport maktabida sportning badiiy gimnastika turi bo‘yicha o‘smir qizlar o‘rtasida O‘zbekiston chempionati o‘tkazilmoqda. Bugun musobaqaning tantanali ochilish marosimi o‘tkazildi. Ushbu musobaqada respublikamizning barcha hududlaridan jami 73 ta yakkalik hamda 96 nafar o‘smir qizlar jamoaviy bahslarda ishtirok etmoqda. Jamoaviy bahslarda Toshkent, Buxoro va Samarqand viloyatlaridan 2 tadan jamoalar qatnashishmoqda. Sportchi qizlarning mashg‘ulotlar jarayonida orttirgan tajribalari ushbu yirik musobaqalar orqali sinovdan o‘tmoqda. Sportchilarning badiiy chiqishlarini Milliy va Xalqaro toifadagi hakamlar baholab bormoqda. Telegram|YouTube|Facebook|Instagram|X

Қарши туманида вилоят ҳокимининг биринчи ўринбосари томонидан қабул ўтказилди Вилоят ҳокими биринчи ўринбосари А.Қодиров, банклар ва ташкилот раҳбарлари иштирокида Қарши туманида тадбиркорлар ва фуқаролар учун сайёр қабул ўтказилди. Қабул давомида тадбиркорларга имтиёзли кредит ажратиш, бандлик, маҳалла инфратузилмасини яхшилаш ва бошқа бир қатор масалалар юзасидан 80 нафардан ортиқ фуқароларнинг мурожаатлари тингланди. Барча мурожаатлар тегишлича ўрганилиб, кўп қисмига шу жойнинг ўзида ечим топилган ҳолда вақт талаб этадиган мурожаатлар масъул ташкилотлар ёрдамида уларнинг ижросини таъминлашга қаратилди. Telegram|YouTube|Facebook|Instagram|X

G‘uzor tumanida pilla qabul qilish boshlandi G‘uzorlik pillakorlar joriy yilda 2089 quti ipak qurti urug‘larini parvarishlab, 141 tonna “kumush tola” yetishtirishni maqsad qilgan. Bugungi kunga kelib g‘uzorlik pillakorlarning mashaqqatli mehnati o‘z hosilini bera boshladi. Bugundan «G‘uzor Agropilla» MCHJ tumanda yetishtirilgan dastlabki pilla hosilni qabul qilishni boshladi. Jumladan, M.Rahmonov hududidagi “Qodirov Karim bobo” fermer xo‘jaligi pillakorlari tumanda birinchilardan bo‘lib, 3 quti uchun 225 kilogramm (102,5 %) pilla topshirdi. —Mavsum boshida 3 quti pilla qurti olib boqqandik, shartnoma rejamiz 215 kilogramm edi. Qurtlarni yaxshi parvarish qildik. Tut bargi bilan oziqlantirishni muntazam oshirib bordik. Natija esa kutilganidan ham ziyoda bo‘lib, rejani ortig‘i bilan bajardik. — deydi “Qodirov Karim bobo” fermer xo‘jaligi raisi Otanazar Qodirov. Telegram|YouTube|Facebook|Instagram|X

Qashqadaryoda 47 nafar o‘qituvchi Vazir jamg‘armasidan ustama oladi Maktabgacha va maktab ta’limi tizimida faoliyat yuritayotgan pedagoglar uchun Vazir jamg‘armasi hisobidan har oylik ustama belgilash maqsadida ikki bosqichli tanlov o‘tkazildi. Tanlov natijalariga ko‘ra, Qashqadaryo viloyatida faoliyat yuritayotgan ilmga chanqoq, hamisha izlanishda bo‘lgan 47 nafar pedagog Vazir jamg‘armasidan ustama olishga loyiq ko‘rildi. Quvonarlisi shuki, Shahrisabz tumanidagi 24-umumiy o‘rta ta’lim maktabining ikki nafar oliy toifali o‘qituvchisi tanlov g‘olibi bo‘ldi. Ulardan biri oliy toifali kimyo fani o’qituvchisi Dilfuza Abdumuratova bo‘lsa, ikkinchisi shu maktabning oliy toifali tarix fani o’qituvchisi Sherzod Botirovdir. Ma’lumot o‘rnida, malakali pedagog kadrlarga 2024-yil may oyidan 2025-yil yanvar oyiga qadar (9 oy) mehnatga haq toʻlashning eng kam miqdorining 5,5 baravari miqdorida har oylik ustama toʻlab boriladi. Telegram|YouTube|Facebook|Instagram|X

Муротжон Азимов ҳокимлик муассислигидаги газеталарни ривожлантириш тақдимоти билан танишди Вилоят ҳокими Муротжон Азимов бугун Халқ депутатлари Қашқадарё вилояти кенгаши ва вилоят ҳокимлиги муассислигидаги “Қашқадарё” ва “Новости Кашкадарьи” газеталари бош муҳаррири Камолиддин Каримовнинг нашрларни фаолият самарадорлиги, иқтисодий имкониятларини кенгайтириш ва ижодий юксалиши учун амалга ошириладиган ишлар юзасидан тақдимоти билан танишди. 2025 йилда ташкил этилганлигининг 100 йиллигини нишонлайдиган "Қашқадарё" газетаси бугунги кунда мамлакатимизда амалга оширилаётган кенг қамровли ислоҳотлар, вилоят ҳаёти ва халқаро майдонда рўй бераётган воқеаларга оид материалларни эълон қилиб келмоқда. Шунингдек, халқ депутатлари вилояти кенгаши ва вилоят ҳокими қарорларига шарҳлар бериб боришни ҳам йўлга қўйган. Тақдимотда таҳририятни йиллик даромадини яхшилаш орқали моддий-техник базани яхшилаш, ишчи-ходимларни маошини ошириш, шунингдек, юзага келган муаммоларни ўз вақтида ечиш бўйича таклифлар тингланди. Вилоят раҳбари тақдимот билан батафсил танишиб, отахон газетани янада ривожлантириш бўйича ўз фикрларини баён этди. Telegram|YouTube|Facebook|Instagram|X

Қашқадарёда “Ибратли оила” кўкрак нишонлари тантанали равишда топширилди Вилоят ҳокимлигида 15 май – Халқаро оила куни муносабати билан Қашқадарёда ибратли оила намунаси бўлиб келаётган, фарзандлар тарбияси ва уларнинг илмли ҳамда касб-ҳунарли бўлиши, шунингдек, тадбиркорликни ривожлантириш, соғлом турмуш тарзини тарғиб қилиш ва ёш оила вакилларини ўз ортидан эргаштиришга катта хизмат қилаётган оила вакиллари иштирокида тантанали тадбир ўтказилди. Унда вилоят ҳокими Муротжон Азимов сўзга чиқиб, сўнги йилларда давлатимиз раҳбари томонидан ватан ичра кичик ватан, яъни оиладек муқаддас қўрғонни асраб-авайлаш, унда улғаётган ёшларни ватанпарварлик руҳида камол топиши учун яратилаётган шароит ва имкониятлар ҳақида алоҳида тўхталиб ўтди. Шундан сўнг, воҳамиздаги 16 та ибратли оилага Президентимиз фармонларига асосан, Вазирлар Маҳкамасининг қарори билан илк бор таъсис этилган “Ибратли оила” кўкрак нишонлари тантанали равишда топширилди. Шунингдек, тантанали тақдирлаш тадбири давомида бу каби эътибор ва эътирофдан илҳомланган намунали оила вакиллари сўз олиб, юртбошимизга ўз миннатдорчиликларини изҳор этишди. Telegram|YouTube|Facebook|Instagram|X