رِفق )💜"

عارف إيه هي المصيبة الحقيقية؟ المصيبة الحقيقية مش إنك تخسر فلوسك، ولا إن صحتك تتعب، ولا حتى إنك تتعرض لابتلاء في أغلى الناس عندك. المصيبة الحقيقية إن قلبك يبعد عن ربنا، وإن الطاعة تبقى تقيلة عليك، وإنك تفقد لذة الدعاء والقرب من الله. طول ما كلمة "يا رب" لسه طالعة من قلبك، وطول ما إنت بتلجأ لربنا وقت الضيق، ولسه بتقف تصلي وتسجد وتدعوه... فإنت في نعمة كبيرة جدًا، حتى لو حواليك مشاكل من كل ناحية. افتكر دايمًا إن الابتلاء مش معناه إن ربنا مش راضٍ عنك، ومش معناه إنه سابك. بالعكس، ممكن يكون سبب في رفعة درجتك وتكفير ذنوبك وتقريبك من ربنا أكتر. عشان كده خاف على علاقتك بربنا أكتر ما تخاف على أي حاجة تانية في الدنيا. لأن أي حاجة تضيع ممكن ربنا يعوضك خير منها... لكن أعظم خسارة فعلًا هي إن الإنسان يبعد عن ربنا 💜.