Darveshona

Sulaymon Sulton-Men Bo'riman! Ustoz Jontemir Jondor ijodidan.

Balki avtobusda ketib boryapsan, Balki metrodadir... Tagʻin bilmadim. Topganing dard boʻldi, Dardlaring-safsan, Qoʻngʻiroq ham qilmadim. ©Jontemir Ijroda Shaxzoda Orifjonova (men)

‍* * * Шафтолининг мўйидай майин ҳавода кезгум анҳор ёқалаб, Шамол элар баргида қайин, Руҳим каби уйғоқ бақалар. Милтираган минглаб забаржад Нур қуяди кенгликка — соқий. Шудринг тутган майсалар, ажаб, Туюлади ҳатто илоҳий. Тасаввурим фусунга маҳтал, Туйғуларим соф, тарам-тарам. Фақат кўнгил тургандай яхда, Тўкилмайди кўзимдаги ғам...

‍Мендан кетди сабр-у ихтиёр, Нега уни босмас хавотир? Айтолмайман юракда не бор, Яна қанча мақсадим бордир. Дил остида бир қушча додлар: «Учта сўзга интиқ У жуда!» “Мен сизни… ҳалиги… Мен сизни…” Оёқ чўзиб кетар уч нуқта… Мана энди жиддий тортади, Яна мени босар хавотир. Худо ҳаққи етиб ортади, Битта хунук сўз айтса ҳозир. Ҳозир… ҳозир… узилар ришта, Ажабланманг тортса тарсаки. Сиз билмайсиз У бир фаришта, У бирам қайсарки, қайсарки… «Нима? Сизни тушунолмадим? Жин чалдими сизни? Абраев?!..»                     Боринг, кетинг… йўлиздан қолманг. Алжираманг ҳар нималар деб!» «Менсиз ҳам кўп сенинг ошиғинг, Мендан пешмас ўша гаранглар!» Шарт бурилдим. Ортимда ногох Йиғламсирок овоз жаранглар: «Сиз мағрурсиз. Эланмайсиз» деб Қиз ортимдан эргашар дўғлаб: «Тўхтанг дейман, тўхтанг, Абраев (Сўроқ, ундов, сўнг икки нуқта) – ?!.. Рахмиддин Абраев

#kitob 📜Nomi: Jazba 👥Muallifi: Jontemir 📖Beti: 288 🕵‍♂Holati: a‘lo 📚Muqovasi: yumshoq 🗓Nashr etilgan yili: 2022 📝Qo'shimcha ma'lumot: - o‘qilmagan 🎭Murojaat uchun: @Qulayotgan_odam 💰Narxi: 40 000

‍Шаҳбоз Файзуллаев *. *. *. Дўстим мени йўқлаб келар шаҳарга, Қўлида Гоголдан мерос портфели. Тошкент бўйлаб вазмин қадам ташларкан, Бироз ўр ва бироз тажангдир феъли. "Салом, қишлоғимнинг чанқоқ даласи, Салом, дарё узра ўкирган шамол. Бормисан, уйимнинг ток ҳавозаси..." Дўстимдан шу таҳлид сўрайман аҳвол. Ватан билан келган ижара уйга, Борин тўкиб сочар гоҳ кечалари. Ўзи ҳам сезмайди елкаларида Кармананинг дилбар мусичалари... Қарта сузилади. Меҳмондўстлик шу. Бармоқлар ўқланган қотил тўппонча. Адабиёт ҳақда гўзал гапириб, Дўстим манглайидан очамиз дарча! Эдит Пиаф куйлар... Ташқари ёмғир... Чуғурчуқ гуллардан олади бўса. Балкондан қарасанг кўчада кезар, Ёмғир — Модилияни, булут — Пикассо... "Шоир қабри..." дейман дўстимга қараб, "Осойишми?.." дейман тийиб ёшимни. Шоир ўлган! Биз-чи, интиқ кутамиз, Янги бир ҳаётнинг яралишини... Дўстим, қишлоғимни қолдирар менга, Кетар хотирамда Ватанни тиклаб. Уни кузатаман мерос портфелга, Шаҳарнинг бор дарду ҳасратин юклаб... 2024