نكت عالميه😜

مش عارف ليش العرسان حين يمشوا تلتصق يد العروسة بالعريس لمدة أسبوع بعد العرس حتى في الشارع تمسكه بقوة كأنه جاهز للفرار اطمئني لن يفر يا أختاه.. لن يفر. 😜 فهناك شهود في عقد الزواج😂😂😂 @ALFkamah2_bot

<<<<<<< فقره نقاشيه >>>>>>> ‏مـــســاء الـــخــيررر لكم عددددت. لكم من جديد ✿ليش بعض النسوان ان لم يكن اكثرهن اذا كانين عند عرس او عند ولاد او في حفله او مجمع نساء يلبسين احسن اللبس ويستبكين احسن سبكه ويتزهنقين ويتمكيجين ويتكوفرين ويفعلين انواع العطور والزباد. ويرقصين ويصفقين ويزقعين🙌🙌 يا ليلااااه💥 ايوووه. ايوووه. عيخلي روووحه😍🤩 واذا ضوت البيت من عند العرس او الولاد او الحفله تضوي طوالي تخلس اللبس الحالي اللي كان فوقها وتفك الكوافير حق شعرها وتغسل وتمسح نص المكياج. لوما ترجع ساع الاندر تيكر وتلبس الروب حق المطبخ اللي شمة كشنه ووقيد🌚 وتجي تسمر مع زوجها وشمها😵‍💫🤢🥴 واذا قلها زوجها قومي ارقصي قالت انا مريضه تاعبه واذا قلها جابريني. قالت اشتي ارقد قد بين انعس ✿لماذا هولا النسوان ما يهتمين باانفسهن لازواجهن مثل اهتمامهن بأنفسهن امام النساء الاخريات⁉️ ✿اليس الزوج. هو اولى بالزينه واللبس والرقص والعطر والزباد اللي يسوينها النسوان في مجمع النساء⁉️ 💢شاركونا لهانا☜ @ALFkamah ولهذا البوت☜ @ALFkamah2_bot اللي يشاركوا للبوت انسخوا اسماءكم والنشر بيكون هانا @FkamhSnaane2

السلام عليكم ياابي ويا اهلي ورييييييحهم قلنا نجرب نحش على مقاييل #الرجال👨 وتفاريط #النسوان 👩 واللي يشتي يعرف كيف مقايل الرجال 👨🏻👨🏻 الرجال اذا معه مقيل يضوي من عمله يتغداء في سع واهم شي يتغدا عصيد والسلته لانه شايخزن ودخل اتوضا وصلى ولبس الزنه والكوت والجنبيه وعلى خرجته يأكل له ماكان اهم شي يحلي اي شي مسكر ان شاءالله حتى نبات المهم يحلي قبل مايخزن ويشتري الصحة الماء والببس والشقاره للبعض وكرت الشبكه ويرحله لامقيله ويوصل للمقيل يدي السلام من باب الباب السلام عليكم وريحهم والسلام تحيه وكل واحد بالمجلس يقوم منه عشان يجلس بقعتهزوهو يحلف مايجلس بقعة احد ويجلس بكل هدوء وروقان ويبداء يفتح علاقيته الذهبيه ويشل اول عودي حالي ويبدأ به يخزن ويبدأ المجبر بنكته ولا ثنتين ويزبج على اللي تجاهه ويجابر شويه ويزبج شويه وقد معه 2 مجوزين يترادحوا في الكلام. وبه معه اربعه عليهم الضحكه ساع ابو ود بهههههههااااي🗣 وبعدين يبدأو بمجابر السياسه وتداول اخر الاخبار والحوثي قال الشرعيه. السعوديه فعلت وسبب الحرب في اوكرانيا وغزة واسرائيل ومنهم اللي على حق. وكيفية حل الازمة الروسيه الاوكرانيه وبعضهم يجابرو ويشبكوا السيد وايران والسعوديه وروسيا واوكرانيا والدنبوع والبترول والكيس الطحين والمعاش وسوق القات بوره والفيسبوك ويمن موبايل والنسوان وتعز وصنعاء وسعر الصرف والازمه النفطيه والسوق السوداء و المنظمات والبعض يحكي بطولاته ومغامراته ويمكن الحاضرين. سرنا وجينا ودخلنا وحكمنا وهجرنا بيت فلان وردينا الحانقه مرت فلان وفلان اشترى سياره. وفلان اشترى آلي والجربه والمرهق حق بيت فلان. والمطر في البلاد والبعض منهم يمكنها طقيع ويحرم ويطلق انه عيتزوج الثانيه وانه ماينتظر موافقة مرته وانه مش مضغوط من مرته وانه عيدي المره االثانيه بالغصب على الاوله وفجأه لما تفعل له مرته رساله وتقول له وينك شرق اضوي عندي وتبسره يحمر ويخضر ويصفر. وايديه ترتعش ماعاد يستر يلفلف حقه العده عشان يقوم يضوي يجاوبها🌚 والبعض منهم مايجابر احد ولا يضحك مع احد صامت ساع المدكى يطلع تلفونه ويأنتر. والمخزنين يمكنوه جابرنا يااخي اطرح التلفون يااخي مش وقت النت والانتره جابرنا والخبير غارق في الانتره مش داري من دخل ومن خرج من عنده ومن قوة التخديره مع الانتره وعيونه على شاشه التلفون. ومشوا داري ما مطروح تجاهه يجي يشتي يشرب ماء ويغلط ويشل الصحه اللي بيبزق فيها ويشرب🤢🤮 والبعض منهم من اول التخزينه وهو فاتح لمسلسل عثمان ولا مسلسل الحفره ولا المنظمه. وبعضهم يخزنوا على افلام هنديهزالمهم للساعه خمس في ذيه الوقت يعم الهدوء في المكان تدخل الساعة السليمانيه ويشعروا الرجال بكل دقيقه زويخدروا من داخل قلوبهم في هدوء وسكينة وصلاه على رسول الله. وهنا البعض منهم يطلع التلفون ويفتح النت ويبسر اخر الاخبار والرسايل والبعض يطلع التلفون ويلعب والبعض مايستر يأنتر. يرجع يطنن وينتف شنبه وهكذا الكل مطننين ومخدرين مااحد يحاكي احد وكانهم مش مجتمعين بمكان واحد واتحدا الرجال ينكروا 🌚😂😂 @ALFkamah

السلام عليكم ياابي ويا اهلي قلنا نجرب نحش ونتحاكي اليوم عن الفرق بين مقاييل #الرجال👨👨 وتفاريط #النسوان 👩👩 واليوم نحش ونندش المتفرطات والمخزنات👩🏻👩🏻↓ تختلف مجابرتهن بااختلاف مستواهن الثقافي ويرتصين من طرف الديوان لا طرفه والماسات والصحون وصاحبات المدايع كأنهن جالسات فوق دبابات من الإحساس بالزنط والهنجمه ولوما يقومين يسمعين قرقحه ركبهن ساع الشده القريح رغم أنهن عادهن شباب لكن قد ركبهن ملصصات. والشيش بالشيء الفلاني وياريت وهي تتطعم معسل اهم شي انهن يصورين اصابعهن فوق الشيشه ساع اصابيع الدجاجه قصدهن من هنجمه علاسب الحاله حق الوتس طبعا المزوجات كل واحده تحكي على زوجها السوبرمان الذي بيدي لها مليح الدنيا علاسب ترضى وهي ولا يعجبها حاجه ...وتخرط والخرط يبان من عيونها أنها بتمشع و بتكذب وكلهن يمشعين ويخرطين وهن داريات كله انه مشع وخرط وهذك اللي كلامها زنط ونخطه إلا وهو يراشيني اسافر معه مايشتري شي الا اذا أخذ رأيي مايزور أهله إلا إذا وافقت انا وتقاطعها واحدة م. بعييييد وتفعل مداخله مال لامها داعي. أنه ساع زوجها واسمعوا لكم و المداخلات مجلس النواب والذي هن عزبات تحكي على فلان ابن فلان تقدم لي. زعطان بن فلتان كلم امه. تكلم امي أنه يشتيني بس مارضيت فلان بن فلان بيلاحق بعدي قد كان عيتقاتلو هو. فلان عشان من يخطبني الاول. وهم مش داريين اين خريتها الكلاب😁 ولا شي به واحده معاها مرت ابن حاليه. تقوم توضع لها المدكى وتلقط القات الحالي وتحلف والله انه لش ياعمه أما المطلقات فهن موضوع ثااااني تبرر سبب فشل زواجها انه طليقها مايستاهلها وان الله يحبها لما خارجها منه وانه به الفين واحد مورعين لوما غر تكمل العده حقها بس عشان يساربوا عليها يتقدموا لها. حسستني انها محطة شركةالنفط🥲😁 والثانيه تذكره وتصبن ابايب ابووة وتخرج فيه العيب و المخبى وتندشه لاساااابع جد وتدي فيه عيوب البغله الفاعل الصانع التارك المخزنات ذوليك يرحمنها وتدعي عليه.بانواع الادعيه وهن يرفعين ايديهن ويأمنين واللي داري بها انها خراطه تغمز لها من بعيد لها وتقلها عيعوضش في الجنه وما يروحين البيت الا وقد نبشين خلق الله من شق وطرف وهكذ التخزينة معاهن تدي المرض ومايروحين إلا وروسهن يوووشين مثل التلفزيون يدحق زمان ابو دقل حتى كلامهن بالسياسه مثل الذي ماسك صميل وغصبا عنك لازم تقتنع انهي كلامها صح ميه بالميه ولا يقعلك يوم جن 😁 وبعد هذه المجابر كلها يجي وقت القريط والاكل يقوميين لاشق تيك السفره يحوشين فوقها ساع البرعه الذي يبسرهن من بعييد يقل هولا شقاه محوشين على خلطه واللي عيبسرهن من بعيد عيقولو بيقسموا لهن معاشات المهم يقرطين العالي والواطي واللي تخبي واللي تجحف واللي تدي حقها الفرقه الجهال حقها يكلفتوا العالي مع الواطي ويمكنين الكتالي القهوه زلغفه صينيه قفا صينينه وقلص بعد قلص واللي عيبسرهن من كثر زلغفة الشاهي والقهوه قدهن سكارى وماهم بسكارى ولكن عذاب الله شديد نصائح لش اختي المتفرطه مش ضروري لوما تسيري تتفرطي تحملي تحضوني خبيراتش والجيران والمعارف وهات يا بوس وتجي لش واحده تمكنش مجاغ وتقل الا بتشفط جيلي شفط هذا وعاد نص فمها دفال😷 صح ان انتي فاقده لها او تحبيها ومن باب الميزه والادب لايقلوش ما سلمت ☺️ بس قد الوضع غير و الوقت والامراض الان غير الان به امراض خطيره وجديده علينا وياروح مابعدش روح السلام نظر. والا باليد يكفي عزيزتي المتفرطة..حن تسيري تتفرطي يامنعاه.لاتدخلي في السياسة لان مشو حالي تضوي البيت وقدش مضروبة لذلك يرجئ مقاومة العدوان ومناقشة الرواتب بعيد مجالس التفاريط هههههههه مش ضروري تسيري تتفرطي ومابش من يبزي لش عادي اعتذري وهم ماعيقلوش ليش بالعكس بتريحيهم وترتاحي. لان البازيه قد بطلوا هواها. بتسير وتجي والجهال معاها😜 وحين تتفرطي لا تشلي معش بطفل حاذق دقيق الوصف والشرح وبعدين تقولي كيف لوما زوجش بيوصف لش صديقاتش🌚. فاعل خير @ALFkamah

هياااااا. من هي الحميييش اللي قد جهزت الغداء انا جاااااااااااااااااااوع 😱😱😱😱😱 الحاصل حتى فحسسسه. حتى عصيد ومطيط حتى لقمة وشاااهي انا جاااااوع @ALFkamah

سؤال ✿‏ماذا تعني هذة الحركة عندكن يا نسوان @ALFkamah

أستاذ في مدرسة بنات يحث البنات على الحجاب فقامت إحدى الطالبات تتفلسف يا أستاذ :  بدل ماتكلمنا عن الحجاب قول للشباب :  يغضواأبصارهم .فقال لها :  لو عندك قدر فيه لحم وحلقين حوله القطط تهتمي بضربهم وإلا تغطي القدر وتريحي نفسك قالت : طبعاً أغطي القدر قال لها : خلاص غطي القدر حقش😦 يوزع ويشوت في منتصف الجبهه

*ثلاثة احلام لن تتحقق حلمي وحلمك وحلم ابليس بالجنة💔🌚😂😂*

اليمني ﺑﺲ ﻳﺸﺘﺮﻱ ﺳﻴﺎﺭﺓ ﺍﻻﺑﻦ : ايش ﺳﺮﻋﺘﻬﺎ ؟ ﺍﻻﻡ :بكم هي ؟ ﺍﻟﺒﻨﺖ : ايش ﻟﻮﻧﻬﺎ ؟ ﺍﻟﺠﻴﺮﺍﻥ : اكبر عليه ﻣﻦ ﻭﻳﻦ جاب ﺍﻟزلط 🤣🤣🤣🤣🤣🤣🤣🤣🤣🤣

° ليش ماعندي أحد يقول لي انته أحلى شي بحياتي معقول انا من الحمضيات💔😂🌚