AJOYIB SHE'RLAR

*ХАЛИГАЧА* Йўлларингиз кутдим неча? Ишқим изҳор этдим неча? Минг аъзоб минг ютдим неча? Билмадингиз халигача. Севдим десам, биламан деб, Сизни синаб кўраман деб, Кутинг эрта келаман деб, Келмадингиз халигача. Сиз осмонда оймисиз ё? Қўлим етмас боймисиз ё? Мен зорига, боқмай қиё, Сезмадингиз халигача. Кўзларимни айлаб ҳумор, Соғинч берар ширин озор, Сиз ёнимда суюкли ёр, Бўлмадингиз халигача. Сизни дедим, дунё қолиб, Кўнгил иши, нетай нолиб, Келсам кўзларингиз ёниб, Кулмадингиз халигача. Сиз яхши, мен бўлиб ёмон, Фарқ бўлдими, ер-у осмон? Менку севдим, сизчи ҳамон? Севмадингиз халигача. ✍Абдумуталиб Эргашалиев

# премьера Учрашайлик иккимиз қайта, Кўзларимга тиккин кўзингни. Ўша баҳор келсину қайтиб, Яна қайта севдир ўзингни. Яна менга мафтун бўлиб боқ, Кетсам, эргаш қолмай изимдан, Яна ишқнинг оловида ёқ, Сўнг қизғанай сени ўзимдан. Мўжизани олайлик сўраб, Телбаларча севайлик қайта. Кейин майли, яна ташлаб кет, Яна бир бор видолар айтиб. Гулдасталар тўлсин уйимга, Узук тақиб қўлимни сўра. Сўнг чақирай сени тўйимга, Оппоқ алам рўмолин ўраб. Сен баджахл, менда кўп гина, Икки телба кезар шахарда. Яна севгин, севдиргин яна, Биз учрашиб қолсак агарда... Малика Тавфиқ

Oʻzgargan emishman... Oʻzimni aybimni koʻrmaydi koʻzim, Biroz terslashgandir muloyim soʻzim, Sabrimning sabriga tilayman toʻzim, Aslida bir foydam tegmagan payti... Oʻzgargan emishman... Odamlar aytdi! Toʻgʻrisi ne deyman hayron-u lolman? Allohning yoʻlida axir halolman, Qaddi birozgina egilgan dolman, Oʻzlari anchayin oʻzgargan payti... Oʻzgargan emishman... Odamlar aytdi! Ketgan ular edi toʻrtta tomonlab, Ikki yuzli boʻlib, rangin somonlab, Uzr yoʻq, shukur yoʻq, meni yomonlab, Boshqani yaxshi deb tinmagan payti... Oʻzgargan emishman... Odamlar aytdi! Ehhh dunyo bir kaming toʻlmaydi hecham, Kulsam, kulganimga orttirvolib gʻam, Kimlargadir nolib Mumtozbegimdan, Biroz uzoqlashgan, biroz yoʻq payti... Oʻzgargan emishman... Odamlar aytdi! ✍ Mumtozbegim

* * * Кўнгил олиш осонми ё, кўнгил бериш, Лашкарингиз юрагимга қилди юриш, Иложи йўқ энди бизни шодон кўриш, Сиздан ўтди, бағритошим, биздан ўтди! Оқ булутлар кезар кўкда ларзон-ларзон, Кута-кута узилмасми умидвор жон, Оллоҳ сизни омон тутсин номеҳрибон, Сиздан ўтди, бағритошим, биздан ўтди! Қошларингиз ўрмонида адашдик ёр, Гуриллаган олов билан туташдик, ёр, Айро тушар йўл бошида учрашдик ёр, Сиздан ўтди, бағритошим, биздан ўтди! Бол иси бор каломлардан сарҳуш бўлиб, Бахтидан маст, озоридан ҳомуш бўлиб, Тонглар йиғлаб нола этган ҳаққуш бўлиб, Сиздан ўтди, бағритошим, биздан ўтди! Ишқ дегани дилни қонга қориб кетди, Минг йил турган муз тоғлари эриб кетди, Ҳижронингиз қўлга қилич бериб кетди, Сиздан ўтди, бағритошим, биздан ўтди! Бор гуноҳни бўйнимизга қўйиб кетинг, Сел келмасин, икки чашмим ўйиб кетинг, Ишқ бозори чаққон эмиш, бойиб кетинг, Сиздан ўтди, бағритошим, биздан ўтди! Қисмат экан, нолимоқдан асра Худо, Очилмаган эшикларга қайтмас гадо, Дил боғини пайҳон этган ёр алвидо, Сиздан ўтди, бағритошим, биздан ўтди! Малика Тавфиқ

ХАДДИНИ БИЛМАГАН ҲАҚСИЗ ЮРАГИМ Хаддини билмаган, ҳақсиз юрагим, Бахтни қучолмаган, бахтсиз юрагим. Ақлимга кўнмаган ақлсизгина, Хаддини билмаган, ҳақсиз юрагим. Севгининг кўзлари чиндан кўрмиди? Эй тақдир, пешонам шунча шўрмиди? Хаддингни билмадинг, энди бўлдими? Хаддини билмаган, ҳақсиз юрагим. Баҳор дея қучдинг, кузни кўрмадинг, Ишқдан маст бўлдингми, ўзни тиймадинг? «Тенг — тенг билан», деган сўзни билмадинг, Хаддини билмаган, ҳақсиз юрагим. Ҳар урган зарбингда қайта ва қайта, Ҳа, ўша севганинг исмини айта. «Севмагин, илтимос, севмагин қайта!» Хаддини билмаган, ҳақсиз юрагим. Жавобсиз муҳаббат аламли бир олам, Унутиб қўйдинг-ку, ҳатто ҳаловатни ҳам. Армон бўлишини билиб туриб ҳам, Хаддини билмаган, ҳақсиз юрагим. Хаддини билмаган, ҳақсиз юрагим, Дардларга кўмилган, дардсиз юрагим. Ўткинчи дунёда ўксима ҳеч ҳам, Хаддини билмаган, ҳақсиз юрагим. Ҳақ доим биз билан бирга, юрагим... ✍ Абдумуталиб Эргашалиев

MENI SEVOLMASANG... Meni sevolmasang, senga ginam yo‘q, Majburlab bo‘lmaydi yurakni axir. Ko‘nglimga yaqin olgandim seni, Sen meni sevmading — yolg‘on bu taqdir. Sendan muhabbat so‘ramadim hech, Mehringni tilanib turmadim bir bor. Ketmoqchi bo‘lsang ham, mayli, ketaver, Faqat yolg‘on bilan bermagin ozor. Seni uzoq kutdim, kutmaganingda, Ko‘zimga qarab ham jim qolding, afsus. Balki yuragingda ishqqa yo‘qdir joy, Nega umid berding, nechun ey hissiz? Agar sevolmasang, senga ginam yo‘q, Sevgi buyruq emas — keladi, ketar. Sevganim uchun aybdor emasman, Bu dard ham bir kuni yurakdan o‘tar. Bugun armon deya ko‘z yosh to‘karman, Ertaga, balki-da, kular bu yuzim. Sevmasang agar — mayli, baxtli bo‘l, Meni topib kelar bir kun yulduzim. © Shoiraginam Sevara... ✍🏻 14:00 2026/09/06

🤎ASSALOMU ALAYKUM. 🦋BUGUN DUShANBA KUNINGIZ MUBORAK OLISDAGI YaQINLARIM!🩷🩷 💌⭐ Dushanba tongi muborak bo‘lsin! 🩷🩷Alloh barchamizni yuzi nurli, so‘zi huzurli, toleimizni baland, rizqimizni keng qilsin. 🤩 Qalbimizdagi niyatlarimizni ijobat aylasin. 🤩 Kunimizni mazmunli qilib, xayru barokatlarini yog‘dirsin. Omin. 🤲 🩷Hamisha 🩷Omad 🩷Quvonch 🩷Tark etmasin 💝𝐓𝐞𝐥𝐞𝐠𝐫𝐚𝐦 | 💞@DIYDOR_SHIRIN💞 https://t.me/joinchat/FL9uAS2V87M3ZDE6

💜СИЗНИ ЯХШИ КЎРДИМ💜 Сизни яхши кўрдим, осмоним дея, Сизни яхши кўрдим, дунёларгача. Сизни яхши кўрдим, уммоним дея Тушларимдан ҳатто рўёларгача. Сизни яхши кўрдим, ўзимдан кечиб, Сизни яхши кўрдим, бир телба каби, Сизни яхши кўрдим, хаёлан қучиб, Шу бўлди эркатой Дилнинг талаби. Сизни яхши кўрдим, севаман ҳамон, Сизни яхши кўрдим, ҳеч армоним йўқ. Сизни яхши кўрдим, емай пушаймон, Ҳижрон санчса ҳамки бу юракка ўқ. Сизни яхши кўрдим, севгум тоабад, Сизни яхши кўрдим, яна ва яна. Сизни яхши кўрдим, этманг асло рад, Соғинчлар қилмасин дилда тантана. Сизни яхши кўрдим, севгумдир илло, Сизни яхши кўрдим, орзу чўлида, Сизни яхши кўрдим, Алҳамдулиллоҳ, Мен сизни севарман Аллоҳ йўлида! ✍🏻 Дилбаҳор 🌹

ХАТОЛИГИН БИЛИБ СЕВДИМ Кулиб севдим сени жоним кулиб севдим Юрагимдан аламларим юлиб севдим, Пешонамга битилмаган эй сулув қиз, Сени севиш хатолигин билиб севдим. Кулгуларинг ипакдайин майин эди, Озорингга чидаш шунча қийин эди, Тақдиринг ҳам ўзи шундоқ тайин эди, Сен севиш хатолигин билиб севдим. Юзи гулгун, нигоҳлари шўҳликкинам, Ҳижрони бор, васли мудом йўқликкинам, Бир умрга армон бўлган кўҳликкинам, Сени севиш хатолигин билиб севдим. Подшоҳ кўнглим ишқингда бир гадо бўлди, Ҳаста жоним айрилиққа мато бўлди, Хатоларим ичра гўзал хато бўлди, Сени севиш хатолигин билиб севдим. Бахтли бўлгин сенга бахтлар тиландим-а, Бахт-у иқбол тиллодан тахт тиландим-а, Ақлимгамас юрагимга суяндим-а, Сени севиш хатолигин билиб севдим. Хуршид Карим

Seni bugun juda sogindim ..🧡🧡

ИШОНМАЙ ҚЎЙДИМ Жондан ўтди аламлар ғамлар, Азобларни баридан тўйдим, Кулиб туриб алдар одамлар Ҳеч кимсага ишонмай қўйдим. Омад кетиб иш тушса бошга, Дўст йўқламас чорламас ошга, Бу дунёда худодан бошқа, Ҳеч кимсага ишонмай қўйдим. Баргда бўлсанг улар шоҳдалар, Бир оёғи гўрда, чоҳдалар, Атрофимда бари сохталар, Ҳеч кимсага ишонмай қўйдим. Кўзларимга келмас уйқулар, Гоҳ яшадим бўлиб кулгулар, Йўлларимни пойлар тулкилар, Ҳеч кимсага ишонмай қўйдим. Иши тушса мақтовдан сўзлар, Иши битгач қочишни ўйлар, Ҳамма ўзин фойдасин кўзлар, Ҳеч кимсага ишонмай қўйдим. Қалбларин банд этган тилло зар, Кўзлари кўр, қулоқлари кар, Йўлим тўсган ўзимникилар, Ҳеч кимсага ишонмай қўйдим. Юрагимда аламли нидо, Имонимдан айлама жудо, Инсоф бергин барига худо, Ҳеч кимсага ишонмай қўйдим. Хуршид Карим

Hech kim yoʻq joylarga... Yuragim iztirob oʻyib ketganda, Qalbimga dardlarim toʻlib ketganda, Taqdirim ustimdan kulib ketganda, Hech kim yoʻq joylarga ketgim keladi! Jigarlar aylasa holimni harob, Yor-doʻstdan topganim boʻlsa gar sarob, Yiqqanim bir dunyo, bir olam azob, Hech kim yoʻq joylarga ketgim keladi! Boshqalardan emas oʻzimdan nolib, Ketsam ham maylidi bir umr qolib, Qoʻlimga uch-toʻrtta kitobim olib, Hech kim yoʻq joylarga ketgim keladi! Qulogʻim eshitsa har kun yoʻlgʻonni, Odamlar sotsalar arzon vijdonni, Yonginamga olib bitta insonni, Hech kim yoʻq joylarga ketgim keladi! Kerak emas aslo hayot shovqini, Oromli oʻtsa bas birgina tunim, Hammaga ortiqcha sezilgan kunim, Hech kim yoʻq joylarga ketgim keladi! Hech kimsa boʻlmasin ustdan kulgani, Hayotimga izlab yangi bir ma'ni, Yoshlikda eshitgan "Susambil" gami? Hech kim yoʻq joylarga ketgim keladi! Balki toʻlarmidi kami roʻzgʻorni? Hech kim berolasdi shunda ozorni, Aytinglar dunyoda shunday joy bor-mi? Hech kim yoʻq joylarga ketgim keladi! ✍ Mumtozbegim

* * * Тўймай бораяпман соғинчларинга, Қанча талпинсан ҳам сенга шунча кам! Эвоҳким бу ишққа шунча маҳобат, Шунча куч берибди Яратган эгам! Озлик қилаяпди хажрингда куйиш, Минг чандон ортиқроқ куйгим келяпди. Энг буюк мухаббат Аллоҳни суюш, Сени озгина кам суйгим келяпди! Оз менга азизим , ишон жуда оз, Ҳатто бир лаҳзага тарк этмас ёдинг. Умрим чақин каби, сен эса жоним, Абадият бўлдинг, мангулик бўлдинг! Етмайди ҳамиша бўлсанг ёнимда, Асло босилмайди интиқ хуморим. Жоним аро бўлгин, ширин жонимда, Сенга фидо бўлмоқ мутлоқ қарорим! Озлик қилаяпди хажрингда куйиш, Минг чандон ортиқроқ куйгим келяпди. Энг буюк мухаббат Аллоҳни суюш, Сени озгина кам суйгим келяпди! Малика Тавфиқ

🌹Sizga ikki dunyo saodati 🌹JANNAT. 🌹JANNATDA ROBBIM jamolini ko‘rishligini. 🌹Rasululloh kaftilaridan suv ichishligni tilayman mexribonlarim 🌸🤲🌸 ✨Xayrli tun qadirligim Yaxshi dam oling 🌟🌟🌟 Allohning sizni hifz-u himoyasida asrasin🤲 Kanalga obuna bo‘ling ↙️ •┈┈┈┈•❈••✾••❈•┈┈┈┈• 💕@SizBaxtim_Kanal💕 •┈┈┈┈•❈••✾••❈•┈┈┈┈• Baxtli juftliklar sahifasi

🇺🇿35 YoShING MUBORAK JONAJON O‘ZBEKISTONIM! 🎉 Mustaqillik bayramingiz muborak bo‘lsin, aziz vatandoshlar. Yaqinlaringizni ham birinchilardan bo‘lib tabriklang. Kanalga obuna bo‘ling ↙️ •┈┈┈┈•❈••✾••❈•┈┈┈┈• 💕@SizBaxtim_Kanal💕 •┈┈┈┈•❈••✾••❈•┈┈┈┈• Baxtli juftliklar sahifasi

Men... Men xudbinman dardim bo'lishmaydigan, Pinhon qizg'onaman alamlarimni. Yomonman - baxt bilan kelishmaydigan, Sho'rin quritaman qalamlarimni. Qaysarman yurakka bosh egmaydigan, Lek ruhim qilganman unga zindonband. Kibrli, g'ururga gard tegmaydigan, Sevgining g'ururi lek mendan baland. Men o'sha mehrsiz, bag'ri tosh qotgan, O'zimga bir chimdim mehr bermayman. Ishqni deb shoirlik sharobin totgan, Shoirdek baxt uchun so'zlar termayman Sotqinman to'g'risi, aytmang siringiz, Bilmasdan she'rlarga aytib qo'yaman. His etolmaysiz hech qaysi biringiz, Qotildek hislarim o'zim so'yaman. Qalb o'qqa tutilib etilsa vayron, Qog'oz, qalam kelar bo'lib panohim, O'zi shunaqaman, bo'lmanglar hayron, Shunday yaratibdi meni Allohim. Muallif: Bahoroy Ergasheva

Oʻzizga tilavoldiz 🤗 Yuragimda armonlarim bor, Dardim biroz ezmasin sizni. Bitilmagan dostonlarim bor: Sogʻinyapman Komila qizni! Zardalari choʻgʻ boʻlib qoldi, Aytar soʻzi oʻq boʻlib qoldi, Bilmam qayga yoʻq boʻlib qoldi? Sogʻinyapman Komila qizni! Dilni ezdi dilhun yolgʻizlik, Firoqida butkul ojizlik, Bizni rasvo ayladi bizlik, Sogʻinyapman Komila qizni! Chin yurakdan aytgan soʻzi yoʻq, Yonib turgan shahlo koʻzi yoʻq, Oʻzidayam hatto oʻzi yoʻq, Sogʻinyapman Komila qizni! Hayollari qaydadir uni? Bedor tongga ulanib tuni, Sezmayapti hozircha shuni, Sogʻinyapman Komila qizni! Bilmam uni qay tashvish yedi? Yo kimlardir, nimadir dedi? Avval juda boshqacha edi, Sogʻinyapman Komila qizni! Yuragimda yakka-yagonam, Yolgʻonim yoʻq, yoʻqdir bahonam, Bitta menga toraygan olam, Sogʻinyapman Komila qizni! Mumtozbegim she'r yozing dedi, Biroz bezor qilamiz sizni. Bir paytlar yonimda edi, Sogʻinyapman Komila qizni! ✍ Mumtozbegim

ҚАДРИГА ЕТИНГ Ўтиб борар шошқалоқ йиллар, Бир зум ортига қайтмайди билинг Армон қилиб қолмасин диллар, Онангизни қадрига етинг. Қололмайсиз вақтни тўхтатиб, Фурсатларни қўлидан тортиб, Ишдан ортиб, рўзғордан ортиб, Онангизни қадрига етинг. Ташвишлар кўп, юмушлар жаранг, Улгурасиз зўрма-зўр, аранг, Ахир қариб бормоқда қаранг, Онангизни қадрига етинг. Дуо қилиб турар, кўнгил тўқ, Сиз билмайсиз соғинчлари чўғ, Бугунда бор,эртангизда йўқ, Онангизни қадоига етинг. Меҳр беринг,кўнглини чоғлаб, Қўйманг сира юрагин доғлаб, Тополмайсиз эртага йиғлаб, Онангизни қадрига етинг. Тўйиб олинг сўзларига ҳам, Тўйиб боқинг кўзларига ҳам, Бағрингизга босиб дамба-дам, Онангизни қадрига етинг. Билинг дўстлар умр ғанимат, Дийдор,бахт-у, сурур ғанимат, Онангиз бор бу дунё-жаннат, Онангизни қадрига етинг. Хуршид Карим