Bureau of Labor and Skills-Dire Dawa

አጫጭር ስልጠና ለሚሰጡ ተቋማት የትምህርትና ስልጠናዉን የሚያግዝ የአቅም ግንባታ ስልጠና ተሰጠ፡፡ በዚህም በድሬዳዋ አስተዳደር የሥራ ክህሎትና ቴክኖሎጂ ልማት ቢሮ ስር የሚገኘው ቴክኒክና ሙያ ትምህርትና ስልጠና ኤጀንሲ የሰልጣኝ ልማትና የተቋማት አቅም ግንባታ ዳይሬክቶሬት  አዘጋጅነት የተሰጠው ይህ ስልጠና የአጫጭር ስልጠና የሚሰጡ ተቋማት በሰልጣኝ መረጃ አያያዝ፤ በሰልጣኝ መረጃ ሪፖርት አቀራረብ እንዲሁም በማሰልጠኛ መሳሪዎች ዝግጅት ላይ ያተኮረ ሆኗል፡፡ በድሬዳዋ አስተዳደር የሥራ ክህሎትና ቴክኖሎጂ ልማት ቢሮ ስር የሚገኘው ቴክኒክና ሙያ ትምህርትና ስልጠና ኤጀንሲ የሰልጣኝ ልማትና የተቋማት አቅም ግንባታ ዳይሬክቶሬት ዳይሬክተር አቶ ጀማል አደም እንደተናገሩት ይህ የአቅም ግንባታ ስልጠና ልክ መደበኛ ስልጠናዎች ሁሉ አጫጭር ስልጠናዎችም ዜጎችን በማሰልጠን የሚያበቁ በመሆናቸው የተቋማቱን አቅም መገንባት አስፈላጊነቱ ቀላል የማይባል መሆኑን ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሰኔ 3/2016 ዓ.ም ድሬዳዋ

የድሬዳዋ ፖሊቴክኒክ ኮሌጅ የኢንዱስትሪ ኤክስቴንሽንና ቴክኖሎጂ ሽግግር የስራ ሂደት አዘጋጅነት  የኢንዱስትሪ ኤክስቴንሽንና ቴክኖሎጂ ሽግግር የስራ ሂደት ኬዝ ቲም እና  የቀበሌ አንድ ማዕከል አስተባባሪዎች በሐረር ከተማ በሚገኙ  የባህላዊ ዕደ-ጥበብ ማሰልጠኛ ተቋማት ጋር  የልምድ ልውውጥ በዛሬው እለት አደረጉ።  የልምድ ልውውጡ ዋና አላማም በአገር በቀል እውቀቶች (Indigenous knowledge) ላይ በቂ የሆነ ልምድ ለመውሰድ፣ ተሞክሮዎችን በመቀመርና በመሰነድ ለሰልጣኞችና ለኢንተርፕራይዞች ስልጠና በመስጠት አገር በቀል የሆኑ ግብአቶችን በመጠቀምና በማምረት ወደ ስራ እንዲገቡ ለማስቻል  አንደሆነ በጉብኝቱ ወቅት ለማወቅ ተችሏል፡፡ የኮሌጁ ኮምንኬሽን ሰኔ 03 / 2016 ሀረር

በ EASTRIP ፕሮጀክት አማካኝነት የሚተገበረው Teacher Industrial Attachemet በ 2016 የተሰሩ ስራዎችን ልምዶችን ለባለ ድርሻ አካላትና ለት/ት ክፍል ተጠሪዎች በዛሬው እለት አካፈላ ። በexperience sharing ወቅት በመገኘት መድረኩን በንግግር የከፈቱት የኮሌጁ ዲን አቶ ሣሊም ኡስማን እንዳሉት ትምህርትና ስልጠና በተቋም ውስጥ ከሚሰራው ስራ ውጪ ከኢንዱስተሪዎች ጋር በIndustrial Attachemet በጋራ በመስራት በትምህርትና ስልጠናው ውጤታማ አንድንሆን ያደርገናል ። ለዚህም ማሣያው ኮሌጃችን ለተለያዩ ኢንዱስትሪዎች ተተኪ ምርት በማምረት በኢንዱስትሪዎች ላይ የሚኖረውን የ ተተኪ ምርት እጥረት ማስቀረት ችለናል ብለዋል። በመጨረሻም በዚህ ስራ ላይ ለተሣተፉችሁ አካላት ምስጋና አቀርባለሁ ብለዋል። በ 2016 በትምህርት ክፍሎች  በኩል የተለያዩ ችግር ፈቺ ተለዋጭ ምርት ስራዎች ተሠርተዋል። የኮሌጁ ኮምንኬሽን ሰኔ 1/2016 ድሬዳዋ

#ዜና | ስራ አጥነትን ለመቅረፍ በሚደረገው ጥረት የቴክኖሎጂ ፈጠራ እና የንግድ ሃሳብ ያላቸው አካላትን መደገፍ እንደሚገባ ተገለፀ፡፡ በድሬዳዋ አስተዳደር ስራ፥ ክህሎትና ቴክኖሎጂ ልማት ቢሮ፥ የቴክኒክና ሞያ ትምህርትና ስልጠና ኤጀንሲ ከሳይንስ፣ ቴክኖሎጂ እና ኢኖቬሽን ኤጀንሲ ጋር በመተባበር ያዘጋጁት የፈጠራ እና የንግድ ሀሳብ ውድድር ሽልማት ተካሄደ፡፡ በመድረኩ ላይ ንግግር ያደረጉት የቢሮው ኃላፊ አቶ ሮቤል ጌታቸው በሀገራችን የሚታየውን ስራ አጥነት ችግር ለመቅረፍ በሚደረገው ጥረት የቴክኖሎጂ ፈጠራና የንግድ ሃሳብ ያላቸውን አካላት መደገፍ ይገባል ብለዋል፡፡ ውድድሩ የፈጠራ ስራ ያላቸውን አካላት ሃሳባቸው ተግባራዊ የሚደረግበትን መድረክ ለመፍጠር ከማስቻሉም በላይ ለበርካቶቹ የሥራ እድል የመፍጠር ዓላማ እና ግብ አለው። የቢሮው ምክትል ኃላፊ ወ/ሮ ፈጡም ሙስጠፋ በበኩላቸው በፈጠራ ስራው የተወዳደሩት አካላት በከተማችን የሚታየውን ችግር በመቅረፍ በኩል ከፍተኛ አስተዋጽኦ እንዳላቸው ገልፀው፥ ከዚህ ቀደም በተበታተነ መልኩ ሲካሄድ የነበረውን ውድድር ወደ አንድ ማዕከል ማምጣት መቻሉን ገልፀዋል፡፡ አሸናፊዎች በበኩላቸው ይህን ውድድር በመዘጋጀት የፈጠራ ስራቸውን ለታለመለት አላማ ለማዋል ትልቅ እገዛ እንደሚያደርግ ተናግረዋል፡፡ #DireTvአማርኛ | ግንቦት 2016 ዓ.ም

የበጀት፣ ኢኮኖሚ ንግድና የኢንዱስትሪ ጉዳዮች ቋሚ ኮሚቴ የኮሌጁን መደበኛ ፣የEASTRIP እና የ Skill Initiative For Africa(SIFA) ፕሮጀክት የ2016 በጀት ዓመት የእቅድ አፈጻጸም ግምገማ በድሬዳዋ ፖሊ ቴክኒክ ኮሌጅ አከናወነ፡፡ የቋሚ ኮሚቴውን ልኡክ ቡድን የተቀበሉትና የእንኳን ደህና መጣችሁ ንግግር እንዲሁም የኮሌጁን ሁኔታ ለልኡክ ቡድኑ ያብራሩት የኮሌጁ ዲን አቶ ሳሊም ኡስማን ሲሆኑ በንግራቸውም የኮሌጁን መደበኛ ፣የEASTRIP እና የ Skill Initiative For Africa(SIFA) ፕሮጀክት የ2016 በጀት ዓመት የእቅድ አፈጻጸም ከዝግጅት ምእራፍ አንስቶ እስከ በጀት አመቱ ማጠቃለያ ድረስ በከፍተኛ ትጋትና የሁሉም ተሳትፎ በጋራ እየሰራን እንገኛለን ፡፡ ከባለፈው አመት ጋርም ሲነጻጸር የእቅዱን አብዛኛውን ፐርሰንት ያሳካንበት አመት ነው ብለዋል፡፡ የቋሚ ኮሚቴውን ልኡክ ቡድን የመሩት ወ/ሮ አይናለም ጌታቸው እንዳሉት ኮሌጁ በመደበኛ እንዲሁም በኮሌጁ ባሉ ፕሮጀክቶች አፈጻጸም ከባለፈው አመት ጋር ሲነጻጸር አመርቂ ውጤት የታየበት ነው ያሉ ሲሆን አያይዘውም ተቋሙን ሞዴል እንዲሆን የሚሰራው ስራ ተጠናክሮ መቀጠል አለበት ብለዋል፡፡በመጨረሻም ልኡክ ቡድኑ ከመስክ ጉብኝቱ በኋላ የተለያዩ ገንቢ አስተያየቶችን ሰጥተዋል፡፡ የኮሌጁ ኮምኒኬሽን ግንቦት 30/2016 ዓ.ም ድሬዳዋ

የኢትዮ-ጣሊያን ፖሊ ቴክኒክ ኮሌጅ በሳቢያን ሁለተኛ ደረጃ ት/ቤት ለሚማሩ ተማሪዎች የግንዛቤ ማስጨበጫ መድረክ አካሄደ::  የኢትዮ-ጣሊያን ፖሊቴክኒክ ኮሌጅ ከሁለተኛ ደረጃ ት/ቤቶች ጋር በጋራ የሚሰራውን ስራ አጠናክሮ በመቀጠል ያልፉትን 2ቀናት በሳቢያን ሁለተኛ ደረጃ ት/ቤት በመገኘት ለተማሪዎች ሰፋ ያለ ግንዛቤን የመፍጠር ስራ ሰርቷል:: የግንዛቤ ማስጨበጫው የተሰጠው በት/ቤቱ ለሚገኙ የ10ኛ ክፍል ተማሪዎች ሲሆን መድረኩ በኦሮምኛ ቋንቋ ትምህታቸውን የሚከታተሉትንም ያማከለና በሁለት መድረክ የተሰጠ የግንዛቤ ማስጨበጫ መድረክም ነበር:: የግንዛቤ ማስጨበጫ ስልጠናውን ለተማሪዎቹ የሰጡት የኮሌጃችን ዋና ዲን አቶ ታደለ አሰፋ እንዲሁም የኮሌጁ ምክትል ዲን አቶ ኤሊያስ አህመድ ሲሆኑ በመድረኩ ተማሪዎቹ ስለ ቴክኒክና ሞያ ዘርፍ ያላቸውን የተሳሳተ አመለካከት የሚቀርፍና የቴክኒክና ሞያ ነባራዊ ሁኔታን ቁልጭ አርጎ በሚያሳይ መልኩ በመተንተን ዘርፉ ለተማሪዎቹ የሚያስገኘውን ምቹ አጋጣሚ ሰፋ ባለ ማብራሪያ የሰጧቸው ሲሆን ተማሪዎች የነገ መዳረሻችውን ከዚሁ ትኩረት ሰተው በጥንቃቄ መምረጥ እንደሚገባቸውም ምክር ለግሰዋል:: በተጨማሪም በአዲሱ የትምህርት ፖሊሲ መሰረት እነዚህ ተማርዎች 11 እና 12 ላይ የቴክኒክና ሞያ ትምህትና ስልጠናዎችንም አያይዘው የሚሰለጥኑ በመሆኑ በዘርፉ የሚሰጡትን የስልጠና አይነቶች በግልፅ እንዲረዷቸው በማድረግ ከፍላጎታቸው ጋር የሚጣጣመውን የስልጠና አይነት ለይተው ምርጫቸው እንዲያደርጉ የሚረዳቸውን ግንዛቤ መስጠት ትችሏል:: የኢትዮ-ጣሊያን ፖሊ ቴክኒክ ኮሌጅ ኮሚኒኬሽን ግንቦት 29/2016 ዓ.ም

ድሬን በጋራ እናልማ!! በክቡር ከንቲባችን የተጀመረውን ድሬን እናልማ የልማት ጥሪ ሁሉም የቢሯችን እና ተጠሪ ተቋማት አመራሮችና ሰራተኞች እንድትቀላቀሉ ጥሪዬን አቀርባለሁ። ድሬ የሁላችንም ቤት Little Ethiopia አቶ ሮቤል ጌታቸው የድሬዳዋ አስተዳደር የሥራ ክህሎትና ቴክኖሎጂ ልማት ቢሮ ኃላፊ

ሞዴል ኢንተርፕራይዞች የሚገጥማቸውን የገበያ ተደራሸነትን ለመቅረፍ በሥራና ክህሎት ሚኒስቴር በሚመራው የኢትዬጵያ ሥራ ገበያ  መረጃ ስርአት ፕሮጀክት ለምቶ ተግባራዊ የሆነው  መተግበሪያና ድህረገፅ ላይ በሰፊው እንዲመዘገቡ እየተደረገ መሆኑ ተገለጸ፡፡                                                                                                                                                                                                                     ምዝገባውን እያካሄደ የሚገኘው የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የኢንተርፕራይዞች ልማት ዳይሬክቶሬት ዳይሬክተር አቶ ሙሉጌታ ኃ/ማርያም እንደተናገሩት ሞዴል ኢንተርፕራይዞች  ምርታቸውን ለሀገር ውስጥም ሆነ ለውጭ ሀገራት  ኦንላይን በማስተዋወቅ የሚሸጡበትና ክፍያ የሚቀበሉበት  የኢንተርፕራይዞቸን የገበያ ፍላጎት ችግርን በመፍታት ተደራሸነትን ከማሳደግ ባለፈ ገበያን ለማረጋጋትና የውጭ ምንዛሬንም ለማምጣት በሚያግዘው በዚህ መተግበሪያ ተጠቃሚ እንዲሆኑ ታሳቢ ያደረገ መሆኑንና ሁሉም ኢንተርፕራይዞች በወረዳ አንድ ማዕከላት በመቅረብና በመመዝገብ የአገልግሎቱ ተጠቃሚ እንዲሆኑ ጥሪያቸውን አስተላልፈዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ግንቦት 27/2016 ዓ.ም ድሬዳዋ

የ EASTRIP ፕሮጀክት የልህቀት ማእከል የህንጻ ግንባታ የስራ አፈጻጸም ከስራና ክህሎት ሚንስቴር እና ከEASTRIP National Project Coordinator ቢሮ በተውጣጣ የSupervision team ግምገማ በድሬዳዋ ፖሊ ቴክኒክ ኮሌጅ ተከናወነ፡፡ በድሬዳዋ ፖሊ ቴክኒክ ኮሌጅ ስር መተግበር ላይ ያለው የEASTRIP ፕሮጀክት ከስራና ክህሎት ሚኒስቴር የተውጣጡ ኃላፊዎችና ባለሞያዎች የልህቀት ማዕከሉን የህንጻው ግንባታ አፈጻጸም በዛሬው እለት ገመገሙ፡፡ ለግምገማው የመጣውን ልኡክ ቡድን የተቀበሉትና የእንኳን ደህና መጣችሁ ንግግር እንዲሁም የኮሌጁን ሁኔታና የፕሮጀክቱን ሁኔታ ለልኡክ ቡድኑ ያብራሩት የኮሌጁ ዲን አቶ ሳሊም ኡስማን ሲሆኑ በንግግራቸውም በኮሌጁ እየተተገበረ ያለው ይህ የ EASTRIP ፕሮጀክት መሳካት በኮሌጁ ማኔጅመንት ትልቅ ድጋፍና ክትትል እየተደረገበት አሁን ላለበት ደረጃ ደርሷል ሆኖም ግን በሚፈለገው ፍጥነት ልክ ተሰርቶና በአግባቡ ተጠናቆ ለታለመለት አላማ እንዲውል የከተማ አስተዳደሩ በቅርበት እየተከታተለው እንዲሁም የተለያዩ ድጋፎችን እያደረገ ይገኛል ብለዋል፡፡ በመቀጠልም ስለ ልህቀት ማእከሉ የህንጻ ግንባታ እንዲሁም አሁን ያለበትን ሁኔታና በቀጣይ የሚሰሩ ስራዎች የአማካሪ ድርጅቱ መሐንዲስ ዮሃንስ እቁባይ አማካኝነት ቀርቧል፡፡ ከሪፖርቶና ከመስክ ጉብኝቱ በኋላ በቀረበው አፈጻጸም ላይ ልኡክ ቡድኑ የተለያዩ ገንቢ አስተያየቶችን የሰጡ ሲሆን በመጨረሻም በፕሮጀክቱ የስራ አፈጻጸም ላይ የSupervision ቡድኑ አቅጣጫ ሰጥተዋል፡፡ የኮሌጁ ኮምኒኬሽን ግንቦት 27/2016 ዓ.ም ድሬዳዋ

በAUDA NEPAD እና EU የገንዘብ ድጋፍ እየተተገበረ የሚገኘው የ Skill Initiative For Africa(SIFA) ፕሮጀክት የICT የልህቀት ማእከል ያለበት ደረጃ ለመገምገም የፕሮጀክቱ የአፍሪካ ማስተባበሪያ ጽ/ቤት ምክትል ቡድን መሪ ሚስተር ስቴፈን ጆን እና የፕሮጀክቱ የኢትዮጵያ ማስተባበሪያ ጽ/ቤት ኃላፊ ዶ/ር አየለ የተመራ ልኡክ ቡድን በዛሬው እለት የፕሮጀክቱን አሁናዊ ሁኔታ በኮሌጁ በመገኘት ግምገማ አደረገ፡፡ ለግምገማው የመጣውን ልኡክ ቡድን የተቀበሉትና የእንኳን ደህና መጣችሁ ንግግር እንዲሁም የኮሌጁን ሁኔታ ለልኡክ ቡድኑ ያብራሩት የኮሌጁ ዲን አቶ ሳሊም ኡስማን ሲሆኑ በንግራቸውም ይህ በAUDA NEPAD እና EU የገንዘብ ድጋፍ እየተተገበረ የሚገኘው የ Skill Initiative For Africa(SIFA) ፕሮጀክት ሙሉ በሙሉ ተግባራዊ ሲደረግ እንደ ሀገር የሚጠቅመው ጥቅም የላቀና ብዙ ወጣቶችን የክህሎት፣የስራ ባለቤት እንዲሁም የስራ ፈጣሪ የሚያደርግ እንደሆነ እና ከተማችንን ደግሞ ዲጂታል አሰራሮች የሚያሳድግ ፕሮጀክት እንደሆነ ለልኡክ ቡድኑ ያብራሩ ሲሆን በመቀጠልም ስለ ልህቀት ማእከሉ አሁን ያለበትን ሁኔታ እና በቀጣይ የሚሰሩ ስራዎች በአቶ መሳይ ጥላሁን አማካኝነት ቀርቧል፡፡ከሪፖርቱና ከመስክ ጉብኝቱ በኋላ በቀረበው አፈጻጸም ላይ ልኡክ ቡድኑ የተለያዩ ገንቢ አስተያየቶችን ሰጥተዋል፡፡ የኮሌጁ ኮምኒኬሽን ግንቦት 26/2016 ዓ.ም ድሬዳዋ

በክረምት በንቅናቄ የሚሰሩ ስራዎች ዕቅድ ላይ ከቢሮውና በስሩ ከሚገኙ ኮሌጆችና የወረዳ የሥራና ክህሎት ማስተባበሪያዎች ጋር ውይይት ተካሄደ፤ የድሬዳዋ አስተዳደር የሥራ ክህሎትና ቴክኖሎጂ ልማት ቢሮ በክረምት የሚከናወኑ አበይት ተግባራት ለይቶ ዕቅድ አዘጋጅቷል በዚህም የተቋም አቅም ግንባታ፣ የክህሎት ልማት፣ ክህሎት መር የስራ እድል ፈጠራ፣ የአሰሪና ሰራተኛ ግንኙነት እንዲሁም የክረምት በጎ ፍቃድ ስራዎች የሚተገበሩ ይሆናል፡፡ በውይይት መድረኩ ላይ የቢሮ ኃላፊው አቶ ሮቤል ጌታቸው ይህ ዕቅድ በመደበኛ ከሚፈጸመው ተጨማሪ ቁርጠኝነት ታክሎበት የሚፈጸም መሆኑና በተለይ በቅንጅትና በመናበብ አዲሱን የዘርፉን እሳቤ መሠረት በማድረግ የመረጃ ልውውጥና የክትትልና ድጋፍ ስርአትን በመዘርጋት የቢሮው የስራ ክፍሎች፣ ኮሌጆች እና ወረዳዎች የራሳቸውን ዕቅድ አዘጋጅተው ወደ ስራ የሚገቡ እንደሚሆን ገልጸዋል። የቢሮው ም/ኃላፊና የቴክኒክና ሙያ ትምህርትና ስልጠና ኃላፊ ወ/ሮ ፈጡም ሙስጠፋ በበኩላቸው  በቀረበው ዕቅድ ላይ ተግባብቶ ወደ ትግበራ መግባቱ ወሳኝ መሆኑን ገልጸው በተለይ የቴክኒክና ሙያ ስልጠናውን ሁለቱ የመንግስት ኮሌጆች የከተማ እና የገጠር ወረዳዎችን በመከፋፈል ሁሉን አቀፍና ተደራሽ የሆኑ ስራዎችን ለመስራት መታቀዱን ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ግንቦት 23/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የአሰልጣኝ ልማትና ተቋማት ጥራት ቁጥጥር ዳይሬክቶሬት በአስተዳደሩ ከሚገኙ የግል ቴክኒክና ሙያ ስልጠና ኮሌጅ አመራሮችና የሚመለከታቸው አካላት ጋር የድጋፍና ክትትል ግብረመልስ መስጫ መድረክ አካሄደ። በዚህም የተቋማት ትምህርትና ስልጠና ጥራትን ለማስጠበቅ የተከናወነው ይህ የድጋፍና ክትትል ግብረ-መልስ በአስተዳደሩ የሚገኙ የግል ኮሌጆች በዘርፉ ያላቸውን አስተዋጽኦ ከፍ ባለ እና ጥራቱን በጠበቀ አግባብ አገልግሎት መስጠት እንዲያስችላቸው ቢሮው በተከታታይ የሚያደርገው ድጋፍ አካል መሆኑን በቢሮው የቴክኒክና ሙያ ትምህርትና ስልጠና ኤጀንሲ የአሰልጣኝ ልማትና ተቋማት ጥራት ቁጥጥር ዳይሬክቶሬት ዳይሬክተር የሆኑት አቶ ታሪኩ ለገሰ ተናግረዋል፤ በግብረ-መልሱ በተመላከቱት ክፍተቶች እና መስተካከል የሚገባቸው ከትምህርትና ስልጠና አሰጣጥ ጋር ተያያዥ የሆኑ አጠቃላይ ጉዳዮች ላይ በማተኮር በመስጠት በአጭር ጊዜ ውስጥ ማስተካከያ በማድረግ ጥራትን ከማረጋገጥ  አንፃር ትኩረት አድርጎ መስራት እንደሚጠበቅባቸውና ውስንነት የተገኘባቸው ኮሌጆችም የቅርብ ክትትል በማድረግ የታየባቸውን ውስንነት የመሙላትና የማስተካከል ስራዎችን እንደሚሰራ በመግለጽ በቀረበው የኢንስፔክሽን ሪፖርት ላይ ሰፊ ውይይት ማካሄድ ተችሏል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ግንቦት 22/2016 ዓ.ም ድሬዳዋ

የድሬዳዋ አስተዳደር የስራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ  የሰልጣኝ ልማትና ተቋማት አቅም ግንባታ ዳይሬክቶሬት በቴክኒክና ሙያ ተቋማትና የተቋም ምዘናን እና ማጠናቂያ ምዘናን መሠረት ተደርገው የተዘጋጁ የምዘና መሳሪያዎች አተገባበር ላይ በኢትዮ ጣሊያን ፖሊቴክኒክ ኮሌጅ ድጋፍና ክትትል አደረገ፡፡ በዚህም ድጋፍና ክትትል በኮሌጁ የሚገኙ ዲፓርትመንቶች ማለትም በአውቶሞቲቭ፣ በኤሌክትሪካል፣ የኢንፎርሜሽን ኮሚኒኬሽንና ቴክኖሎጂ፣ በኮንስትራክሽን፣ በማኑፋክቸሪንግ፣ ሆቴልና ቱሪዝም እንዲሁም በቢዝነስ ዘርፎች የምዘና መሳሪዎች መዘጋጀታቸው የሚታወስ ሲሆን ይህም የሰልጣኞችን ብቃት የሚያሻሽል እና በገበያው ተወዳዳሪ የሚያደርጋቸው መሆኑ በምልከታው ትኩረት ተደርጎበታል። በመሆኑም የምዘና መሳሪያዎቹ ዝግጅት ብቻ ሳይሆን ትግበራውም ለትምህርትና ስልጠናው ያለው ጠቀሜታ ከፍተኛ በመሆኑ በሌሎችም ሙያዎች ተዘጋጅተው በስራ ላይ እንዲውሉ ማድረግ ላይ ትኩረት ተሰጥቶት ሊሰራ የሚገባው ስራ መሆኑን በተለይም እንደ አገርም በሙያ ደረጃ  ያልተሰራላቸውን ሙያዎች በዚህ ልክ አዘጋጅቶ ወደ ስራ መገባቱ እንደሚበረታታ የሰልጣኝ ልማትና ተቋማት አቅም ግንባታ ዳይሬክቶሬት ዳይሬክተር አቶ ጀማል አደም ገልጸዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ግንቦት 22/2016 ዓ.ም ድሬዳዋ