Bureau of Labor and Skills-Dire Dawa

የድሬደዋ ፖሊ ቴክኒክ ኮሌጅ የገና በዓልን ምክንያት በማድረግ በኮሌጁ ሣተላይት ካንፓሥ ለሚማሩ ተማሪዎች ማዕድ አጋራ:: በማዕድ ማጋራቱ ላይ በመገኘት የእንኳን አደረሳችሁ መልእክት ያስተላለፉት የኮሌጁ ዲን አቶ ሳሊም ኡሥማን ሲሆኑ በመልእክታቸውም እንኳን ለገና በዓል አደረሣችሁ በዓሉን ከእናንተ ጋር ሥናከብር በጣም ደሥተኞች ነን የተለያዩ በዓላትን ስናከብር ያለንን ለአቅመ ደካሞችና ድጋፍ ለሚያስፈልጋቸው አካላት በማካፈል መሆን ይጠበቅበታል ብለዋል::በቀጣይም በተለያዩ በዓላትም እንዲ አይነት መርሐግብሮች በማድረግ ያለንን የምናካፍል ይሆናልም ብለዋል:: በመቀጠል ንግግር ያደረጉት የኮሌጁ ም/ዲን አቶ ሰልልሃዲን አብዱልሃሚድ ሲሆኑ በንግግራቸውም እንኳን ለገና በዓል አደረሣችሁ ያሉ ሢሆን እንደሚታወቀው ድሬደዋ የፍቅር ከተማ ነች ይህን የፍቅር ስም ደግሞ የእውነት እንዲሆን እንዲ አይነት ተግባራ በሠፊው መከናወን ይኖረበታል በዚህም መሰረት በዛሬው እለት የተደረገው መርሃግብር የማህበረሠቡን አንድነት ባሥጠበቀመልኩ ነው:: ይህን መርሐግብር ላሥተባበረወ አቶ ታምራትም ምሥጋና አቀርባለሁ ብለዋል:: የኮሌጁ ኮምንኬሽን ታህሳስ 28/2016 ድሬደዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ ኃላፊ አቶ ሮቤል ጌታቸው የገና በዓል የእንኳን አደረሳችሁ መልእክት አስተላለፉ!! "መላው የክርስትና እምነት ተከታዮች እንኳን ለጌታችንና መድኃኒታችን የኢየሱስ ክርስቶስ ልደት በዓል በሰላም አደረሳችሁ! በዓሉ የሠላም፣ የደስታ፣ የጤና፣  የመተሳሰብ፣ የአንድነትና የፍቅር  ይሁንላችሁ እያልኩ መልካም ምኞቴን እገልጻለሁ። በዓሉን ስናከብር አንዳችን ለሌላው በማሰብና ያለንን በማካፈል በቆየውና በምንታወቅበት ኢትዮጵያዊ ዕንቁ ባህላችን ሊሆን ይገባል፡፡ የኢየሱስ ክርስቶስ መወለድ ለክርስትና እምነት ተከታዮች የህይወታችን አዲስ ምዕራፍ ብስራት እንደመሆኑ በዓሉ ከመቼውም ጊዜ በላይ ለተሻለ ነገ የምንሰራበትና በሁላችን ትብብር የገነባነውን ኢትዮጲያዊ አንድነታችንን የምናጠናክርበት በዓል እንዲሆን እየተመኘሁ በድጋሚ መልካም የገና በዓል ። መልካም በዓል!!

በኢንዱስትሪዎችና በኮሌጆች መካከል ያለውን ትስስር እንዲሁም የተማሪዎችና የትብብር ስልጠና እና የአሰልጣኝ መምህራኖች የኢንዱስትሪ አታችመንት (industry attachment) እና Internship ጥራትን ማስጠበቅ ላይ ያተኮረ ስልጠና በድሬዳዋ ፖሊ ቴክኒክ ኮሌጅ ስር ላሉ የኢንዱስትሪ ባለድርሻ አካልት በዛሬው እለት ተሰጠ፡፡ ስልጠናው በዋናነት በኢንዱስተሪዎችና በኮሌጆች መካከል ያሉ ክፍተቶቸህነ በመሙላት እና ጠንክሮ በመስራት ክህሎትን ማሻሻል፣ ሙያዊ ማንነት፣ አመራር እና አስተዳደር ልማት፣ የትምህርት ድጋፍ፣ የደንበኞች ግልጋሎት እና የእውቀት ሽግግር እንዲመጣ የሚያስችል ስልጠና ሲሆን ፡፡ በተጨማሪም ተማሪዎች ኢንዱስትሪ ውስጥ ገብተው ተግባር ተኮር ስልጠናዎችን እንዲያገኙ ሲደረግ ከሰልጣኞች የሚገኝ አዲስ ሃሳብና የፈጠራ ውጤቶች ለኢንዱስትሪዎች ትልቅ ግበአት ሆኖ ተወዳዳሪ እንዲሆኑ ያስችላል ስለዚህም የቴክኒክና ሙያ ኮሌጆች ትምህርትና ስልጠናቸው ተግባር ተኮር እንዲሆኑና ችግር ፈቺ ሰልጣኝ ተማሪዎች እንዲሆኑ ለማድረግ ሰልጣኞች ኢንዱስትሪዎች ውስጥ እየገቡ እንዲሰሩ እና እንዲሰለጥኑ ለማድረግ የታለመ ስልጠና እንደሆነ ከስልጠናው አስተባባሪዎች ለመረዳት ተችሏል፡፡ ይህ የመጀመሪያ ዙር ስልጠና CINOP እና AMBERO በተባሉ የውጪ ድርጅቶች አማካኝነት የተሰጠው ይህ ስልጠና ታህሳስ 22/2016 ዓ.ም በኢንዱስትሪዎችና በኮሌጆች መካከል በ industry attachment እና በትብብር ስልጠና እና Internship ላይ ያሉ ክፍተቶች ምን እንደሚመስሉ ከኢንዱስትሪ ከተውጣጡ ከባለድርሻ አካላት ጋር የተወያዩ ሲሆን ከውይይታቸው በመነሳት የዛሬው ስልጠና እንደተዘጋጀ ለማወቅ ተችሏል፡፡ የኮሌጁ ኮምኒኬሽን ታህሳስ 26/2016 ዓ.ም ድሬዳዋ

“ከዕዳ ወደ ምንዳ” በሚል ርዕስ ሲሰጥ የቆየው 5ኛ ዙር የአቅም ግንባታ ስልጠና ተጠናቀቀ። ላለፉት 4 ቀናት “ከዕዳ ወደ ምንዳ” በሚል ርዕስ የድሬዳዋ አስተዳደር የሥራ ክህሎትና ቴክኖሎጂ ልማት ቢሮ እና የትራንስፖርትና ሎጂስቲክስ ባለስልጣን የብልጽግና ፓርቲ አባላት የሆኑ የመንግሥት ሠራተኞች ሲሰጥ የቆየው 5ኛ ዙር የአቅም ግንባታ ስልጠና ተጠናቅቋል። የድሬዳዋ አስተዳደር የሥራ ክህሎትና ቴክኖሎጂ ልማት ቢሮ ኃላፊ አቶ ሮቤል ጌታቸው ስልጠናው በተለያዩ ዓለም አቀፋዊ፣ ቀጠናዊ፣ ሀገራዊ እንዲሁም አስተዳደራዊ ነባራዊ ሁኔታዎችን መሰረት በማድረግ በተዘጋጁ የስልጠና ሰነዶች ዙሪያ ላይ ያተኮረ ሲሆን የፓርቲውን አባላት አቅም በማጎልበት ኢትዮጵያ ብሎም አስተዳደሩ ለጀመሩት የብልፅግና ጉዞ ወሳኝ ሚናቸውን እንዲወጡ የሚያስችላቸው የንድፈ ሀሳብ እውቀት የሚያስጨብጣቸው ግንዛቤ እንዲይዙ የሚያስችል አቅም የተፈጠረበት ስልጠና ነው ብለዋል።  በተመሳሳይ የድሬደዋ አስተዳደር ትራንስፖርት እና ሎጂስቲክስ ባለስልጣን ዋና ስራ አስኪያጅ ወ/ሮ ሽኩሪ አብዱረህማን የብልጽግና ፓርቲ የመንግሥት ሠራተኞችበአጠቃላይ ስልጠናው አባሉ ራስን ከመምራት ጀምሮ ህዝብን በሚገባ ማገልገል እንዲችልና በአባሉ ዘንድ የተግባርና የሀሳብ አንድነት በማምጣት ሀገራዊ ብልፅግና ለማረጋገጥ የሚያስችልና አባሉ ከተናጥል ትርክት ወጥቶ በወል እና ገዢ ትርክት ላይ ትኩረት እንዲያደርግ የሚያስረዳ ግንዘቤ መፍጠሩን ተናግረዋል። በስልጠናው ማጠናቀቂያ ሰልጣኞች እና የስልጠናው አዘጋጆች በጋራ በመሆን በአስተዳደሩ የሚገኘው የህጻናት ማቆያና ማገገሚያ ማዕከል በአካል በመገኘት በማዕከሉ ለሚገኙ ህጻናት የሚሆን ከ50 ሺህ ብር በላይ የሚገመት የምግብ፣ የንጽህና መጠበቂያ እና የአልባሳት ድጋፍ ያደረጉ ሲሆን በመጨረሻም በነጻንግድ ቀጠና ውስጥ የሚገኙ አምራች ኢንዱስትሪዎች መካከል ኤልአዉቶ እና ኤ ኤም የመኪና መገጣጠሚያ ፋብሪካ እንዲሁም ሃን ፕላስ ፋብሪካን የጎበኙ ሲሆን ሰልጣኞችም በተሰጣቸው የግንዛቤ ማጎልበቻ ስልጠና በጉብኝቱ መደሰታቸውን ገልጸው መንግስት የጀመረውን የብልጽግና ጉዞ እንዲያስቀጥል በማሳሰብ የበኩላቸውን አስተዋጽኦ ለማበርከትም ማሳሰባቸውን ዝግጁ መሆናቸውን ማወቅ ተችሏል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 25/2016 ዓ.ም ድሬዳዋ

👉ኢትዮ-ጣሊያን ቴክኒክና ሙያ ኮሌጅ ለዳዊት አረጋውያን መርጃ የሙያ ድጋፍ አደረገ የኮሌጁ ውድ-ወርክ ቴክኖሎጂ ዲፓርትመንት ዳዊት አረጋውያን መርጃ ከለጋሾች ያገኛቸውንና አገልግሎት መስጠት የማይችሉ አልጋዎችና ወንበሮችን የሚያስፈልጉ ግብአቶችን አሟልቶ በመጠገን አስረክቧል። የጥገና ስራውን በመስራት በቅን መንፈስ ሙያዊ ድጋፍ ላደረጉት ለኮሌጁ የትምህርትና ስልጠና ምክትል ዲን አቶ ኤልያስ አህመድ እና የዲፓርትመንቱ ተጠሪ ለሆኑት አቶ ዮሴፍ እንዳልካቸው የአረጋውያን መርጃ ድርጅቱ ሀላፊ አቶ ዳዊት በቀለ በአረጋውያኑ ስም ምስጋናቸውን አቅርበዋል። Dawit Aregawiyan Merja ታህሳስ 24/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የተዘጋጀ የሞዴል ኢንተርፕራይዞች ኤግዚቢሽንና ባዛር ተጀመረ። ከታህሳስ 22-27/2016 ዓ.ም ድረስ በኢትዮጵያ ቀይ መስቀል ማህበር ድሬዳዋ ቅርንጫፍ ፊት ለፊት የሚገኘው ቦታ ላይ የሚካሄደውን ይህን ኤግዚቢሽን እና ባዛር የድሬዳዋ አስተዳደር ከንቲባ ክቡር አቶ ከድር ጁሃር፣ የቢሮው ኃላፊ አቶ ሮቤል ጌታቸው እና የሥራ ዕድል ፈጠራና የአንድ ማዕከል ማስተባበሪያ ዳይሬክቶሬት ዳይሬክተር አቶ ሰኢድ አሊ እንዲሁም የአስተዳደሩ ከፍተኛ አመራሮች በተገኙበት በይፋ ተከፍቷል፤ በዚህም ኤግዚቢሽንና ባዛር ላይ ሞዴል ኢንተርፕራይዞች ምርትና አገልግሎቶቻቸውን ይዘው የሚቀርቡ ሲሆን ወቅቱም በዓል ሰሞን እንደመሆኑ በቦታው በመገኘት የአስተዳደሩ ነዋሪ ሞዴል ኢንተርፕራይዞችን በማበረታታት ተጠቃሚ እንዲሆን  መልዕክት የቢሮው ኃላፊ አቶ ሮቤል ጌታቸው መልክት አስተላልፈዋል፤ ኢንተርፕራይዞች ያመረቱትን ምርት ይዘው የሚቀርቡበት ገበያተኛውም በሚፈልገው ልክ ተገበያይቶ የሚወጣበት መድረክ መፍጠሪያ ዘዴ አንዱ ይህ በመሆኑ እንዲሁም  ያለውን የኑሮ ውድነት ለማረጋጋትም ከፍተኛ ሚና እደሚኖረው በቢሮው የሥራ ዕድል ፈጠራና የአንድ ማዕከል ማስተባበሪያ ዳይሬክቶሬት ዳይሬክተር አቶ ሰኢድ አሊ ተናግረዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 24/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ እና የትራንስፖርትና ሎጅስቲክ ባለስልጣን የብልጽግና ፓርቲ የመንግሥት ሠራተኞች "ከዕዳ ወደ ምንዳ!" በሚል ርዕስ የሚሰጠው የአቅም ግንባታ ስልጠና ሁለተኛ ቀን ውሎውን ቀጥሏል፤ "የገዢ ትርክት ግንባታ" በሚል ርዕሰ ጉዳይ ላይ የተዘጋጀው የስልጠና ሰነድ ላይ የድሬዳዋ አስተዳደር የሥራ ክህሎትና ቴክኖሎጂ ልማት ቢሮ ኃላፊ የሆኑት አቶ ሮቤል ጌታቸው ማብራሪያ በመስጠት እያሰለጠኑ ይገኛል። በሀገራዊ የጋራ ጉዳዮች የጋራ ግንዛቤ በመጨበጥ ለገዢ ትርክት ግንባታ በቁርጠኝነት ለመሥራት  የተግባርና የአመለካከት አንድነት እንደሚያስፈልግ ገልፀዋል። ሀገራችንና ዜጎቿን ከተስፋ ብርሃን ወደ ሚጨበጥ ብርሃን ለማሸጋገር በሚደረገው ርብርብ ለገዢ ትርክት ግንባታ በአርበኝነት መንፈስ አባሉ እንዲንቀሳቀስ ያስፈልጋል ብለዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 23/2016 ዓ.ም ድሬዳዋ               

አድራ ኢትዮጵያ በሶላር ፒቪ የመንገድ መብራት ዝርጋታ እና ጥገና የእሴት ሰንሰለት ዙሪያ ተዘጋጅቶ በቀረበ ሰነድ ላይ ከባለድርሻ አካላት ጋር ውይይት አካሄደ:: አድራ ኢትዮጵያ ከአድራ ጀርመኒ ጋር በመተባበር በጀርመን መንግስት ድጋፍ ለሶላር ፒቪ ዝርጋታ እና ጥገና የሚሆን የማሰልጠኛ ወርክሾፕ በኢትዮ-ጣሊያን ፖሊቴክኒክ ኮሌጅ በማዘጋጀት ስልጠና እየሰጠ እንደሚገኝ የሚታወቅ ሲሆን በዘርፉ ያሉትን ማነቆዎች ለመቀነስ እና አዲሱን የGreen TVET Approach ለማሳወቅ ከፍተኛ ስራ እየሰራም ይገኛል። በዚህም መሰረት ከድሬደዋ TVET ኤጀንሲ ቢሮ ጋር በመተባበር በተሰራው የሶላር ፒቪ የመንገድ መብራት ዝርጋታ እና ጥገና የእሴት ሰንሰለት በድሬደዋ ከተማ (Value Chain Analysis On Solar PV Street Light Installation & Maintenance in DD city)በሚል ርዕስ ተዘጋጅቶ በቀረበው ሰነድ ላይ ዘርፉን የሚያነቃቃ ጠቃሚ እና ሰፊ ውይይት ከባለድርሻ አካላት ጋር በማድረግ ዘርፉ ላይ ያሉትን ክፍተቶች ወደ መልካም አጋጣሚ በመቀየር ለሰልጣኞች ሰፊ የስራ እድል መፍጠር የሚያስችል ሁኔታ መፍጠር እንደሚቻልም በመድረኩ ተመላክቷል። በዚህም ትልቁን ድርሻ ከሚወስደው የድሬደዋ መንገዶች ባለስልጣን ጋር አብሮ ለመስራት የሚያስችል ሁኔታዋችም መፈጠራቸው የተገለፀ ሲሆን በቀጣይም ስራውን በማስፋትና ወደ ገጠሩ አካባቢ በመውረድ ገጠሩን አካታች የሆነ የእሴት ሰንሰለት በመስራት አብሮ ችግሩን መቅረፍ የሚያስችል ሁኔታ እንዲፈጠርም አቅጣጫ ተይዟል። ኢትዮ-ጣሊያን ፖሊቴክኒክ ኮሌጅ ኮሚኒኬሽን ታህሳስ 22/2016 ዓ.ም

''ከዕዳ ወደ ምንዳ'' በሚል መሪ ሀሳብ የተዘጋጀው 5ኛው ዙር የፓርቲ አባላት ስልጠና በዛሬው ዕለት በድሬዳዋ አስተዳደር የሥራ ክህሎትና ቴክኖሎጂ ልማት ቢሮ እና የትራንስፖርትና ሎጅስቲክ ባለስልጣን የብልጽግና ፓርቲ አባላት መሰጠት ጀመረ፤ የፓርቲው አባላትም ዛሬን ጨምሮ ለሚቀጥሉት 4 ተከታታይ ቀናት "ሀብት እና ብልፅግናን መፍጠር እና ማስተዳደር፣ የገዢ ትርክት ግንባታ፣ አገልጋይና ስልጡን ሲቪል ሰርቪስን መገንባት እንዲሁም የሰላም ባህልና አመለካከት ግንባታ" በሚሉ ርዕሶች ስልጠና ይወስዳሉ። ስልጠናው ለተከታታይ አራት ቀናት ከታህሳስ 22-25/2016 ዓ.ም የሚሰጥ ይሆናል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 22/2016 ዓ.ም ድሬዳዋ