Bureau of Labor and Skills-Dire Dawa

አድራ ኢትዮጵያ (ድሬዳዋ) በ"Solar Pv instalation and maintenance እያሰለጠናቸው የሚገኙ ሰልጣኞች ስልጠናቸውን እያጠናቀቁ በመሆኑ በቀጣይ ምእራፍ ላይ ከባለድርሻ አካላት ጋር የውይይት መድረክ አካሄደ:: አድራ ኢትዮጵያ(ድሬዳዋ) በኢትዮ-ጣሊያን ፖሊቴክኒክ ኮሌጅ እያሰለጠናቸው የሚገኙ 48 ሰልጣኞች ዋና ስልጠናቸውን ማጠናቀቃቸውና ወደ ምዘና ለመግባት በዝግጅት ላይ እንደሚገኙ የተገለፀ ሲሆን አሁን ላይ ሰልጣኞች ወደ ስራ አለም ሲገቡ የሚያግዛቸውን የኢንተርፕረነርሺፕ ስልጠና ተሞክሮ ባላቸው ባለሙያዎች እየሰለጠኑም ይገኛሉ። ስልጠናው ለስራ እድል ፈጠራ የሚያግዛቸውን ክህሎት በማግኘት ተለዋዋጭ የሆነውን የንግዱን ስርአት ለመቀላቀል ትልቅ አቅም ከመሆኑም ባሻገር በራስ መተማመናቸውን እንዲያጎለብቱ ታሳቢ ተደርጎ እየተሰጠ የሚገኝ ስልጠና ነውም ተብሏል። ከዚህም ጋር በተያያዘ ሰልጣኞችን ወደ ስራ ለማሰማራት የሚመለከታቸው የመንግስት ተቋማት ከ"Job Box " ዝግጅት እና የራስን ስራ ከመፍጠር ጋር ተያይዞ ሰልጣኞችን በማደራጀት ወደ ስራ የሚገቡበትን አቅጣጫ ለማስቀመጥ ከባለድርሻ አካላት ጋር ሰፊ ውይይት የተደረ ሲሆን በቀጣይም በቅንጅት ከሚመለከታቸው ተቋማት ጋር ለመስራት የጋራ መግባባት ላይ ተደርሷል:: በዚህ መሰረትም ሰልጣኞች ከአሰልጣኞቻቸው ጋር በመሆን በገጠር ና በከተማ ያለውን የሶላር ጥገና ስራ እንዲሰሩና ከተቋማት ጋር በፕሮጀክት መልክ ተሰማርተው አቅማቸውን እንዲያሳዩ አቅጣጫ የተሰጠ ሲሆን በሌላ በኩል ደግሞ በራሳቸው ተደራጅተው የራሳቸውን የስራ እድል የሚፈጥሩበት ሁኔታ ተለይቶ እንዲመቻችላቸው መደረጉም ተገልፆል። በመጨረሻም ስልጠናቸውን ያጠናቀቁ ሰልጣኞች በተወሰነ መጠን የመንግስት ተቋማት ላይ የሚቀጠሩበትን ሁኔታ ለማመቻቸት እንዲቻል ለሚመለከታቸው አካላት ሀላፊነት በመስጠት መድረኩ ፍፃሜውን አጊኝቷል። የኢትዮ-ጣሊያን ፖሊቴክኒክ ኮሌጅ ሚያዝያ 18/2016 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ የ2016 በጀት አመት የዘጠኝ ወር የስራ አፈጻጸም ሪፖርት የግምገማ መድረክ አካሄደ። መድረኩን የኮሌጁ ዲን አቶ ታደለ አሰፋ የመሩት ሲሆን በተቋሙ የሚገኙ የስራ ሂደቶች የዘጠኝ ወር ተቋማዊ እቅድ አፈጻጸም ሪፖርታቸውን ለኮሌጁ ማኔጅመንት አቅርበዋል:: በመድረኩም በዋና ዋና ቁልፍ ተግባራት ፣ የማስፈፀም አቅም ፣በሀብት አጠቃቅም እና አገልግሎት አሰጣጥ ላይ ትኩረት ያደረገ የሪፖርት ግምገማ መደረጉ የተገለፀ ሲሆን የቀጣይ ሦስት ወር የስራ አቅጣጫን በማስቀመጥም መድረኩ ፍፃሜውን አጊኝቷል። የኢትዮ-ጣሊያን ፖሊቴክኒክ ኮሌጅ ሚያዝያ 15/2016 ዓ.ም ድሬዳዋ

በተዘጋጁ የቴክኖሎጂ እሴት ሰንሰለት ትንተናዎች ላይ ያተኮረ ስልጠና ለድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ አመራሮችና ሰራተኞችና የግንዛቤ ማስጨበጫ መድረክ ተካሄደ፡፡ በድሬዳዋ አስተዳደር በሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የኢንዱስትሪ ኤክስቴንሽንና የቴክኖለጂ ሽግግር ዳይሬክቶሬት ከትኩረት ዘርፍ መ/ቤት ከተውጣጡ ባለሞያዎች እና የኮሌጅ አሰልጣኝ መምህራን የእሴት ሰንሰለት ትንተና አዘገጃጀት ላይ ከዚህ በፊት በተሰጣቸው ስልጠና መሰረት የተዘጋጁ ሰነዶች ቀርበው ገለጻ ተደርጎባቸዋል፡፡ ከቴክኒክና ሙያ ትምህርትና ሥልጠና ዘርፍ ተልዕኮዎች ውስጥ አንዱ ተወዳዳሪነትን የሚያረጋግጥ አዋጭ ቴክኖሎጂ ለኢንተርፕራይዞች ማሸጋገር መሆኑ ይታወቃል በዚህም የምርት ወይም የአገልግሎት የአመራት ሂደት በመተንተን ክፍተቶችን በመለየት እና ለክፍተቶቹም የቴክኖሎጂዎችን መፍትሄ ለማስቀመጥ የእሴት ሰንሰለት ትንተና ሰነዶች ተዘጋጅተዋል፡፡ በመሆኑም የግንዛቤ ማስጨበጫ ስልጠናው ዋና አላማ ከትኩረት መ/ቤት የተውጣጡ የተለያዩ ባለሞያዎች የዘርፋቸውን እሴት ሰንሰለት ማዘጋጀታቸውን ተከትሎ የቢሮው አመራሮችና ባለሙያዎች ግንዛቤ እንዲኖራቸውና በተዘጋጀው ሰነድ ላይ ሙያዊ አስተያየት እንዲሰጥበት በማድረግ ሰነዱን በማዳበርና በማስተዋወቅ በሚለዩት ቴክኖሎጂዎች የኢንተርፕራይዞችን፣ የተቋማትን እና የኢንዱስትሪዎችን ምርታማነትና ተወዳዳሪነት በመጨመር ለበርካታ ዜጎች የሥራ-ዕድል ለመፍጠርና እና የገቢ መጠን ለመጨመር ታሳቢ ያደረገ መሆኑን የኤጀንሲው ኃላፊና የቢሮው ምክትል ኃላፊ ወ/ሮ ፈጡም ሙስጠፋ ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሚያዚያ 14/2016 ዓ.ም ድሬዳዋ

በድሬዳዋ ወጣቶችን በክህሎት የተመራ የስራ ባለቤት ለማድረግ የተጀመረው ስራ መጠናከር እንዳለበት ተመለከተ ድሬዳዋ፤ ሚያዝያ 13/2016(ኢዜአ)፦ በድሬዳዋ አስተዳደር በገጠርና በከተማ ክህሎት መር የስራ ዕድል ለመፍጠር እየተደረገ ያለው ስራ ተጠናክሮ መቀጠል እንዳለበት የስራና ክህሎት ሚኒስትር ዴኤታ ዳንኤል ተሬሳ አመለከቱ። በአስተዳደሩ ባለፉት ዘጠኝ ወራት ከ14ሺህ በላይ ለሆኑ ሰዎች ቋሚ የስራ ዕድል እንደተፈጠረ ተገልጿል። በሚኒስትር ዴኤታ አቶ ዳንኤል ተሬሳ የተመራ የሚኒስቴሩ ከፍተኛ ባለሙያዎች ቡድን በድሬዳዋ አስተዳደር ለአንድ ሳምንት ያካሄደው የድጋፋዊ የስራ ጉብኝት ዛሬ ተጠናቋል። የባለሞያዎች ቡድኑ ባካሄዳቸው ጉብኝት ላይ ከአስተዳደሩ ምክትል ከንቲባ ሀርቢ ቡህና ከዘርፉ አመራሮች ጋር ተወያይቷል። የስራና ክህሎት ሚኒስትር ዴኤታ አቶ ዳንኤል ተሬሳ በወቅቱ እንደገለጹት በአስተዳደሩ ገጠርና ከተማ ክህሎት መር የስራ ዕድል ለመፍጠር እየተከናወኑ የሚገኙ ዘርፈ ብዙ ስራዎች አበረታችና ተጠናክረው መቀጠል ያለባቸው ናቸው። ምቹ ተቋማዊ አደረጃጀትና የአቅም ግንባታ ስራዎች፣ የክህሎት ልማት፣ በስራ ዕድል ፈጠራና ሰላማዊ የኢንዱስትሪ የስራ እንቅስቃሴዎች ለመፍጠር የተከናወኑ የሪፎርም ስራዎች አበረታች ናቸው ብለዋል። ጅምር ስራዎቹን የበለጠ በማጠናከር የሚፈለገውን ውጤት ለማምጣት የተቀናጀ ጥረት መደረግ እንዳለበትም አስገንዝበዋል። ሚኒስቴር መስሪያ ቤቱም የሚያደርገውን ድጋፍና ክትትል በማጠናከር የድርሻውን እንደሚወጣ ሚኒስትር ዴኤታው አስታውቀዋል። የድሬዳዋ አስተዳደር ምክትል ከንቲባ ሀርቢ ቡህ በበኩላቸው በድሬዳዋ አስተዳደር የስራ ዕድል መፍጠርና ወጣቶችን ተጠቃሚ ማድረግ የህልውና ጉዳይ ተደርጎ በትኩረት እየተሠራ ይገኛል ብለዋል። ሚኒስቴር መስሪያ ቤቱ ለአስተዳደሩ እያደረገ የሚገኘው ድጋፍና ክትትል የጅምር ስራ ውጤቶችን በተሻለ ለማሳደግ አበርክቶው የጎላ ይሆናል ሲሉም አክለዋል። በአስተዳደሩ ባላፉት ዘጠኝ ወራት በተለያዩ መስኮች ከ14ሺህ በላይ ለሚሆኑ ሰዎች የስራ ዕድል መፈጠሩን የገለፁት ደግሞ የድሬዳዋ አስተዳደር የስራ ክህሎትና ቴክኖሎጂ ልማት ቢሮ ኃላፊ አቶ ሮቤል ጌታቸው ናቸው። በተካሄደው ድጋፋዊ የግምገማ ሂደት የተቀመጡ አቅጣጫዎችን በተቀናጀ መንገድ በመተግበር አመታዊ ዕቅድን ሙሉ በሙሉ ለማሳካት ጥረት ይደረጋል ብለዋል። በአቶ ዳንኤል ተሬሳ የተመራው የባለሞያዎች ቡድን ከነገ ጀምሮ በሐረሪ ክልል ተመሣሣይ የስራ ጉብኝት እንደሚያደርግ ተመላክቷል። ©️ የኢትዮጵያ ዜና አገልግሎት

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ  "ብቃት" የወጣቶች የስራ ላይ ልምምድ ፕሮጀክት ሁለተኛ ዙር ትግበራ ለሁለት ተከታታይ ዙሮች የህይወት ክህሎት ስልጠና ሰልጥነው ያጠናቀቁ ሁለት ሺ የሚጠጉ ሰልጣኞች የምርቃት መርሃ-ግብር በዛሬው ዕለት በድምቀት ተካሂዷል በዚህ የሰልጣኞች የምርቃት ፕሮግራም ላይ  የድሬዳዋ አስተዳደር ምክትል ከንቲባ ክቡር ሀርቢ ቡህ በመገኘት ለተመራቂዎች የእንኳን ደስ አላችሁ መልዕክታቸውን አስተላልፈዋል። አቶ ሀርቢ ተመራቂዎችን በቀጣይ በተለያዩ  ፋብሪካዎችና አገልግሎት ሰጪ ተቋማት ላይ በምትቀላቀሉበት ወቅት በስነ-ምግባር የታነፃችሁና በታታሪነት የምታገለግሉ መሆን ይገባቹሀል በማለት የመከሩ ሲሆን፤ ለዚህ መርሀ ግብር መሳካትም አስታዎፆ ላበረከቱ አካላት ምስጋናቸውን አቅርበዋል። የድሬዳዋ አስተዳደር የስራ ክህሎትና ቴክኖሎጂ ልማት ቢሮ ኃላፊ  አቶ ሮቤል ጌታቸው በበኩላቸው ለተመራቂዎች እንኳን ደስ አላችሁ በማለት በስልጠናው ወቅት ያሳዩትን የስራ ተነሳሽነትና ስነ-ምግባር በቀጣይም እንዲያጠናክሩት ተናግረዋል። በተለይም አሁን ላይ በድሬዳዋ ኢንደስትሪ እየተስፋፋ ከመሆኑ ጋር ተያይዞ ወጣቱም አስፈላጊውን ስነ-ግባርና ክህሎት አግኝቶ ዘርፉን እንዲቀላቀል እንደነዚህ አይነት ስልጠናዎች ከፍተኛ ሚና አንዳላቸው የገለፁት ደግሞ  የሥራና ክህሎት ሚኒስቴር ሚንስትር ዴኤታ የሆኑት አቶ ዳንኤል ተሬሳ ናቸው። አቶ ዳንኤል አያይዘውም ብቃት የወጣቶች የስራ ላይ ልምምድ የወጣት ስራ አጦችን ቁጥር በመቀነሱ ረገድ ከፍተኛ ሚና እንዳለው ጠቁመዋል። ተመራቂዎች በበኩላቸው በስልጠና ቆይታቸው በርካታ ክህሎት እንዳገኙ ገልፀው ለስልጠናው አዘጋጆችም ምስጋናቸውን አቅርበዋል። ©️ የድሬዳዋ አስተዳደር መንግስት ኮምኒኬሽን

በክቡር አቶ ዳንኤል ተሬሳ የሥራና ክህሎት ሚንስቴር ዴኤታ የሚመራ የሱፐርቪዥን ቡድን በዛሬው ዕለት በነበረው የመጨረሻ የጉብኝት መርሃግብር በድሬዳዋ አስተዳደር የተገነቡና እየተገነቡ ያሉ የልማት ፕሮጀክቶችን ጎበኙ፤ በጉብኝቱም የአስተዳደሩን የሥራ አመራር ኢንስቲትዩት የተቋማት አቅም ግንባታን ለማገዝ የሚያስችሉ ስራዎች፤ የወጣቶችና ስፖርት ኮሚሽን ዘርፉን ለማቃቃት የተሰሩ የአካዳሚ ግንባታ እና የስቴዲየም ደረጃውን የማሻሻልና የማሳደግ፤ በቀጣይ ስድስት ወራት ተጠናቆ ወደ ስራ የሚገባው ባለ አምስት ፎቅ የቢሮ ህንጻ፤ ለቢሮና ለተለያዩ አገልግሎቶች የሚውል የአስተዳደሩን ሲቪክ ማዕከል ጨምሮ የድሬዳዋ ፖሊስ ኮሚሽንን የለውጥ እንቅስቃሴዎች ተዘዋውረው ጎብኝተዋል፤ የሱፕርቪዥን ቡድኑ በአስተዳደሩ በተመለከቷቸው የልማት ስራዎች መገረማቸውን ተናግረው ለሌሎች ክልሎችና አስተዳደሮች አርዓያ ሚሆኑና በተጨባጭ ውጤት በአጭር ጊዜ ለማስመዝገብ የሚያስችል ነው ብለዋል በተያያዘ በነገው ዕለት የድጋፍና ክትትሉ አጠቃላይ ግብረመልስ ለቢሮው ቀርቦ በቀጣይ ትኩረት ሊሰጣቸው የሚገቡ ጉዳዮች ቀርበው ሰፊ ውይይት የሚደረግበት ይሆናል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሚያዝያ 12/2016 ዓ.ም ድሬዳዋ

በክቡር አቶ ዳንኤል ተሬሳ የሥራና ክህሎት ሚንስቴር ዴኤታ የሚመራ የሱፐርቪዥን ቡድን በዛሬው ዕለት በነበረው የመጨረሻ የጉብኝት መርሃግብር በድሬዳዋ አስተዳደር የተገነቡና እየተገነቡ ያሉ የልማት ፕሮጀክቶችን ጎበኙ፤ በጉብኝቱም የአስተዳደሩን የሥራ አመራር ኢንስቲትዩት የተቋማት አቅም ግንባታን ለማገዝ የሚያስችሉ ስራዎች፤ የወጣቶችና ስፖርት ኮሚሽን ዘርፉን ለማቃቃት የተሰሩ የአካዳሚ ግንባታ እና የስቴዲየም ደረጃውን የማሻሻልና የማሳደግ፤ በቀጣይ ስድስት ወራት ተጠናቆ ወደ ስራ የሚገባው ባለ አምስት ፎቅ የቢሮ ህንጻ፤ ለቢሮና ለተለያዩ አገልግሎቶች የሚውል የአስተዳደሩን ሲቪክ ማዕከል ጨምሮ የድሬዳዋ ፖሊስ ኮሚሽንን የለውጥ እንቅስቃሴዎች ተዘዋውረው ጎብኝተዋል፤ የሱፕርቪዥን ቡድኑ በአስተዳደሩ በተመለከቷቸው የልማት ስራዎች መገረማቸውን ተናግረው ለሌሎች ክልሎችና አስተዳደሮች አርዓያ ሚሆኑና በተጨባጭ ውጤት በአጭር ጊዜ ለማስመዝገብ የሚያስችል ነው ብለዋል በተያያዘ በነገው ዕለት የድጋፍና ክትትሉ አጠቃላይ ግብረመልስ ለቢሮው ቀርቦ በቀጣይ ትኩረት ሊሰጣቸው የሚገቡ ጉዳዮች ቀርበው ሰፊ ውይይት የሚደረግበት ይሆናል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሚያዝያ 12/2016 ዓ.ም ድሬዳዋ

በድሬዳዋ ፖሊ ቴክኒክ ኮሌጅ ስር እየተገነባ የሚገኘው የEASTRIP ፕጀክት የ Railway ምስራቅ አፍሪካ የልህቀት ማእከል ህንጻ ግንባታ ያለበትን ደረጃ የድሬዳዋ አስተዳደር የብልጽግና ጽ/ቤት ኃላፊና የኮሌጁ የቦርድ ሰብሳቢ ክቡር አቶ ኢብራሂም ዩሱፍ በተገኙበት የአንድ ወር እንዲሁም አጠቃላይ የግንባታ አፈጻጸም ግምገማ በትናንትናው እለት ተደረገ፡፡ በግምገማው ላይ የልህቀት ማእከሉ ያለበትን ደረጃ በአማካሪ ድርጅቱ ተወካይ ዮሀንስ እቁባይ እንዲሁም ግንባታውን ለመገንባት ውል የገባው የአተም ኮንስትራክሽ ድርጅት ተወካይ በኩል ቀርቧል፡፡ በሪፖርቱ መሰረትም የተለያዩ ውይይቶች የተደረገ ሲሆን  በመጨረሻም ክቡር አቶ ኢብራሂም ዩሱፍ እንዳሉት የህንጻው ግንባታው በተያዘለት ጊዜ ተጠናቆ ለታለመለት አላማ እንዲውልና ሀገራችን ኢትዮጵያ እንዲሁም ከተማችን ከማእከሉ ተጠቃሚ እንዲሆኑ ሁሉም አካላት በጋራ እና በርብርብ መስራት እንደሚገባ አቅጣጫ ሰጥተዋል፡፡ የኮሌጁ ኮምኒኬሽን ሚያዝያ 12/2016 ዓ.ም ድሬዳዋ

በገጠር የስራ እድል ፈጠራ ዘርፍ ተደራጅተው የስራ አጥነትን ችግር ለመፍታት  ከስራ ጠባቂነት ወደ ስራ ፈጣሪነት በመሸጋገር ለሌሎች ስራ ከመፍጠር ባሻገር ለአርሶና አርብቶ እደር የግብርና ልማት እድገት ከፍተኛ አስተዋጽኦ ያበረክት ዘንድ በዚህም የገጠሩን ፍትሃዊ ተጠቃሚነት ለማረጋገጥ በከተማው የስራ እድል ፈጠራ ዘርፍ የተመዘገበውን ውጤት በቀጣይ ሁለቱንም ዘርፎች አጣምሮ በማቀናጀት የድሬዳዋ አስተዳደር የሥራ ክህሎትና ቴክኖሎጂ ልማት ቢሮ እንቅስቃሴዎችን እያደረገ ይገኛል፤ በክቡር አቶ ዳንኤል ተሬሳ የሥራና ክህሎት ሚንስቴር ዴኤታ የሚመራ የሱፐርቪዥን ቡድን በዛሬው ዕለት በነበረው የጉብኝት መርሃግብር ቢሮው ሁለቱንም ዘርፎች በአንድ ላይ እንዲመራ በተቀመጠው አቅጣጫ መሰረት በአስተዳደሩ ገጠር ክፍል በግብርናው ዘርፍ ተደራጅተው ለሌሎች አርአያ በመሆን እየተንቀሳቀሱ የሚገኙ የገጠር ስራ እድል ፈጠራ በዘርፉ የተሰማሩ አንቀሳቃሾችን ተዟዙረው ጎብኝተዋል፤ ግብርናና ገጠር ልማት የሰብልና እንስሳት ምርትና ምርታማነትን ለማሳደግ ትኩረት ሰጥቶ መስራት እንደሚገባና በዚህም የአርሶና አርብቶ አደሩን ማህበረሰብ የኑሮ ሁኔታ የሚያሻሽል የድጋፍና ክትትል ሥርዓቱን በማጠናከር የግብርና ልማትን የእሴት ሰንሰለት መሠረት ያደረገ የኢንተርፕራይዝ ልማት ሥራ በግብአት አቅርቦትና የገበያ ትስስር ከፋይናንስ አቅርቦት ችግርን ለመፍታት የተቀናጁ ስልቶችን መዘርጋት ጋር ቢሮው በቀጣይ ትኩረት ሰጥቶ እንደሚሰራ የቢሮው ኃላፊ አቶ ሮቤል ጌታቸው ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሚያዝያ 11/2016 ዓ.ም ድሬዳዋ

በገጠር የስራ እድል ፈጠራ ዘርፍ ተደራጅተው እና መንግስት የስራ አጥነትን ችግር ለመፍታት  ከስራ ጠባቂነት ወደ ስራ ፈጣሪነት በመሸጋገር ለሌሎች ስራ ከመፍጠር ባሻገር ለአርሶና አርብቶ እደር የግብርና ልማት እድገት ከፍተኛ አስተዋጽኦ ያበረክት ዘንድ በዚህም የገጠሩን ፍትሃዊ ተጠቃሚነት ለማረጋገጥ በከተማው የስራ እድል ፈጠራ ዘርፍ የተመዘገበውን ውጤት በቀጣይ ሁለቱንም ዘርፎች አጣምሮ በማቀናጀት የድሬዳዋ አስተዳደር የሥራ ክህሎትና ቴክኖሎጂ ልማት ቢሮ እንቅስቃሴዎችን እያደረገ ይገኛል፤ በክቡር አቶ ዳንኤል ተሬሳ የሥራና ክህሎት ሚንስቴር ዴኤታ የሚመራ የሱፐርቪዥን ቡድን በዛሬው ዕለት በነበረው የጉብኝት መርሃግብር ቢሮው ሁለቱንም ዘርፎች በአንድ ላይ እንዲመራ በተቀመጠው አቅጣጫ መሰረት በአስተዳደሩ ገጠር ክፍል በግብርናው ዘርፍ ተደራጅተው ለሌሎች አርአያ በመሆን እየተንቀሳቀሱ የሚገኙ የገጠር ስራ እድል ፈጠራ በዘርፉ የተሰማሩ አንቀሳቃሾችን ተዟዙረው ጎብኝተዋል፤ ግብርናና ገጠር ልማት የሰብልና እንስሳት ምርትና ምርታማነትን ለማሳደግ ትኩረት ሰጥቶ መስራት እንደሚገባና በዚህም የአርሶና አርብቶ አደሩን ማህበረሰብ የኑሮ ሁኔታ የሚያሻሽል የድጋፍና ክትትል ሥርዓቱን በማጠናከር የግብርና ልማትን የእሴት ሰንሰለት መሠረት ያደረገ የኢንተርፕራይዝ ልማት ሥራ በግብአት አቅርቦትና የገበያ ትስስር ከፋይናንስ አቅርቦት ችግርን ለመፍታት የተቀናጁ ስልቶችን መዘርጋት ጋር ቢሮው በቀጣይ ትኩረት ሰጥቶ እንደሚሰራ የቢሮው ኃላፊ አቶ ሮቤል ጌታቸው ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ሚያዝያ 11/2016 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ ሰራተኞች የዐቢይ ፆምን ምክንያት በማድረግ ማዕድ የማጋራት መርሃ-ግብር አካሄዱ:: የኢትዮ-ጣሊያን ፖሊቴክኒክ ኮሌጅ ሰራተኞች በድሬዳዋ ሳባ ደብረ ኃይል ቅዱስ ገብርኤል ቤተ ክርስቲያን በመገኝት በዐቢይ ጾም ስርዓተ ቅዳሴ አከናውነው ለሚመለሱ የክርስትና እምነት ተከታዮች የተለያዩ ምግቦች እና የታሸጉ ውሃዎችን በማቅረብ ማእድ የማጋራት መርሃ ግብር አካሂደዋል፡፡ የኢትዮ-ጣሊያን ፖሊቴክኒክ ኮሌጅ ሚያዝያ 11/2016 ዓ.ም ድሬዳዋ