Bureau of Labor and Skills-Dire Dawa

የድሬዳዋ አስተዳደር የኢትዮ-ጣሊያን ፖሊቴክኒክ ኮሌጅ ከፌደራል ማረሚያ ቤቶች ኮሚሽን የድሬዳዋ ሁሉ አቀፍ ማረፊያና ማረሚያ ቤት  ጋር ለታራሚዎች በቴክኒክና ሙያ ትምህርትና ስልጠና ዙሪያ ከስልጠና እስከ ስልጠና ማዕከል አቅም  ግንባታ መፍጠር የሚያስችል የመግባቢያ ሠነድ ተፈራረመ።      የኮሌጁ ዲን አቶ ታደለ አሰፋ ከማረሚያ ቤቱ ጋር የተደረገው ስምምነት ኮሌጁ ያለበትን ያለበትን ማህበራዊ ኃላፊነት ከመወጣት ያለፈ በማረሚያ ቤቱ የሚገኙ ታራሚዎች የበቁ ሞያተኞችን ለማፍራት የሚደረገውን ጥረት ሁሉአቀፍ በሆነ ድጋፍና በጥምረት የመስራት የሁለትዮሽ መግባባት የፈጠረው ነው ብለዋል።      በስምምነት ፊርማው ላይ የማረሚያ ቤቱ ሀላፊ ረ/ኮሚሽነር ወንድሙ ደበላ እንደተናገሩት ስምምነቱ ማረሚያ ቤቱ ለታራሚዎች የሚሠጠዉን ስልጠና ከማጠናከር ባለፈ ታራሚዎች ታንፀዉ እንዲወጡ የአንድ አካል ሚና ብቻውን ውጤት ስለማያመጣ ኮከሌጁ ጋር የተደረገው ስምምነትና ድጋፍ  ወሳኝ መሆኑን ተናግረዋል።      በመጨረሻም በማረሚያ ቤቱ እየተሰጠ የሚገኘውን የቴክኒክና ሙያ ስልጠና ያግዝ ዘንድ አጠቃላይ የገንዘብ ግምታቸው ስድስት መቶ ዘጠና አምስት ሺህ ሶስት መቶ ብር የሚያወጡ ለማኑፋክቸሪንግ፣ ለአውቶሞቲቭ እና ለፈርኒቸር ስልጠናዎች የሚያገለግሉ የተለያዩ የስልጠና ማቴሪያሎችና ማሽኖችን ድጋፍ ማድረግ ተችሏል፡፡ የኢትዮ-ጣሊያን ፖሊቴክኒክ ኮሌጅ ኮምኒኬሽን ጥር 28/2016 ዓ.ም ድሬዳዋ

የድሬዳዋ አስተዳደር የኢትዮ-ጣሊያን ፖሊቴክኒክ ኮሌጅ ከፌደራል ማረሚያ ቤቶች ኮሚሽን የድሬዳዋ ሁሉ አቀፍ ማረፊያና ማረሚያ ቤት  ጋር ለታራሚዎች በቴክኒክና ሙያ ትምህርትና ስልጠና ዙሪያ ከስልጠና እስከ ስልጠና ማዕከል አቅም  ግንባታ መፍጠር የሚያስችል የመግባቢያ ሠነድ ተፈራረመ።      የኮሌጁ ዲን አቶ ታደለ አሰፋ ከማረሚያ ቤቱ ጋር የተደረገው ስምምነት ኮሌጁ ያለበትን ያለበትን ማህበራዊ ኃላፊነት ከመወጣት ያለፈ በማረሚያ ቤቱ የሚገኙ ታራሚዎች የበቁ ሞያተኞችን ለማፍራት የሚደረገውን ጥረት ሁሉአቀፍ በሆነ ድጋፍና በጥምረት የመስራት የሁለትዮሽ መግባባት የፈጠረው ነው ብለዋል።      በስምምነት ፊርማው ላይ የማረሚያ ቤቱ ሀላፊ ረ/ኮሚሽነር ወንድሙ ደበላ እንደተናገሩት ስምምነቱ ማረሚያ ቤቱ ለታራሚዎች የሚሠጠዉን ስልጠና ከማጠናከር ባለፈ ታራሚዎች ታንፀዉ እንዲወጡ የአንድ አካል ሚና ብቻውን ውጤት ስለማያመጣ ኮከሌጁ ጋር የተደረገው ስምምነትና ድጋፍ  ወሳኝ መሆኑን ተናግረዋል።      በመጨረሻም በማረሚያ ቤቱ እየተሰጠ የሚገኘውን የቴክኒክና ሙያ ስልጠና ያግዝ ዘንድ አጠቃላይ የገንዘብ ግምታቸው ስድስት መቶ ዘጠና አምስት ሺህ ሶስት መቶ ብር የሚያወጡ ለማኑፋክቸሪንግ፣ ለአውቶሞቲቭ እና ለፈርኒቸር ስልጠናዎች የሚያገለግሉ የተለያዩ የስልጠና ማቴሪያሎችና ማሽኖችን ድጋፍ ማድረግ ተችሏል፡፡ የኢትዮ-ጣሊያን ፖሊቴክኒክ ኮሌጅ ኮምኒኬሽን ጥር 28/2016 ዓ.ም ድሬዳዋ

‹‹የድሬዳዋ ፖሊ ቴክኒክ ኮሌጅ የምስራቅ አፍሪካ ተማሪዎችን በመቀበል እና አሰልጥኖ በማብቃትና በማስመረቅ ለቀጠናው ትስስር ከፍተኛውን ሚና እየተጫወተ ይገኛል።›› አቶ ሮቤል ጌታቸው የድሬዳዋ አስተዳደር ሥራና ክህሎት ቴክኖሎጂ ልማት ቢሮ ኃላፊ **** የድሬዳዋ ፖሊ ቴክኒክ ኮሌጅ ከሶማሊ ላንድ የመጡ ከ10 በላይ ሰልጣኞችን በኤሌክትሪክ ኢንስታሌሽንና በፍሪጅ ጥገና እንዲሁም በICT ዘርፍ የሰለጠኑ ሰልጣኞችን በዛሬው እለት አስመረቀ፡፡ በምረቃ ሥነ-ሥርዓቱ ላይ ተገኝተው ንግግር ያደረጉት እና ለሰልጣኞች ሰርተፊኬት የሰጡት የድሬዳዋ አስተዳደር ሥራና ክህሎት ቴክኖሎጂ ልማት ቢሮ ኃላፊ አቶ ሮቤል ጌታቸው ሲሆኑ በንግግራቸውም በቅድሚያ ለዛሬ የምርቃት ቀን የደረሳችሁ ሰልጣኖች ለድሬዳዋ ከተማችን አባሳደር ናችሁ እንኳን ደስ አላችሁ ብለዋል፡፡ አያይዘውም ትምህርት እና ስልጠና ለአንድ ሀገር ኢኮኖሚያዊ ፖለቲካዊ እና ማህበራዊ እድገት ቁልፍ መሳሪያ ነው። ይህን መሳርያ ደግሞ ለከተማችን ወጣቶች ብቻ ሳይሆን ለምስራቅ አፍሪካ ወጣቶችም ማድረስ ይኖርብናል፡፡ ለዚህም በዛሬው እለት በኤሌክትሪክ ኢንስታሌሽንና በፍሪጅ ጥገና እንዲሁም በICT ዘርፍ ለተከታታይ 20 ቀናት ያክ ስልጠናቸውን የተከታተሉ የሶማሊ ላንድ ዜግነት ያላቸው ወጣቶች አንዱ ማሳያው ናቸው ብለዋል፡፡ ኃላፊው በማስቀጠል የድሬዳዋ ፖሊ ቴክኒክ ኮሌጅ የምስራቅ አፍሪካ ተማሪዎችን በመቀበል እና አሰልጥኖ በማብቃት ለቀጠናው ትስስር ከፍተኛውን ሚና እየተጫወተ ይገኛል። በቀጣይም ከሌሎች የምስራቅ አፍሪካ ሀገሮች የተለያዩ ሰልጣኞችን በመቀበል የምስራቅ አፍሪካን በትምህርትና ስልጠናው የማዋሃድ ስራን የሚሰራ ይሆናል፡፡ በመጨረሻም አንድላይ ከሆንን ብዙ ነገሮችን ማሳካት ስለምንችል በህብረት መስራት ይኖርብናል ብለዋል፡፡ በመቀጠልም ንግግር ያደረጉት የኮሌጁ ዲን አቶ ሳሊም ኡስማን ሲሆኑ ድሬዳዋ ፖሊ ቴክኒክ ኮሌጅ ከጎረቤት ሀገራት ሶማሌላንድ፣ ጅቡቲ፣ከኬንያ፣ከታንዛንያ እንዲሁም ከሌሎች የምስራቅ አፍሪካ ሃገራት ጋር በትምህርትና ስልጠና ለማዋሃድ በንቃት ሲሰራ መቆየቱ የሚታወስ ነው ያሉ ሲሆን አያይዘውም በዛሬው እለት ስልጠናችሁን አጠናቃችሁ ለምርቃት የበቃችሁ የሶማሊ ላንድ ሰልጣኝ ተማሪዎች ለዚህ ውህደት ማሳያ ናችሁ ብለዋል፡፡ከዚህ ኮሌጅ ስልጠናችሁን ጨርሳችሁ ወደ ሀገራችሁ ስትሄዱ በድሬዳዋ ፖሊ ቴክኒክ ኮሌጅ ያገኛችሁትን ስልጠና ሌሎች ወጣቶች እንዲያገኙ የአባሳደርነት ሚናችሁን እንድትወጡ አደራ እላለሁ ብለዋል፡፡ የድሬዳዋ ፖሊ ቴክኒክ ኮሌጅ ከዚህ ቀደም ከ18 በላይ የምስራቅ አፍሪካ ሰልጣኞችን ተቀብሎ ማሰልጠኑና ለምርቃት ማብቃቱ የሚታወስ ሲሆን የአሁኑ ስልጠና ለሁለተኛ ጊዜ የሚደረግና አብዛኛው ስራ ማለትም የምግብ፣የመኝታ ወጪን ኮሌጁ ሸፍኖ ማሰልጠኑ ይታወሳል፡፡ የኮሌጁ ኮምኒኬሽን ጥር 28/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የአሰልጣኝ ልማት እና ተቋማት ጥራት ቁጥጥር ዳይሬክቶሬት የአሰልጣኝ ልማት እና ተቋማት ጥራት ቁጥጥር ዳይሬክቶሬት የኮሌጆች የ2016 ዓ.ም የሠልጣኝ ቅበላ የጥራት ኦዲት እየተደረገ እንደሚገኝ ገለጸ፤ ሰልጣኝ ትምህርትና ስልጠናዉን በተቀመጠዉ የስልጠና ጥራት ስታንዳርድ መሰረት እንዲሰለጥን አግባብነት ያለዉ ስልጠና ቅበላ መካሄዱን ለማረጋገጥ እንዲሁም ዜጎች ለትምህርትና ስልጠና የተሰጣቸዉን ፍትሃዊ ተጠቃሚነትን ለማረጋገጥ የተቋማት የስልጠና ጥራት ቁጥጥር ቡድን ከኮሌጆቹ በተሰበሰበ ሪፖርትና ማስረጃ መሰረት ጥራትና አግባብነቱን የማረጋገጥ ሥራን ይሰራል፤ በዚሁ መሰረት የስራ ክህሎትና ቴክኖሎጂ ልማት ቢሮ በሁለቱ  የመንግስት ፖሊ ቴክኒክ ኮሌጆች እና  እና በአምስት የግል ኮሌጆች በ2016 ዓ.ም የስልጠና ዘመን  የተቀበሏቸዉን ሰልጣኞች በቅበላ መመርያ መሰረት አካል ጉዳተኞችን በማካተት ቅበላዉን ስለማከናወናቸ መመዝገብ በሚገባቸዉ የሙያ ደረጃ ስለመመዝገባቸዉ ለዚሁ ሥራ በተዋቀረ የባለሙያ ቡድን ከጥር 13/2016 ዓ.ም ጀምሮ  መረጃዎችን ከኮሌጆች በማሰባሰብ  የሰልጠኝ ቅበላ የጥራት ኦዲት  ሥራዉን  በማከናወንና   ለተቋማት ግብረ-መልስ ለመስጠት በሥራ ላይ እንደሚገኝ የአሰልጣኝ ልማት እና ተቋማት ጥራት ቁጥጥር ዳይሬክቶሬት ዳይሬክተር አቶ ታሪኩ ለገሰ ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 27/2016 ዓ.ም ድሬዳዋ

“ብቃት” የወጣቶች የሥራ ላይ ልምምድ ኘሮጀክት ለተጠቃሚ ወጣቶች የሥራ አፈላለግ ክህሎት ስልጠና ኦረንቴሽን በሁለቱ የመንግስት ኮሌጆች ማለትም በድሬዳዋ ፖሊቴክኒክ እና በኢትዮ ጣሊያን ፖሊቴክኒክ ኮሌጆች ተሰጠ፤ በዚህም ወጣቶቹ ባለፉት ስድስት ወራት በኢንዱስትሪዎች ውስጥ የሥራ ላይ ልምምድ ማድረጋቸው ይታወቃል በቀጣይ ከስራ ጋር ለማስተሳሰር እንዲያስችላቸው ደግሞ ለተከታታይ አምስት ቀናት በሚወስዱት ስልጠና ሥራ የማፈላለግ ክህሎታቸውን የሚያዳብሩ ይሆናል፤ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 27/2016 ዓ.ም ድሬዳዋ

አስደሳች ዜና! የሥራና ክህሎት ሚኒስቴር በኢትዮጵያ ከተባበሩት መንግስታት የልማት ፕሮግራም እና ከዓለም አቀፉ የጀርመን ተራድኦ ድርጅት (Private Sector Development - PSD-E) ጋር በመተባበር በአይነቱ ልዩ የሆነ የውድድር መርሃ ግብብር አዘጋጅቷል፡፡ መርሃ ግብሩ በሀገራችን በተለያዩ የተፈጥሮና ሰው ሰራሽ ችግሮች ምክንያት ጉዳት የደረሰባቸውን ኢንተርፕራይዞች ወደ መደበኛ ሥራቸው እንዲገቡ በዲጂታል ስነ-ምህዳሩ ላይ መፍትሄ አለን ለሚሉ ሥራ ፈጣሪዎች የሥልጠና፣ የምክር እና የተለያዩ አገልግሎቶችን ድጋፍ እንዲሁም የመነሻ ካፒታል ማግኘት የሚያስችል ነው፡፡ በዚህ መርሃ ግብር መሳተፍ የምትፈልጉ ከዚህ በታች በምታገኙት ማስፈንጠሪያ በመጠቀም መመዝገብ የምትችሉ መሆኑን እንገልፃለን፡፡ Exciting Announcement! 🚀 The Ministry of labor and Skills, in collaboration with UNDP Ethiopia and the GIZ Private Sector Development (PSD-E) project, is thrilled to announce the official launch of the Incubation Program! 🎉 This program has been specifically designed to provide technical assistance to Digital Entrepreneurs (DEs) who are passionate about becoming solution providers for crisis-affected communities. Aspiring digital entrepreneurs, this is your chance to shine! By joining our program, you will gain access to a wide range of valuable resources and support, including technical assistance, training, mentoring, and even seed funding. We firmly believe that this comprehensive package will pave the way for transformative success stories, empowering entrepreneurs like you to make a lasting impact on crisis-affected communities. Be sure to mark your calendars as the application deadline is fast approaching on 11 February 2024. The program, set to kick off on 26 February 2024, promises to be a game-changer in your entrepreneurial journey. To secure your spot, simply click on the link below and complete the application form: https://docs.google.com/forms/d/1TLfYpyD_9nXKjeN-6Drin-xfxuafaMniTKwTfbdLSPA/edit Apply now!

🌍 ስኬታማ ጥናታዊ ጉዞ (Study Tour) በጀርመን፡ የቴክኒክና ሙያ ትምህርትና ስልጠና እና የትብብር እድሎች ዳሰሳ 🇪🇹🇩🇪 NIRAS ከኢፌዴሪ ስራና ክህሎት ሚኒስቴር እና KFW ጋር በመተባበር ያዘጋጀውና በጀርመን ሀገር የተካሄደውን የጥናት ጉዞ ጠቃሚ ተሞክሮ በጥቂቱ ላካፍላችሁ ወደድኩ። ይህ ትምህርታዊና የስራ ጉዞ በኢትዮጵያ እና በጀርመን መካከል ያለውን ትብብር በማጎልበት የቴክኒክና ሙያ ትምህርትና ስልጠና አለምን ለመቃኘት ያለመ ነው። ጥናታዊ ጉብኝታችን በመጀመሪያው ቀን በቦን፣ ጀርመን በሚገኘው UNEVOC እና bibb አስደናቂ ውይይቶችን የመካፈል እድል አግኝተናል። በእለቱም በቴክኒክና ሙያ ትምህርትና ስልጠና፣ የስራ እድል ፈጠራ እና የሁለቱ ሀገራት የትብብር መንገዶች ላይ በተለያዩ ርዕሰ ጉዳዮች ላይ ግንዛቤ ያላቸው ገለጻዎችና አበረታች ውይይቶች ተካሂደዋል። የአለም አቀፍ የቴክኒክና ሙያ ትምህርትና ስልጠና ማዕከል በሆነው UNEVOC የተደረገው ጉብኝት በቴክኒክና ሙያ ትምህርትና ሥልጠና ዓለም አቀፍ ምርጥ ተሞክሮዎችን በተመለከተ ጠቃሚ ግንዛቤዎችን አግኝተንበታል። በተለይም የራሳችንን የቴክኒክና ሙያ ትምህርትና ሥልጠና ሥርዓት ለማጎልበት ከሀገረ- ጀርመን ሊለምዱ እና ሊተገበሩ የሚችሉ አዳዲስ አካሄዶችን ለመዳሰስ እድሉን አግኝተናል። የጀርመኑ የፌዴራል ሙያ ትምህርትና ስልጠና ኢንስቲትዩት bibb ላይ የተካሄዱት ውይይቶችም በተመሳሳይ ትልቅ ትምህርት የሰጡ ነበሩ። በሥርዓተ ትምህርት ዝግጅት፣ ከኢንዱስትሪዎች ጋር ስለዘረጓቸው ሽርክናዎች እና በቴክኒክና ሙያ ትምህርትና ሥልጠና አማካኝነት የሥራ ገበያን ፍላጎት በማሟላት ረገድ ስላሏቸው ልምዶች ውይይት አድርገናል። በተለይም የቢአይቢቢ ባለሙያዎችና አመራሮች የቴክኒክና ሙያ ትምህርት ስልጠናን ዘመኑ ከደረሰበት ቴክኖሎጂ አኳያ በመቅረጽ ረገድ ያላቸው የፈጠራ ሀሳብና ለትግበራው የሚያሳዩት ቁርጠኝነት የሚደነቅ ነበር። በጥናት ጉብኝቱ ወቅት የትምህርት ሚኒስቴርን፣ የንግድና ዘርፍ ማኅበራት ምክር ቤትን፣ የቻንስለር ሚኒስቴርን ጨምሮ በባቫሪያ የሚገኙ ሌሎች ተቋማትን ጨምሮ የተለያዩ ታዋቂ ተቋማትን ጎብኝተናል። እነዚህ ጉብኝቶች በጀርመን ስላለው የቴክኒክና ሙያ ትምህርትና ሥልጠና ገጽታ አጠቃላይ ግንዛቤን እንድንጨብጥ እና የትብብር መስኮችን እንድንመረምር አስችሎናል። በተመሳሳይ የተለያዩ የቴክኒክና ሙያ ትምህርትና ሥልጠና ተቋማትን በግልም ሆነ በመንግሥት ባለቤትነት የተያዙ እንዲሁም የኢንተርፕራይዞች መፈልፈያ ማዕከላትን ለመጎብኘት ጥሩ አጋጣሚ አግኝተናል። ተቋማቱ በምን አግባብ ተማሪዎችን ለስራ ገበያው እያዘጋጁ እና ስራ ፈጣሪነትን እያሳደጉ መሆናቸውን ማየታችን ሌላኛው ጠቃሚ ተሞክሮ ነበር። በአጠቃላይ ይህ የጥናት ጉዞ በኢትዮጵያና በጀርመን መካከል በቴክኒክና ሙያ ትምህርትና ሥልጠና ዘርፍ አዳዲስ የትብብር መንገዶችን ከፍቷል። ለኢትዮጵያ የቴክኒክና ሙያ ትምህርትና ሥልጠና ሥርዓት መጎልበትና ለወጣቶች ዘላቂ የሥራ ዕድል ለመፍጠር የሚያግዙ አዳዲስ አመለካከቶችን፣ አዳዲስ ሀሳቦችን እና ተግባራዊ ግንዛቤዎችን ሰጥቶናል። ለተከታታይ 7 ቀናት ያካሄድነው ጥናታዊ ጉዞ በኢትዮጵያ የክህሎት ልማትን ለማሳደግ እና አለም አቀፍ አጋርነትን ለማሳደግ ትልቅ ልምድና እውቀት የተቀሰመበት ነበር። ጥር 25/2016 ዓ.ም ሙኒክ - ጀርመን Via Robel Getachew Head of Dire Dawa BoLS

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የመንግስት ሰራተኞች  የብልፅግና ፓርቲ  መሠረታዊ ድርጅት የ2016 ዓ.ም የሁለተኛ ሩብ አመት ኮንፈረንስ በደማቅ ሁኔታ ተካሄደ። በተካሄደው ኮንፈረንስ ፕሮግራም ላይ የመክፈቻ ንግግር ያደረጉት አቶ አሚን አብዱላሂ  እንዳሉት መሠረታዊ ድርጅቱ ባለፉት 6 ወራት በርካታ የፖለቲካ ስራዎች መከናወናቸውን ገልፀው  በተለይ ደግሞ ከመንግስት ስራ አፈፃፀም ጋር በተያያዘ የተገኘው ውጤታማ አፈጻጸም በጥምረት መቅረቡ ፖለቲካውን ህብረተሰቡን የሚጠቅም ተጨባጭ ስራ ለመስራት  ወሳኝ ሚና እንዲጫወት አድርጎታል ብለዋል። በኮንፈረንሱ ፕሮግራም ላይ የመሠረታዊ ድርጅቱ የስድስት ወር የዕቅድ ክንውን ሪፖርት፣ የቀጣይ 6 ወር እቅድ፣ የኢንስፔክሽንና ስነ ምግባር ሪፖርት ቀርቦ ሰፉ ውይይት ተደርጎበት በአባላቱ በሙሉ ድምፅ የፀደቀ ሲሆን        በመጨረሻም የእጩነት ጊዜያቸውን ያጠናቀቁ አባላትን ወደ ሙሉ አባልነት በማሸጋገር እና የቀጣይ 6 ወራት መሠረታዊ ድርጅቱ እና  የህዋስ አደረጃጀትን የሚመሩ የመሠረታዊ ድርጅትና ህዋስ አመራር ምርጫን በዴሞክራሲያዊ መንገድ  በማከናወን  ፕሮግራሙ ተጠናቋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 25/2016 ዓ.ም ድሬዳዋ

ለሴት አሰልጣኝ መምህራንና ባለሙያዎች የአቅም ግንባታ ስልጠና ተሰጠ፤ በድሬዳዋ አስተዳደር የሥራ ክህሎትና ቴክኖሎጂ ልማት ቢሮ ስር የሚገኘው ቴክኒክና ሙያ ትምህርትና ስልጠና ኤጀንሲ የአሰልጣኝ ልማትና ተቋማት ጥራት ቁጥጥር ዳይሬክቶሬት ለሴት የኮሌጆች አሰልጣኝ መምህራንና ለኤጀንሲው ባለሙያዎች አቅም ለማሳደግ የሚያስችሉ የተለያዩ ርዕሰ ጉዳዮች ላይ ከድሬዳዋ ዩኒቨርሲቲ በመጡ አሰልጣኞች መስጠት ተቸሏል፡፡ በዚህም ስልጠናው በኮሌጆችና በኤጀንሲው የሚገኙ አሰልጣኝ መምህራንና ባለሙያዎች ከማይንድ ሴት እስከ አመራርነት ባሉ ሃሳቦችና ተሞክሮዎችን የተመለከቱ ሲሆን ከዚህ ባለፈ የእርስበርስ ግንኙነትን ሊያጠናክሩና ወደ መጡበት ተቋም ሲለሱ ግብ ተኮር የሆነ ውጤት የሚያስገኝ ስራ መስራት የሚያስችላቸውንግንዛቤ እዲፈጥሩ ማስቻሉን የቢሮው ም/ኃላፊና የቴክኒክና ሙያ ትምህርትና ስልጠና ኤጀንሲ ኃላፊ የሆኑት ወ/ሮ ፈጡም ሙስጠፋ ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 24/2016 ዓ.ም ድሬዳዋ

ኢንደስትሪው ከቴክኒክና ሙያ ትምህርትና ስልጠና ዘርፍ ጋር ያለውን ግንኙነት ከፍ የሚያደርጉ በሁለትዮሽ መደጋገፍ ላይ የተመሰረቱ ስራዎች በመሰራት ላይ እንደሚገኝ ተገለጸ፤ የቴክኒክና ሙያ ትምህርትና ስልጠና አሰልጣኞች ካላቸው የትምህርትና የተቋም ውስጥ የስራ ልምድ በተጨማሪ በሙያቸው የሚጠበቅባቸውን የእውቀት፤ የክህሎት እና የሙያ ስነ-ምግባር  ከኢንዱስትሪው እንዲቀስሙ እንዲሁም በኢንዱስትሪ ውስጥ የቴክኖሎጂ እና የአሰራር ክፍተት ካለ ችግሩን በመፍታት ከኢንዱስትሪው ጋር መልካም ግንኙነት እና ታማኝነትን ለመፍጠር   የአሰልጣኞች ኢንዱስትሪ ውስጥ ቆይታ  /TVT TRAINERS INDUSTRY ATTACHMENT/ ይተገበራል፤፤ በዚህም መሰረት የአሰልጣኝ ልማትና ተቋማት ጥራት ቁጥጥር ዳይሬክቶሬት የአሰልጣኝ ልማት ቡድን የAUTOMOTIVE  ዘርፍ አሰልጣኝ መምህራን ውስጥ  በMOENCO ድሬደዋ ቅርንጫፍ ላፉት 20ቀናት ቆይታ ሲያደርጉ ቆይተዋል፤ በዚህ ቆይታቸውም 1.  A,B,C,D -Maintenance Service 2.  Diagnosing ABS,Motor,AT 3.  EFI-OBD Operation 4.  AT/EC Diagnostic እና ሌሎችም በዘርፉ በ21ኛው ክ/ዘ የተደረሰበት ክህሎት፤እውቀት እና የኢንዱስትሪውን የስራ ባህል ማግነጥ መቻላቸውን በተደረገው ምልከታ መገንዘብ የተቻለ ሲሆን፤ የካምፓኒው  ሃላፊዎችም እና አስተባባሪዎችም የአሰልጣኞች  ያላቸውን ክህሎት እያካፈሉ መሆኑን ይህ ግንኙነትም በተለይ ለሰልጣኞች የስራ እድል ምችችት በር ከፋች መሆኑን ገልፀዋል፤፤ የካምፓኒው አመራሮች የዘርፉን ስትራቴጂ በመረዳት አሰልጣኞቹን ተቀብለው እያደረጉ ላሉት የቴክኖሎጂ እና እውቀት ሽግግር በዘርፉ ያለን የስልጠና ጥራት እና የኢንዱስትሪውን ተረካቢነት እያረጋገጠ ያለ ቅንጅታዊ አሰራር መሆኑን አቶ ታሪኩ ለገሰ  ለካምፓኒውና ለባለሙያዎቹ  ምስጋና አቅርበው  ውጤታማ የሆነ ቀሪው ጊዜ እንዲኖራቸው አሳውቀዋል ፤፤ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 21/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የሰልጣኝ ልማትና ተቋማት አቅም ግንባታ ዳይሬክቶሬት አዲሱን የዘርፉን ፖሊሲና ስትራቴጂ መሰረት በማድረግ የተቋማት አቅም ለማሳደግ እንዲያስችል ለሁለቱ የመንግስትና የግል ኮሌጆች የዲፓርመንት ተጠሪዎች፣ የስልጠና አስተባበሪዎች እንዲሁም ለኤጀንሲው ባለሙያዎች የግንዛቤ ማስጨበጫ ስልጠና ሰጠ፡፡ በዚህም ኮሌጆቹ አዲሱን የዘርፉን ፖሊሲና ስትራቴጂ የትግበራ ደረጃ ከፍ ለማድረግ እንዲያስችል ከዚህ በሚከተሉት ዋናዋና የትግበራ ማንዋሎች ላይ ስልጠና ተሰጥቷል፡፡ 1. Technical and Vocational Training (TVT) Green TVT Guideline፤ 2. Assessment and Certification Management Manual፤ 3. የቴክኒክና ሙያ ስልጠና ዘርፍ የሙያ ደረጃ አዘገጃጀትና ትግበራ ማኑዋል፤ 4. VOCATIONAL GUIDANCE AND COUNSELING GUIDELINE FOR ETHIOPIAN TVT፤ 5. የቴክኒክና ሙያ ስልጠና ተቋማት አመታዊ የውድድርና ደረጃ መወሰኛ  ማኑዋል፤ 6. የትብብር ስልጠና ማስተግበሪያ ማኑዋል፤ 7. Occupational Competence Assessment Tool Development Manual፤ በመሆኑም የስልጠና ተቋማት በአዲሱ የቴክኒክና ሙያ ትምህርትና ስልጠና ፖሊሲና ስትራቴጂ መሰረት ሰልጣኞችን ለማሰልጠንና ዘርፉን ተመራጭ በሆነ መልኩ ዜጎችን ለማገልገል እንዲያስችል ታሳቢ ያደረገ የአቅም ገንባታ ስልጠና መስጠቱ አስፈላጊ በመሆኑ ይህ ስልጠና መዘጋጀቱን የሰልጣኝ ልማትና ተቋማት አቅም ግንባታ ዳይሬክቶሬት ዳይሬክተር አቶ ጀማል አደም ተናግረዋል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 20/2016 ዓ.ም ድሬዳዋ