Тўрақўрғон тумани ҳокимлиги |расмий канали

#ҳоким_ва_ёшлар Тўрақўрғон тумани ҳокими барча маҳаллаларда ёшлар билан учрашиб, уларнинг мурожаатларини тинглаб келмоқда. Йигит-қизларга бундай мулоқотлар давомида яхши ўқиш, касб-ҳунар эгаллаш, ўз орзу-мақсадлари йўлида изланишдан тўхтамай, муаммоларни енгиш учун фақат олдинга қадам босиш тавсиялари ҳам берилмоқда. Мозоркўҳна маҳалласидаги учрашувда ҳоким Аҳрорбек Мансуровга Тошкент давлат техника университети 4-босқич талабаси Жавоҳир Давронбоев ўқиш билан бирга ишлаш мақсади борлигини, Муҳриддин Файзуллаев чет тилини ўрганиши учун моддий ёрдам зарурлиги, Салима Юсупова узоқ муддатга ажратиб берилган ерни қулайроқ жойдан алмаштиришни баён этишди. Мурожаатлар шу ернинг ўзида ечимини топди. Масъулларга ижроси юклатилди.

Suv resurslaridan oqilona foydalanish burchimizdir. Qurilish nazorat inspeksiyasi matbuot xizmati

“Логопед+мед” маркази болалар келажаги учун Кўплаб касалликларнинг шаклланиши инсонларнинг болалик даври билан бевосита боғлиқ. Хусусан, ўғил-қизлардаги дудуқланиш ёки нутқий бузилишларга ўз вақтида эътибор қаратилмаса, бир умрлик нуқсонларга сабаб бўлиши мумкин. Тўрақўрғон туманида 2 та кўп тармоқли махсус мактабгача таълим ташкилотлари бўлиб, унда таянч-ҳаракат, нутқида муаммоси бор 70 нафардан болалар тарбияланади. Бироқ, статистик маълумотлар талаффузда тенгдошларидан орқада қолаётган фарзандлар сони бирмунча кўпроқлигини билдирмоқда. Наманган давлат университетининг мактабгача таълим ҳамда дефектолог йўналиши бўйича тамомлаган Дилшода Маҳмуджонова “Логопед+мед” марказини очиб, унда нутқ ривожланиши, талаффузнинг бузилиши каби муаммоси бор болаларга ёрдам бериш ташаббуси билан чиқди. Маданият марказида ташкилланган марказнинг тақдимот маросимида туман ҳокими Аҳрорбек Мансуров, туман прокурори Аҳмадхон Юсупов, нуронийлар, умумтаълим мактаблари ва мактабгача таълим ташкилотлари раҳбарлари иштирок этдилар. Эътиборлиси, бола бу ерда мактаб фанларини ўқиши, мактабга тайёрланиши ва машғулотларда иштирок этиши учун барча шароитлар яратилган.

Бугун оилавий қадриятларни мустаҳкамлаш куни Туман  ҳокимининг  ўринбосари, Оила ва хотин-қизлар бўлими бошлиғи Ҳаётхон Маҳмудова раҳбарлигида ҳудудлардан келган ажрим ёқасидаги 18 та оилалар ўрганиб чиқилди. Сабаблар суриштирилганда оиладаги моддий етишмовчилик, оила етакчисининг бирор жойда ишламаслиги важидан жанжаллар келиб чиққан. Уларга бўш иш ўринлари, бошқа имкониятлар ҳақида маълумот берилди. 8 та оилага  бир-бирларини тушуниб олишлари учун муҳлат берилди. 1 нафар келинга даволанишга  ёрдам берилди. 3 та оила яраштиришга эришилди.

Sayt | Telegram | Instagram | Facebook |Twitter | YouTube

#Семинар Такрорий экин: аҳоли бандлиги, даромади, қолаверса, экспорт ҳажмининг ортиши демак Айни кунларда вилоятимизда ғалла ҳосилини йиғиштириб олиш жараёни якуний босқичга яқинлашмоқда. Навбатдаги вазифа бўшаган майдонларга такрорий экин экиш орқали ишсиз аҳолининг бандлигини таъминлаш ва озиқ-овқат маҳсулотлари заҳирасини янада кўпайтиришдан иборат. Тўрақўрғон туманида шу  масалага бағишланган вилоят семинари бўлиб ўтди. Унда Наманган  вилояти ҳокими Шавкатжон Абдураззоқов кун тартибидаги масалага атрофлича тўхталиб, масъуллар олдида турган вазифаларни белгилаб берди.

Жорий йилда вилоят бўйича эртаки экинлар ва ғалладан бўшаган жами 73 555 гектар майдонга такрорий экин экиш режалаштирилган. Ер ажратишда ижтимоий дафтарларга киритилганлар, хусусан, эҳтиёжмандлар, ёшлар, ишсиз хотин-қизлар, миграциядан қайтган фуқароларга алоҳида эътибор қаратилади.

Ушбу масаланинг ғоят долзарблигини ҳисобга олиб, вилоят ҳокими раҳбарлигида штаб ташкил этилди ва ҳолат доимий мониторинг қилиб борилади. Семинар иштирокчиларига Тўрақўрғон туманида ердан самарали фойдаланиш, айниқса, деҳқончиликда томчилатиб суғориш  тажрибаси оммалашгани амалий кўрсатилди. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube