Тўрақўрғон тумани ҳокимлиги |расмий канали

🇺🇿🇺🇿🇺🇿O‘zbekistonda mahalla raisini saylash jarayonlariga o'zgartirishlar kiritilmoqda. Nimalar o'zgaradi? — Endi mahalla raisligiga nomzodlar tegishli hudud aholisining kamida 10 foizi kiritgan takliflari asosida shakllantiriladi; — Mahalla raisining vakolat muddati 3 yildan 5 yilga uzaytiriladi. Batafsil 👉videoda ➡️Rus tilida YUKSALISH HARAKATI

Ўзбекистон Республикаси Президентининг "Олий таълим ташкилотларига ўқишга қабул қилиш ва давлат буюртмасини жойлаштириш тизимини такомиллаштириш тўғрисида"ги Фармони — Указ Президента Республики Узбекистан "О совершенствовании системы приема на учебу в высшие образовательные организации и размещения государственного заказа" Prezident.uz|Facebook|Instagram|YouTube|X

✅ Мактаб-муқаддас даргоҳ. Олиму фузалоларни тайёрлаган мўътабар маскан. 🔰ММТБ га қарашли 51-умумий ўрта таълим мактабида  «Сўнгги қўнғироқ тадбири»  кўтаринки руҳда ўтказилди. ❇️ Тўрақўрғон тумани ҳокимининг Оила ва хотин-қизлар масалалари бўйича ўринбосари Ҳаётхон Махмудова тадбирни очиб берди. Битирувчи ёшларга ўз тилакларини билдириб, ота-оналар,устозлар ҳамда ўқувчиларни туман ҳокимлигининг Фахрий ёрлиқ ва эсдалик совғалари билан тақдирлади.

Оқ йўл, битирувчилар! Тўрақўрғон туманида ҳам барча  умумтаълим мактабларида "Сўнгги қўнғироқ" тадбирлари бўлиб ўтди. Билим даргоҳларини бу йил 2791 нафар ёшлар тамомламоқдалар. Уларнинг 93 нафари муддатидан олдин олий таълим муассасаларига ўқишга кирган. Яна бир қувончли хабар: битирувчиларнинг 39 нафари олтин, 10 нафари кумуш медалларга лойиқ кўрилган. Соҳилобод маҳалласида жойлашган 23-умумтаълим мактабидаги "Сўнгги қўнғироқ" тадбирида туман ҳокими Аҳрорбек Мансуров иштирок этди. -Ҳеч қачон унутманг, келажакда сизни янада улкан ва масъулиятли марралар кутмоқда,- деди туман раҳбари битирувчиларга оқ йўл тилаб. Тадбирда ўқув йили давомида турли танлов ва фан олимпиадаларида муваффақиятларга эришган ўқувчилар ва уларнинг устозлари муносиб тақдирланди.

Гуллар байрамига келсангиз гар "Афсона"га кирмай кетманг! 63-Халқаро гуллар фестивали "Афсоналар водийси" да қандай ўтаётганини, у ердаги кайфиятни ва атракционларда қандай адриналин борлигини максимал даражада бир видеога жамладик. Кўриб кайфиятингиз кўтарилиши аниқ. Сиз ҳам келинг, кўринг, завқ олинг.  "Афсоналар водийси" сизни кутмоқда. @bizningnamangan

🇺🇿Мирзиёев мактаб 🇺🇿 битирувчиларини табриклади “Бугун ўз билим ва истеъдоди, куч-ғайратини Янги Ўзбекистон бунёдкори, жонажон юртимизга муносиб фарзанд бўлишдек эзгу мақсадга бахш этишга бел боғлаган сизлар каби навқирон ёшларни мактаб таълимини муваффақиятли тугатаётганингиз билан чин қалбимдан самимий табриклайман”, дейилган табрикда.

Xitoy ommaviy axborot vositalari Namanganda o'tayotgan 63-xalqaro gullar festivali haqida yozmoqda Batafsil Батафсил Telegram Русский | English | Facebook | Twitter | YouTube

Эълон! Тўрақўрғон тумани ҳокимининг навбатдаги оммавий сайёр қабули 25 май, шанба куни Чорбоғ МФЙ биносида 9.00 дан 12.00 гача бўлиб ўтади.

Тўрақўрғондаги 21-сонли кўп тармоқли ихтисослаштирилган давлат мактабгача таълим ташкилотида “Педагогик-коучинг” ҳамкорлик фаолиятини ташкил этиш ва унга раҳбарлик қилиш мавзусида семинар-тренинг ўтди. Анжуман иши ташкилот директори Наргиса Юлдашеванинг мавзу доирасида олиб бораётган ишлари билан танишишдан бошланди. Вилоятдаги барча туманлардан келган мутахассислар - МТТ директорлари, услубчилари ва дефектологлар гуруҳлардаги таълимий фаолиятни кузатдилар. Билдирилган мулоҳазаларда муассаса раҳбари томонидан олиб борилган ҳамкорлик фаолияти юқори баҳоланиб, натижаларни янада ривожлантириш хусусида таклифлар берилди. Маълумот ўрнида: "Педагогик-коучинг" (инглизча мураббийлик - ўқитиш) ҳамкорлиги педагоглар ўртасида ўзаро касбий малакани ошириш, тажриба алмашиш, инновацион ғоялар, янги илғор педагогик технологиялар асосида ишлаш кўникмаларини ошириш каби ишларни ташкиллаш мақсадида ишлаб чиқилган. Бунда ёш мутахассис устози раҳбарлигида маҳоратини ошириб боради.