Қуръон оятлари ва хадислар
Більше
327
Підписники
+124 години
+67 днів
+2330 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
Ташвиш ва ғам пайтида қилинадиган мустажоб дуо
روى الشيخ الكفعمي في كتاب البلد الامين دعاء عن الامام زين العابدين، وقال: روى عنه هذا الدّعاء مقاتل بن سليمان، وقال: مَنْ دعا به مائة مرّة فلم يجب له فليلعن مقاتلاً، والدّعاء هو:
اِلـهي كَيْفَ اَدْعُوكَ واَنَا اَنَا وَكَيْفَ اَقْطَعُ رَجائي مِنْكَ واَنْتَ اَنْتَ،
اِلـهي اِذا لَمْ اَسْاَلْكَ فَتُعْطيني فَمَنْ ذَا الَّذي اَسْأَلُهُ فَيُعْطيني،
اِلـهي اِذا لَمْ اَدْعُكَ فَتَسْتَجيبَ لي فَمَنْ ذَا الَّذي اَدْعُوهُ فَيَسْتَجيبَ لي،
اِلـهي اِذا لَمْ اَتَضرَّعْ اِلَيْكَ فَتَرْحَمْني فَمَنْ ذَا الَّذي اَتَضرَّعُ اِلَيْهِ فَيَرْحَمُني،
اِلـهي فَكَما فَلَقْتَ الْبَحْرَ لِمُوسى عَلَيْهِ السَّلامُ وَنَجَّيْتَهُ اَسْاَلُكَ اَنْ تُصَلِّيَ عَلى مُحَمَّد وَآلِهِ واَنْ تُنَجِّيَني مِمّا اَنَا فيهِ وَتُفَرِّجَ عَنّي فَرَجاً عاجِلاً غَيْرَ آجِل بِفَضْلِكَ وَرَحْمَتِكَ يا اَرْحَمَ الرّاحِمينَ
Дуонинг кўплик сийғадагиси:
"اِلهي فَكَما فَلَقْتَ الْبَحْرَ لِمُوسى عَلَيْهِ السَّلامُ وَنَجَّيْتَهُ نَسْاَلُكَ اَنْ تُصَلِّيَ عَلى مُحَمَّد وَآلِهِ واَنْ تُنَجِّيَنا مِمّا نحن فيهِ وَتُفَرِّجَ عَنّا فَرَجاً عاجِلاً غَيْرَ آجِل بِفَضْلِكَ وَرَحْمَتِكَ، يا اَرْحَمَ الرّاحِمينَ
Шайх Кафъамий имом Занулобидиндан бир дуо нақл қилган. Бу дуони у кишидан Муқотил ибн Сулаймон ҳам ривоят қилган: «Ким бу дуони юз марта қилсаю, ижобат бўлмаса, Муқотилни лаънатлайверсин», деган.
Дуо қуйидагича:
«Илоҳий, мен мен бўлиб (шу туришимда) қандай қилиб Сенга дуо қилай ва Сен Сен бўла туриб, қандай қилиб Сендан умид узай?!
Илоҳий, агар Сендан сўрамасам, Сен менга бермасанг, мен кимдан сўрайману ким менга ато этади?!
Илоҳий, агар Сенга дуо қилмасам, Сен менга ижобат қилмасанг, кимга дуо қиламану, ким менга ижобат қилади?!
Илоҳий, агар Сенга тазарруъ қилмасам, Сен менга раҳм қилмасанг, кимга тазарруъ қиламану, ким менга раҳм қилади?!
Илоҳий, Мусо алайҳиссалломга денгизни ёриб, унга нажот берганинг каби Муҳаммад алайҳиссаллом ва у зотнинг аҳли оилаларига салавот йўллашингни ва мени ҳозирги ҳолимдан қутқаришингни ҳамда фазлу раҳматинг билан менга кечиктирмасдан тез кушойиш беришингни сўрайман».
Дуонинг кўплик сийғаси:
Илоҳий, Мусо алайҳиссалломга денгизни ёриб, унга нажот берганинг каби Муҳаммад алайҳиссаллом ва у зотнинг аҳли оилаларига салавот йўллашингни ва бизни ҳозирги ҳолимиздан қуқтаришингни ҳамда фазлу раҳматинг билан бизга кечиктирмасдан тез кушойиш беришингни сўраймиз».
Ҳозир ҳам дуога муҳтожмиз, ҳамма эшиклар ёпилганда ҳам Аллоҳ таолонинг даргоҳи очиқ. Борлиқда Унинг иродасидан ташқари иш йўқ. Унинг иродаси барча хоҳишлардан устун. У Зот дуоларни ижобат қилади.
Сабаблар билан бўлиб дуо унутилмайди, дуо билан чекланиб сабабларга бепарво бўлинмайди. Барча ишларда сабабларни ишга солиш билан бирга ёлғиз Аллоҳ таолога суянайлик, Унга ёлворайлик, Ундан сўрайлик, албатта ижобат бўлади. Дуо одобларига риоя қилган ҳолда илтижода бўлайлик.
Уламолар айтишича, ушбу дуонинг ижобати тажрибада кўп кўрилган. Юзлаб, минглаб кишилар бу дуонинг фазилатини ўз ҳаётида кўрган.
@quronoyatlarivahadislar
ЎТЯПТИ УМР
Аллоҳимга минг бора шукур,
Фарзин қилиб, олайлик ҳузур,
Дил оғритсак, сўрайлик узр,
Ёлғонларда, ўтяпти умр.
Ризқ берилди бизга Аллоҳдан,
Қадрдоним кошонамиздан,
Нелар бўлса пешонагиздан,
Ёлғонларда, ўтяпти умр.
Меҳр беринг, топингиз имкон,
Иноқ-тотув яшангиз ҳар он,
Қаранг бунча яхшидур замон,
Ёлғонларда, ўтяпти умр.
Бир-бирмиз қилмайлик эрмак,
Ҳар бир сония ғанимат демак,
Бахтли бўлиб яшанг сиз ўрнак,
Ёлғонларда, ўтяпти умр.
Жаҳл қилса, сизга дўқ уриб,
Индамайин қўйингда кулиб,
Аллоҳим бор, кўрибди туриб,
Ёлғонларда, ўтяпти умр.
Бирингиз қош, бирингиз киприк,
Бирингизга бирингиз кўприк,
Кўнглингизга туширманг ҳадик,
Ёлғонларда, ўтяпти умр.
Тақдир ёзиб қўйилган бўлса,
Бўғзингга жон тиқилиб турса,
Тушунади кимдур ўлса,
Ёлғонларда, ўтяпти умр.
Бу дунё ҳам фоний эмасдур,
Кетканлар ҳам қайта келмасдур,
Гуноҳлар кўп, сўрайлик узр,
Ёлғонларда, ўтяпти умр.
🌹🌹🌹
@quronoyatlarivahadislar
Фото недоступнеДивитись в Telegram
«Одамлар сенга қандай муомала қилса, сен ҳам уларга шундай муомала қил» деган гап ғирт хатодир. Бу ҳақда Аббос ал Аққод қуйидаги ажойиб сўзни айтган эканлар: «Одамлар орасида ёлғончи, хиёнатчи ва фирибгар кимсалар бор. Буларнинг барчасига шунга яраша муомала қилсанг, ўша айбларнинг барчасини ўзингда жамлаб, энг нобакор кимсага айланасан. Шунинг учун одамлар сенга қандай муомала қилишини хоҳласанг, сен ҳам уларга шундай муомалада бўл».
@quronoyatlarivahadislar
ТАСБЕҲ НАМОЗИ
Икриманинг Абдуллоҳ ибн Аббос розияллоҳу анҳумодан ривоят қилишича, Расулуллоҳ соллаллоҳу алайҳи васаллам Аббосга қарата: «Эй амаки! Сизга бермайми? Сизга ўргатмайми?» деган сўзларни зикр қилиб, сўнг бундай дедилар: «Тўрт ракат намоз ўқийсиз. Ҳар ракатда Фотиҳани ва бошқа бир сурани ўқийсиз. Биринчи ракатда қироатдан сўнг қиёмда «Субҳаналлоҳи валҳамду лиллаҳи ва ла илаҳа иллаллоҳу валлоҳу акбар» тасбеҳларини ўн беш марта айтасиз. Сўнгра рукуъга борасиз ва рукуъда турганингизда мазкур тасбеҳларни ўн бор айтасиз. Кейин бошингизни рукуъдан кўтарган вақтда ҳам яна тасбеҳларни ўн марта айтасиз.
Сўнг саждага борасиз. Саждада турганингизда яна мазкур тасбеҳларни ўн бор қайтарасиз. Сўнг бошингизни саждадан кўтариб, яна мазкур тасбеҳларни ўн бор айтасиз, сўнг яна сажда қиласиз ва унда яна ўн бор тасбеҳ айтасиз, сўнг бошингизни саждадан кўтариб, тик бўлишингиздан олдин яна ўн марта тасбеҳ айтасиз. Бу айтилган тасбеҳларнинг умумий адади етмиш бешта бўлади. Тўрт ракатни шу тахлитда адо этасиз. Агар бу намозни бир кунда бир марта адо этишга қодир бўлсангиз, уни адо этинг. Агар бир кунда адо этишга қодир бўлмасангиз, жума куни бир марта ўқинг. Агар жума кунида адо этишга қодир бўлмасангиз, уни бир ойда бир ўқинг. Агар бунга қодир бўлмасангиз, уни бир йилда бир бор адо этинг. Бунга ҳам имкон бўлмаса, умрингиз давомида бир бор «тасбеҳ» намози ўқиб қўйинг».
“Мўминнинг меърожи” китоби
@quronoyatlarivahadislar
АЛЛОХ ТАОЛО “Нур” сураси 30-31-оятларида марҳамат қилади :
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ
Мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима ҳунар қилаётганларидан ўта хабардордир.
Имом Бухорий ривоят қилган ҳадисда Набий соллаллоҳу алайҳи васаллам қуйидагиларни айтадилар: «Одам боласига зинодан бўлган насибаси ёзилгандир. Икки кўзнинг зиноси назар солишдир. Тилнинг зиноси гапиришдир. Икки қулоқнинг зиноси эшитишдир. Икки қўлнинг зиноси ушлашдир. Икки оёқнинг зиноси юриб боришдир. Нафс орзу ва иштаҳа қилади, фарж эса уни ё тасдиқлайди, ё ёлғонга чиқаради».
Мусулмон эркак номаҳрам аёлга қайта-қайта қарамаслиги лозим.
Бурайда розияллоҳу анҳудан ривоят қилинади: Набий соллаллоҳу алайҳи васаллам: «Эй Али, назарга назарни эргаштирма! Биринчиси фойда бўлса, иккинчиси сенга зарардир», – деганлар.
(Имом Термизий ривояти).
Дарҳақиқат, биринчи назарда зарур мақсад ҳосил бўлади. Аммо кетма-кет қараш шаҳват қўзғатади.
Бехосдан назар тушиши гуноҳ эмас.
Имом Муслим ривоят қилган ҳадисда Абдуллоҳ Бажарий розияллоҳу анҳу: «Пайғамбар соллаллоҳу алайҳи васалламдан бехосдан тушган назар ҳақида сўраган эдим, кўзимни бошқа томонга буришни амр қилдилар», - деганлар.
Исломда эркаклар номаҳрам аёлларга шаҳват назари билан қарашдан қайтарилибгина қолмай, балки бу амрга риоя этганлари учун ажру савоб ва маънавий мукофотлар ҳам ваъда қилинади.
Имом Тобарий Абдуллоҳ ибн Масъуд розияллоҳу анҳудан ривоят қилган ҳадиси қудсийда: «Албатта, (номаҳрамга) назар қилиш иблиснинг заҳарланган ўқларидан биридир. Ким Мендан қўрқиб, у (назар)ни тарк қилса, бадалига бир иймон бераманки, унинг ҳаловатини ўз қалбида топади», – дейилган.
Абу Умома розияллоҳу анҳудан ривоят қилинади: Набий соллаллоҳу алайҳи васаллам: «Қайси бир мусулмон бирорта аёлнинг зийнатларига назари тушса-ю, сўнгра кўзини олиб қочса, албатта, Аллоҳ уни шундай ибодатга алмаштирадики, унинг ҳаловатини топади», – деганлар.
(Имом Аҳмад ривояти)
@quronoyatlarivahadislar
Аллоҳ таоло унга раддия қилиб ушбу оятларни туширди.
«Балки, Биз унинг бармоқ учларини ҳам асл ҳолига келтиришга қодирмиз».
Ушбу оят Қуръони Каримнинг илмий мўъжизаларидан биридир. Тупроққа кўмилган ўлик бир муддатдан сўнг чириб битади. Қиёмат куни ўша чириб, тупроққа аралашиб кетган инсон қайта тирилишга кўпчиликнинг ишонгиси келмайди.
Аллоҳ таоло бўлса, бунга ҳайрон бўлишининг ҳожати йўқ, Мен нафақат танани, балки ўша танадаги нозик, дақиқ жойларни, чизиқларни ҳам, жумладан, бармоқ учларини ҳам, аввал қандоқ бўлса, худди шундоқ ҳолига келтираман, дейди.
Нима учун Аллоҳ бу оятда инсон аъзолари ичидан айнан бармоқ учини танлаб олди?
Инсоннинг бошқа аъзолари, бировники иккинчисиникига ўхшаши мумкин. Лекин бармоқ учлари ҳеч қачон бировники бошқа шахсникига ўхшамас экан. Бу ҳақиқатни одамлар ўтган асрга келибгина англаб етдилар. 1884 йилдан бошлаб Англияда бармоқ изидан одамларни аниқлаш бошланди. Бармоқ излари турлича бўлиб, дунёда ҳеч қачон бир кишининг бармоқ чизиқлари иккинчи шахсникига ўхшамас экан.
Бу далил Қуръоннинг ҳақиқий илоҳий китоб эканлигини яна бир бор исботлайди. Кўпчилик мазкур оят таъсиридан Ислом динини қабул қилганлар.
Одамнинг қиёмат куни қайта тирилтирилиши ҳадиси шарифда ҳам баён қилинган ва бу баённи ҳозирги замон илми тасдиқлади.
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи ва саллам:
«Икки пуфлашнинг орасида қирқ», дедилар.
«Эй, Абу Ҳурайра! Қирқ кунми?» дейишди.
«Билмайман», деди.
«Қирқ ойми?» дейишди.
«Билмайман», деди.
«Қирқ йилми?» дейишди.
«Билмайман. Сўнгра Аллоҳ осмондан сув туширади ва улар худди ўсимликлар унгандек унадилар. Инсоннинг не нарсаси бўлса, албатта, чириб кетади. Илло битта суяк чиримайди. У Ажабуз занабдир. Ана ўшандан қиёмат куни халқ таркиб қилинади», деди».
Икки шайх ривоят қилган.
Яна ўша кишидан ривоят қилинади:
«Набий соллаллоҳу алайҳи ва саллам:
«Одам боласининг ҳаммаёғини тупроқ ейди. Илло Ажабуз занабни емайди. У ўшандан халқ қилинган ва ўшандан қайта таркиб қилинади», дедилар».
Муслим ва Абу Довуд ривоят қилган.
Ажабуз занаб умуртқа поғанасининг охирида жойлашган ўта кичик ҳажмдаги суяк бўлиб ҳар қандай ҳолатда ҳам ўзгармай тураверишини ҳозирги замон илми ҳам тасдиқлади. Одам ўлиб ерга кўмилгандан кейин унинг вужуди чириб тупроққа қўшилиб кетади, куйиб кулга айланиши ёки бирор ҳайвонга ем бўлиши мумкин. Аммо мазкур Ажабуз занаб қолади. Қиёмат қоим бўлиб ёмғир ёққанда унга худди ўсимликнинг уруғига ёмғир таъсир қилиб униб чиққандек одамнинг жасади ҳам униб чиқади.
@quronouatlarivahadislar
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.