med corner's "Achieve your dream" 🩺🩵

منيش نكذب عليكم بصح انا نجحت بحسن الظن بالله 🥹🩷 ربي رحيم بزاف ادعوا في كل لحظة ، ياك انا العلوم كنت نجوز و نبكي 😂قلت منيش حنلحق و كي جيت للدار قلت لماما راحت ميدسين و بديت نبكي و ماما قاتلي مقنطيش من رحمة ربي و لحقت 🥹🫀

انا انسانة مكنتش نعرف للاحتمالاات ف 2022 برحمة ربي سبحان الله مطاحوش( شعبة رياضيات) و ف 2024 وجدتلهم مليح مليح مي هكاك و كنت ناقصة ،كي خيرت سوجي لقيت فيه احتمالات بديت نحل و تخلطتلي بقيت نصلي على الرسول صل الله عليه و سلم سبحان الله الإجابة جات من حيث لا احتسب 😭🥹🩷 علابيها جيت نحكيلكم باش نقوللكم متخافوش كي تغلطوا ولا تنساو صلوا على الرسول بيقين و قولوا لا حول ولا قوة إلا بالله

السلام عليكم جميلات جوجو بما أنو غدوا أول أيام البكلوريا حبيت نقوللكم بالتوفيق سدد الله خطاكم و تركيزكم و قلمكم و ربي يملئ قلوبكم طمئنينة و رضى ، ادعو لأخي راه معاكم و طبعا كل دعواتنا لكم و أدعولي معاكم نطلع العام ، هاذ الأسبوع أسبوع مختلط ما تسناوهش يجوز مثالي ولا غلطة راني نهدر غالبا ماشي دوما بصح راح يجيك وقت تقلق ثم تتوكل على ربي و تطمئن ثم تخمم ثم تريح ثم تجوز مادة و تتغافل انك تتفكر فيها و اسئلة يجوك ساهلين و اسئلة تتعطل فيهم شويا كلو عادي ما تخليش المثالية تقلقك و تزيدلك الستراس، ماكانش لي يدخل للباك قاري كلش وواثق 💯 و اتفكرو أنه قضية قضاء و قدر و حنا رانا شويا ناقسين فهاذ النقطة تاع التسليم لقضاء الله سبحانه هذا لي يخلينا نخمو تخمام زايد تاع زعما نلحق! زعما ندي المعدل! طبعا حنا بشر و تجينا الأفكار و الوساوس نستعيذو بالله من الشيطان الرجيم و نتوكلو على ربي، و ضكا نتوما درتو جهدكم و ان شاء الله راكم معا الرتوشات الأخيرة انتهلاو فصحتكم و ارقدو مليح و ادعو بزاف و استشعروا لطف الله بنا لي لولاه أصغر الأشياء ما نقدروش نديروها رددوا :ربِّ اشرح لي صدري ويسِّر لي أمري واحلُل عقدةً من لساني يفقهوا قولي كثرت الهدرة و نورمالمون تكونو رقدتوا كل التوفيق لكم غداً.. الله يربط على قلوبكم بالهدوء، ويفتح عليكم من واسع كرمه وفضله #امينة🩷

لا تيأس! فخزائِن اللّٰهِ أوسَعُ مِن أحلامِك🤍.

صباح الخير يا حلوين 🥹🫀 ياك مزال مفشلتوش!! و راكم تراجعو ؟ بلعقل برك متضغطوووششش على روحكم و صلوا صلاة الضحى بلاكوا تنساوهاا

❤️‍🩹❤️‍🩹

- دائمًا هناك أمل يسڪن أعماقنا، لنصل لڪل أحلامنا، لنجعلها واقعًا يبهج قلوبنا ❤️‍🩹🎓🩺

حلو مواضيع و صححو رواحكم و ديرو ملاحظاات على جهة اي حاجة غلطت فيها لونها تستحقوها بزاف

المراجعة في ايام الباك و ليلة الرعدد🩷🥹🫀

"لازال هُنالك أمَل ، حتى في اللّحظات الاخِيرة ڪن مُؤمنًا بالله ثم ثِق به ، ثم ثِق بهذا الامَل وتمسّك بِه، يارب توفيقك 🩵.

ها قد اقترب اليوم المنتظر، يوم تُترجم فيه سنوات من الجد والاجتهاد إلى فرصة لفتح أبواب المستقبل. نعلم أن التوتر يطرق الأبواب، والقلق يتسلل إلى القلوب، لكن تذكّروا دائمًا: مَن صَدَق توكُّلُه عَلى الله فِي حُصولِ شيءٍ نَاله لقد بذلتم جهدًا كبيرًا، سهرتُم، تعبتم، ضحيتم، وكل ذلك لم يذهب سدى. امتحان الباكالوريا ليس نهاية العالم، بل هو مرحلة عابرة في مسار طويل من التعلم والنضج، فكونوا واثقين بأنفسكم، واستحضروا في هذه الأيام كل ما زرعتموه طيلة سنوات دراستكم

جماعة الباك 🌸💜

💭📚 غير البارح نعقل روحي غارق وسط ملخصات العلوم، الرياضيات، الفيزياء وباقي المواد…وانا خايف من كل دقيقة تفوت. ⏳ شحال من مرة جات في بالي فكرة: “وإذا ما لحقتش؟ وإذا ما قدرتش ندير ميدسين؟” 😔 واليوم، فجأة لقيت روحي في السنة الرابعة طب 🩺🤍. كي نرجع نتفكر هذيك الأيام، ننسى كامل التعب والسهر والضغط… ونتفكر برك تلك اللحظة لي شفت فيها المعدل تاعي 17 ❤️🔥. لحظة وحدة كانت كافية تنسيني شهور كاملة من التعب. السنين لي كانت تبان طويلة فاتت في لمح البصر ✨، والصعوبات لي كانت تبان مستحيلة ولات مجرد ذكريات نحكي عليها. 🤍 الوقت راح يفوت على كل حال… فوتوه وأنتم تحاربوا على حلمكم، خير ما يفوت وأنتم نادمين على فرصة ما عطيتولهاش حقها. إلى أصحاب الباك 🎓📖: شدوا رواحكم الأيام الأخيرة، وامنوا بأنفسكم أكثر. ممكن تكونوا أقرب للحلم تاعكم أكثر مما تتخيلوا. 💪🔥 🩺محمد

"مكاش حاجة مستحيلة عند ربي " تقدر تصرا اي معجزة في دالتك و توصل علابيها نقوللكم بلاكواااا تفقدوا الامل " لا تدري لعلّ اللّه يحدث بعد ذلك أمرا " 🩷😭 كي تكرهوا روحوا غير للقران سورة يوسف سورة مريم " و هو علي هين" " وَلَا تَيْأَسُوا مِن رَّوْحِ اللَّهِ" و تان سورة الطلاق فيها " وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا "🥹 كملوا كملوا لآخر لحظة يا شطورين يا حلوين و ادعولي معاكم " جوجو 🩷"

صباح الخير: سمانة جاية هاد الوقت تكونو تجوزو فالباك 🥹 حتى انا كنت كيما نتوما يوما ما ، و الحمد لله لحقت برحمة ربي متخافوش و متتقلقوش ،و الله انا تان كنت روطار و مزالني نغلط لآخر لحظة خاصة فالعلوم 😭 سمانة أخيرة مكملتش تنفس و تخمر كنت حاصلة مع تمارين تركيب ضوئي نحل مع كتفي اكثرية مشي وحدي ، و رياضيات كنت حنبدا نحل اعداد مركبة مع نورالدين ، فيزياء كنت نحبها بصح روطار في بعض الحاجات ، كان عندي بزاف نقائص مي كنت دايما متفائلة كانت أفضل ايامي 🥹 ديروا مراجعة للشريعة و شوفوا مع بوسعادي مواضيع ، راجعو مصطلحات وين لحقتوا لحقتوا ، مدييروش روحكم في ضغط و الله ، انا انا مقتنعة ب فكرة " دغيت ،سعيت حتى و لو بقليل بإذن اللّه فيها خير" الإجابة الصحيحة رزق من عند ربي مالا متخافوش

السلام عليكم و رحمة الله و بركاته 🦋 حبيت نهدر على نقطة مهمة الباك بقالوا 7 أيام و تتهناو ، علابالي راكم خايفين و مضغوطييين و مزاالكم بزاف حاجات ، خاوتي متبقاوش تسقسوا اذا الوقت يكفيكم !! ولا لالا اتوكلوا على ربي كيما نقوللكم دايما و ديروا لي عليكم لآخر لحظة وين لحقتوا فيها بركة ، اتفكروا بلي دعيتو في ليلة القدر ، وقفة عرفة يوم الجمعة فالصلاة يعني خلاص باذن الله فيها خير و مضمونة ، خلوا يقينكم في ربي كبيييير هو الصح صدقوني توصلوا بيه مشي ب قرايتكم ❤️🌲

الفلسفة ❤️👽

‏﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّـذِينَ آَمَنُـوا صَلُّـوا عـَلَيْهِ وَسَلِّمُوا تَسْلِيمًا﴾ ‏اللَّهُمَّ صَلِّ عَلَى مُحَمَّدٍ وَآلِ مُحَمَّد 🤍.