ودَق

عرفتك في بدايات القلق والخوف والتفكير و بداياتي معك كانت بداية "توجع دْروبي " عشقتك بـ اندفاع و جيت لك كلي بلا تأخير اخاف الوقت يبْهت في لقانا " لهفتك صوبي" أرتب بالقصايد قلبي اللي خانه "التعبير " يبي يوصف من احْساسه بعض شفي ومطلوبي امان الله على قلبٍ لقى بك قسوة التهجير ولا هو قد شكى ظلمٍ يفتّق لوعة ثْقوبي ومدام إن الجرح في داخلي يحتاج له تطهير ؟ ما ابي منك الضماد اللي يطهّر كثرة نْدوبي رح بْحالك وانا بْحالي مدامك للفراق تْشير مصير الوقت ينْسيني منى قلبي و مرغوبي معك طال الغياب اللي عليه ارهقني التبذير ولاني عدت محبوبك ولا عادك بْ بمحبوبي بتلقاني بكل مفرق طريق و في يدين الغير ؟ بتعرف قيمتي والله وتفقد اصغر عْيوبي تذكر قلبي اللي ممتلي صدق و نقى وْتقدير و تذكرني ليا هب الشمال و لاحت هْبوبي فمان الله ووجهك مثل قلبك ممتلي تقصير سمحت من الهوى لاني ب اكفّر باقي ذنوبي ابنسى باقي جْروحك وابلقى في غيابك خير و ابحيي غصني الضامي واغير بالهوى ثوبي

شّروني لا بدا النور و انزاح السواد ‏ضيقة الصدر استهلّت على ميعادها ‏انا اعيش الليلة اللي مسامرها حداد ‏ما لقيت اطول من فصولها و اجهادها ‏اثقل من الزلة اللي على الضيف الحشاد ‏صدّ حشمه لـ المعزب .. لكنّه عادها ‏فيها من سيف المُهلهل و رُمح بن عُباد ‏ما يسرّك حاله .. اللي يهوز شدادها ‏ايقضت حزنً مقيم و على وسك الشداد ‏سلّ بـ ايديه الطواري و هي بـ اغمادها ‏و ألحقت سطحيّة الجرح بـ الجرح الوكاد ‏و جزعت سكينة الليل من ميرادها ‏ليلةٍ عيّت تعدي على القلب .. و تكاد ‏تذبح امال و طموحات بـ استبدادها ‏ودي إن الذكريات القديمة ما تعاد ‏و اتهنّى بـ الليالي و حلو ارقادها ‏هاقيٍ بـ مواصل العيد من ضمن العياد ‏يرحم عيونٍ من الفقد طال سهادها ! ‏اختفى حلمٍ حلمته من الواقع و باد ‏و انا كفّنت المشاعر و هي بـ مهادها ‏ما استفدت من المحبّة ولا القلب استفاد ‏سلةٍ ما تثّر .. الا على جرّادها ‏صار قلبي مثل غزة و مثل اسلام اباد ‏إن ما صبّحها المصبّح نوا مهجادها ‏كنت اشوف انه ما يثر على قلبي جماد ‏لين شفت آخر هدية و شفت ابعادها ‏ليه ؟ و انتي غاية شعور و عيون و فواد ‏ما يعيّد بـ المحبين غير عنادها ‏حتى لو منتي بـ ليلى و لا انتي بـ اعتماد ‏و انا ماني بـ قيس ولا ابن عبادها ‏صرت ألاحي كل ورقا و اغني بـ اجتهاد ‏و البلا إن جرح القصايد ؟ على قصادها ‏همت في واديٍ لحالي ماهو بـ في كل واد ‏" بين تلويحة يديها .. و امل معواااادها " :(

‏اشتقت لك حيل يالغالي ‏عسى الليالي يجيبنك ‏واستر بك يابعد حالي ‏حيث أن ظني على ظنك ‏انت اللذي بس يحلالي ‏اغليك ياالزين واحنك ‏ان غبت مايهتني بالي ‏أخشى الليالي يهدنك ‏اغليك بقفاي واقبالي ‏عواطفي لك يطيعنك ‏لو تطلب الروح والمالي ‏لاقول خذهن ويفدنك

الله يدخل الاهلي وجمهوره الجنه💚

الله يرزقكم السعاده الي انا فيها اللحين💚💚💚💚💚💚💚💚💚💚💚

مبارك عليكم الشهر❤️

‏ماتعوّدت البطا منك، كيف يصير عادي ‏ماتعوّض غيبة البدر عشر من الأهلّه .

الله من طيفٍ عن البال ما غاب ‏طيفٍ يراودني وانا في مكاني ‏ينهش معاليقي وانا بين الاصحاب ‏ويستوطن افكاري ويلجم لساني ‏ماعنه لا صده ولا عنه مجناب ‏يسوقني له مثل سوق السواني ‏حنا عرفنا وش بلا ابوك ياعقاب ‏واللي بلاه الظاهر انه .. بلاني

‏بعد مده من البعد عن شخص تحبه ، راح تكتشف ‏إنك سهل جدا تعيش من غيره وسهل تعيد ترتيب ‏يومك بدونه, مهما كان صعب التأقلم في البداية، ‏أحياناً نكتشف أننا نبالغ جدا ... في تقدير الأشخاص ‏ونعطيهم قيمة أكبر من قيمتهم الفعليه "نتيجة ‏حبنا المبالغ فيه لهم .

اللهم صلِّ وسلم على نبينا محمد

ما عاد لك من غلاي ولهفتي فكّة ‏سكرت قلبي عليك وضاع مفتاحه ‏• راشد بن سالم

‏"قُم في سكونِ اللَّيل واخضع ساجدًا سَلْ ماتشاءُ .. إنَّ ربَّكَ سامعُ" - الوتر يا أحبه

مزينك الغلا ما زينّك فضة وعقد الماس ‏كثر ماهو بمغريك الترف مغريك حبي لك ‏أراقب جيّتك واحفظ عيونك من عيون الناس ‏واجاذب خصلةٍ لوّن طوارفها دجا ليلك ‏على النجم المعتّق مستقرّك والسحاب لباس ‏ولا اشرح من مداهيل الديار إلا مداهيلك ‏يخايلك بدوّي ماهو بطرقي ولا عسّاس ‏لقى فيك الحيا اللي رد روحه في مخاييلك ‏مجيّك ما يخطْفْ انظار عشّاقك يخطْفْ انفاس ‏ولا أبرك من مجيّك يالمهاه الا مجيّي لك ‏ما مليت الدروب وكثرها لو خاطري حسّاس ‏ليا مني سريتك شوق تسري بي مواويلك ‏أنا مهما شكيت من المسافة ما شكيت الياس ‏ترا كل الدروب اللي تودّيني .. تودّي لك

الضّحى يا أوابين

" دخيل الغلا اللي راح و اللي وقف مِرتاب ‏بسمّيه عشقٍ و انت مدري وش تسميه ‏ودخيل العُيون اللي عليها الحلا جذاب ‏تشوف الولع فيهن ولا تدري وش تاليه ‏و دخيل المكان اللي جمعنا وله وأعجاب ‏إذا لي معزّه طاري البُعد لا تطريه ‏لو تشوف وضعي عندما تلتقي الأهداب ‏لك الله لو لك نيةٍ بالجفا تلغيه أنا وأنت غايب كن وسط العيون تراب ‏تنام الخلايق ولا انا النوم مالي فيه ‏ذبحني غلاك اللي سرى مثل سمّ الداب ‏طفح بالعروق وكل ماوافقه ينهيه ‏بقى قلبي اللي ماذبحته.. وهو منصاب ‏أنا ادري تستوطنه يومك مخليه ‏سكنته وهو عمره قفل بالوجيه الباب ‏انا أعرف قلبي لاعشق مارحم واليه يجي كله من أقصاه ويحب باستغراب ‏وفا فيه مامنه بالبشر ليتك تداريه ‏ترفّق على قلبٍ تلوع بك ولا تاب ‏مصيبتك تدري بس ليه المفارق ليه ‏ودخيل الجمال اللي تلتفت له الأرقاب ‏وانا اللي لفتني طبعك وجيتك مباريه ‏تمعنت فيك وجيت هايب وانا ماهّاب ‏ولا أقفيت عنك الا وانا هالقلب معطيه عليك العيون اللي بقلبي مثل غرز الناب ‏ضعيفات خلق بس ياوُيل من تنويه ‏ولك نور وجهٍ كن لك بالنجوم انساب ‏وليلٍ عجز من طول شوقي لايحكيه ‏عبث وانت مقفي تاخذ وتكسر الالباب ‏عبث جاهلٍ توّه مشى في بيت من يغليه ‏دخيلك على بعضك ولاهي بدعوة عتاب ‏تعيد النّظر في الجفا من قبل لاتبديه عليك الله أكبر وأنت حكمك شريعة غاب ‏تجيب الطعون وتجرح الخافق وتدميه ‏وأنا أمُوت فيك وصال وأمُوت فيك غياب ‏وهي موتةٍ وحده مع فارق التشبيه ‏من قال مابه موت بالحب قلت كذاب ‏جميل وبثينه ماذبحهم مرض ياهيه ‏أحبك إيه أحبك ومن حبك مالي أصحاب ‏اذا عاتبوني فيك وعتابهم ما ابيه أحبك ولا تسأل حبيبي عن الاسباب ‏انا لو اعرف اسبَاب حُبك قدرت انهيه ‏الا يامعرّض قلب مغليك لجمر لهّاب ‏تراك تفرج الهم ولو انت راعيه ‏انا بسألك هو صحيح الهوى غلّاب؟ ‏انا بنصح اللي شرواي لايمشيه ‏ومن لايحسّب بالهوى للفراق حساب ‏لك الله ماغنّى سلامٍ يبي يغنّيه ثل هلّ دمعِي وأنت رايح وطرق حجاب ‏ومثل مارمى عبدالحليم الزهَر يرميه ‏واذا فيه بكتاب النحو للفراق إعراب ‏فعو فعلٍ مطلق بي والجفا ماضيه ‏الا ليت ربي ماكتب بالغرام غياب ‏واذا فيه فرقى دخيلك قلبي لا تبتليه "

قصايدي صوبك هدفها على طوول ‏ومشاعري هي هي وقلبي هو إيّاه ‏من وين ما تشرق علي شمسك أقول ‏أصبحت أحبّك وأصبح الملك لله