انستازياا

❤️❤️❤️❤️❤️❤️❤️

في رمضان العام الماضي ألحيت بالدعاء كثيرًا على أشياء استقرت في قلبي، أدهشني تدبير الله فيما تمنيت مرة وفيما أراد -سبحانه- مرات كثيرة! وهذا العام مازال داخلي دعوات كثيرة وأمنيات سكنت ثنايا القلب، لكنني تعلمت معنى "التسليم" وأن أرخي يداي عن أي طلب بعينه، فحين يريد الله تتهيأ جميع الظروف لمشيئته تعالى، وإن منَعَ فلحكمته. ورجائي الوحيد فقط، هو أن يلطف بي فيما جرت به المقادير وليغلبن لطفه خوفي الدائم. - آمنة محمد

البرنامج اليومي للـ ٣٠ يوم رمضان ان شاء الله في ١٠ خطوات ١- الـ ٥ صلاوات في المسجد للشباب. الـ ٥ صلاوات في وقتهم بدون تأخير للبنات. ٢- السُنن الراتبة ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء ) ٣- صلاة الضحى ( بتبدأ من بعد شروق الشمس بـ ربع ساعة ... لحد قبيل أذان الظهر بـ ربع ساعة ..... أقلّها ركعتين لحد ٨ ركعات ..إنت وهمّتك ) ٤- أذكار الصباح والمساء ( أذكار الصباح بعد الفجر .... وأذكار المساء بعد العصر ... لو نسيت تقولهم في ميعادهم قولهم مجرد ما تفتكر المهم متسبهمش ) ٥- صلاة التراويح - للشباب .... في المسجد طبعًا مع الإمام.. واختار إمام يكون صوته حلو علشان تحسّ بالصلاة - للبنات ... الافضل إنك تصليها في البيت ... بس لو عاوزه تنزلي انزلي باللبس المنضبط وبكامل وقارك ... ٦- الصدقة ( جنيه واحد يوميًا ... وانت خارج من صلاة العصر اعطيه لأول سائل يقابلك ... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ... وافتكر في النهايه ان انت أحوج للصدقة وأجرها من الفقير ) ٧- عمرة أو حج أسبوعيًا ( اختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجة وعمرة تامة تامة تامة ... اعمل الموضوع ده ٤ مرات في الشهر ) ٨- قراءة القرآن - لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مرة - لأصحاب الهمم المتوسطة.. مش أقل من ٣ ختمات في الشهر ... بواقع ٣ أجزاء يوميًا .... يعني هتختم كل ١٠ أيام مرة - للمبتدئين وأصحاب المشاغل ... مش أقل من ختمة في الشهر .... بواقع جزء كل يوم فقط. ٩- الدعاء ( عندك ٣ أوقات انا مسمّيهم وقت تحقيق المعجزات ) - الربع ساعة قبل الفطار - الساعة اللي قبل الفجر - اخر ساعة بعد العصر من كل جمعة ( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق. ١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الإلهي... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوى ) -------------------- دول ١٠ خطوات .... لو داومت عليها ....خلال الـ ٣٠ يوم .... إن شاء الله هيكون أحسن رمضان عيشته في حياتك ... وهتخرج من رمضان إن شاء الله إنسان نقي تقي ... كأنك لسه مولود ... مين عارف مش جايز رمضان السنة دي هو نقطة انطلاقتك اللي كنت مستنّيها من زمان ؟ جايز.. وأخيرا أرجوا تذكير كل من تستطيع اخباره بهذه التذكرة.🤍

كيف لإنسان أن يأتي بفراشةٍ تؤنس وحدته ثم يقوم بقص أجنحتها؟

بدء العد التنازلي الأجمل في كل عام ، الله ينولنا مرادنا فى الأيام المباركه، الله يرزقنا قيام ليلة القدر يارب أعاده الله علينا باليمن والبركات يآرب 🥺

كان نفسي أقول زي النهارده بعد اربع سنين وكده واكتب كلام حلو بس الحقيقه يعني أنا مش شايفه أن فيها كمان اربع سنين. فاللهم احيني مادمت الحياة خيراً لي

"مساء الخير ، اكتشفت اني طول العمر بقسي على نفسي بنفسي ، بشد عليها طول الوقت ، متعيطيش ،لا مهو مش دلوقتي وقت الإنهيار ، لا انتي كبرتي متأفوريش ، متحكيش الناس مش هتفهمك ، دي شيلتك محدش هيشيل معاك ، فى عز مكنت تعبانه عمري ما روحت قولت أنا تعبانه ، فاكرة حد بيقولى أنا عمري ما شوفتك بتعيطي ، حتي فى عز زعلي كنت بقول عادي مش مهم مش دلوقتي ، طول الوقت كنت برفض نظرة الشفقة أو المواساة من اي حد حتي لو قريب مني ، كل مرة كنت بقع كل إلى اعرفهم كانوا بيعرفوا بعد مااقف على رجلي وده مش عشان هما وحشين بل العكس أنا إلى كنت بقول لنفسي ضعفي بتاعي لوحدي ، معرفش أنا كنت صح ولا غلط ،مش عارفه أصلا إذا كنت هعرف فى يوم أبين فعلاً ضعفي وإلى وجعني ..احكي احكي كل حاجه شايلها من زمان ، ومش عارفه هفضل كده ولا يمكن الأيام تغيرني والاقني في يوم وقعت ،، بس هل البوح فعلاً راحة ولا مسكن بعده الناس بتتوجع اكتر ، من فكرة أنها بينت أضعف نسخه منها لشخص ، مش عارفه بصراحه.)) إلى لقاء آخر

من العبادات العظيمة جدًا عبادة "حسن الظن بالله". إنك تبقى واثق إن ربنا هيحطك دايمًا في المكان الصح، وإن ربنا مش هيسيبك لوحدك أبدًا. تبقى واثق إنك مهما تُهت واتشتت فربنا في الآخر هيلطف بيك وتبقى على يقين وثقة تامة إن أقداره ليك وترتيباته أفضل من اللي انت عايزه. وافتكر دايمًا "أنا عند ظنِّ عبدي بي، إن ظنَّ خيرًا فلهُ، وإن ظنَّ شرًا فلهُ". اللهم اجبرنا جبرًا يتعجب منه أهل الأرض والسماء، اللهم اجبُرنا كأننا لم نرَ حُزنًا.