Flutter | Mahmoud Azab

بدايه شرح ال Api ويعني اي Api 🔥

انا شايف معظم الناس بتقول عايزين تدريب في شركات عشان يحسن مستواهم من الاخر مفيش شركه حاليا عايزه تعلم حد دلوقتي الشركات عايزين اللي يقدم لهم حاجه ويطور من الشركه ف الحل بقا انك متستناش انك تدرب في شركة عشان تحسن من نفسك انت شوف اي تصميم علي اي موقع وحاول تنفذه بإيدك شوف اي api مجاني واعمل تطبيق عليه مش لازم تستني واحد يقولك تعالي تدريب طور من نفسك بنفسك وبعد كده الشركات اللي هتجري وراك 🙂

شرح GetX statemanagement 🔥 ان شاء الله يكون كويس وحد يستفاد منه

م / عبدالله منصور ☄️ كنت براجع CVs الفتره اللي فاتت كتير لأكثر من position، في ناس كتير بتسأل أنا امتي أتقبل في شغل أو امتي حتي أبقي واثق إنهم هيكلموني، ممكن نلخص النقطه دي في كام كلمة .. لما تقدم علي شغل اسأل نفسك ليه ممكن يختاروك من بين كل اللي مقدمين، أو في اي عندك في ال CV بتاعك هيلفت نظر الناس ليك، في اي يميزك عن كل اللي مقدمين، لو انت بينك و بين نفسك لقيت إجابات للأسئلة دي و انت نفسك مقتنع بيها مش إجابات و خلاص، أقدر أقولك إنهم كده بنسبة كبيرة هيتواصلوا معاك و يدخلوا في hiring process، بس لازم انت نفسك تجاوب علي الأسئلة دي الأول و تكون عارف قيمة و قدر نفسك

هل تعلم عزيزي الفلاترواي ان فيه widget اسمها fractionaly sized box بتديها height factor او width factor كا نسبه وهي بتشتغل responsive من غير media query 🤯

Circle Floating action menu button

حد ضاف Firebase باستخدام Cli هنا ؟ 👻

ازاي تعرض Text ويكون Url قابل للضغط Preview Url in flutter 🍥🔥

ان شاء الله قررت اقرأ كتاب Clean Code لuncleBop وكل ماخلص جزء هنزل الملخص هنا اولا هنلخص ال Introduction اول رسمه ف الكتاب بتقول code quality Measurement : WTFs/minute يعني مالاخر كدا كل ماللي هيراجع الكود وراك يشتمك اكتر كل ماكان الكود وحش والعكس صحيح 😂😂 قالك ف جزئين عشان تتعلم الحرفيه او ال Craftsmanship 1-work 2-knowledge وال knowledge بتتقسم 4 اجزاء 1-principles 2-patterns 3-practices 4-heuristics قالك المفروض تكون طاحن الاجزاء دي مذاكره وممارسه جاب مثال زي ركوب العجل وقالك انه ممكن يعلمك الركوب من خلال انه يحسب الجاذبيه والاحتكاك ومركز الكتله وشويه معادلات بس برضه هتفضل تقع لانك عرفت الموضوع بشكل .نظري بس. الكود مش بيختلف كتير عن ركوب العجل وانه ممكن يقولك ع مبادئ كتابة ال clean code بس مش دا اللي هيمشي بيه الكتاب قالك انك تتعلم انك تكتب clean code مش سهل وانك المفروض تكتب كود كتير وتشوف ناس بتكتب كود وتغلط وتشوف ناس بتغلط وتشوفهم وهما زعلانين او بيدفعو تمن قرار غلط هما خدوه الكتاب متقسم 3 اجزاء ول جزء هيكون فيه ال principles ,patterns, practices والجزء دا هيكون فيه معلومات برمجيه كتير وهتألك للقسم التاني وكاتب ف نهايه الجمله "if you put the book down after reading the first section , good luck for you! " اللي هو كانك معملتش حاجه الجزء التاني بقا هيكون صعب وهيزيد صعوبه كل مانتعمق اكتر وعباره عن تمارين عشان نقلل المشاكل اللي ف الكود وهيتحتاج وقت ومجهود اكبر الجزء التالت عباره عن رد فعله وهو بيشوف الكود السئ اللي ف سيكشن 2 وبيحاول يصححه #cleancode #quality

عمل filter علي الصور Filter on images 🌪

#منقول نصيحة اتش ار في شركه كبيره كنت براجع CVs لحوالي ١٠٠ شخص الأيام اللي فاتت وأغلبهم Fresh grad ودي أكتر ١٠ غلطات شوفتها متكررة قولت أكتبها يمكن حد يستفيد. 1_ الايميل اللي بتحطه ف ال CV لازم يكون بروفيشنال بمعني بلاش إيميلات من نوعيه kokymody@gmail مثلا ! انت كده بتدي انطباع سئ من قبل الاتش ار ميفتح السي في احسن حاجه يكون اسمك ثنائي و ممكن معاه رقم ... وطبعا لازم يكون الايميل الشخصي مش ايميل الشغل 2_ لو هتحط صورة لازم تكون بروفيشنال برضه خلفيه ساده و يستحسن اللبس يكون بالوان محايده بتبين راسك والكتف بس و بلاش صور مفتعله( خاصه البنات) لانها بتقلل وتكاد تمحي فرصه ان حد يكلمك. 3_ استخدام لون ال black في الكتابة و افضل font تكتب بيه هو Times New Roman و size هيكون 12 وال Headlines تكون bold وممكن بلون بس بلاش ألوان فاقعة. 4_ ميكونش اكتر من صفحة صفحتين Maximum؛ اي اتش ار بيبص علي السي في مش اكتر من دقيقة او اتنين الكلام الكتير مش مطلوب الاختصار بشكل مظبوط نقطه قوه ليك 5_ لازم تكتب بياناتك كاملة و صح دا مهم جدا زي منطقة السكن ورقم الموبيل ( لازم تحط رقمك الشخصي مش شغل حالي مثلا) لان كتير بكلم ناس بيكون الرقم غلط او رقم شغل بس هو خلاص سابه ومنطقة السكن مهمة لان في شركات بتكون عايزه ناس ساكنه ف اماكن معينه و لازم تاريخ ميلادم لان في وظايف بتشترط Minimum or maximum age وبتكتب حالتك الاجتماعيه لو ولاد لازم تكتب موقفك من الجيش ايه 6_ حاليا لازم السي في يكون بالانجليزي ومينفعش يكون في اي غلطه ف الكتابه او Grammar لو مش قوي ف الانجليزي احسن تخلي حد يراجعلك عليه قبل متبعته لاي شركه دي نقطه مهمه جدا 7_ مش مستحب تعمل outlines او زي اطار للسي في ...اوال Forms اللي كلها اشكال هندسيه و قلوب و اسهم دي مش لطيفه خالص كل مكان Simple كان professional اكتر 8 _ لازم تكتب مهاراتك و تتكتب صح بدون تقليل او مبالغه عشان متحطش نفسك في موقف محرج او تضيع وقت الاتش ار برضه زي لازم تكتب مستواك ف ال English مظبوط وال computer Skills برضه لان اوظايف كتير بتكون طالبه مستوي معين منهم مينفعش يعملك انترفيو او Test وانت كانت انك Fluent in English وتطلع good مثلا !! ودا بقابله كتير 10- لو معاك رخصة سواقة إكتب ولو معاك عربية إكتب فيه شركات دلوقتي بقت بتحتاج إن المتقدمين يكون معاه رخصة سواقة. 11_ اخر حاجه لازم السي في بتاعك يكون متقسم ل sections و كل section هو القسم اللي هيندرج تحته معلومات معينة عنك الEducation مثلا وده ال Section اللي تحتيه هتكتب بيانات عن الكلية والتخصص وسنة التخرج.. و اي دبلومات او ماجستير ( الأحدث ثم الأقدم). ده الترتيب اللي متعارف عليه لمعظم الشركات

تجربه العمل علي animations 🌋🔥

في حد هنا تعامل مع Google Maps ! 🌏

اي رأيكم ابدا من Flutter من البداية ك شرح وتطبيق علي كل حاجه و يكون في اكواد تترفع علي Github الشرح هيكون من الملخص اللي عامله مع شرح من مواقع تانيه وصور 🙂🔥

Flutter Switch 🔥🌋

Flutter Slider 🔥🌋

Shimmer Effect 🍥 تستخدمها لو هتعرض داتا وقت استلام الداتا تعرضها له كشل تحميل الجايه من database