İslami Əxlaq

Bütün müstəhəbbi əməllər içərisində iki əməl var ki, bənzərsizdir. Biri İmam Hüseyn (ə.s) üçün göz yaşı tökmək, o biri gecə namazıdır. Heç bir əməl bunlara çatmaz". Ayətullah Behcət (r.ə) https://t.me/gundelik_exlaq_dersleri

🔰 Kiminlə dostluq edək? O kəslə dostluq edin ki, onu gördükdə Allahı xatırlayırsınız. Günah fikrində olanlarla və insanı Allahı xatırlamaqdan saxlayanlarla oturub-durmayın. ✍ Ayətullah Behcət (rə) https://t.me/gundelik_exlaq_dersleri

Allahın adı ilə "İnsanın ibadət və ziyarətindən ələ gətirdiyi bütün mənəvi nur və feyzlər, dil vasitəsi ilə başqalarını sancmaqla məhv olur! Şeyx Rəcəbəli Xǝyyat (r.ə). https://t.me/gundelik_exlaq_dersleri

Allahın adı ilə "İmam Hüseyn (ə) ağlamağın səbəblərindən biri də budur ki, şəhid üçün ağlamaq, insanda şəhadət ruhu yüksəldir və göz yaşının rəngi şəhidin rənginə boyanır. Belə olduqda, insan nə zülm edər, nə də zülmü qəbul edər." Əllamə Cavad Amuli. https://t.me/gundelik_exlaq_dersleri

Ayətullah Behcətdən soruşdular : " Namazı xuzu və xuşu ilə qılmağımız üçün nə edək ? Ayətullah Behcət buyurdu: "Namazdan qabaq  namazı kamil yerinə yetirmək üçün İmam Zamana  (ə.c) həqiqi təvəssül edin. Ayətullah Behcət https://t.me/gundelik_exlaq_dersleri

🌹Ayətullah Behçət: Əgər bizim Allaha olan etimadımız bir uşağın anasına olan etimadı qədər olsaydı və bilsəydik ki, Ondan hər nə istəsək verəcək, heç bir müşkülümüz olmazdı və bütün işlərimiz yolunda olardı. https://t.me/gundelik_exlaq_dersleri

Allahın adı ilə Ən pis peşə İslam Peyğəmbəri (s) buyurmuşdur: "Qazancların ən pisi sələmlə əldə edilən qazancdır!"¹ İmam Sadiq (ə) buyurmuşdur: "Allah bir milləti həlak etmək istədikdə, onların arasında sələmi aşkar edər." Qısa izah: Hal-hazırda pul müamilələrində, borcda faiz, yaxud riba və sələm dünyada adi kəsb növlərindən biri kimi qarşısı alınması mümkün olmayan qlobal problemlərdən birinə çevrilib. Bu gün sələmin ucbatından ailələri dağılanlar, özlərini oda yaxanlar, intiharlar və digər faciə və cinayətlər barədə danışmaq çətindir. Buna şərait yaradan bir çox quruluşlarda ona qarşı, demək olar, qətiyyən tədbir görülmür. Odur ki, əksər hallarda mal və sərmayə xüsusi əllərdə toplanır, cəmiyyətdə sinfi təbəqəni sürətlə artırır və xalqın məişət və iqtisadi problemlərini daha da gərginləşdirir. Halbuki İslam 1400 il bundan əvvəl belə kəsb və qazancların əleyhinə çıxaraq kəskin surətdə öz mövqeyini bildirir, ona əks olaraq möminləri daim həmrəylik və yardıma çağırır, imkanı olanlara çətinliyə düşənlərin əlindən tutmaq üçün "qərzül-həsənə" adı ilə Allah dərgahında bəyənilən "gözəl borc" müqaviləsini təklif edir. ¹. "Vəsailüş-şiə", c. 12, səh.1-2. Ayətullah Məkarim Şirazi Həyat dərsi, səh. 25 https://t.me/gundelik_exlaq_dersleri

"Ailədaxili mübahisə və çəkişmələr insanın batini nurunu aradan aparır.Az ev tapılar ki, orada söz- söhbət, dava- dalaş olmasın. Əzizlərim! Haqlı olsanız belə , mübahisə etməkdən çəkinin, bu insanda kin - küdurət yaradır." Ayətullah Fatiminiya https://t.me/gundelik_exlaq_dersleri

"Günahlar dərddir, (Allahdan) bağışlanma diləmək isə dərman. (Günah xəstəliyindən) sağalmaqsa odur ki, bir də (günaha tərəf) qayıtmayasan." İmam Əli (ə.s) 📚 Ğurarul-Hikəm, hədis 1890 . https://t.me/gundelik_exlaq_dersleri