ИШКИН ОГЛУ / ISHKIN TV

Чаа, амыр-менди! Хөй санныг дыңнакчыларымның дилээн күүседип 2025 чылда үндүрген "Ынакшыл дээрге" деп чаа альбомумну бараалгадып тур мен. Аянныг дыңналданы күзедим. Хүндүткел-биле, силерниң Ишкин оглу😎 https://vk.com/wall-227148399_14102

ЫНАКШЫЛ ДЭЭРГЕ (Премьера клипа) - ИШКИН ОГЛУ & БЕЛЛА Чонувустуң чарашсынып сонуургаан "Ынакшыл дээрге" деп ырывыска тыртырган чаа видеоклипти бараалгадып тур бис. Видео: Айдыс Ооржак Аянныг көрүлдени күзедивис.

Чаа, амыр-менди. Бистиң делегейивисти черле магадап ханмас-тыр мен. Янзы-бүрү черлерде аңгы-аңгы чоннар чурттап чоруур, оларның аразында кандыг-даа кижилер база бар. Эскерип чоруурга уран-чүүлчү кижилер чаңгыс ырызы-биле безин төрээн чүртун бүгү делегейге алдаржыдып каап болур. Чижээ, "Бесамэ мучо" деп ыры. ХХ чүс чылдың эң-не чараш ырыларының бирээзи деп санаар мен. 1941 чылда Консуэло Веласкес деп аныяк мексикан кыстың чогааткан ырызы 84 чыл эрткенде безин сценада чурттап чоруур-дур. Чоокта чаа Ишкин оглу деп тыва ыраажы база шаа-биле ырлап чыткан диди😎 Ырыны чараш самы-биле Омак Деңгээзин 🕺 база Вероника Куулар 💃 каастаан дээр чорду Бо дириг чорааш Тыва чуртумну, төрээн чонумну делегейге алдаржыдып кагзымза. (с) Ишкин оглу

Эртенгиниң мендизи-биле. Статистика ёзугаар Делегейде 1 хүнде ортумаа-биле 150-160 муң өлүп турар дээр, үеже шилчидер болза 1 секундада 1-2 кижи бо өртемчейден кезээ мөңгеде чарлып турар. Бо бижик үндүр салып турдумда безин элээн кижи бурганнай берген, а бо дүне та чеже кижи одунмайн барган🙏 Ом мани падме хум…🙏 А бис дириг оттуп келдивис - чүгле ол дээш өөрү тейлеп өөрүүр болзувусса эки🙏 Ынчангаш кырып назылай бергеш муңгараан херээ чок деп бодаар мен. Ол база кижи бүрүзүнге келбес үүле-дир. Чурукта Ишкин ирей😎 Амдыызында (с) Ишкин оглу

"СЕТКИЛИМНИ ЧАМАП БЕРЕМ, АВАЙ" Ишкин оглу Авай, сөөлгү тыныжымга дээр сени сактып чоруур мен. Сен дег мени билир, сен дег меңээ ынак кижи черле турбас. Ыраажы эжим Шеңнениң репертуарындан "Сеткилимни чамап берем, авай"... Сөзү болгаш аялгазы: Седен-Очур Кара-Сал Ыры бөгүн Тува Musicте үнүп келген. (с) Ишкин оглу

"ДАЛАЙ ДЕГ ХАНЫ" ИШКИН ОГЛУ & трио ВООМ 2025 чылда унер чаа альбомумдан "Далай дег ханы" ам база бир чаа ырымны бараалгадып тур мен. Сөзү: Седен-Очур Кара-Сал Аялгазы: Ангырак Ондар Аранжировка:и Ангырак Ондар Ыры Тува Music-те!

Улуг Монгуш школазының Тажызы болган-на-дыр. Эр-хей, оглум!

Чаа, амыр-менди. Бурятияның Камбы-ламазы Дамба Аюшеев-биле ужуражылга үези. Кажан-даа каяа-даа чорааш, кандыг-даа байдалда тываларым дээш билинмес туржу берген турар-дыр мен ам😎 (с) Ишкин оглу

Өскелерниң чедиишкиннеринге арыг сеткил-биле өөрүп өөренип аары дег ажыктыг аажы чок. Дыштаныр хүнде бодалдар. (с) Ишкин оглу

"ЫНАКШЫЛЫМ БАР" ЭДУАРД КҮЖҮГЕТ Март 29-та Тываның алдарлыг артизи Эдуард Күжүгет чаа оюн-көргүзүүнче силер бүгүдени чалап тур. Билеттер: Онлайн ➡ tuvabilet.ru/event.php?... Касса ➡ ДНТ

ГИТАРАГА ЫРЫЛАР ИШКИН ОГЛУ & БАДЫ-ДОРЖУ КУУЛАР (гитарада үделге) Элээди чораанымда турслёттар, походтар дег солун чүве чок боор чүве. Эш-өөрүм, чаңгысклассчыларым-биле ойнап-хөглеп чораанывыс - бо хүнге чедир аянныг сактыышкыннар бооп сагыш-сеткилимни чылдып чоруур. Чогум турслёттуң солун кезээ - кежээки одаг үези боор чүве. Мен база шыны херек ол үени дыка манаар турдум😉 черле харын артист салым-чаяным оштап турганым ол ыйнаан. Спортчу хемчеглерге чер албайн барзымза-даа, кежээки одаг - мээң сылдызымның чайынналыы ол турду😁 Гитаралап ырлай бээримге чараш кыстар чанымче чоокшуладыр оруп чорду иин😁 Гитарага ырыларны, удаа-дараа концерттеримге, чараш чаңчыл кылдыр киирип алдым. (с) Ишкин оглу

Чаа, амыр-менди. Чедиишкинниг чедиликти күзедим. Үе. Кижи школачы чаш чорда, үениң эртпези халаптыг чүве чораан. Ам бо 30 харны уш чок ажа бээрге, үениң чүгүрүү карак чивеш аразында ышкаш сагындырар-дыр: бир Шагааны уткуп турган ышкаш боор, миннип кээрге дараазында Шагааның саңын сала берген орар боор. Улгаткан тудум үениң маңы дүргедеп-ле турар ышкаш. Көңгүс бо чоокта чаа ягаан өңнүг хөйлеңимниң хөрээн чежип алгаш "Чоргаар кыс", "Кастар" сугларны ырлап турдум иин... Ам тыва тоннуг, салдыг апарган: бирде сценада ырлап-танцылап, бирде хүреш шөлүнде чарлакчылап, бирде дамчыдылгада башкарыкчылап чоруп тур мен. Ам каш чыл болгаш бо чылдарымны «Ии аныяк-даа, чараш-даа чордум..» деп орзумза хөңнү кижи мен😎 Үелерим, үелерим... Эглип келбес үелерим. (с) Ишкин оглу

Чаа, амыр-менди. Эки дыштаныр хүннерни күзедивис. Тыва уран-чүүлдүң тергииннери-биле төөгүлүг чуруум. Көвей чараш ырыларның автору, сураглыг композитор, Тыва Республиканың культуразының алдарлыг ажылдакчызы Кертик-оол Максимович Данзын, көвей чараш ырыларның күүседикчизи, Тываның алдарлыг артизи Титов Комбуевич Санчат. (с) Ишкин оглу

Чаа, амыр-менди. Ак айывыс уламчылап чоруп-ла ор. Шагаа бертинде Ада-чуртувустуң 1 дугаар каналы Шагаага хамаарышкан ёзу-чаңчылдарны тыртырып кээрге, Тывавысты төлээлээр аас-кежиктиг болдум. Орус дылга база-ла арай болгаш шаам-биле тайылбырладым. ;с) Ишкин оглу

Чаа, амыр-менди. Март 30-де Абакан хоорайда чурттап чоруур чаңгыс чер-чурттугларымга аалдап чедер-дир мен! Билеттер: Онлайн ➡️ https://tuvabilet.ru/event.php?id=689 Ужурашкыже👋