💦🐸يوميااااااات وۣدُآلَظۣۗہلَطۣۗہ 💦

اتحصنوا ي السمحين❤️

قال الرسول ﷺ : "العين حق، ولو كان شيء سابق القدر لسبقته العين". يعني ببساطة كدا العين ممكن تكون سبب في ضرر كبير لو ما كان مكتوب، لكنها ما بتتجاوز القدر المكتوب لي الزول. العين حق ومافي شك، يعني الزول ممكن يتأثر بي حسد أو إعجاب من غير ما التاني يذكر الله..! كتير ناس بتجيهم مشاكل في صحتهم، رزقهم، أو حياتهم بسبب عين ما قالت "ما شاء الله، تبارك الله، أو اللهم بارك"💚. عشان كدا، مهم الزول يحصن نفسه بي الأذكار والدعاء. كمان لو شفت حاجة عجبتك، أذكر الله وقول "ما شاء الله تبارك الله". ده بساعد في درء العين وحماية الناس.

انت مو انت وانت جوعان وانت جوعان عوسلك كسرة 😂😂

🥹 شافع رباطابي مشي حوض السباحه عاوز يعوم لقي ١٥ شافع اولاد سورين صغار بسبحوا . قال اديهم ساعه واجي راجع ، رجع بعد ساعه لقي لسه الأولاد لسة بجلبقوا ومهيجين الحوض قال للكابتن ؛ شنو الزلابيا دي لسه مانجضت .☻😹😹😹💔

اخوي البحب الملابس والما برضى امشي اهبش حاجاتو شافني لابسة فنيلة هو اساسا جادعها .. هو : لحظات الصدمة الاولى : يعاين لي مسافة .. يخش ويمرق يخش ويمرق يقيف قدامي .. دي فنيلتي ؟ دي فنيلتي مش ؟ يتلفت على امي بدراما وموسيقى حزينة : بتك لابسة فنيلتي ؟ شايفة شااااااااااايفة بتك ؟ ياخي دي كان ولد فهمونا ! ما عندك هدوم انتي ؟ امي ما بتشتري ليك ارميها ما ارميها ما شغلتك ما تبلسي مني يا زولة هوووي ! بعد التعافي من الصدمة الاولى : لا عليك الله امشي العبي في الدوري .. خش الغرفة وطلع : ما لاقي حاجة البسة ليه يا جماعة " يرفع صوته " لييييه يا جماعة عشان بتكم بتلبس فنايلي !! يعاين لي برداما : انا طالع وانتي لابسة فنيلتي اتمنى ضميرك يكون مرتاح !! = مشرطة وشينة وراميها اصلا خلي الكضب ! _ يازولة انا دايرها انتي مالك هو كل ما يشوفني : كرهتينا الهدوم .. كرهتينا البيت .. كرهتينا اي حاجة في الحياة دي .. اسمعي تاني ما تلبسي مني ! اسي دي قدرك ؟ عليك الله قدرك بالعااكي مرة واحدة في داعي .. = اوفر سايز !! _ اوفر سايز فعينك يا زولة ما تكرهينا عليك الله ياخ .. ضربة في قفاي .. ضربة في راسي .. ضربة في قفاي .. _ طلعيها ما ناوية تطلعيها ؟. كدي اشوفك هبشتي حاجاتي تاني والله اكفتك قاعدين كناس بيت مبسوطين : هو في نص الضحك : انتوا مافي عريس للبت دي ؟ عرسوا ليها راجل يحلنا منها .. يتلفت علي : على فكرة عندي هدوم خاتيها هنا .. اجي القاكي لابسة منهم بعلقك في المروحة دي سامعة الكلام د ولالا !؟🙂💔 عندكم درامات زي دي؟

انتو بتقضو حوائجكم بالكتمان و بتتحشرو في حوائجنا ليه ؟! نفسي افهم 😂😂

رفع يدو للسماء وقال اللهم احفظها لي فإني اسكنتها قلبي😔♥️ فرد القلب قائلا = كر علي ياتو واحده فيهم 😂😂😂💔

أم كلثوم : تعالي تعالي يا شمس تعالي .. إليسـا : استني يا شمس بقى استني ! ملحم زين : غيبي ياشمس غيبي نبيل شعيل : ياشمس لالاتغيبي

‏يا أيها المملوء حبًا دمت في كَنَفِ الرحيم ولا عليك! الطيبون لبعضهم والمرءُ مثل خليلهِ وتشابهت فينا القلوبُ.. لا عشتُ إن ذقتَ المواجع فارتضيتُ لك الوجع! إنّي هنا، كي تستريح من العنا وأنا الأحقُّ بصاحبِي قلبِي عليك..💚

‏"توكَّلْ على الرحمنِ في كلِّ حالةٍ ولا تترُكِ الخَلَّاقَ في كثرةِ الطلبْ ألم ترَ أنَّ اللهَ قال لِمريمٍ: وهُزّي إليكِ الجِذعَ تسَّاقَطِ الرُّطَبْ ولو شاءَ أن تجنيهِ مِن غيرِ هَزِّها جَنَتْهُ، ولكِن كلُّ أمرٍ لهُ سبَبْ."💜💜💜🌟

للهِ أحلامُنا المُتراكمة في ليَالينا، للهِ أمَالُنا وأمَانيها، للهِ دَعواتُنا ودَمعاتُها، للهِ نَحنُ وَما تُكِنُّهُ قُلوبُنا💚🖇.

ومع الصباحات المزدحمة بالخير هُناك صباح الخير واحده تجعلك دائماً بخير...💛🦋

مسطول ﺩﻕ ﺑﺎﺏ ﻭﺍﺣﺪ ﺍﻟﺴﺎﻋﻪ 3 ﺻﺒﺎﺣﺎ ﻓﺘﺢ ﺍﻟﺮﺍﺟﻞ : ﺃﻳﻮﻩ ﻓﻲ ﺷﻨﻮ؟ ﺍﻟﻤﺴﻄﻮﻝ: ﺩﺍﻳﺮ ﺩﻓﺮﻩ ﺍﻟﺮﺍﺟﻞ : ﺩﻓﺮﻩ ﺷﻨﻮ ﻳﺎﺯﻭﻝ ﺍﻣﺸﻲ ﺷﻮﻑ ، ﺷﻐﻠﺘﻚ ﺃﻧﺎ ﺩﺍﻳﺮ ﺃﻧﻮﻡ ﺍﻟﺮﺍﺟﻞ ﺧﺶ ﺑﻴﺘﻮ ﺯﻭﺟﺘﻮ ﻗﺎﻟﺖ ﻟﻲ ﺇﺣﺘﻤﺎﻝ ﺍﻟﺰﻭﻝ ﺩﺍ ﻋﺮﺑﻴﺘﻮ ﺧﺴﺮﺕ ﻭﺍﺑﺖ ﺗﺪﻭﺭ ﻭ ﺟﺎﻱ ﻣﻦ ﻣﺤﻞ ﺑﻌﻴﺪ ﺃﻣﺸﻲ ﺍﺩﻓﺮ ﻣﻌﺎﻫﻮ😔🚶 ﺍﻟﻤﻬﻢ ﺍﻟﺮﺍﺟﻞ ﺇﻗﺘﻨﻊ ﻭ ﻣﺮﻕ ﻋﺎﻳﻦﺟﺎﻱ ﻭ ﺟﺎﻱ ﻣﺎ ﻟﻘﻲ ﺍﻟﻤﺴﻄﻮﻝ ﺑﻘﻲ ﻳﻜﻮﺭﻙ ﻳﺎﺧﻴﻨﺎ ﻭﻳﻦ ﺇﻧﺖ؟؟ ﺍﻟﻤﺴﻄﻮﻝ: ﺗﻌﺎﻝ ﺟﺎﻱ ﺃﻧﺎ ﻫﻨﺎ ﻓﻲ ﺍﻟﻄﻮﻃﺤﺎﻧﻴﻪ 😂😂😂😂😂😂😂😂😂😂

🥹 ماذا يعي لك كلام الناس⏺❓ 🟰 ورقة الدواء البتجي جوة كرتونة الدواء، بسس☻

سمعت دكتور التغذيه بقول امدغ اللقمه 20 مرة لتكون سهلة الهضم جربتها ورجعت اشيل اللقمه التانيه لقيت الجماعه بشربو ف الشاي...

عدم تقدير الشخص المعاك للحاجات البتعمل فيها عشانكم وعشانه شخصياً دا غلط كبير ، والغلط ما نابع منه منك انت ، لأنه عطاءك دا طالما قدمتو ومالقيت تقدير وقف طوالي . ادي مساحة لروحك تقدم عطاءك دا لنفسك ، عموما الحياة مابتكرر ، والوقت بتهدرو في الحاجات عشان الناس او عشان شريكك المامقدر البتقدمو كلو وشايف انه واجب عليك ، أولى بيهو نفسك دي .. ماف شي إسمو واجب في حاجات اسمها ذوقيات  في العلاقة العلاقه فيها طرف بقدم اكتر من التاني علاقة توكسك في وجهة نظري الشخصية . لازم الاثنين يقدمو ويكون في بلنص .. اشتري راحة بالك.

– اللي في عمرك فااتحين بيوت اسي اقعدي لي انتي = عارفااهم بيت بيت ي امي وكلهم عاايزين يقفلوهاا تااني وربي

حكمه اليوم : لمن الدنيا تديك ضهرها اديها صوت وابقى مارق.

قل الحمد لله من قلبك بكل يقين خليك عارف إنه لي خير، مهما كانت ظروفك. الشكر بيفتح لك أبواب ما كنت تتخيلها، ويزيد الخير في حياتك. ما تضجر عشان ظروفك ما عاجبك أو انت مضايق، فقط قل الحمد لله. دائما خليك قريب من الله💚.