• 𝒮ℋ 🍯

يوه من زمان ماسولفت معكم يالتلقراميين

والله هم كانوا يقولون لي ادخلي داخل واجلسي شوي بس انا كنت مصرّة اقعد ارحب بالحجاج لان حسيت بشعور رهيب ماودي ادخل ويفوتني هههههههه فهذا الشيء تعبني شوي لاني من قبل تعبانة اصلًا .. والصدق بعد المغرب تقريبًا خلاص ماعاد وقفت باصات قالوا مايقدرون يوقفون عشان مافيه وقت وما ادري ايش المهم تحسفت اني ماتطوعت الا آخر يوم وهم كانوا بادين من يوم الاحد 🌝💔

تطوّعت امس في استقبال الحجاج اللي جايين بالباصات من بعيد، يوقفون عندنا يعني زي المحطة ونرحب فيهم ولهم ضيافة مجانية وفحص مجاني وفيه دورات مياه ومصليات لهم.. المهم مع انها كانت ساعات قليله يعني من ٤ العصر الى ١٠ الا اننا تعببببنا ومتنا من الحررررر اللي موب طبيعي، هذا وهي كم ساعة بسس! وظهري انكسر من الوقفة صدددق صدق الله يجزاهم خير عساكر الحرم والمنظمين في الحج من عساكر ومتطوعين وكشافة وغيرهم.. اقسم بالله انا ساعات قليلة تعبت كيف لو ذا دوامي وبعدين تخيل اتعامل مع ناس اشكال وانواع واقعد واقفة من الصبح لين الظهر وثم يجي واحد يقلل ادبة واذا رديت عليه بعصبية صورني وقال انظروا لعساكر الحج اخلاقهم سيئة هههههههه صدق اسوأ وظيفة اللي فيها تعامل مع الناس جد الله يكتب اجرهم ويعييينهم والله انهم يتعبون مع الناس

السلام عليكم وصباح الخير بدخل بالموضوع علطول اكثر نصيحة ودي انصحها كل شخص ببداية مراهقته هي: أعرف كيف تختار لك الصحبة الحسنة 😔 والله ذا الكلام من اعماق قلبي اكتب لكم والدمعة طارفه.. تكفون صادقوا الناس الصالحين عشان ماتندمون بعدين اذا وعيتوا على نفسكم وتقعدون تندمون على اللي فات ويمكن اصلًا مايجي اليوم اللي تستوعب فيه انك على غلط بسبب تعلقك وحبك بصاحب السوء، لا يكون اكبر همك انك تصادق اللي يضحكك وبس! ولا تصادق اللي يشوفك تسمع اغاني وتشوف مسلسلات وماينصحك، لاتصادق اللي يشاركك اغنية واسم فلم، صادق الشخص اللي يذكرك بالدنيا ويعينك على الخير والصلاح ومايتردد بنصحك اذا شافك تسوي شيء غلط. تكفون لاتضيعون بداية مراهقتكم اللي عقلكم يكون فيها شغّال وقوي في اشياء تافهه، العمر ذا استغلوه قد ماتقدرون في الاشياء اللي بتنفعكم بعدين مثل انكم تحفظون القرآن أو الاحاديث أو أي شيء فيه منفعه بدينكم وآخرتكم ومستقبلكم

عميقة اقسم بالله