طريق النجاة 🔮💜

السلام عليكم ورحمة الله وبركاته💗. عساكم بخير ي صُحبة💗. فيه معلومه كدا عرفتها وحبيت اشاركها معاكم ، طبعاً إحنا عارفين إن الحجاب فرض وده أمر مش محتاج نقاش ، واحنا بنلبس الحجاب طاعةً لله قبل اي سبب تاني سواءً عرفنا الحكمة أو معرفنهاش ، وربنا سبحانه وتعالى أمرنا بيه إحنا النساء المسلمات لقوله تعالى .."يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ" طيب لو جينا بقا نبص العلماء اكتشفت اي هننبهر حرفياً ، اول حاجة إن جلد الراجل غير جلد الست .. وطبعاً هنا الكلام مش علي النعومة أو الخشونة ، لأ ده عن طبقات الجلد ..وجلد الرأس عند الست هو أضعف جلد ف جسمها غير إن باقي جلد الانثي عموماً ضعيف ماعدا الوجه والكفين هما اقوي شوية ، ف مثلاً لو البنت اتعرضت للشمس كتير ف هتلاقي بالتدريج جلد وشها وايدها بيسمر ..لكن بقيت الجلد بيحصله حاجة تانية خالص .. ألا وهو الإصابة بسرطان الجلد وخصوصاً فروة الرأس لأنها أضعف حاجة علشان كدا ربنا أمرنا بإظهار وشنا وكف أيدينا عادي والحجاب بقا بيحميكِ من التعرض المباشر للشمس اصلا ، ولما ربنا أمرنا بالحجاب ف مش بس علشان يحمينا من الفتن ، بل وكمان يحمينا من المرض ، ف عرفتوا فضل ربنا علينا وإن كل حاجة بيحرمنا منها بتكون وراها حكمة كبيرة إحنا مش مدركينها "سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ" ف طبعاً لازم نعرف إن ربنا مش بيأمرنا بحاجة إلا لما تكون دي الخير لينا ، اللهم ارزقنا طاعتك ، واجعلنا ممن يستمعون القول فيتبعون أحسنه💗. بتمني تكونوا استفدتوا يا رفاق💗. ومتنسوش إن رد السلام ب 30 حسنة هنيئاً لمن ردّ السلام 💗.

عايزين نساعد الحاله دي يا صحبة ياريت الكل يشارك عشان ياخد علاجو في أسرع وقت وندعيلو ربنا يخفف عنو الألم ولو في حد عايز يتواصل مع المستشفي إلي موجود فيها الحالة يتواصل معايا

السلام عليكم ورحمة الله وبركاته💗. عساكم بخير ي صُحبة💗. حقيقي حابة اواجهكم بحقيقة لازم كلكوا تفوقوا منها .. استوريهات الفيس والواتس والانستا بتاعتكم وحشة وبشعة اوي اوي والله! .. تخيلوا إن الاستوري مش بتخلو من الأغاني! .. سواء بقا كانت ريلز ، أو صورة ليكم علي أغنية أو أو أو ، إلخ .. وكمان البنات اللي بتنزل صورها وهما بكامل زينتهم كدا ، يعني بالبلدي بتخلي اللي م يشتري يتفرج! .. ليه كدا طيب ، ليه؟! .. تخيلوا استوري واحدة ممكن تفتنوا بيها كام شخص! .. هتقولوا لربنا أي؟! .. محدش فينا ضامن عمره ، ف نحاول نعد شنطتنا للرحيل ، ونسيب أثر طيب ف الدنيا من إننا نشارك قرآن وعلم ننتفع وننفع بيه وتكون حسنات جارية لينا ، مش اغاني وذنوب جارية والعياذ بالله استقيموا يرحمنا ويرحمكم الله💗. ومتنسوش إن رد السلام ب 30 حسنة ، هنيئاً لمن ردّ السلام💗.

فقال الراجل: ويحك يا أمير المؤمنين إنها امرأتى .. دى زوجتى .. ووالله وصلنا الآن إلى المدينة .. فعمر قال له هذه امرأتك! فقام سيدنا عمر أعطى للراجل الدرة وقال : أخفقنى كما خَفقتك ( أضربنى زى ما ضربتك ) .. فيرفض الراجل .. فيصمم عمر ويقول له أخفقنى .. ويرفض الراجل ويقول له : سامحتك يا أمير المؤمنين .. وسيدنا عمر قال للراجل كلام حلو أوى قال: لماذا تقفا هكذا فى الطريق وتعرضان المسلمين لغيبتكما ! شايفين تفكيره .. لازم نتقى الشبهات .. رضى الله عن عمر تعرفوا مرة وصل خبر لسيدنا عمر أن فى عبيد سرقوا ناقة بتاعت راجل وكان مش من المدينه يعنى كمان غريب عن البلد وأكيد دى الركوبة الوحيدة له .. فعمر استدعى العبيد وسألهم بتشتغلوا عند مين .. فقالوا: عند حاطب بن أبي بلتعه .. فطبعا يا جماعة المفروض دى سرقة .. يعنى يقام عليهم حد السرقة ، عارفين سيدنا عمر عمل إيه ؟ عمل حاجة عجيبة هتبين فقه سيدنا عمر بأن عنده فقه الواقع اللى تلات اربع الناس النهارده مفتقدينه .. يعنى عارف إيه الحكم اللى ينفع يطبقه النهاردة وايه الحكم اللى ما ينفعش يطبقه .. فسيدنا عمر استدعى حاطب بن أبي بلتعه .. وسأل الأعرابى : بكم ناقتك ؟ فقال له: ب٤٠٠ دينار فقال لحاطب أعطى له ٨٠٠ دينار .. فحاطب مستغرب .. أصل هو ماسرقش دول العبيد بتوعه هم اللى سرقوا .. يعنى يدفع هو فلوس ليه ؟ وكمان يدفع الضعف؟! فسيدنا عمر قال: والله يا حاطب لو أن عبيدك سرقوا مرة ثانية .. لأقطع يدك أنت .. ويوضح سيدنا عمر لحاطب السبب اللى خلاه يحكم بكده بإنه يقول: يا حاطب أتُشغلونهم ولا تُطعمونهم !! .. يعنى عبيدك لو شبعانين ماكانوش هيسرقوا فلازم تدفع الفلوس لأن ده خطأك أنت .. شايفين سيدنا عمر عمل إيه .. هم سرقوا عشان جعانين فيطبق الحكم على سيدهم مش عليهم هم .. رضى الله عن عمر "يا بنى فعلت ذلك لأن أباه أحب إلى رسول الله من أبيك وهو أحب إلى رسول الله منك .. فلذلك أُفضله عليك" نبدأ حلقتنا بكلام جميل .. سيدنا عمر مرة كان واقف على المنبر .. فالناس قالوا والله ما رأينا أفضل منك يا أمير المؤمنين .. فغضب سيدنا عمر وقال: كذبتم .. بل أفضل الناس أبى بكر فقد كان أطيب من ريح المسك ( شايفين تقدير وحب الصحابة لبعض ) سيدنا عمر كان عادل بس كان بيفضل الناس اللى كان بيحبهم النبي عليه الصلاة والسلام عن أى حد تانى .. فكان المقياس عنده محبة النبيﷺ للناس .. طب إزاى؟ يعنى سيدنا عمر عمل عطايا وأجور للشعب ومرتبات .. فكل شهر كان بيعطى للناس مرتبهم وكان يعطى لعبدالله بن عمر (ابنه) ويعطى لأسامة بن زيد بن حارثة (الحِب ابن الحِب .. سيدنا محمدﷺ كان بيحب أبوه سيدنا زيد اوى فأتسمى كده) فكان سيدنا عمر بيعطى لأسامة بن زيد أكتر من عبدالله ابنه .. فعبدالله بن عمر راح له وقال : يا أمير المؤمنين لماذا تعطى أسامة أكثر منى ؟ (يعنى احنا الاتنين في سن بعض وبنشتغل نفس الشغل .. فليه ياخد أكتر منى) فرد سيدنا عمر وقال : يا بنى فعلت ذلك لأن أباه أحب إلى رسول الله من أبيك وهو أحب إلى رسول الله منك .. فلذلك أُفضله عليك. تعالوا نعرف دلوقتى موقف مع عاصم بن عمر بن الخطاب .. عاصم سافر العراق وكان عنده أصحاب هناك فأهل العراق رحبوا بيه جداً .. وأعطوا له هدايا .. وأعطوا له سيف فضة مرصع بالأحجار الكريمة .. يرجع عاصم بالهدايا فعمر يشوفه فاستدعاه .. فيدخل عاصم فعمر يسأل ويقول له : من أين لك هذا؟ فعاصم يقول : يا أبى كنت فى العراق وأكرمنى أهلها.. فقال عمر: بل أنت كاذب ذهبت إليهم وقلت لهم أنا ابن أمير المؤمنين ليعطوك الهدايا وأعطوك لأنك ابن أمير المؤمنين لو لم تكن ابنى ، لم يعطوك.. فقال عاصم : لا والله بل هم أصحابى .. فعمر عنده خادم اسمه معيقيب،  فيناديه ويقول له : يا معيقيب انظر إلى هذا !! كأن عاصم ذهب إليهم وقال لهم اعطونى أنا ابن أمير المؤمنين .. فيا معيقيب خذ ما معه وضعه فى بيت المال.. رضي الله عن عمر. وكان سيدنا عمر بيقول لأهل بيته لو حد منكم غلط هضاعف له العقاب.. يعنى هيعاقبه مرتين .. مرة لأنه ولى أمرهم فى البيت ومرة لأنه أمير المؤمنين. شايفين جمال وحرص سيدنا عمر .. رضى الله عنك يا أمير المؤمنين .. فى قصة مع أم كلثوم زوجة سيدنا عمر.. أم كلثوم كانت بتحبها أوى زوجة قيصر الروم فمرة أم كلثوم بعتت هدية لزوجة قيصر الروم كنوع من أنواع العلاقات الطيبة فقامت زوجة قيصر الروم باعته لأم كلثوم هدية جميلة وقيمة جداً.. بعتت لها قلادة غالية جداً .. ودخل المرسال بيها المدينة ووصلت الهدية لأم كلثوم وفرحت بيها أوي ولبستها وشافها سيدنا عمر .. فيعمل إيه سيدنا عمر ؟ يقف على المنبر ويجمع الناس ( ممكن تستغربوا وتقولوا معقول كل ده عشان حتة عقد ؟ طبعا اه عشان حتة عقد .. عشان مايخليش الناس تفكر العقد ده جه منين وليه )

السلام عليكم سلسلة(الخلفاء الراشدين) خلافة @عمر_بن_الخطاب رضى الله عنه. الحلقه (٢) يلا صلو على النبيﷺ فسيدنا عمر بص له ومستغرب ( جيوش إيه وبيت المقدس ايه ؟! ) فقال الراهب : أنت ستحكم أرضنا هذه ( هتفتح بيت المقدس .. فلسطين .. وهتدخل جيوشك فأكتب لى جواب عشان أبقى فى الأمان ساعتها ) أصل يا جماعة عمر بن الخطاب موصوف فى الإنجيل وموصوف اللبس اللى هيدخل بيه المسجد الأقصى.. ومكتوب أنه هيستلم مفاتيح المسجد الأقصى.. وأن اسمه من تلات حروف.. فعمر مش فاهم الراهب ده بيتكلم عن إيه بس حب يريح الراهب وكتب له كتاب الأمان والراهب أخده وشاله وساب سيدنا عمر يمشى.. وتلف الأيام ويبقى سيدنا عمر أمير المؤمنين وطلعت جيوش سيدنا عمر تفتح فلسطين بقيادة أبو عبيدة بن الجراح .. فيلاقوا الراهب ده منتظرهم وسط الرهبان ومعاه جواب الأمان .. وطبعا جيوش المسلمين مش بتقتل حد إلا اللى بيبدأ بقتالهم وبمحاربتهم .. وحيتم عمل معاهدة سلام بين المسلمين وبين أهل بيت المقدس .. وفهمنا سوا قبل كده معنى الفتح الاسلامى والهدف منه فى الحلقة رقم ٢٤ فى خلافة ابو بكر الصديق .. " كان عمر رضى الله عنه يدعو فى الليل ويقول : لَتَتَّقِيَنَّ الله يا عمر أو ليعذبك الله " نبدأ حلقتنا بموقف حصل مع واحده من الصحابيات الجليلات.. فى مرة لاقت شاب ماشي فى طرقات المدينة وشكله غلبان وموطى راسه (يعنى شكله من الزُهاد.. زاهد الحياة) فسألت وقالت مين ده ؟ قالوا لها ده واحد من القُراء (قارئ للقرآن) ولكن يا جماعة المؤمن مش كده، المؤمن القوى أحب إلى الله من المؤمن الضعيف فده مش زُهد.. ده ضعف.. فقالت الصحابية : والله ليس هكذا رأيتُ عمر ( يعنى إذا كان عمر نفسه ماكانش كده رغم أنه كان زاهد وقارئ للقرآن ) فتحكى الصحابية وتقول : قد كان عمر قارئ للقرآن ووالله رأيت عمراً إذا مشى أسرع وإذا تكلم أسمع وإذا ضرب أوجع.. رضى الله عنه وأرضاه سيدنا عمر مرة كان ماشى فى طرقات المدينة فشوية ولاد صغيرين بيلعبوا عمرهم بين ١٠ سنين و ٩ سنين .. فيعدى عمر فأول ما شافوه طلعوا يجروا وكله استخبى ماعدا واحد بس فضل واقف مكانه.. فعمر راح له وقال له: يا بُنى لماذا لم تجرى كما فعل أصحابك؟ فقال: أيها الأمير الطريق ليس ضيق لأُوسِع لك أحتراما.. ولم أخطئ حتى أجرى. فسيدنا عمر بص له كده وقال : إن هذا الغلام سيكون له شأنُ عظيم.. عارفين يا جماعة ده لما هيكبر هيبقى مين ؟ هيبقى عبد الله بن الزُبير بن أسماء بنت أبي بكر.. وهيبقى خليفة للمسلمين بعد كده .. شايفين فطنة عمر بن الخطاب رضى الله عن عمر فى مرة برده سيدنا عمر كان ماشى فى الطرقات فلاقى شوية ولاد بيلعبوا تحت نخلة والبلح اللى ينزل منها كان كل واحد يلم حبة وياخده .. فأول ما شافوا سيدنا عمر خافوا وقالوا : أمير المؤمنين .. أمير المؤمنين .. وطلعوا يجروا ماعدا واحد ما لحقش يجرى .. فبص لعمر وقال له والله يا أمير المؤمنين لم أسرق إن هذا ألقاه الله.. فعمر ابتسم وقال له: صدقت .. فعمر يدوب لسه ماشى .. فالولد قال له: يا أمير إن أصحابى ينتظرونك حتى تمضى فيأتون لى فيضربونى ويأخذوا منى التمر .. (أيوه يعنى عايز إيه ؟! عايز سيدنا عمر يحميه لحد ما يوصل البيت ) عارفين سيدنا عمر هيعمل إيه ؟ هيوصله فعلا .. تخيلوا .. شايفين شخصية سيدنا عمر شديد وحنين.. قوى ورقيق المشاعر .. ومشى فعلا سيدنا عمر مع الولد ووصله لحد بيته♡.. الصحابة بيقولوا كنا نسمع عمر بن الخطاب فى الليل يقوم لربه ويقول: آه يا عمر يا ابن الخطاب كنت وضيعا فرفعك الله وكنت فى ضَلال فهداك الله .. ومره سمعوه بيقول لنفسه : لَتَتَّقِيَنَّ الله يا عمر أو ليعذبك الله.. مرة كان سيدنا عمر قاعد فى بيته ودخل عليه واحد من الرعية وكان عايز صدقة بس كان عايز يطلبها بطريقة غير مباشرة فيدخل ويقول يا عمر الخير جُزيت الجنة اكسو بنياتى وأمهن ( يعنى اكسو مراتى وبناتى) فعمر يحب ينكش الرجل شوية ويهزر معاه .. فقال عمر: وإن لم أفعل ؟ (افرض ما سمعتش الكلام) فقال الرجل : والله لئن لم تفعل لتُسألن عن حالى يوم أن تكون المساءلات .. ويكون المسؤل بينهن إما نار وإما جنة .. ( يعنى أنت هتتسأل عن حالى يوم الحساب ويكون السؤال يا تدخل بيه النار أو تدخل بيه الجنة على حسب اللى عملته ) فسيدنا عمر خاف وقال: ويحك انتظر وخلع سيدنا عمر رداؤه وكسا الراجل وكمان أعطى له فلوس من بيت المال .. هنحكى كمان موقف وهتشوفوا منه قد إيه سيدنا عمر غيور أوي على رعيته .. مرة كان سيدنا عمر ماشى فى الطرقات فلاقى راجل وست واقفين فى الطريق وعمالين يتكلموا مع بعض.. فعمر ماعجبهوش اللى بيحصل ده .. فقام جايب الدرة وقام ضارب الراجل (على فكرة الدرة دى حاجة مش بتوجع .. يعنى الضربة بيها مابتسبش أثر .. يعنى حاجة مش جامدة .. هو هدفه بيها التنبيه بس ) فضرب سيدنا عمر الراجل ..

بعد فترة بن عمر هيبقى معاه أبل وغنائم من بعض المعارك .. فسيدنا عمر عرف وبقى خايف أوى .. فراح لإبنه وقال له: حسألك سؤال .. لو قيل لك يوم القيامة أن أباك من أهل النار أكنت مفتدياً أباك بهذه الغنائم ؟ فإبنه رد وقال : نعم يا أمير المؤمنين .. فقال له : اعتبر أن هذا حدث وأعطِ هذه الغنائم لبيت المال. فقال الراهب: أنت ستحكم أرضنا هذه (هتفتح بيت المقدس.. فلسطين) نبدأ حلقتنا بموقف جميل حصل أيام النبي عليه الصلاة والسلام لما أنتشرت إشاعة فى المدينة أن النبيﷺ طلق نسائه .. عُمر بن الخطاب بيحكى وبيقول: كنت قاعد فى بيتى وفجأة لقيت واحد بيخبط جامد على الباب .. يا عُمر ؟ يا عُمر ؟ فسيدنا عُمر راح فاتح بسرعة وقال : ويحك ! مابك ؟ قال أدركنا يا عُمر ( ألحقنا يا عمر ) قال عمر : أجاءت الغساسنة ( دى قبائل عربيه متحالفه مع الرومان ) ؟ فقال الصحابى : بل أشد من ذلك .. لقد طلّق رسول الله نسائه .. طيب هو الخبر ده أشد من هجوم الغساسنة ؟ ايوه طبعا .. لأن الخبر ده معناه أن النبيﷺ زعلان وزعل النبيﷺ عند الصحابة أكبر من أن الغساسنة يهجموا على المدينة. المهم جرى عُمر على النبيﷺ فلاقاه قاعد لوحده فى الاوضه بتاعته فأستاذن ودخل عليه فبيقول سيدنا عُمر: فدخلت فوجدت النبيﷺ يتكئ على جنبه وقد أثّر التراب على جنبه الشريف ( المساجد والبيوت زمان كانت الأرضية بتاعتهم تراب وعليها حصير فالنبيﷺ كان نايم على جنبه والتراب له أثر عليه ) فقال عُمر: بأبى أنت وأمى يا رسول الله أطلقت نسائك ؟ فرفع رأسهﷺ وقال: لا يا عُمر .. فقال عُمر: الحمد لله .. فسيدنا عُمر سأل النبيﷺ وقال له: ما بك يا رسول الله ؟ فقال النبىﷺ : يا عُمر أثقلنّ علىَّ فى النفقة وأنا لم أستطع .. فعُمر قعد يفكر إزاي يخرج النبيﷺ من حالة الحزن دى .. فقال سيدنا عُمر : فقلت فى نفسى والله لأضحكن رسول الله .. هيهزر سيدنا عمر مع النبىﷺ تعالوا نشوف هيقول ايه بس الأول لازم نعرف أن المدينة ومكة بلدين مختلفتين .. المدينة بلد زراعى ومكة بلد تجارى .. وفى مكة الرجل بيشتغل تاجر وعادة التاجر حتى لحد النهاردة معروف أن التاجر تلاقى مراته قاعدة فى البيت مش بتشاركه غالباً.. وزمان كانت الست بتقعد فى البيت وتاخد المصروف ومالهاش رأى وكان ده الوضع فى مجتمع مكة ، أما بقى مجتمع المدينة مختلف لأنه مجتمع زراعى فالرجل بيزرع فى الأرض طول النهار ومراته معاه فبتشاركه فى الشغل والقرار والفلوس .. بتشاركه فى كل حاجة .. فالست رأيها برأيه وكلمتها بكلمته غير المجتمع المكى.. فعُمر حب يضحك مع النبيﷺ فقال له : يا رسول الله أتذكر حينما كنا فى مكة ؟ كنت أقوم إلى امرأتى فتسألنى النفقة ( تطلب فلوس زيادة ) فأقوم اليها فأغلبها ( يعنى أشد عليها فتسكت ) فجئنا المدينة يا رسول الله فخالطت نساؤنا نساء المدينة فتعلمن منهن .. فصارت امرأتى تسألنى النفقة فأقوم إليها فأجدها تقوم هي إلي ( أجى اشد عليها ألاقيها هيه اللى بتشد عليا ) فضحك النبيﷺ. على فكرة سيدنا عمر كان أصغر من النبي عليه الصلاة والسلام ب ١٣ سنه .. وأسلم سيدنا عمر وهو عنده ٣٣ سنة وتولى الخلافة وهو عنده ٥٢ سنة ومات وعنده ٦٣ سنة . وأندفن جنب سيدنا أبو بكر رضى الله عنه .. سيدنا عمر وهو شاب حصل معاه موقف غريب قوى وماحكاش عنه غير بعد ما أسلم .. سيدنا عمر بيحكى ويقول أن وهو شاب راح فى تجارة لفلسطين .. وهو راجع كان منتشر فى الوقت ده جدا الخطف وقطاع الطرق فطلع عليه راجل وهدده وكتِّفه فى نص الليل وأخده على بيته وقال له أنت من النهاردة العبد بتاعى .. فالراجل خرج وبدأ سيدنا عمر يستوعب اللى حصل ( أنا عبد !! ايه اللى بيحصلى ده !! ) فالراجل رجع بيته وعامل حسابه أن عنده عبد فالراجل أول ما دخل .. فسيدنا عمر ضربه بس كانت ضربه شديدة فالراجل وقع مات .. سيدنا عمر ما يقصدش .. سيدنا عمر كان عايز يأدب الراجل ده فيدوب بيضربه ضاربه فالراجل وقع مات .. عارفين زى مين ؟ زى ما حصل للنبي موسى عليه السلام لما كان بيدافع عن واحد فضرب التانى فموته من غير ما يقصد .. قال تعالى:{ *فَوَكَزَهُ مُوسَىٰ فَقَضَىٰ عَلَيْهِ*} القصص-15 فسيدنا عمر ما يقصدش أنه يقتل الراجل ، طيب بس دلوقتى فى مشكله .. ايه هيه ؟ هيطلع على سيدنا عمر أهل الراجل وينتقموا منه .. فسيدنا عمر فضل يجرى فيلاقى دير مفتوح فيدخل الدير .. فيلاقى راهب والراهب لقى عمر شكله تعبان جدا والدنيا برد عليه .. فالراهب أخد سيدنا عمر ودخله وأكله وشربه .. وقال له: ما بك يا بني ؟ فسيدنا عمر بدأ يحكى له كل اللى حصل وقال له أنه من مكه .. وقال له اسمه .. فالراهب عمال يبص لسيدنا عمر يمين وشمال ويلف حواليه فسيدنا عمر مستغرب .. فقام الراهب قايل: يا عمر والله لن تخرج من هنا حتى تكتب لى كتاب ( مش هتمشى من هنا غير لما تكتب لى جواب ) اكتب لى أماناً اعطيه لجيوشك عندما تفتح بيت المقدس..

السلام عليكم سلسلة(الخلفاء الراشدين) خلافة @عمر_بن_الخطاب رضى الله عنه. الحلقه (١) يلا صلو على النبيﷺ حنبدأ حلقاتنا فى خلافة عمر بن الخطاب.. فاروق الأمة .. عهد سيدنا عمر بن الخطاب من أزهى عهود المسلمين. مرة سيدنا عمر كان قاعد فجه واحد اسمه عدي بن حاتم الطائى .. ده كان من قبيلة طئ ومعاه ناس مسلمين جداد، عايزين يتفاهموا مع الخليفه فى بعض الأمور،  فيدخل عدي على سيدنا عمرو بن العاص ويقول له استأذن لى على الخليفة ، فيدخل عمرو بن العاص بسرعة على سيدنا عمر بن الخطاب ويقول السلام عليك يا *أمير المؤمنين*.. فسيدنا عمر بن الخطاب يستغرب ويقول: ما هذا الاسم يا عمرو ؟! ( ايه *أمير المؤمنين* دى ! ) فقال عمرو بن العاص: قال لى عدي استأذن لى أمير المؤمنين ووالله لقد أصاب .. فنحن المؤمنون وأنت أميرنا♡.. هنحكى شويه مواقف هنقرب أكتر فيها من سيدنا عمر .. فى يوم الجمعة أول خطبة للخليفة .. وهو بيخطب .. فالناس تبص فى هدومه فيلاقوا ١٢ رقعة. والأعجب من كده فى جمعة من الجمعات مرة عمر أتأخر عن الخطبة .. يعنى الأذان أذن ولسه عمر ماجاش، فلما وصل سيدنا عمر وقف على المنبر وقال: والله إنى ليس عندى إلا ثوب واحد وكان يغسل .. وك تكملة الحلقة الاولى من خلافة عمر بن الخطاب👇🏻 .. وكنت أنتظر أن يجف. مستنيه ينشف .. فتأخرت عليكم.. فالناس بكت من ورعه وزهده .. مرة السيدة حفصة دخلت على أبوها سيدنا عمر فتشوف الأكل اللى عمر بياكله فتلاقيه خبز ناشف .. فحزنت السيدة حفصة وقالت: يا أبتى .. أفلا تطلب طعاماً أطيب من هذا .. وثيابا ألين من هذا.. فرد عليها وبدأ يفكرها بزهد النبي عليه الصلاة والسلام كان بياكل ايه ويلبس ايه .. فبكت السيدة حفصة رضى الله عنها .. وكان سيدنا عمر يزهد ويقول: فإنى أخشى بذلك أن لا ألقى صاحبَيّ .. فإنى أريد ان أسير كما ساروا فأموت كما ماتوا فألقاهم فى جنة رب العالمين ..( النبى عليه الصلاة والسلام وسيدنا ابو بكر ) .. ونحكى سوا القصة المشهورة فى كتب السير أن فى عهد سيدنا عمر .. أن سيدنا علي كان طالع من البيت فلاقى سيدنا عمر طالع فى عز الظهر يجرى فى الصحرا.. فجرى وراه وقال : ويحك يا أمير المؤمنين .. أين تذهب !! .. فوقف عمر وقال : يا علي ركض بعير من إبل الصدقة ( فى بعير من إبل الصدقه هرب .. فسيدنا علي مبقاش مصدق .. يعنى ليه سيدنا عمر مكلفش أى حد تانى يجرى ورا الناقة ويجيبها ) فيتأثر سيدنا علي ويقول : أتعبت الخلفاء من بعدك يا عمر.. فسيدنا عمر يرد عليه ويقول : يا علي ، والله إنى أخشي لو تعثرت بغلة فى العراق أن يسألنى ربى ويقول: لِمَ لَم تسو الطريق لها يا عمر ! .. فى قصة تانيه أن مرة جت هدية للمدينة عطور .. فالعطور كميه كبيرة ولازم تتقسم فقال سيدنا عمر: مَن مِن النساء الفطنات تقسم لنا العطور حتى أوزعه على المسلمين ؟ فمين سمع عمر وهو بيتكلم ؟ زوجته عاتكة فأستغربت وقالت: يا أمير المؤمنين أقسمها أنا لك .. قال: أبداً يا عاتكة .. قالت: ولِمَ ؟ ، قال : فإنى أخشي أن تأخذيه بيدك هكذا ثم تفعلى بيدك هكذا فيصيبك عطر من بيت مال المسلمين ( يعنى خايف وأنتى بتقسمى .. فيتبقى عطر فى إيدك ومن غير قصدك تحطى إيدك على عنقك وده حق المسلمين ) مره سيدنا عمر تعب فالطبيب كتب له أنه محتاج ياكل عسل.. وسيدنا عمر مكانش فى بيته عسل .. ومفيش حل غير أنه ياخد العسل من بيت مال المسلمين .. بس هو رفض أنه ياخد العسل من غير ما الأول يستأذن من المسلمين .. فيطلب سيدنا عمر من الصحابة أنهم يسندوه ويقف على المنبر ويجمع الناس ويقولهم أنه تعبان والطبيب وصف له عسل .. ويعلى صوته ويقول: إنى جئت لأستأذنكم فإن أذنتم لى أن آخذ شربة عسل من بيت المال كانت حلالا عليَّ .. وإن لَم تقبلوا فهو علي حرام .. فبكى الناس جميعاً من تقوى سيدنا عمر .. ووافقوا .. ومرة سيدنا عمر كان ماشى فى المدينة فلاقى إبل شكلها حلو ونظيف .. فقال : لمَن هذه الابل.. فقالوا : هذه ابل ابنك . فقال : هذه أبل ابن عمر !! قالوا : نعم .. فقال : بخٍ .. بخٍ (الله .. الله) !! وبسرعة يستدعى عمر ابنه وقال له : يا ابن عمر من أين لك هذه الابل ؟ فقال : يا أبى إنى أتاجر كما يتاجر الناس وأبيع وأشترى كما يفعل الناس .. فقال : يا ابن عمر إن إبلك ستأخذ من الرعاية والإهتمام أكثر من سائر الإبل .. فقال : ولماذا ؟ فقال سيدنا عمر : إذا رأي الناس إبلك سيقولون .. اسقوا إبل ابن أمير المؤمنين وارعوا إبل ابن أمير المؤمنين وأطعموا إبل ابن أمير المؤمنين .. يا بني أتريدنى أن ادخل النار بسببك ؟ فقال : لا يا أبتى .. فقال : يا بني أرأيت إن سألتك بالله أن ترد هذه الإبل إلى بيت المال .. فهل ستفعل ؟ أعطها إلى بيت المال يا بنى .. فوافق ابن عمر .. لكن بردو سيدنا عمر عوضه وصرف له رأس مال مقابل الإبل دى ..

السلام عليكم ورحمه الله وبركاته هنكمل تنزيل سيرة الخلفاء الراشدين مع عمر بن الخطاب رضي الله عنه 🤍 جاهزين ؟🍂

وكان سيدنا أبو بكر قبل وفاته يدعى ويقول: "اللهم وليته بغير أمر نبيك ﷺ ولم أرد بذلك إلا صلاحهم، وخفت عليهم الفتنة وأجتهدت لهم رأيي فوليت عليهم خيرهم وأحرصهم على ما أرشدهم". وفى عز تعب سيدنا أبو بكر يستدعى سيدنا عمر بن الخطاب .. فيدخل عمر عليه ويقول له : يا ابن الخطاب أنا أستخلفك من بعدى خليفة على أمة محمد ﷺ  .. فقال عمر: والله لا حاجة لى فيها ولن آخذها أبدا يا أبا بكر .. ويصر أبو بكر ويقول: يا عمر لقد قلت لك أنت الخليفة .. فقال لن يكون ذلك أبداً وأخد عمر بعضه ولسه بيطلع من البيت .. فقام أبو بكر فى عز تعبه وأخذ سيفه وراح وراه وقال يا ابن الخطاب والله لئن لم تقبل قطعت رأسك ! فقال عمر أجلس يا أبا بكر .. اهدأ .. قبلت يا أبا بكر (سيدنا أبو بكر ده حاجه عظيمه رقيق جدا وقوي جدا في نفس الوقت.. فعلا إيمانه يوزن ايمان الأمه كلها ) ويكون أبو بكر فى عز التعب ورغم كده يطلع على المنبر .. وتتعمل الشورى الكبرى ويقول رضى الله عنه : أيها الناس إن بى ما ترون ( يعنى خلاص بموت ) وإنى أخشى عليكم من بعدى فأمروا عليكم ما أحببتم .. ويطلع سيدنا عثمان بن عفان ومعاه العهد اللى كتبه أبو بكر .. ويقول : إن الخليفة أبو بكر قد أختار لكم خليفة من بعده اسمه فى هذه الصحيفة ويسألكم أتقبلون رأيه أم لا ؟ .. فصاح الناس جميعاً وقالوا: نوافق على من أختاره خليفة رسول الله .. ويعرف الناس أن سيدنا عمر بن الخطاب هيتولى الخلافة وتتم البيعة والكل يوافق على خلافة سيدنا عمر .. ويبدأ سيدنا أبو بكر يوصى سيدنا عمر ويقول له: إن لله أعمالاً بالليل لا يقبلها بالنهار ولله أعمال بالنهار لا يقبلها بالليل .. ويقول سيدنا أبو بكر قبل ما يموت : ما زاد في مالي منذ دخلت في الإمارة فأبعثوا به إلى الخليفة بعدي .. فيروحوا يشوفوا فلوسه يلاقوا معاهوش ولا درهم !! .. وسيدنا أبو بكر قبل ما يموت كان أعطى للسيدة عائشة بستان عشان تعيش منه .. فجه قبل ما يموت .. قال يا عائشة: إنه ليس أحد من أهلي أحب إليَّ منك، وكنت قد أعطيتك بستان، وإن في نفسي منه شيئًا فرديه ( مش مرتاح وعايزها تتصدق بالبستان لبيت المال ).. فوافقت السيده عائشة وردت البستان.. وفى فجر يوم الاتنين أول ما يفتح أبو بكر عيونه ويقول: أيها الناس أى يوم هذا؟ فيقولون يوم الإثنين. فقال اللهم أقبضنى فى اليوم هذا .. ( أصل فى نفس اليوم كانت وفاة النبى ﷺ ) وبعدين سيدنا أبو بكر قال للسيدة عائشة: فيما كفن رسول الله ؟ فقالت فى ٣ أثواب بيض .. فقال: انظرى إلى هذه ففتحته وطلع سيدنا أبو بكر مجهز ٣ أثواب وقال: كفننونى فيه كما كفنتم رسول الله .. ويبدأ أبو بكر الصديق فى آخر لحظاته يقول : ربى اللهم توفنى مسلماً وألحقنى بالصالحين.. وتخرج روحه الشريفة ويموت سيدنا أبو بكر ويندفن فى حجرة السيدة عائشة جنب حبيبه ﷺ.. وتحزن المدينة حزن شديد جدا ويبكى سيدنا على بن أبى طالب ويقول:"رحمك الله يا أبا بكر، كنتَ إلف رسول الله ﷺ، وأنيسه ومستراحه وثقته وموضع سره ومشاورته، وكنتَ أول القوم إسلامًا، وأشدهم لله يقينًا، وأخوفهم له، فجزاك الله عن رسول الله ﷺ وعن الإسلام أفضل الجزاء" مات سيدنا أبو بكر الصديق  .. يقول النبي ﷺ :" إن الله بعثني إليكم فقلتم : كذبت وقال أبو بكر: صدقت".. ❤️ جمعنا الله بك ياصديق وبرسول الله ﷺ في الفردوس الأعلى ومتعنا بصحبتكم الكريمه  ياريت نتعلم من سيره صاحب رسول الله ﷺ وننصر الإسلام ونجاهد في الطاعات وننشر سيرته ونذكر اخوانا بالطاعه وبالثبات والإيمان ونبدأ نتغير للأفضل

السلام عليكم سلسلة(الخلفاء الراشدين) (١٢) خلافة @أبو_بكر_الصديق رضى الله عنه. وبدأ بعض الناس يخافوا من الهزيمة لو لاقوا أن خالد مش فى المعركة .. وبدأ بعض الناس يحبوا يحاربوا جنب خالد .. طبعا كده هتكون فى فتنة .. تخيلوا ده يحصل فى وقت خلافة سيدنا عمر .. اللى النبي ﷺ سماه الفاروق الذى يفرق بين الحق والباطل .. فبعد ما الناس بقت تعتقد أن النصر بأيد خالد بن الوليد .. فسيدنا عمر حس أن كده ما ينفعش .. فحب يثبت الناس ان سواء خالد بيحارب معاهم أو لأ فالجيش كده كده هينتصر بالله عز وجل وبالتالى قرر سيدنا عمر بن الخطاب أنه يعزل سيدنا خالد 🤍 وبعت سيدنا عمر بعد كده رسايل لباقى البلاد عشان يفهموا الموضوع وقال: إني لم أعزل خالداً عن غضب منه ولا خيانة، ولكن الناس فتنوا به فأحببت أن يعلموا أن النصر من الله. سيدنا خالد قرر يكتم خبر وفاه الخليفه الصديق تخيلوا لو الجيش وهو على حافة الأنتصار يعرف بوفاة سيدنا أبو بكر .. طبعاً كان هينتهى الجيش خلاص ويتوتر وتنخفض روحه المعنوية .. فسيدنا خالد كمل المعركة عادى جدا ودخل القرية ومات جوه ١٢٠ ألف من الروم وأستشهد من المسلمين ٣٠٠٠ جندى والرومان أنهزموا وأنتهت المعركة ويقف هرقل ويجمع الرومان ويقول لهم : أسالكم فأجيبونى .. أليس المسلمين بشرا مثلكم ؟قالوا : بلى .. فقال : ألستم أكثر منهم عددا ؟ قالوا: بلى نحن أضعافهم فى كل موضع .. فقال هرقل : فكيف انتصروا عليكم ؟  فقال أُسقف من الأساقفة " رجل حكيم " : أيها الأمير أنا سأخبرك بمَ أنتصر المسلمون علينا ، إنهم قوم يقيمون الليل ويقرأون القرآن ويأمرون بالمعروف وينهون عن المنكر ولايكذبون ولايظلمون ولا يتظالمون ويعدلون  .. أما نحن فنأتى الفواحش ونزنى ونشرب الخمر ويأكل القوى منا الضعيف ونتظالم بيننا ولا نتساوى فبذلك أنتصر المسلمون علينا فقال هرقل : أما أنت فقد صدقت  .. وقبل ما هرقل يمشى وقف مهزوم يبص على أطلال الشام وقال : وداعا سوريا .. أما الشام فلا شام ( خلاص الشام مبقتش للرومان ولا هتبقى ليهم بعد كده ) الحمدلله أنتصر المسلمون بفضل الله عزوجل وبدأ سيدنا خالد يجمع جيش المسلمين ويهنيهم بالنصر ويبدأ يعزيهم ويبلغهم خبر وفاة خليفة رسول الله ! مات أبو بكر الصديق فينهار الجيش ويبكى ويبدأ سيدنا خالد يبلغهم بالخبر التانى إن عمر بن الخطاب تولى الخلافة وعزله من قيادة الجيش وأبو عبيدة بقى القائد مكانه .. وينزل سيدنا خالد بكل تواضع ويقف كجندى وسط باقى الجنود ويحترم أمر خليفة المسلمين الجديد ويقول لسيدنا أبى عبيدة : أؤمرني يا أميرى بما شئت وأنا أسمع وأطيع وسأظل حاملاً هذا السيف في خدمة ربي" شايفين جمال الصحابة .. شايفين سيدنا خالد رغم أنه محقق أنتصار كبير .. لكن تقبل خبر عزله بثبات .. لأنه بيعمل لله .. وواثق فى خليفه المسلمين .. سيدنا خالد كان بيقول : الحمد لله الذي ولَّى عمر ، ثم ألزمني حبه نرجع للمدينة ونشوف تفاصيل وفاة سيدنا أبو بكر الصديق رضي الله عنه .. هيموت وهو عنده ٦٣ سنة .. تولى أبو بكر الخلافة سنتين بس وتوفى بعدها ولحق بحبيبه النبي ﷺ فاكرين أبو بكر لما قال: شرب النبى ﷺ حتى رضيت ( يعنى مدام النبى ﷺ شرب يبقى كأنى شربت بالظبط ) فاكرين لما كان النبي ﷺ بيصلى فى الكعبة وأتلمت عليه قريش وكانوا عايزين يضربوه وكان لوحده ﷺ ويجى بسرعة سيدنا أبو بكر ويوسع الناس من الطريق ويبكى وياخد النبي ﷺ فى حضنه وبأيده التانية يبعد الكفار عن النبي ﷺ ويقول لهم: أتقتلون رجلاً أن يقول ربى الله !! فاكرين سيدنا أبو بكر لما كان فى طريق الهجرة مع النبي ﷺ من مكة للمدينة .. لما كان بيحمى النبي ﷺ وقال : يا رسول الله إن قُتِلْتَ أنا فإنما أنا رجل واحد وإن قُتِلْتَ أنت هلكت الأمة. طيب إيه سبب الوفاة ؟ أتقال حاجات كتير غالباً أن هو أغتسل فى يوم شديد البرد ويمرض رضي الله عنه ويشتد عليه المرض ويحس أنه خلاص هيفارق الدنيا .. هيفكر سيدنا أبو بكر فى أن سيدنا عمر لازم يُستًخلف من بعده .. سيدنا أبو بكر همه على الإسلام وشايل هم النبى ﷺ حتى فى عز تعبه فيبدأ سيدنا أبو بكر ياخد بمبدأ المشورة.. هيستدعى فى الأول كبار الصحابة فى السر واحد واحد .. فهيعمل مشورتين شورى سرية وشورى علنية .. فيستدعى عبد الرحمن بن عوف .. فيدخل عليه ويقول له : يا ابن عوف ما قولك فى عمر ؟ .. فعبد الرحمن بن عوف يقول : يا خليفة رسول الله إن عمر بن الخطاب خير مما أظن. ويستدعى عثمان بن عفان .. يا عثمان ما قولك فى عمر فيقول له يا خليفة رسول الله ذاك رجل سره أفضل من علانيته .. ويستدعى ناس من كبراء المهاجرين والأنصار فى جلسة خاصة ويسألهم ما قولكم فى عمر؟ قالوا والله لا يستحق الخلافة من بعدك يا خليفة رسول الله إلا عمر بن الخطاب .. بس طلع واحد وقال يا خليفة رسول الله توليه علينا وهو غليظ وشديد ؟ ماذا ستقول لربك يوم القيامة ؟ فأبو بكر يقول له: والله لئن سألنى ربى لأقولن اللهم قد وليت عليهم خير أهلك (جميل سيدنا أبو بكر )

‏تابع قناة قصص الأنبياء بالعامية وسيرة الحبيب المصطفى (صلى الله عليه وسلم) 🤍🤍 في واتساب: https://whatsapp.com/channel/0029VbAtRDaE50UraxBJH73Y

التفسير 🤍🦋 🤍{ رَبُّ الْمَشْرِقَيْنِ وَرَبُّ الْمَغْرِبَيْنِ } هو سبحانه وتعالى ربُّ مشرقَي الشمس في الشتاء والصيف، ورب مغربَيها فيهما، فالجميع تحت تدبيره وربوبيته. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما- أيها الثقلان- تكذِّبان؟ 🤍{ مَرَجَ الْبَحْرَيْنِ يَلْتَقِيَانِ } 🤍{ بَيْنَهُمَا بَرْزَخٌ لَّا يَبْغِيَانِ } خلط الله ماء البحرين - العذب والملح- يلتقيان. بينهما حاجز، فلا يطغى أحدهما على الآخر، ويذهب بخصائصه، بل يبقى العذب عذبًا، والملح ملحًا مع تلاقيهما. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما- أيها الثقلان- تكذِّبان؟ 🤍{ يَخْرُجُ مِنْهُمَا اللُّؤْلُؤُ وَالْمَرْجَانُ } يخرج من البحرين بقدرة الله اللؤلؤ والمَرْجان. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما- أيها الثقلان- تكذِّبان؟ 🤍{ وَلَهُ الْجَوَارِ الْمُنشَـَٔاتُ فِى الْبَحْرِ كَالْأَعْلٰمِ } وله سبحانه وتعالى السفن الضخمة التي تجري في البحر بمنافع الناس، رافعة قلاعها وأشرعتها كالجبال. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما- أيها الثقلان- تكذِّبان؟ 🤍{ كُلُّ مَنْ عَلَيْهَا فَانٍ } كل مَن على وجه الأرض مِن الخلق هالك، ويبقى وجه ربك ذو العظمة والكبرياء والفضل والجود. وفي الآية إثبات صفة الوجه لله تعالى بما يليق به سبحانه، دون تشبيه ولا تكييف. 🤍{ وَيَبْقٰى وَجْهُ رَبِّكَ ذُو الْجَلٰلِ وَالْإِكْرَامِ } كل مَن على وجه الأرض مِن الخلق هالك، ويبقى وجه ربك ذو العظمة والكبرياء والفضل والجود. وفي الآية إثبات صفة الوجه لله تعالى بما يليق به سبحانه، دون تشبيه ولا تكييف. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما -أيها الثقلان- تكذِّبان؟ 🤍{ يَسْـَٔلُهُۥ مَن فِى السَّمٰوٰتِ وَالْأَرْضِ ۚ كُلَّ يَوْمٍ هُوَ فِى شَأْنٍ } يسأله مَن في السموات والأرض حاجاتهم، فلا غنى لأحد منهم عنه سبحانه. كل يوم هو في شأن: يُعِزُّ ويُذِلُّ، ويعطي ويَمْنع. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما -أيها الثقلان- تكذِّبان؟

في الجنة : لن نرى بُؤس فقير ، و لا غرور غني ، ولن نلمح فتى مُشرد ! جميعُنا سُعداء أغنياء ، اللهم اجعلنا من أهلها ولا تحرمنا لذة رؤيتك ..

التفسير 🤍 🤍{ الرَّحْمٰنُ } 🤍{ عَلَّمَ الْقُرْءَانَ } الرحمن علَّم الإنسان القرآن؛ بتيسير تلاوته وحفظه وفهم معانيه. 🤍{ خَلَقَ الْإِنسٰنَ } 🤍{ عَلَّمَهُ الْبَيَانَ } خلق الإنسان، علَّمه البيان عمَّا في نفسه تمييزًا له عن غيره. 🤍{ الشَّمْسُ وَالْقَمَرُ بِحُسْبَانٍ } الشمس والقمر يجريان متعاقبَين بحساب متقن، لا يختلف ولا يضطرب. 🤍{ وَالنَّجْمُ وَالشَّجَرُ يَسْجُدَانِ } والنجم الذي في السماء وأشجار الأرض، تعرف ربها وتسجد له، وتنقاد لما سخرَّها له مِن مصالح عباده ومنافعهم. 🤍{ وَالسَّمَآءَ رَفَعَهَا وَوَضَعَ الْمِيزَانَ } والسماء رفعها فوق الأرض، ووضع في الأرض العدل الذي أمر به وشرعه لعباده. 🤍{ أَلَّا تَطْغَوْا فِى الْمِيزَانِ } 🤍{ وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ } لئلا تعتدوا وتخونوا مَن وَزَنتم له، وأقيموا الوزن بالعدل، ولا تُنْقِصوا الميزان إذا وَزَنتم للناس. 🤍{ وَالْأَرْضَ وَضَعَهَا لِلْأَنَامِ } 🤍{ فِيهَا فٰكِهَةٌ وَالنَّخْلُ ذَاتُ الْأَكْمَامِ } 🤍{ وَالْحَبُّ ذُو الْعَصْفِ وَالرَّيْحَانُ } والأرض وضعها ومهَّدها؛ ليستقر عليها الخلق. فيها فاكهة النخل ذات الأوعية التي يكون منها الثمر، وفيها الحب ذو القشر؛ رزقًا لكم ولأنعامكم، وفيها كل نبت طيب الرائحة. 🤍{ فَبِأَىِّ ءَالَآءِ رَبِّكُمَا تُكَذِّبَانِ } """"فبأي نِعَم ربكما الدينية والدنيوية- يا معشر الجن والإنس- تكذِّبان؟ وما أحسن جواب الجن حين تلا عليهم النبي صلى الله عليه وسلم هذه السورة، فكلما مر بهذه الآية، قالوا: """"""""ولا بشيء من آلائك ربَّنا نكذب، فلك الحمد""""""""، وهكذا ينبغي للعبد إذا تليت عليه نعم الله وآلاؤه، أن يُقرَّ بها، ويشكر الله ويحمده عليها."""" 🤍{ خَلَقَ الْإِنسٰنَ مِن صَلْصٰلٍ كَالْفَخَّارِ } 🤍{ وَخَلَقَ الْجَآنَّ مِن مَّارِجٍ مِّن نَّارٍ } خلق أبا الإنسان، وهو آدم من طين يابس كالفَخَّار، وخلق إبليس، وهو من الجن من لهب النار المختلط بعضه ببعض. 🤍{ فَبِأَىِّ ءَالَآءِ رَبِّكُمَا تُكَذِّبَانِ } فبأي نِعَم ربكما- يا معشر الإنس والجن- تكذِّبان؟ #جروبات_حورية_الجنة 🌹🌸

عن أبي هريرة رضي الله عنه، قال رسول الله ﷺ: (من نفس عن مسلم كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلم ستره الله في الدنيا والآخرة، والله في عون العبد ما كان العبد في عون أخيه)

السلام عليكم ورحمة الله وبركاته💗. عساكم بخير ي صُحبة💗. عرفت معلومه سريعة كدا استوقفتني ف الوِرد بتاعي .. طبعاً إحنا عارفين إن سورة التوبة مش بتبدأ بالبسملة صح؟! .. طيب انا دلوقتي خلصت سوره الأنفال ووقفت عند آخر آية اللي هي إن الله بكل شئ عليم ، هدخل علي سورة التوبة إزاي؟! .. عرفت بقا إن فيه تلات أوجه جائزة لوصل الأنفال بالتوبة وأولهم هو الوقف يعني خلصت اخر آية من الأنفال ف هقف واخد نفس وبعدين ابدأ بأول آية من سورة التوبة .. وطبعاً مفيش بسملة خالص بقا وتاني حاجة وهي السكت ..وده الفرق بينه وبين الوقف إن هقرأ اخر آية من سورة الأنفال وبعدين هقرأ أول آية من سورة التوبة بس من غير م أخد نفس ، فاهمين؟! .. تالت حاجه بقا هي الوصل ، إني هقرأ اخر آية من سورة الأنفال وبعدين هقرأ أول آية من سورة التوبة ورا بعض عادي كأنهم آيتين جنب بعض💗. وبتمني أكون قدرت أفيدكم .. في رعاية الله 💗.

كم تغمرني الفرحة حين أقرأ قوله تعالى: ﴿ فَاذْكُرُونِي أَذْكُرْكُمْ ﴾ وأتسائل من أنا ليذكرني الله ما أعظمك يا رب ، وما أرحمك لا يشغلنكم عن ذكر الله شاغل فهو الباقِ وكل ما سواه زائل

عن أبي هريرة رضي الله عنه، قال رسول الله ﷺ: (من نفس عن مسلم كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلم ستره الله في الدنيا والآخرة، والله في عون العبد ما كان العبد في عون أخيه)