NUXUR SIDA️

۞ قُلْ يَـٰعِبَادِىَ ٱلَّذِينَ أَسْرَفُوا۟ عَلَىٰٓ أَنفُسِهِمْ لَا تَقْنَطُوا۟ مِن رَّحْمَةِ ٱللَّهِ ۚ إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ﴿٥٣﴾

“ Waxaad dhahdaa, Nabiyow, Eebbe wuxuu yidhi, “Adoomadayda ku xad gudbay Naftooda. Ha ka quusanina naxariista Eebe, illeen Eebe waa ka dhaafa dambiyada dhammaanteed, waana dambi dhaafe Naxariista ” Aayda rajada u ah DanbiiLayaasha Tani waa dhibrinta dadka xad-gudbay ka warran hadaba dadka xil-kasey ee qabtey hawsha la faray Kalmada ah "ياعبادي" Waxay rajo usoo celineysaa dadka danbiyada galey sababto ah naxriista rabi kama ceydhin Ee wuu isku nisbeeyay Rajada ugu fiican ee ku jirtana waa kalmada ah "haquusanina" Danbi kasta oo aad gashey tawbadu wa ka furan tahay inta aysan waqtiga logu Tala-galey dhincin ee tawbad keen hada ayad waqti haysata inta aad dhalin yaro tahay. WQ:: Ustaad Machett

Maalin ayaan farmashiiyaha ku idhi iga iibi hooyaday faraheedii,! Wuxu igu yidhi isagoo yaabsan waa maxay faraha hooyadaa? Waxan ku idhi waa dawada hurdo la,aanta oo waagii aan yaraa kolka aan seexan waayo madaxayga ayey gacanteeda saari jirtay kadibna si dhib yar ayaa useexan jiray!. ~Adam sharqawi.

“Waxaan aad ula yaabay in Rasuulku (scw) uusan ku shahiiday dagaal, lagumana gowracin sidii Yaxye ama miinshaar sida Sakariyas oo kale, una cuskaday ushiisii ​​oo kale. Nabi Suleymaan, mana dharbaaxin Malaa'igta geerida sida Muuse, mana soo sara kicin sidii Ciise, mana uusan ku dhiman samada sida Idiris.

Laakin ka dib halgankii ugu adkaa taariikhda... Waxa uu ku dhimanayaa laabta gacalisadiisa !”🥹🫀

WQ: Najiib IbraHim

Waan ku Salaamay Saaxiib. Waxa aad i leedahay cimrigu wuu soconayaa waxqabadyo sheeggan oo la tilmaamana ma aanan samaynin . Aniguna waxaan ku leeyahay oo yaa kugu yidhi waxqabadyadu waa inay noqdaan kuwo amakaag leh oo waawayn, isla markaana sheeggan ! Waxqabadyadu saaxiib ma aha kaliya kuwayawga dhiganayaasha sooyaalka lagu xuso dadkuna ay ka–warrankooda isla dhax maraan ! Yaa yidhi waa in aynnu dhammaanteen noqonaa ikhtiraacyahanno, fiqiyahanno, suugaanyahanno, hoggaamiyayaal, hantiilayaal ama dad caan ah, si aynnu u noqonno dad waxqabad sameeya. Waar in uu qofku noqdo aadame... insaan lafteeda ayaa ah waxqabad weyn oo aan dhayal ahayn ! Waxa aynnu nahay halyeeyo saaxiib, xataa haddii aynaan ciidamo hoggaamin oo aynaan guulo goob dagaal ka soo hoynin, ama aynaan ikhtiraacin dawooyin ama aynaan daah feydin qaanuun Fiisigis ah, ama aynaan helin iskudhis cusub oo Kimistari ah, ama aynaan dejin xeer Xisaabeed, ama bayd hor leh oo gabaygu uu leeyahay, amaba aynaan abaalmarinta Noble ku guuleysanin ! Halyeeyo ayaynnu nahay marka aynnu ugala halgamaynno nafaheenna sida maalinlaha ah in aanay Ilaahay caasiyin! Sidoo kale halyeeyo ayaynnu nahay marka aynu caasino ee haddana aynnu dib ugu soo noqonno Ilaahay innaga oo taag daran oo toobad–raadis ah! Halyeeyo ayaynnu nahay marka aynnu dadka niyadda u dhisaynno, iyo marka aynnu erayadeenna sida ka–fiirsiga leh u xulanaynno, si aynaan dadka kale dareemayaashooda u durin oo aanay odhaahaheenna ugu merganin! Halyeeyo ayaynnu nahay marka aynnu soo marno miskiin wareegaaleysi wax ku gadaya, ee aynnu wax ka iibsanno, sicirka uu ku gadayana aynnu uga yara badinno, ee haddana aynnu sadaqo Ilaahay dartii ah oo dahsoon u niyaysanno ! Halyeeyo ayaynnu nahay marka aynnu bisha dabayaaqadeeda gaadhno, ee waxa aynnu faraha ku haynaa ay yaraadaan, haddana aynnu baahideenna dadka ka asturanno! Halyeeyo ayaynnu nahay marka aynnu ubadkeenna ku tarbiyadaynaynno in ay Ilaahay ka cabsadaan, ee aynnu ugu ilaalinno in ay xifdiyaan jus Cammo, sida aynnu ugu ilaalinno in ay xifdiyaan jadwalka isku–dhufashada ! Halyeeyo ayaynnu nahay saaxiib marka aynnu hooyooyinkeen iyo aabbayaasheen u samo falaynno, marka aynnu deriskeenna samo kula dhaqmaynno lammaanayaasheenna aynnu caawinaynno, qaraabadana aynnu xidhiidhinaynno! Halyeeyo ayaynnu nahay marka aynnu waxbarashada dedaalkaas oo dhan ku bixinaynno, iyo marka aynnu quudka ubadkeenna dhidid iyo tacab ugu keenaynno! Bogga waxqabadyadaada ku darso saaxiib in aad salaaddii subax u kacday! Oo ku darso wax kasta oo kaa soo gaadhayba in aadan dadka aad jeceshahay garabkooda ka bixin, illeen qofka qalbigiisa ku siiyay wuu isku kaa halleeyay oo uu isku kaa aaminay, Ilaahayna wuu jecel yahay in ammaanada cidda leh loo gudo’e! Bogga waxqabadyadaada ku xardho marka aad ku faraxday waxqabad uu qof kale ka dhabeeyay, waxa ay ku tusinaysaa in aad leedahay qalbi wanaagsan’e! Oo ku qoro in qof kasta oo nimco haysta oo aad aragtay aad ugu ducaysay in uu Ilaahay u barakeeyo, waxa ay ku tusaysaa in tarbiyaddaadu ay hagaagsan tahay oo aad edboon tahay, wixii uu weynuhu kuu qoondeeyayna aad ku qanacsan tahay’e! Ku darso bogagga waxqabadyadaada, qof kasta oo murugaysan oo aad illinta ka tirtay, eray kasta oo wanaagsan oo aad qof niyad jabsan mooraalka ugu dhistay iyo gacan–qabad kasta oo aad qof ay waayuhu ciileen u fidisay! Ku diwaan gasho bogagga waxqabadkaaga, hinaase kasta oo aad la gubtahanyootay oo aad qarsatay, si aydinaan isu seegin ciddaas kula jirta idinka oo safarka nololeed dhexda kaga jira! Waxa aan kaaga digayaa in aad imtixaanka ku qabsada u aragto in uu kugu dabo dheeraaday oo aad u xanaaqdo, ama aad furdaaminta Rabbigaa raagsato oo aad quusato, aadna noqoto sida kuwa Ilaahay u caabuda habka labalabaynta iyo tuhunka leh, ee haddii ay kala kulmaan waxa ay jecel yihiin oo raalli gelinayana kaga raalli noqda, haddii ay kala kulmaan wax ay karhaan oo dhibana ka cadhooda! Saaxiib wax waliba waxa ay ku socdaan qadderka Rabbi, si xilliyaysan oo xaddidan oo aynaan innagu waxba ka garanaynna way u socdaan.

Haddii ay wiilashii agoonta ahaa la soo bixi lahaayeen kaydkii aabbohood uu uga dhintay ka hor inta aanay qaan gaadhin, hantidaasi way ka dayacmi lahayd oo kuma aanay intifaaceen! Wax kasta oo inaga soo habsaama waxa uu leeyahay samo aynaan innagu dhaadaynin! Adduunkani waa degaan imtixaan saaxiib, Ilaahayna qalbigaaga ayuu daalacanayaa, oo haddii ay ku haleelaan wax aad neceb tahay, ama wixii aad jeclayd ay kaa dibdhacaan, qalbigaagu marleyba raalli ahaansho iyo qaneeco ha lahaado, ma jiraan wax uu Ilaahay ka neceb yahay in uu arko addoonkiisa oo qadderkiisa ka cadhaysan’e ! Mararka qaar ayay riyooyinka la naawilaa soo daahaan saaxiib, maadaama aanad wali u bislaanin in aad ilaashato nimcadaas. Way kaa soo daahaan maadaama diyaargarowga hagaagsan ee qalbigaagu aanu wali dhammays tirmin. Way soo daahaan maadaama aad wali denbi ku dhex jirto. Ilaahayna waxa uu kaa doonayaa in aad isaga arrimahaas oo dhan marka hore u hurto si uu isaguna riyadaada aad naawilayso kuugu deeqo! Way soo daahaan maadaama aanad sababihii keensanayay si buuxda uga soo bixin.Laga yaabaa in aanay waligoodba imanin, maadaama maqnaanshiiyahoodaas uu khayrku ku jiro ee malaha aad Ilaahay ka leedahay wanaaji. Nabaadiino saaxiib

Askarta Guantanamo qaarkood intay noo imaaddaan ayay si ixtiraam leh noo salaami jireen , iyagoo odhanaya “Welcome Great Lions”. Mid kamid ah ayaa maalin i weydiiyay “Sidee Maraykan ugu dhiirateen ? Maraykan oo aduunyaddu u rukuucday sidee idin-ku ugu dhiirateen inaad iska celisaan ?!” Anigoo aan u jawaabin ayuu intuu isoo eegay igu idhi : “Geesiyadda iyo geed adaygyadda waan ixtiraamayaa cadawgayga haba ahaadaan'e , fulay-ga iyo gocor-kana waan xaqirayaa saxiibadday haba ahaadaan'e . Waan idin ixtiraamaa se waan idin necebahay ” — Dr Faa'is al Kandari , kadeed kii Guantanamo , safaxadda - 186 , 187.

“ Saaxiib haddii uu qof ka kaaftoomi lahaa in farxadiisa la la wadaago waxaa ka kaftoomi lahaa ka jannada dhexdeeda loogu bushaareeyay ee kitaabkiisa midigta laga siiyay laakiin kama aanu kaaftoomin ee markaba waxa uu ucararay dhanka dadkii uujeclaa isaga oo kuleh

” هَآؤُمُ آقٓرَءُوآ كَتَـٰبِيَهٓ “

“ Marka ehlu jannaha kitaabkiisa midigta laga siiyo ayuu ku odhanayaa dadkii uu jeclaaa kaalaya akhriya kitaabkayga ” Casarnimo wanaagsan saaxiibayaal WQ:Abdulahi mohamud